🎵🌸بــنت الكريـــان والمشهـــور الوسيـــم🌸🎵
🎵🌸صــــفقــــة زواج🌸🎵
💜🌸أحــــبـبــــت بـــســـاطــتـــك النــــــادرة🌸💜
بقلمـــــي وأناملــــي :🎶أميــمـــة مــاريبــوســــا🎶
الـبــــــــــــارت : 38
أحمد : اويلي كتر من خمسة تاع لمرات لي صونيت ووالو
نهيلة شافت بلي يله نص ساعة باش صونا... : راه أبابا كنت معا لمرى لي مقابلاها كنت باركة أنا وياها برى فالجردة وتلفون بقا فالبيت لي عاطيني
أحمد : ولي هزيه معاك ابنتي راك خلعتيني وخلعتي مك عليك
نهيلة : صافي اخر مرة وسموحوا ليا خلعتكم عليا ولكن راني بخير حمد الله
أحمد : حمد الله يله سيري رتاحي ليك ابنتي
نهيلة : تصبحوا على خير
_قطعت معاه وتنهدت....
نهيلة هزات يديها للفوق وبدات كدعي من كل قلبها : ياربي لما سمح ليا عارفة راسي غالطة حيث كنكدب عليهم ولكن راه معنديش شي حل أخر غير هذا اربي باش نقدر نعيشهم عيشة كريمة
_مسحت عينيها لي كانت دازت منها دمعة وبدات كتمسح فوجهها من المكياج... بعد مدة ناضت غسلت وجهها ولبست تيشورط عريض معا سروال تاعوا ديال دار ومشات تلاحت فوق ناموسية باش تنعس....
~~~~ بعد خمس أيام ~~~~
_فهاد الخمس أيام يونس بدا كيولف صداع نهيلة وخرجوا جوج مرات... مرة فالليل ومرة فالنهار... طبعا خرجوا وهوما بجوجهم متنكرين... واليوم هوا نهار سبت لي نهيلة خاصها تمشي عند عائلتها باش دوز معاهم نهار الأحد وترجع لخدمتها....
_فالجردة... كانت خارجة عند شيفور وهيا هازة ساك صغير تاعها....
شيفور : تعطلتي نص ساعة وأنا نتسنا فيك
نهيلة هزت يديها وبدات تشالي بيهم : ضربني ضبرني حسن اسيدي... اويلي عشرة تاع دقايق رجعتيهم نص ساعة رجوووع الله اخويا
شيفور بنفاد صبر : دابا غاركبي راه مزال تابعاني الخدمة
نهيلة ضارت باش تركب حداه وهيا كتنكر : اوا غابشوية مالك كتنفخ شفتك بحالا غادي توصلني بالجميييل
شيفور ركب حداها وديمارا طموبيل... : أنا نوصلك بجمييل مالي تصطيت
نهيلة : اوا هكاك يله سوق وسكت
شيفور : هانا ساكت عنداك غاتهضريني نتي
نهيلة : لا غاسكت ومتخافش حتا أنا غادي نسكت باش نتا متهضرش
شيفور : صافي تافقنا
_ضارت لشرجم وسكتت وبدات كتشوف.... شوية حتا كيبان ليها واحد الحادثة واقعة فالطريق وطموبيلات لي تساطحوا واقفين فالجنب تاع طريق معا ناس لي كانوا راكبين فكل طموبيل....
أنت تقرأ
بنت الكاريان والمشهـور الوسيـم
Humor🎵🌸بــنت الكريـــان والمشهـــور الوسيـــم🌸🎵 🎵🌸صــــفقــــة زواج🌸🎵 💜🌸أحــــبـبــــت بـــســـاطــتـــك النــــــادرة🌸💜 بقلمـــــي وأناملــــي :🎶 Azorita | أزوريتا 🎶 قصتنــــا كتحمـــل من كـــل فــ...
