بين احضان قاتلي

part"63"

أَيا طيفاً يُراودُنِي اشْتِيَاقا
أَمَا لِمُتيّمٍ مِثْلِي عِنَاقَا !!
بكُلِّ العَابِرينَ تَرَاكَ عَيْنِي
فَهل يَعْنِي فرَاقَكَ لِي فرَاقا
وهَلْ يفْنَى هَوَانا فِي زَمانٍ
بهِ أروَاحنَا بَاتتْ رِفاقا ؟
أُحِبُّكَ يا أسِيراً فِي فُؤادِي
أمُوتُ وَمَا حَلَلْتُ لَهُ وثَاقَا

...................................................................

رحيق..نسمات الهوى البارد تلفح وجهي وكوب القهوة الحار بأيدي وعيوني على الغيوم المتجمعة وكأنها تريد تمطر مثل عيوني

صار صوت المنبه يعلن عن وصول الوقت كمت مثل كل يوم دخلت لغرفتي وفتحت الستارة حتى الضوة يدخل بيها مثل ما وصانة الدكتور

اخذت قطنة ومي ورحت كعدت على الجرباية وهمست
..صباح الخير

ضحكت بحزن وصححت كلامي
..لا اسفة صباح الصبح

ماكو جواب مثل كل يوم ابتسمت بقهر والاحساس بالذنب صار شهرين ميقبل يفارقني

صرت امسح بوجهة واتذكر يوم الي انتحر بي

جنت نايمة بغرفة ريم وصار صوت ركض وبجي طفرت على حيلي ونزلت شفت البنات وخالة بالصالة يبجون كلت بخوف

..شكوو؟؟؟

كالت خالة وهي تلطم
نجمة..ولج يمة شهاب انتحر رجلج مات

بقيت صافنة ممستوعبة الي سمعتة لزمت گلبي بألم
..م مات