ليّت اللِذي خَلق العُيون السُود ... خَلق القُلوب الخَافقات حَديد

البارت السادس عشر

غزيل طارت وسحبت شعر ضحى وقالت : شفتتس تغمزين جعلتس العمى اللي يطس يعيونتس !!
ضحى انفجرت تضحك وقامت وبان فرق الطول وضحى اطول البنات وقالت : اهجدددي يالنتفه !!
الجود لفت لهم وضحكت وقالت : اف وضوح فتحتي مواجعي
ضحى ضحكت وقالت : لا يكون عقيب اسود الوجه يتنمر عليتس ؟
الجود ابتسمت وقالت : يحق له وم يحق لغيره
الميلا صرخت وقالت : عشششششنا !
البندري ضحكت بقوة وقالت : الله يقلعكم امشوا امشوا
قاموا البنات يحضرون ويتساعدون وبعدها التموا حول والغداء كلهم مثل م الرجال سووا بالجهة الثانية..
" فالمستشفى "
رفع عقاب ذراعه من على عيونه وكان السيب مظلم وبرد مره قام وشاف اسر وتوسعت عيونه اول م شاف يده تتحرك طار وضغط الزر ودق الانذار هو كان يشوف اسر مغمض عيونه لكن يده تتحرك حس ان روحه انردت فز بكل فرحته وشوي ودخلوا الطاقم الطبي وعلى رأسهم غدير وهي تقول : حضرة العقيد وشفييه ؟
عقاب وهو صاد منها ويطالع بأخوه وعضيده قال : اسر يتحرك
غدير بصدمة : اايشش !! مستحييييل
دخلت وفتحت الباب وقالت بصوت عالي : الحقوني لييش واقفييين !
دخلوا مساعدينها ومشت لآسر ومسكت يده وشّد اسر ع يدها فزت بفرحة وقالت : ياااارب لك الحمد والمنة ياااربي كيف لطفت فيييه
رنا بفرحة : صحى !؟
غدير : لا بس يحس فيني
ابتسمت رنا وقالت : خليني اكلمه
غدير سحبت يدها وقربت رنا ومسكت يده وقالت بصوتها الطاغي : اسر اذا تسمعني شّد ع يدي
اسر بطبيعة الحال شّد ع يدها ابتسمت وقالت : الحمدلله ع سلامتك يحبيبي انت وخطااك الشر
لفت غدير ومشت لعقاب وقالت : يهينك سلامته حضرة العقيد
عقاب : الله يسلمتس اقدر اشوفه ؟
غدير هزت راسها بنعم وقالت : لا تطول
عقاب دخل علطول وفزوا المساعدين وطلعوا وبقت رنا شّاده ع يده وهي طايرة من الفرحة وقالت بنفسها ( بنت خالتي موتي شوفيني ماسكة يده وانتي بعيدة كل البعد عنه ) وفزت اول م قال عقاب بحدة : وش باقي تسويين ؟!
رنا علطول صارت تسحب الاسلاك وتضبط المغذي وقالت : اشوف مؤشراته الحيوية
عقاب : اطلعي
رنا لفت وطلعت وسكرت الباب وراها ومشى عقاب وقال : اسيييرر
اسر ابتسم بخفه وقال بصوت مبحوح ومتغير جدًا : يجعلها ترحب ملايين يالعضيد
عقاب بفرحة نزلت دموعه وقال : حييي صوووتك يحبيببب عقاااب
تقدم وباس راسه بكل قوته وقال : خطاااااك الشر جعلني فداك
اسر فتح عيونه بخفه وقال : عقاب ابي موية
عقاب : لبيه ابشر
اسر لف بعيونه للغرفة وفز من الالم اللي اجتاحه اول م طاحت عينه ع صدره وقال : عققااب صدرري يوجعنني !
عقاب فز يركض وطلع وشاف رنا واقفة وقال : يبي موية وصدره يوجعه
رنا فزت ودخلت علطول ووصلت له وقالت : اسر مقدر اعطيك موية ابدًا عشان العملية وصعب عليك تتعب نفسك بعملية البلع وصدرك مخيّط واذا لاحظت كيف صوتك تغيير
اسر ابتسم ع جنب وقال : عشاني عطشان ولا ذا صوتي اذا صحيت من النوم
ضحكت رنا وقالت : ابشر بجيب لك موية لكن مو الحين لازم شوي وبالنسبة للألم بجيب لك مخدر
اسر كان ميت بعيونها اللي شابهت بلمحة بسيطة من عيون هو عشقها لكن م يدري من هي عيونه ابتسم وقال : الله يجزاتس خير
عقاب دخل وقال : تبي اعلم الميلا واهلي ؟
اسر قطب وقال : الميلا ؟ وشدخلها
عقاب توسعت عيونه بصدمة وقال : زوجتك وش اللي وشدخلها !
اسر : زوجتي ؟ عقاب بتعقل ولا وش ؟
رنا شهقت وقالت : مضاعفة العملية هي فقدان للذاكرة !!!!!
عقاب بصدمة : اييشش !!!
رنا ركضت علطول ورفعت صوتها وهي تقول : دكتووورة غدييير
غدير مشت وهي تلبس البالطو وقالت : وش ؟
رنا بصدمة وبفرحة : نساها نساها !!
غدير : اتقي الله !!!
رنا : وش ؟
غدير ابعدت رنا ومشت وقالت : وش يارب م فقد الذاكرة
عقاب : مستحييل كيف يعرفني ؟!
غدير تقدمت وقالت : اسر وش اخر شيء تتذكره
اسر بآلم : والله اني مدري لكن عطوني مخدر الآلم موتني هنا
غدير سحبت يدها داخل جيبها وطلعت المخدر والعلاج والمضاد حقه وكانت ثلاث قنينات مختلفة وسحبت منها ثلاث ابر وغرزتها بالمغذي وقالت : خلاص بترتاح بعد شوي وكل م حسيت بألم قول لي
اسر هز راسه بنعم وصد وقال : عقاب لا تخليني
عقاب مسك يده وقال : والله م اخليك
غمض اسر عيونه ودخل غيبوبة وكانت هذي المضاعفة الثانية للعملية وعلطول وضحت بجهاز المؤشرات الحيوية وفزت غدير وقالت بخوف : لااا لااا اسسسر اجلسس مععيي
عقاب فز برعب وقال : علااامتس !!!
غدير ركضت لراس اسر وكان مغمض عيونه وطريح فراش فزت برعب وقالت : دخل غيبوبة !
عقاب بحدة : هااااه !!!
غدير : حسييت بتصير مستحيل يصحى بعد العملية بواحد وعشرين ساعة !
عقاب برعب : وش بيصير له
غدير : ان شاءالله م تطول وتصير للأبد واذا صحى بقولك ويمكن يسترجع ذاكرته
طلعت وعقاب مصدوم وراها جلس وقالت : حضرة العقيد اطلع لو سمحت
عقاب قام ومشى وطلع وسكرت غدير الباب وطلعت وقابلت رنا وقالت : دخل غيبوبة
رنا شهقت وقالت : تستهبلين !!!
غدير بحدة : رنا خيير ؟
رنا : وشفيتس قلبتي تراني صديقتتس
غدير : طيب ادري لكن وشفيك تبينه ينسى !
رنا : اسفه بس فرحت عشان ابدأ معه وبعدين لا تلوميني هذا انتي عقاب جايب راستس وهو متزوج !
غدير شهقت بصدمة وقالت : متززوووج !!!!
رنا : اييه ببنت خالتي بعد
غدير بصدمة : وانتي ساكتة ولا قلتي لي !
رنا : وشدخلني ؟
غدير : لا كذا كثييير !
مشت وسحبت ع رنا وراها ومشت رنا تشوف اخوها من بعيد وكان هزاع جالس وكتفه مكسور ويسولف مع زابن صدت عنهم ودخلت الحمام وسكرت الباب عليها ..
" فالبيت "
الميلا جلست فالحوش وقالت : جودي اطلعي
الجود مشت وطلعت من غرفتها هي وعقاب وقالت : لبيه
الميلا : تعالي اجلسي معي
قربت الجود وجلست وقالت : عيوني
الميلا بحزن : عقاب له يوم كامل مختفي ومحد يدق ولا يسأل وربي اني خايفة
الجود حضنت اختها وقالت : يروحي شدعوة انا اعرف عقيب مستحيل يدق ولا يسأل شوفيه كمل يوم وهو م يدري عن هوا داري هذا وانا زوجته ولي حقٍ عليه
الميلا ابتسمت وقالت : عاد خذيتي واحد بارد وجدار صدق
الجود : والله انه رومانسي خلي منتس ويتغزل ويقول اشعار لكن هي على الدقة اذا فصل يبدأ ويصير يجنن ولا انا عارفه انه جدار
قاطع حديثهم ولفوا علطول اول م سمعوا صوت تركي وهو يقول : بنات احد عندكم ؟
الميلا : لا تروك تعال
تركي مشى وقرب وجلس وقال : بنياتي تعالوا لحضني
وفتح يدينه لهم وفزوا الميلا والجود له وحضنهم بكل قوته وقال : عقاب ومختفي واسر وفالعناية تحتاجون حنان بما ان ازواجكم ماهم موجودين
الجود ضحكت وقالت : خيير ؟
الميلا ابتسمت وقالت : واعرست وانت باقي احسسن
تركي ضحك وقال : والله المشكى ع الله عندكم وحدة جايبة اخرتي لكن نحاول نثقل وننكر الشعور
الميلا بعدت والجود وراها وقالوا بصوت واحد : ضحى !!!
تركي ابتسم وقال : يعني ع اساس بعلمكم منهي ؟
الميلا بحماس : تكلم !!
الجود بكل فضول وهي اكثر وحدة فضولية قالت : تكفى فضوووليي بيقتلننييي
تركي قام وركض وقال : اخت فليييح
فلاح فز وقال : يلعنه يرجال !!!
انفجر تركي ضحك وركض وانصفق من فلاح وطاح فيه ضرب وتركي ميت ضحك وقال : والله اني احبها يفليح
فلاح بحدة : اااااه منهي الله يجعله يحبك برص !!!
تركي بكل حب : تاليني
فلاح صرخ وضربه ببطنه وكح تركي وطاح يضحك وفلاح يبتسم بقهر وجلس وصقر يضحك ويقول : اقديت فيه
فلاح : ورا م تقوم تفزع تراها شقيقتك !
ضحك صقر وقام تركي وركض وحضن فلاح وقال : فليييح ي سنييني لا تزعل !
فلاح : انه قهري يومك كبري ونفس عمري
انفجروا العيال كلهم يضحكون وناصر يتأملهم وماهو معهم ابدًا وهو كل شوي تطري غزيل بباله ..
-
بعد شهرين تقريبًا بدون اي تغيير كبير اسر طايح وللحين م صحى وعقاب م رجع للبيت ابدًا ونسى من الجود صح انها تطري عليه كثير لكن عجز يروح ويترك عضيده وراه هو وجع عقاب الشرس اللي م يليّن ابدًا وهذا شيء ماهو بصالحها ابدًا ، وبيت ابو فهد بدؤا ينسون من قلق اسر والخوف عليه وم يذكرونه الا بسجاداتهم رافعين يدينهم داعيين له بالشفاء العاجل ، وبطلتنا م زالت تحاول في امها تقتنع ان اسر بيصحى وبيتعافى لكن ام تركي كانت تبي تفسخ الخطوبة وتكنسل كل شيء وهي عافت زواج الميلا من الاسر ..
" فالمستشفى "
عقاب وصله اتصال ورد علطول وقال : هلا ؟
ضيدان ابتسم وقال : طويييل العمر وشحالك ؟
عقاب فز وقال بأبتسامة عريضة : يسلم علييك
ضيدان : الله يسلمك يارب وينك مختفي ؟
عقاب بحدة : انا المختفي ! رجعت من روسيا ؟
ضيدان هز راسه بنعم مدعّي ان عقاب يشوفه وقال : ايه ابشرك
عقاب : نورت الديار
ضيدان ابتسم وقال : بوجودك وبعد شوفك ان شاءالله
عقاب : انا فالمستشفى العسكري
ضيدان فز وقال : عسى م شر !!
عقاب : م به الا كل خير عضيدي طايح له شهرين فالعناية وم صحى ابد
ضيدان بصدمة : اسر !؟ لا اله الا الله وش علمه ؟
عقاب : تعال ولنا حكي
ضيدان : سم طال عمرك
سكر عقاب وجلس بقلق وهو يشوف اسر على نفس وضعيته من شهرين من اخر مره صحى من اخر كلمة قالها وهي " عقاب لا تخليني " وفعلاً م مشى عقاب ابدًا وجلس شهرين كاملة م ذاق طعم النوم فيها وجسمه هلك وعلى هيبته وعرض جسده الا انه صار هزيل ..
" فالمركز "
بعد ترحيب بضيدان ذراع عقاب اليمين وسنده فالعسكرية من بداية تدريبهم لمناصبهم حاليًا ، مشى ضيدان ودخل مكتبه اللي مسكر من ست اشهر فترة مهمته فروسيا ابتسم اول م دخل سهم وقال : ارررحب
سهم ابتسم وقال : البقى ي مرحب
ومشى وسلم ع ضيدان السلام الواجد ومن سؤال عن الاحوال والاوضاع جلسوا وقال ضيدان : اسر وشفيه ؟
سهم قطب وهو م يدري عن اي شيء : وش ؟
ضيدان : استحالة انك م تدري
سهم برعب : لا تخوفني انطق فيه شيء كلمت حضرة العقيد عقاب وم رد وكلمت ابوه وقال لي انه تعبان فالبيت
ضيدان بسخرية : يخوي اسر له شهرين طايح فالعناية
سهم فز وقال : سألتك بالله !!!
ضيدان قام وقال : مشينا وجبت الزيارة
سهم طلع مع ضيدان وايده ع قلبه وتوتر ضيدان منه لف بعيونه الحادة المرعبة للسيب وصرخ فالشخص اللي بآخر السيب وقال : العقيد مقداااام !
مقدام لف بكل قوته وقال : ارررحب
تقدم ضيدان ودق له تحية وردها مقدام وسلموا ع بعض وقاله اللي صاير ووين بيروحون واستنفر مقدام معهم وطلعوا ثلاثيتهم للمستشفى العسكري ..
" في بيت ابو فلاح "
طلعت تالين تمشي وامها وراها وقالت برعب : شوفيها هناك
تالين انفجرت تضحك وقالت : يمه تخافين من صرصور ؟
ام تالين : بنت ! خلصي
تالين ابتسمت بخوف وتقدمت بعصا المكنسة وصرخت اول م طار وركضت وقبعت بأمها وصرخت خديجة وركضت وصارت اسرع من تالين اللي ميته رعب وتضحك بالوقت نفسه ، طلع فلاح وقال بحدة : خيير والصراخ ؟!
ام تالين بحدة ورعب : مالك شغل تعال حاسبني احسن !!
فلاح مسح وجهه وشنبه وقال بحدة : اكلم تالين !
تالين ضحكت وركضت لفلاح وحضنته وابتسم بهدوء وقال : خير ليه الصراخ ؟
تالين : صرصور وبس والله
فلاح وهو يعدّل شماغه بعد حضن تالين وقال : ادخلي داخل
مشى وتالين تطالع فيه ابتسمت وقالت : وين بتروح بجي معك
فلاح من عند الباب لف عليها واشر بحدة : ادخلي بس
تالين ركضت له وهو معطيها ظهره ووصلت وفزت برعب اول م طلع تركي بوجهها وكانت بتمسك بريكات لكن خانتها رجلها وصدمت بصدره ولف يده ورا خصرها وقال : بسم الله عليتس !!
فلاح لف وشهق وقال : اوووبببااا !!
مشى يركض وفزت من حضن تركي ولف بكل سرعتها وضربت خصلات شعرها واطرافه بوجهه وفاحت ريحة العوّد والمسك منها وركضت داخل وهي تسمع صراخ ووعّيد فلاح فيها ، صد وقلبه يضرب بصدره وتغيير لونه فز اول م مسكه فلاح وقال بحدة : شف يمين بالله لا تنطق بشيء من اللي صار ! واستر م واجهت
مشى فلاح وركب السيارة وركب تركي وهو معاد له نية فالطقطقة وهو يتذكر تفاصيلها وقميصها القصير اللي بارز له بطنها ونحّول خصرها ، وبنطلونها اللي وضّح له رسمة جسمها زين صد وهو يستغفر وقال بحدة : وين بنروح ؟
فلاح : لزيارة اسر
تركي : وقف بكلم الميلا
فلاح : ليه ؟
تركي : وعدتها اذا رحت لآسر اقولها
فلاح : ماهو بوقته
تركي : يولد بكلمها وبس م قلنا بأخذها
فلاح وقف عند باب عمه راشد وقال : اعجل
دخل تركي يحاول يتناسى شكل تالين وهو له شهرين ونص من اخر مره شافها وانصدم من شكلها وقصّة شعرها الجديدة كان يمشي بترنح دخل وقال : ميلو
الميلا رفعت راسها من جوالها وقالت : لبيه ؟
تركي : بروح اشوف اسر
الميلا فزت وقالت : تكفى ابي اجي
تركي : مقدر الغرفة كلها رجال
الميلا شبكت يدينها ببعض بنّية تكسر خاطره وقالت بحزن : الله يخلييييك يتروك تكفى بشوفه
تركي بحدة : بنت ! وين احطتس بعدها ؟
الميلا : بتصرف بس تكفى
< وبعد كم دقيقة >
زفر بملل وقال : خلصي انتظرتس
ركضت الميلا ولبست عبايتها ونقابها وركضت راجعة له وطلع معها ، ضرب فلاح راسه وقال : وش قلت انا !
تركي ركب وقال : لا تكسر بخاطرها زوجها وتبي تشوفه
فلاح : م قلت شيء بس وين بنحطها ؟
الميلا ركبت وقالت بتوتر : سلام عليكم شخبارك فلاح ؟
فلاح حط يده ع صدره باحترام وقال : عليتس السلام بخيير
مشى اول م اشر له تركي يمشي ..
" في بيت ابو فهد "
الجود نشرت الغسيل ومشت بكل هدوء ولفت لصوت ناصر اللي طالع يركض وابوه معه مشت وقالت : ناصر
ناصر لف لها وقال : سمّي !
غزيل مشت ومسكت الجود وقالت : وش بخاطرتس ؟
الجود بتوتر : وين رايحين ؟
ابو فهد بحدة : ادخلوا داخل يبنات !
غزيل : ابشر يخال ابشر
مشى ابو فهد لثامر وفهد اللي عند الباب واقفين ينتظرونهم ، ناصر ابتسم وقال : بنروح نشوف اسر
الجود بربكة : عادي تدق ع غزول بجوالك وتعطي الجوال لعقاب
ناصر اشر بأصبعه ع خشمه وقال : ع ذا الخشم
الجود ابتسمت بحنية وقالت : تسلم
غزيل ضحكت وقالت : عليييه الشحم لا تنسى عطني رنة
ناصر ابتسم ومشى يركض اول م ارتفع صوت ابوه ينادي وركبوا كلهم ومشوا للمستشفى وهم يشوفون ابو فلاح وهيثم وصقر وابو تركي مع بعض قدامهم ..
" فالمستشفى "
فتح عيونه بصعوبة وجلس ثواني يستوعب هو وين دارت مُقلتيه تناظر المكان بتمعن ، قام بكل ثُقل وصعوبة وقدر يوقف ع رجليه مشى وهو ماسك صدره ودخل للحمام ..
-
دخل تركي وفلاح والميلا وراهم ماسكة اصبع تركي وتمشي وراه ، عقاب ابتسم اول م شافهم وقال : يالله انك تحييهم
تركي ابتسم وقال : البقى ارحب يالشيخ
فلاح تقدم وسلموا ع عقاب السلام الحار ، جلس وجلسوا وقال : ميلا شحالتس ؟
الميلا لفت لصوت عقاب اللي تغيير شكليًا لكن م زالت هيبة الوحش موجودة ابتسمت بربكة وقالت : بخيير وانت ؟
عقاب : نحمد الله ونشكره
الميلا بعتب واضح : وينك عن الجود ؟
عقاب صد علطول وم رد وهو يرفع جواله يشوف كم الساعة م كان مهتم للوقت لكنه م كان مستعد ينسأل عنها هي ماكلة تفكيره وكل وقته يفكر فيها لكن كان يلجأ للمكالمات الهاتفية عن المركز والعساكر سمع انه مسك منصب جديد تدريب عساكر من عشرين الف جُندي ولازم يبدأ بعد اسبوع معهم ، صدت بقرف وهي تتحسر ع اختها وقالت : وين غرفة اسر ؟
تركي : ادخلي مع الباب ذا واول غرفة ع يمينك
عقاب : ترا باقي م صحى يعني ليتك م جبتها
طنشت كلام عقاب ومشت تاركتهم وراها ودخلت مع الباب وقرأت اللوحة " العناية المركزة " ابتسمت بضيق وفتحت الباب بهدوء وقالت : سلام عليكم ؟
دخلت وسكرت الباب وراها ومشت وكان السرير فاضي شهقت ونزلت دموعها وقالت بلهفة : صحيييت !
لفت ع فتحة الباب وكان اسر طالع من الحمام توسعت عيونه بهدوء وقال بفرحة شابهت العيد :
البلا ماهي المصيبه الي وردتني للهلاك
‏والله ان ، عيونتس السُود هي ساس البلا !
-
سكت وهو يشوف دموعها تنزل ابتسم بحنية وقال : ارحبي يميالتي ارحبي يدهر قلب اسرتس ورجعانه !
فتح ذراعينه لها وركضت متناسية من عملية صدره وحضنته بكل شوق وفرحة ، ضحك بخفه وآلم وقال : شّدي علي والله اني راضي شّدي وزيدي آلمي !!
الميلا رفعت راسها له وهي بحضنه ابتسمت وقالت بصوتها الباكي : الحمدلله ع سلامتك وخطاااك الشر ينبض الميلا
اسر ابتسم ومد يده وسحب نقابها من وجهها وقال :
شوفتتس تنسيني شقى كل الايام !
‏انا في وجه الله عيونتس لا تفارق عييوني
-
نزل اسر بكل لهفة وشوق وطبع شفايفه ع شفايفها تارك عيونها متوسعة بصدمة وقلبها يدق بكل حب ، م اكتفى من نبيذه الحلال كان يوزع قُبلاته بكل انش بوجهها ابتسم اول م ورّدت وجنتيها وغمضت عيونها وجفُونها ترجف بكل وله وشوق ، مشى فيها لسريره وفز من آلم داهمه ضحك وقال : اسعفتس الآلم ولا وش يفكتس مني ؟
الميلا بخجل : تعال سولف لي عنك
مسكت ذراعه تساعده يجلس جلس وهو يتأملها وعجز ولد عايض يرمش وهو يشوفها قدامه والاهم من ذلك انها حلاله ..
" عند الجود وغزيل "
الجود بتوتر وعينها ع الجوال مَر شهرين كاملة وزيادة وهي م سمعت صوته ابدًا ولا حتى بالصدفة ، غزيل ضحكت وقالت : خير يالطيبة وراتس مسرحه ؟
الجود : متى بيدق ؟ يمكن عقاب رفض !
غزيل بسخرية : اف اف منهو عقاب عشان يرفض ؟
الجود بحزن وشوق : مدري احس انه بيرفض
غزيل : وستين داهية !
الجود ابتسمت ولفت هي وغزيل ع دخولية ضحى وهي تركض بفرحة وصرخت وقالت : ااسسسر صحى !!
الجود فزت بفرحة كبيرة وقالت : ياااارب لك الحمد !!
غزيل ابتسمت وقالت بصوت عالي بعد م زغرطت : يهنييينا سلاااامة ولدددددناااا
ام فهد بدموعها : ايي والله يهنييكم سلامة ولدي
تجمعوا حول بعض وهم ميتين فرحة ..
" عند العيال "
عقاب بشَك : ولد اختك طولت قم شوف وينها
تركي قام ومشى للباب وفتحه ودخل وشهق وقال : يالنسيييب !!
اسر لف له بهدوء وقال : ارحب تروك
الميلا ابتسمت وقالت : شفت حَس فيني وصحى
اسر سحبها لحضنه تحت انظار تركي وقال : يجعلني فداها
الميلا دفنت وجهها في صدره بخجل وصرخ تركي وقال : يعيييياااال اسسيّيرر صحى !!
فزوا عقاب وفلاح ع دخولية ابو فهد وابو تركي وابو فلاح وفهد وثامر وصقر وهيثم وناصر وسمعوا كلهم صوت تركي وركضوا كلهم للغرفة ، اسر ابتسم وضبط لها نقابها وقال :
واني اغار علييتس غيرة تشبه جمالتس
‏فلا جمالتس ينتهي ولا غيرتي تموت !
-
الميلا ابتسمت اول م دخلوا كلهم ركض وضحك اسر وقال : يهلا بحّس اهلي ارحبوا
ابو فهد وسط دموعه قال : خطاااااك الشر يبو عايض
اسر قام وباس راس ابوه بكل قوته وقال : خطاااااك اللاش يبو فهد
عقاب بصوت عالي : اتنومس فيك واجاهر يبو عايض بغلاك حمدلله ع سلامتك ي عضيدي فالليالي وسندي !!
اسر بفرحة وشوق : اررحب انت م بد العااالم كلهم اررحب يالعضيييد اررحب يعصاااابة راسي
عقاب حضن اسر بكل قوته وباس راسه وقال : يجعلني فداك يخوي
اسر ابتسم ورفع راسه يبي يبوس راس اخوه الكبير لكن م رضى عقاب وباسوا خشوم بعض " سلام الرجال " ومسك بذراعه وسلم عليهم كلهم وهو م ترك يد عقاب ، ابتسم من بينهم وعينه عليها وهي تتأمله ضحكت وصدت عكسه اللي م شال نظراته منها ابدًا ..
-
" عند المدخل "
مقدام بصوته الضخم : وينه ؟
ضيدان مشى ولحقوه سهم ومقدام ووصلوا للباب وقال ضيدان بصوته الثقييل : يطووييل العمر ؟
عقاب فز وقال : اررحبوووا اقلططوا يرجال
< نرجع شوي بالاحداث >
لف تركي ع الميلا وقال : مشينا ؟
اسر فز ومسك يدها وحضنها له وقال : تعقب والله م تروح ! تروحون كلكم وتجلس هي
تركي ابتسم وقال : يالعاشق الولهان اهدا يرحم اهلك ! اخوياك ومعارفنا الرجال وركز لي ع كلمة رجال بيجون وبنتنا عندك
اسر لف لها وقال : توزين عمرتس ورا الستارة ؟
ابو تركي بحدة : اسير خل البنت تروح
اسر بحدة وهو متنرفز : انا حلفت يرجال لا تكسرون بخاطري !!
شّد ع يدها وضحكت الميلا وقامت وقربت منه وهمست قدامهم وقالت : بجيك فالليل تمام ؟
اسر لف لها وتلاقت عيونهم دق قلبه مثل م دق قلبها باس يدها وقال : اوعديني
الميلا بخجل : وعد والله وعد
اسر تركها ومسكها تركي وطلع يركض قبل يجوون الجماعة ..
-
دخل العقيد مقدام والعقيد ضيدان والنقيب سهم ورا بعض وسلموا ع جماعة واهل اسر وجلس ضيدان جنب عقاب وقال : وش حالك يطويل العمر ؟
ضحك عقاب بسخرية وقال : ودك تفك الرسميات لا افتك رقبتك ؟
ضيدان توسعت عيونه وقال : سم
سهم وهو جالس جنب اسر وماسك ذراعه قال : وشخبارك ؟
اسر ابتسم وقال : بخييير ي السهم
سهم ابتسم وشّد ع ذراعه وقال : يجعله دوم ان شاءالله
اسر : تدوم ايامك بالخير
فلاح قام وقال : متى تنتهي الزيارة ؟
عقاب رفع معصمه وشاف ساعته وقال : بعد شوي ليه ؟
فلاح : اجل قوموا يرجال لا نطول ع اسر وتووه صحى
اسر ابتسم وقال : يجعلني م اخلى يفليييح
فلاح ارسل بوسة فالهوا ومسكها اسر وعطها ع راسه وضحك فلاح وقاموا كلهم وودعوه ومن ذا الكلام وفضّت الغرفة من الناس ، عقاب لف لضيدان اللي تكلم وقال : طبعًا لابد من التحقيق بسالفتك ي اسر
اسر : طيب ؟ وش بيصير يعني
مقدام تكلم وقال : ابد والله تلّينا هزاع للسجن وكمل شهر ونص فيه وحكمه عشر سنين
عقاب : واسر وش نصيبه من الحكم ؟
سهم ابتسم وقال : ولا شيء طبعًا
مقدام كان يدري بالسالفة وكمل وهو يقول : يعقاب حصلنا كاميرا مسجد صورت لنا الحدث كامل وشهّد القاضي انه دفاع عن النفس بما ان هزاع م توفى
اسر وعقاب بالوقت نفسه قالوا : يعني ؟
ضيدان : وش يعني خلاص الحمدلله ع السلامة بترجع لبيتك
عقاب زفر براحة وقال : الحمدلله يارب
لفوا كلهم ع دخول رنا للغرفة ومعها مسكنات شهقت وقالت : صحيييت !!
اسر رفع حاجبة وقال : سلامات ؟ ايه
ضيدان صد بقرف وهو يكره الاناث ولا يعرف يتعامل معهم مثله مثل عقاب اللي صد معه وانشغلوا بجوالاتهم
سهم ابتسم لها وقال : اقوم ؟ عشان تقربين
رنا : اذا تسمح عشان اعطيه مسكن
اسر بقرف وهو صاد عنها : م يحتاج م فيني الم
مقدام ضحك بسخرية وقال : ماشاءالله عليكم يعيال عايض درينا ان م فيه آلم وانكم من اشجع الرجال واقواهم بُنية لكن لازم هذا كورس تاخذه من مضاد ومسكنات !
عقاب ابتسم ع جنب وقال : كأنها اعجبتني المدحة كمل
ضيدان : طلعنا يرجال ؟
عقاب فز وقال : بدري ؟
ضيدان : كثر خيركم م ودنا نطول ع الشيخ وهو تووه صحى ويبي له وقت يتعافى والله ان عشاكم اول م تطلعون علي وتعرف بيتي يطويل العمر وتدّله
عقاب مسك كتفه وقال : م تقصر
طلعوا كلهم ع دخولية ناصر وهو يركض وقال وهو يلهث : عقاااب !
عقاب واسر فزوا وقالوا بصوت واحد : بسم الله !!!
ناصر مد الجوال وقال عقاب وهو يشوف اسم غزيل : م تتوب انت ! ولا ذي وضيحي
ناصر هز راسه بنفي وقال : الجود
قشّعر جسمه من اسمها اجل لو سمع صوتها مسك الجوال واشر بيده ع اسر وقال : انتبه له ولا تتحرك ليين ارجع
ناصر جلس وهو يتنفس بصعوبة وقال : تم تم
طلع عقاب وقفل الباب وراه ومشى لآخر السيب ورفع السماعة لأذنه وجسمه يتراعد وقال بصوته الرخّيم : سمّي ؟
الجود فزت بشوق وولهة وقالت : عقاب !
ابتسم بخفه وقال : هلا ؟
الجود نزلت دموعها وقالت : وحشتني
عقاب تكى ع الجدار وطلع بوكيت دخانه وسحب سيجارته منه وتوسطت منطوقه واشعلها مثل م قلبه يشتعل شوق لها ابتسم وقال : لييه البكى يبنتي ؟
الجود وهي تشاهق ومره مشتاقه بالحيييل : ابكي وشلون م تبيني ابكي وانا مشتاقه لك وواحشني صوتك وعتباك وغيرتك وبرودك ونظراتك وشعّرك وحشتني بالحيل يعقيب
عقاب بشبه حدة : وش بخاطرتس !
الجود : شوفتك
عقاب ابتسم بخفه وقال : جهزي نفستس انا جاي
الجود ببراءة : اجهز نفسي ؟ وبعدين اسألك بالله بتجي !
عقاب اعتلته نظرة صدمة وقال : تجهزين عمرتس زوجتس جاي واضحة ترا ابعدي عني حركات العشرينين !
الجود فزت بخجل وقالت : انا فالعشرين طيب توني اربع وعشرين !
سكتت شوي وهو م رد وقررت تغير الموضوع لأنها احتّرت : وبعدين اقول لأحد انك جاي ؟
عقاب ببرود : لا
سكر وفزت الجود بكل ربكة وشبه حماس ورمت الجوال بحضن غزيل اللي صرخت وقالت : كسسر يكلبه وين شكرًا !
احلام ضحكت وقالت : تستاهلين
غزيل بحدة : يالاربعييينية اصه لا اكمل عليتس !
صدت بقرف وهي تشوف الجود تركض بكل م عطاها ربها من قوة ، دخلت الغرفة وركض للحمام واخذت دش عن سنة طلعت قُطنة ناعمة بيضاء نقية من نقاوة روحها مشت للدولاب وطلعت فستان طويل ناعم مخملي كساه اللون البُني اللي طابق لون شعرها ، مشت للتسريحة وحطت لها ميكب ناعم جدًا وسدلت شعرها بعد م جففته وتركته ع طبيعته ، مسكت بيدينها انعّم طقم ذهب عندها ولبسته بكل حب وتعطرت وم زادها عطّرها الا جمال جلست ع الكنب بعد م ارسلت قبلة لنفسها ومسكت بنعومة اطرافها روايتها وكملت تقرأها تشغل نفسها ليمر الوقت ..
" فالمستشفى "
مشى بعد م زفر دخانه ورماه ودخل لغرفة اسر وقال بحدة : وين السلقة نويصر !!!
اسر لف له وقال : فالحمام وين بتروح خذني معك
عقاب ابتسم وقال : للبيت وبعدين ع اي اساس وانت توك صاحي ؟
اسر بحدة : يبن عايض ! م فيني الا كل خير وضاقت بي الوسيعة هنا !!
ناصر بنفس الحدة وهو طالع من الحمام : تستهبل ! لا م فيه روحه لمكان ليين تتعافى ما حن ناقصينك !
عقاب : اجلس عنده ساعات وانا راجع
ناصر : ابد يالعضيد خذ راحتك كفيت ووفيت فالشهرين اللي راحت
عقاب اشر لآسر وقاله : لاتضيق ولا تزعل عيونك وانا معك
اسر وهو صاد عنه قال بزعل : يشيخ سر امها
ضحك عقاب بخفه وطلع وسكر الباب وراها ومشى واستوقفه صوت ناصر وهو يفتح الباب وقال : يالحبيب بتروح مشي ؟
رمى المفتاح ومسكه عقاب وابتسم وكمل طريقه طالع من المستشفى وفجأة انفجر جواله اتصالات ورسايل ركب سيارة ناصر وسحبه ورد علطول ..
" فالمركز "
دخل ضيدان ومقدام مع بعض وسهم وراهم وقفوا ع صوت اللواء غيب : ي عسكر !
لفوا كلهم وضربوا برجولهم الارض تحتهم وسحبوا يدينهم ع رؤوسهم داقين له تحية بكل قوتهم ، مشى باتجاههم ووصل لهم ورد التحية وقال : ضيدان صح ؟
ضيدان وهو م استراح بحكم ان غيب م تركه يستريح : ايه نعم طال عمرك
غيب : استريحوا
استراحوا علطول وكمل غيب وهو يقول : عسى م شر ترقى عقاب ولا شفناه !
ضيدان ارتخت ملامحه وقال : ترقى متى ؟
غيب ابتسم بحدة وقال : ايه ترقى بأمر ملكي اثر خطاه فالجيش وتدريب العسكر وامكانيته العظيمة لفريق
سهم كح بصدمة وقال بحدة وهو يكح : فررريقق !!!
ضيدان ومقدام لفوا لبعضهم وقالوا : عقاب وفريق ؟
غيب ابتسم وقال : ايه بالله هذا اللي شفته وسمعته هو وينه عسى م عنده خلاف له شهرين م دخل المركز ؟!
سهم : اخوه النقيب اسر اصُيب بخنجر بنص ضلوعه وجلس شهرين غيبوبة
غيب تبدلت ملامحه لحزن وقال : لا حول ولا قوة الا بالله ! وكيفه الحين ؟
ضيدان زَل وقال : طيب وبخير وصحى ابشرك
مقدام دقه من وراه بقوة وقال بحدة وهو يهمس : الله ياخذك يالدبشة عقيب قايل لا تعلمون احد !!
غيب بكل حدة وهو رافع نبرته : الحمد لله ع سلامته وعلموه اجل يداوم من الليلة ماهو بكلامي الا كلام الفريق اول مهاب !
مشى وضربوا له تحية وصدوا وقال ضيدان : يويلي من طويل العمر !
مقدام بعصبية : يويلك مني انا !
مشوا لغرفهم ومكاتبهم وبدؤا كل شخص له معرفة بعقاب يدق عليه بعد م سمعوا كلام اللواء غيب فالسيب ..
" عند عقاب "
وهو ماسك خط للديرة بعد شهرين ونص رد ع جواله وقال بحدة : ضيدان وش مهبب ؟
ضيدان ابتسم بحدة وقال : زييين انك عارفني يطويل العمر ابد دوامك الليلة وضروري تجي وتمسك الفيلق اللي ينتظرون اوامرك فيهم !
عقاب توسعت عيونه وقال بحدة : فييلق م يمسكه الا فريق !
ضيدان : وحضرتك يطويل العمر فريق
عقاب فز وقال : نعم !!
ضيدان بحدة وحماس لرتبة عقاب الجديدة : امر ملكي وقرار ماله رجعة ابد !
عقاب : قفل ساعة وانا عندكم
سكر ضيدان وجوال عقاب ابدًا م سكت وم زالت الرسايل من جميع العساكر اللي يعرفون عقاب ، وصل لبيته بعد نص ساعة ومعه نص ثاني يرجع فيه للمركز ، فزت اول م اعتلى صوت ام فهد وخواته ترحيب فيه وقامت ركض وفتحت الباب بكل حماس وشوق له وقفت وهي تشوفه حاضن امه وملامحه مرتخية وكأنه رجع طفل بين يدينها اللي الدهر برّز عمايله بتجاعيد ع ظهر كفيها ، رفع عيونه بعد م بعدت منه ومسح بيده الجلفة والقاسية عيونها وقال : م تبكين علي ي ام عقاب !
ام فهد ابتسمت وهي تشّد ع يدينه وقالت : والله م ابكي وان بكيت فعيوني خذلتني شوق لك يعقيب !
عقاب ابتسم بخفه وقال : هلا باللي م وحشوني ابدًا
ضحى بحدة : يلعنه يمه شوفييه !
ضحك بكل قوته وسحب البندري وضحى وغالية لحضنه الكبير وابتسموا وحاوطوه ولف وابعدهم وقال بحدة : خلاص عاد !
ضحى : وشخبارك ؟
عقاب : والله متأخر ع مهمة
البندري حضنت كفوفها لها وقالت : لا عاد يعني بتروح ؟
عقاب : الواجب ينادي ي اخت عقاب
غالية بحزن : طيب اقلها سلم ع بنات اخوك واختك !
ولفت وقالت : حصة سديم سحابي تعالوا سلموا ع عمو وخالو عقاب
طلعت حصة تركض وسديم وسحاب وراها ، ابتسم وقال : خير وش التعنصر ذا ؟ سحابي والباقين بدون دلع !
غالية ضحكت وقالت : عاد ذي وحيدتي اتعنصر لعيونها
عقاب ابتسم وحضن حصة اللي حاوطته بكل شوق وقالت : وحشششتنا ي عم !
عقاب : م يوحشتس غالي يبنت فهد
ولف وشال بيدينه سحاب وسديم اللي ضحكوا وقالت سحاب : وحششتني لحالي ي خال عقاب
عقاب : فديتتس ي ام لسان والله اني متأخر ببدل واطلع
باس سديم اللي من كثر خوفها منه وخجلها م تحبذ انها تنطق بكلمة عنده وبينصدم اصلاً وهو م سمع صوتها ابدًا تخاطبه ، رفع نفسه من نزلهم وطاحت عيونه بعيونها اللي انعكس القمر عليها اثر الدموع مشى علطول متجهة لها وفزت ومسحت دموعها اللي تجرأت عليها ونزلت ومشت راجعة لغرفتهم ، قفلت الباب ع نفسها بدون مفتاح يحكم اغلاقه واخذت شهيق وزفرته وقالت بنفسها ( عقاب تغييرت واحتدت ملامحك وجهك نحف شوي وعوارض لحيتك رجعت ! ) ابعدت بسرعة اول م فتح الباب ودخل وهو معطيها ظهره وسكره هو عكسها احكم اغلاقه بمفتاحه ولف لها ، توسعت عيونها من دار لها بظهره وقابلت وجهه ابتسمت بحنية وقالت : نورت الدار بك ي سّيد الدار
عقاب ابتسم بخفه وقال :
اقبلي ي الجود بين التحَفّظ و التمادي
‏المواصل ! بَعضه أحلى من جميعه
كيف احسّ بـ غربتي ، و انتي بلادي
‏و كيف احسّ بضيق وعيونك وسيعة !
-
توردت ملامحها من قصّيد فيها وقالت بخجل : صح منطوقه يالله وحشتني ي بطلي
كلامها اجبره يبتسم خطى اول خطوة الا انها سبقته وركضت لحضنه وهي تحاوط رقبته وتجبره ينزل وينحني لها ، انحنى بكل خضوع لها وتساوى بطولها حاوط خصرها وشّدها عليه وقال : ي البدر خلّتس وراه مهمة لا تباطين به انا طالبتس !
الجود بعدت وهي م فهمت وقالت : مهمة ؟
عقاب ابعد وهو رغبته فيها زادت وقال بحدة يتجاهل الافكار اللي تمرّدت ع عقله : طالع للحّد بفيلق من ثمانين الف جنُدي !
الجود مسكت قلبها بخوف وقالت : للحّد ! وشذا يعقاب الناس برجوعك مشتاقه ولا ودها انك تختفي عنها !
عقاب باس راسها بكل برود عكس العواصف اللي ضربت داخله من انحناءاتها وشّد الفستان اللي برز ملامحها ، وصدرها الواضح له من فتحة شبه واسعة صد بغيّض وهو م حب انها تطلع قدامه كذا خصوصًا انه لازم يكون مستعد نفسيًا وجسديًا للفيلق والجُند والرتبة اولاً ، مشى من جنبها علطول ودخل اخذ دش عن عام وحلّق عوارضه الشبه كثيفة ورجع لشكَله بالشنّب ، مشى وطلع علطول وشافها جالسة بكل خُذلان و اهّ يكسرة الخاطر وهو طالع من عندها بعد م لبس بدلته ولا تكلّف انه يعتذر لها عن شوقها وحماسها له ، لفت لخروجه وقالت بنبرّة حزينة : عقيب !
لف براسه من عند الباب وقال : سمّي ؟
الجود : كذا رايح بدون موادع ؟
عقاب صد بعيونه وقال : م تعود يوادع
الجود قامت ومشت متجهة له ورفع عيونه ووقفت وبينها وبينه مسافة كبيرة ، ابتسم وتمرّدت يده والتفت ورا خصرها وسحبها لحضنه وقال : ان رجعت والله اللي يويلتس مني وان صار شيء..
قاطعته وهي تحُط يدها ع منطوقه وقالت بخوف : وش بيصير يعقيب لا تخوفني !
عقاب بكل برود باس يدها بدفىء وقال بهدوء : البقاء لله
شهقت برعب وضربت صدره وقالت : والنعم بالله ! بس لاتقوله يعقاب انا اعرفك رجال م يطيحك شيء لا تكسرني فيك انا ناخيتك !!
نزلت نظراته لشفايفها المُغرية سحبها وصارت ملاصقته تمامًا تحّس فيه مثل م يحّس فيها ، التهَم شفايفها بجنون وهو يحّس بداخله نيران مُلتهبة ، انصدمت وتوسعت عيونها وكانت بتبعّد لكن وين وهي بين يدين عقاب ! خضعت له وقدرت بعد رعب ودقات قلب مرعبة تبادله بدفىء وحنّية ، سحب نفسه علطول وهو يلبس البريهه ويطلع من الباب وقال بصوته الثقييل :
ودعتتس الله ي نظر عيني
‏بـ امَانة الي ما غفْت عـينه !
-
انسحب وهو يكمل طريقه واختفى من اناظرها ، صدت وحطت يدينها ع خدودها اللي ولعّت نيران خجل وحياء من اللي صار مررّت اطراف اصابعها ع شفايفها وانعّاد لها اللي صار شهقت وقفلت الباب وراها وهي ترجف وقلبها تشّك ان اهل البيت كله يسمعونه من صوت ضربه ..
" فالمركز "
مهاب دخل وفريقه معه لف بأنظاره المُرعبة ارجاء المركز يتأمله بتمعُن وارتفع صوته وهو يقول : وييين حضرة الفرييق عقاب ي عسكر !
فزوا كل العساكر ضاربين رجولهم البيداء ويدينهم داقة تحيّة للفريق أول " مُهاب بِن سَلمان آل عَبدالرحمّن " مشى بكل شموخه وقال بعظمته : استرييييح ي عسكرري !
استراحوا كلهم وكمل خطواته طالع للدور الاول تحديدًا مكتب الفريق " عقّاب بِن عَايض بِن مسّاعد آل مقبِل " فتحه بكل برود وشاف عقاب جالس ع المكتب يتفحص الاوراق المهمة بين يدينه واللواء وذراع عقاب اليمين " ضِيدان بِن صَالح آل حِثلين " جنبه يكمله رفعوا انظارهم للواقف ع الباب وفز عقاب واقف ع رجوله وداق تحية مع ضيدان للفريق أول مهاب ، ابتسم وقال : استريح
استراحوا ودخل وكمل كلامه وهو يقول : جاهز ي حضرة الفريق ؟
عقاب ابتسم بخفه وقال : جاهز ننتظر اوامرك
مهاب بحدة : انطلقوا الله يسّدد رميكم ويثّبت خطاكم
قام عقاب بعد كلمته وهو يلبس السماعة الخاصة باللاسلكي بأذنه دق تحية واستراح من سمع الامر وطلع وضيدان وراه مشوا بكل هيبة وابتسم ولا يُقال عنها ابتسامة وقال : بيوم وليلة من عقيد لفريق وانت من عقيد للواء !
ضيدان بمزاح : المخرج عايز كدا يطويل العمر
عقاب بسخرية : امش لا اهبدك امش
طلعوا وفز ضيدان من صراخ الثمانِين الف جُندي وصوت ضرب رجولهم بالارض ورفعهم للتحية ع رؤوسهم ، ابتسم عقاب وهو يشّد الدرع ضد الرصاص ع صدره وساري بدنه ودق تحية لهم وقال بحدة وبصوته الرخّيم : استرررييح ي عسسسكر !
استراحوا كلهم بعد كلمته وكمل بصوته المرتفع : اي سؤال قبل نوجه ؟
عقيد الفيلق سعد رفع صوته وقال : لا حضرة الفريق !
عقاب : مشينا اجل
مشى ولفوا بكل ترتيب وصفوفهم مهُيبة ومرعبة للناظر وركبوا اكثر من ٥٠ الف دبابة ومركبة مضادة للرصاص يتبعون سّيدهم حضرة الفريق عقاب ..
" فالمستشفى "
اسر لف بملل ومرت ثلاث ساعات ولا هي اللي جات وعقاب مختفي ، صرخ بحدة : ناااصر !
ناصر فز وهو كان نايم وقال بقرف : وجعااااه ي اسسير !
اسر بملل : قم طلعني للبيت م انت دكتور !! توسط يخوي شهادة ع الفاضي شوي واموت هنا !
ناصر قام وهو طفش من الموال ذا وطلع وقال : اقدر اطلعه ؟
رنا وهي تجهز علاجه رفعت راسها وقالت : لا طبعًا ! الا اذا بجي معكم واعطيه ادويته
ناصر توسعت عيونه وهو تذكر جنون غزيل بدون سبب اجل اذا جات رنا غيرتها شلون بتسوي فيهم ابتسم وقال : لا هوّنت والله
رنا : بكيفك
مشت ودخلت وشافته يزفر بقرف ابتسمت وقالت : كأنك م ابي العلاج
اسر بقرف وهو م يطالع فيها : اصرفيه لي وانا باخذه خلاص ماهي صعبة !
رنا : م ينصّرف هالدواء ابدًا مضطر تجلس وتاخذه لمدة اسبوعين خوفًا من المضاعفات
اسر بسخرية : لو بتصير مضاعفات صارت من اول م صحيت وقمت ومشيت !
رنا ابتسمت وقالت : مجرد حظ !
مشت له واعطته الدواء وقالت : قرّب وشفيه راسك !؟
اسر رفع عيونه لعيونها وقال : وشفيه ؟
طارت عيونه اول م حضنت راسه لصدرها وهي تّدعي انها تشيل شيء من راسه وفز وبعدها وقال : ببنتت !!
الميلا وهي واقفة وتحترق بدون اي شك عليه وعلى القرب اللي صار ، مشت وقالت بحدة : خيير ان شاءالله !!؟
لف اسر برعب خوفًا من ان الميلا بتفكر فيه سُوء ! ولفت رنا معه بصدمة وحسّت انها تنصفق اول م قالت الميلا بحدة وقرف : رنا !؟؟
رنا تّدعي الصدمة : مييلا !؟
اسر وهو رافع حاجبة قال : ميالتي تعرفينها ؟
الميلا جلست وقال بحدة : اخت هزيع
اسر لف بكل قوته وعيونه تطلع شرار ولو يهّرب هالشرار احرق رنا ع المستشفى كامل ، وصرخ بحدة : اطللعععيي بررراا !!
رنا مشت علطول وهي ترجف وطلعت وعرفت من وقت خروجها من حدود باب غرفته انه طار من يدينها ومستحيل يقبل فيها ممُرضته مره ثانية ، الميلا لفت له وقالت : سعّد حظه اللي يضربك بكل قوته ع راسك !!
اسر لف لها وقال بحدة : عسى م هنا خلاف !؟
الميلا مسكت فكه ولفت وجهه لها بكل قوتها وقالت : هييه انت ! صووتك لا يرتفع علي ما بعد جابته امه اللي يصارخ بوجه الميلا !!
اسر ارتخى وهو يضحك وقال : اي والله م عاش من يزعل عيونها السود !
الميلا : متى بتطلع ؟
اسر : متى ودتتس ؟
الميلا مشت للجهة الثانية وفتحت الشباك والصباح معُلن قدومه من اشعة الشمس اللي انتشرت بإرجاء الغرفة ، ولفت له وهي مبتسمة وتنزع شيلتها وبرقعها وعبايتها ، نثرته بيدينها ولون الشمس م فتَح لونه كان مثل لون الليل العتِيم ، لابسة فستان ناعم جدًا بدون اي تفصيل طايح وماسك ع جسمها باللون الجملي ، قطِيفةَ النوع ، كعب ابيض ، اكسسوارات بيضاء بكامل انواعها من اكسسوار ، طاقتها تشّع بعيونه اللي تتأملها ، قام من السرير وهو يمشي لها فادته جدًا شوفتها بهالمنظر ، ابتسم وهو يسحّبها له مع خصرها وشّدها عليه وقال بصوته الرخّيم وهو يهمس بأذنها :
ياناحلة الخصر خصرتس ثبتيه لا يميل !
‏اكثر قلوب العباد يالميلا تميل مـع ميلته
-
حاوط خصرها بكامل ذراعه وهو يحلف ان ذراعه تناغمت مع خصرها وصارت جزء من جسدها ، هو يحّس برجفتها وهي تّدعي القوة والثبات ، ابتسم وطبع قُبلته ع نحرها والشمس عليهم وهي م تزيدهم الا حرارة ! ابتسمت بخجل وعرفت انه ضاع فيها ، حطت يدينها الثنتين ع صدره وهي تبعده منها وم قوى يقاوم وابعد بآلم وقال بحدة : الخياطة !
الميلا ابتسمت ع جنب وهي م زالت تدّعي قوتها وهي من جنبها والقوة ! ع مين اسر ؟ ، طالعت فيه وقالت : ليه م تنادي رنا تخيطه من جديد ؟ ولا تعطيك دواء يخفف المك !
اسر ابتسم وقال : اناديها ليه لا ؟
لف واستوقفته ذراعها وهي تتمسك بذراعه وتلفه عليها ، ضحك وقال : غرتي يالميلا ؟
الميلا بحدة وعيونها تحترق : اييه اغاااار !
اسر سحبها من خصرها وشّدها عليه وقال :
لا تغار منهم دامني قربك
‏سمّ وامر من تبي أبعده ؟
-
الميلا ابتسمت بعتب وقالت : رنا
اسر ابعد وجهه بحيِث يشوفها لكن م تركت ذراعه خصرها ، ابتسم وقال : مين رنا ؟
الميلا انفجرت تضحك وتجددت روحه من ضحكها ابتسم بحنية وباس راسها بقوة وهو يستنشق ريحة العود منه ..
:::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
( ارحبوا عُددددنا لكم ببارت جديد يحبه قلبكم ، النجمة والنجمة والنجمة ! لاتزعلوني عليكم تفاعلكم صاير ينكد ! ، اححبكبكككم واشوفكم ع خيير ببارت جديد 🫡 )