ما مليت من الهجر انا مليت ...

البارت الثاني عشر

ثاني يوم بعد تعب العرس والفرحه عند معارسنا كانوا نايمين بس نواف كان صاحي يتأمل ترف

ترف صحت وتحركت : صباح الخير
نواف : اطلق صباح يا شيخه انتي الخير كله
ترف استحت : هههههههه
نواف عدل جلسته : جعلها دايمه هالضحكه
ترف : وياك يارب
نواف : يلا صحصحي بطلب فطور
ترف : متى صحيت
نواف : من زمان
ترف : ليه ما صحيتني
نواف : كنت اتأملك كيف نايمه ما هان علي اصحيك
ترف قامت : عادي ما فيها شيء
نواف ضرب خدها بشويش : فيها اشياء بس قومي صحصحي
راحت ترف الحمام تتروش ونواف يطلب فطور

في بيت ابو مصلح جالسين البنات

جوري : تهقون ترف ونواف صحوا
جوزاء : وانتي شعليتس
جوري : بدق عليهم اشوف
جمانه : والله اعلم امي عليتس
جوري : شتبين انتي
دقت جوري على نواف ورد عليها
جوري : صباااح الخييييررر
نواف : خير
جوري : افا شفيك
نواف : شنو تبين داقه
جوري : ازعاج بس
نواف : اجل اذلفي
جوري : نسيت فضلي عليك بسرعه
نواف : الحين شنو تبين بالضبط يعني لو جوزاء الي دقت قلت ممكن بس انتي لا
جوري تمثل الزعل : الحين انا لا
نواف بضحكه : ايه
جوري : متأكد
نواف : ايه
جوري : الله ياخذك ياشيخ
نواف : هههههههههههههههههههههههههههههههههههههههههههههههههههه معتس للجنه ان شاء الله
جوري عدلت جلستها : وين ترف
نواف : وش تبين فيها كلميني انا
جوري : اخس شنو ابي فيك مقابلتك 19 سنه
نواف : عادي
جوري : عطني ترف بسألها عن شيء
نواف : لا
جوري : ليه ان شاء الله
نواف : محارمنا
جوري شرقت بالشاهي : اخس جديده ذي على الساحه
نواف : بسم الله عليتس اي جديده واحلى جديد
جوري طفشت : خلاص اذلف
وقفلت منه

عند ترف كانت تسمع الحوار الي بينهم وهي مبتسمه
طلعت وشافته جالس يهوجس جلست جنبه
ترف : بشنو تفكر
نواف ناظر لها وابتسم : في احد غيرك
ترف بتفكير : اممممم على حد علمي لا
نواف : وعلمتس في محله يلا افطري
ترف : شنو تبي جوري
نواف : فاضيه ودقت
ترف : سمعت انها هي الي اقنعت عمي بزواجنا
نواف : اي لو الله ثم هي كان للحين نحاول في ابوي
ترف : وليه تعاملها كذا
نواف : حنا دايم كذا نمزح مع بعض
ترف : بس يمكن تزعل
نواف مسك يدها : لا تخافين جوري ما تزعل لو اشك شك صغير انها تزعل ما اقول لها كذا ذي اختي قطعه
مني خبز يدي انا الي ربيتها واعرفها اكثر من الباقي
هي وسلمان اقرب شخصين لي اثق فيهم اكثر من اي احد
ترف تعجبت : ماشاء الله الله لا يضركم
نواف : ولا يضرتس
خلصوا من فطورهم وشالته ترف
نواف : بعد العصر نروح لأهلنا
ترف : ايه جهز نفسك
نواف : ليه
ترف : نسيت جوري الحين تحصلها مجهزه اسأله
نواف ضحك : هههههههههههههه فداها وربي
ترف : ترا اغار
نواف : تغارين ليه
ترف تلعب بشعرها : من حبك لها
نواف لف وجهها له وقال : اسمعي يا عيوني انتي اخواني
اخوانتس لا تغارين منهم ومحبتي لهم حيل قويه
بالذات سلمان وجوري بعدين ليه تغارين وانتي
متوسطه قلبي
ترف : يا حبيبي انت