أسَيـرة الضابط رأڪان

part 28"

ألكاتبه أسيـل✓

البـارت الــ28ــ

أسيـره الضابط رأڪان
ـــــــــــــــــــــــــــــــــــــــــــــــــــــــــــــــ

رأكان: ولكم من مزعل رقرق كلبي

_رفعت راسي وعيوني كلها دموع باوعت بوجه وسحبت لمخدا شمـرها بوجه ونزلت مـن جربايه..

رقيه: ليش اجيت بعد وكت لو باقي بعد شكم يوم مو احسن..بصياح

أساور: هاي شبيج أنتي

رقيه: هه شبيه لا ما بيه شي شوفي شلون فرحانه وضحك

_اجيت يم رأكان وخذت مبايله من جيبه فتحته ودخلت علا سجل لمكالمات..

رقيه: اكثر من 80 مكالمه مشفت لمكالمات يعني

رأكان: أ...مقاطعه

رقيه: لا تحجي شي ماريد اسمع شي منك اطلع برا اني لغبيه لي جنت فكـره صارلك شي وكلبي محروك عليك وهسا انتا داخل مبتسم ولا كنو صاير شي

أساور: يعمري كافي غير جان عنده شغل

رقيه: يا شغل هذاا يااا شغل اريد فهم شنوو هذااا شغل ليي يخليه ماا يشيل مبايله ويرد ويطمنااا عنه بس لا هواا اخوج أناني

رأكان: كافي الخاطر ربج غير تسمعين مني بل اول قبل لا تحجين

رقيه: ماريد اسمع شي اطلع برا..بصوت خافت

رأكان: خلص راح اطلع

_طلع برا وسد لباب كعدتت بلكاع نهاريت من لبجي..

أساور: ليش سويت هيج ليش جان لازم تسمعيـن منه قبـل شـويه اجـا مـن دوامه تعبان وتعب بين من عيونه حتا أمي ما اجا سلـم عليه عاف لكـل واجا يشوفج وانتي هيج سويتي بيه

رقيه: شسمع أساور شنو لي اسمعه منه بكل مره يكسر كلبي تعرفين بهاي 8 أيام ما شفت نوم بعيوني كل بالي وتفكيري يمه شنو صاير ويا شنو ديسوي او شنو وضعه

أساور: بكيفج بعد اني طالعه وانتي حره بلي سوينه

_طلعت برا وغفيت بلكاع من قهري ورا شويه فزيت علا رأكان يلعب بشعري غلست سويت نفسي نايمه باس شفتي ودرت علا جهه ثانيه

رقيه: بنات لبصره حلوات مو حرمات ليش اجيت ايدك فارغه ليش ما تزوجت وحده

رأكان: شوف وين تفكر يحضي

رقيه: رأكان اسكت حباب اسكت ماريد اسمع صوتك

_عفت لمخدا فوك راسي وابجي بكتم..

رأكان: كافي ليش هذا لبجي مو هاي اني كدامج علا شنو تبجين يرويحتي

رقيه: ليش سويت هيج أنتا تعرف انو ما عندي غيرك ليش ما رديت علا تصالاتي