بارت 26
بسم الله
-
-
مسك غيث ايد علي ووقفه
(غيث): شو الي صاير بينك وبين ذياب؟
(علي): ماشي
(غيث): تراك اذيت الولد زود ما هو متاذي توه طالع من المستشفى بشويش عليه خبرني شو سوا وانا اتفاهم معاه
(علي): ما ودي اخبرك بس اعرف انك عنيد وما ينفع معاك الكلام
ابتسم غيث ورفع اكتافه
(غيث): طبع وما يتغير شو نسوي؟
(علي): قوم قوم نسير كوفي ولا شي ونسولف
(غيث): بس ها ع حسابك
(علي): يوم قلت قوم يعني انا بعزمك يلا امش بس
شغل علي موتره وطلع هو وغيث
ف الطريق بدا علي يرمس
(علي): شوق وذياب كانوا ف علاقه
ما استغرب غيث لانه كان واضح
(غيث): كمل
(علي): اخوك خانها مع امنه وبدال لا يصلح غلطاته راح وياب العيد
انصدم غيث
(غيث): كيف كيف؟؟؟ شوق عرفت ؟
(علي): هيه عرفت وامنه عرفت بعد والغريب انه بدال ما يتقدم لشوق تقدم لامنه ، انا ما اقول انه امنه فيها شي ولا عيب بالعكس بنت والنعم فيها وبنت خالي وتنحط ع الراس بس شوق...
(غيث): شوق مكانتها غيررر عن امنه ، امنه نحن ما احتكينا فيها اصلا متى امداهم يحبون بعض ويدشون ف علاقه ؟
ضرب علي الدريكسون
(علي): قاهرني اخوكك يلعب ع بنت الناس ومب اي بنت ، يلعببب ع بنت عمي!!!
(غيث): ما عليه هدي مب كل شي ينحل بعداوه ومشاكل
(علي): انتتت ما سمعته هو شو يقول؟ اونه بتقدم لامنه انا ما تحاتي غير شوق المسكينه
سكت غيث وما قال شي
وصلوا الكوفي وقعدوا فيه
(علي): من وصلت وانت ما خبرتني كيف لندن؟
(غيث): بارده ياخوك بارده بس غيره الامور طيبة
(علي): والدراسه؟
(غيث): معقده بس ان شاء الله قدها
(علي): هيه حبيبييي استلم الشهاده وارفع راسنا
(غيث): مافي شي مصبرني غير هالشهاده
غمز علي
(علي): بس الشهاده؟
(غيث): ترا بقوم لك
تساند علي ع الكرسي
(علي): ليش انا شو قلت؟
وابتسم
(غيث): تعرف شو قلت
وابتسم غيث وبانت غمازاته
(علي): يازين الغمازه وراعيها
ضحك غيث
وردوا البيت على طول خمدوا
-
اليوم الثاني
عدا الوقت لين ما صار المغرب وذياب طول اليوم كان قاعد ف حجرته وامه مشغوله بتجهيزات الحفله الي كانت بتسويها حق ذياب
اما غيث ف كان مرتبك شوي
عدل غترته وتعطر وكان شكله مرتب وحلو شل البوكس الصغير الي كان ع التسريحة وحطاه ف جيبه وطلع وسار صوب حجرة علي ودق الباب
طلع علي
(علي): ها جاهز؟
(غيث): شرايك؟
ضحك علي وحط ايده ع كتف غيث ونزلوا
(ام ذياب): ع وين يا حلوين؟
غمز علي
(علي): سايرين بيت عمي
(ام ذياب): اهااا وذياب وينه؟
صد علي الصوب الثاني
(غيث): انا قلت انه احسن ما اييي لانه بيتعب وايد وباجر وراه حفله
حطت ام ذياب ايدها ع خدها
(ام ذياب): اوه صح زين عيل ف حفظ الرحمن وعلي ما اوصيك لا تسرع
ضحك علي ورفع كتفه وطلع
(ام ذياب): ما بيتوب ه الولد
(غيث): لا تحاتين ما بخليه يسرع
وباس راس امه وطلع
(ام ذياب): واي غيث حبيبي انت طالع ع منو وين غيث ووين اخوانه
وصلوا الشباب بيت بو احمد واستقبلتهم ميري ودشوا
نزلن شوق ولطيفة بمخاويرهم وشيلهم على راسهم طبعا مايد وسيف كانوا قاعدين ف الصاله وبو احمد بعد
وجافها ونظراته مليانه شوق وكان واضح للكل ابتسمت له لطيفة وقعدت هي وشوق يسولفون
(غيث): سلام عليكم
(الكل): وعليكم السلام
(بو احمد): حياكمم تعالوا استريحوا
(مايد): توا ما نور البيت
(سيف): حمدلله ع السلامه غيثوه
ابتسم الكل وبدوا ياخذون علوم بعض لين ما يابت ميري القهوه والجاي قامت لطيفة تضيف لين ما يت عند غيث
(لطيفة): قهوه ولا جاي؟
(غيث): شو من جاي ؟
(لطيفة): سليماني
(غيث): لو ما عليج امر
صبت له لطيفة وسحبها صوبه بطريقة محد لاحظها
(غيث): اباج شوي ف الحديقة
احتدت نظرات لطيفة واستغربت من طلبه بس كل الي سوته انها هزت راسها بمعنى اوك
بعد ما صبت حق الكل قعدت
(بو احمد): لطوف ليش ما تصبين لج شي؟
(لطيفة): ما اشرب لا قهوه ولا جاي
شهقت شوق
(شوق): كيف كيف؟؟
(لطيفة): شو فيج؟
(شوق): فاتججج نص عمرج
(لطيفة): القهوه مره وانا ما احب المر والجاي ما احبه من كنت صغيره
(شوق): كيف عايشه انتي؟
(لطيفة): كل ها عشان قلت ما اشرب لا جاي ولا قهوه
وضحكت لطيفة
(لطيفة): المهم بسير عند رعد
(علي): منو رعد؟
(سيف): خيل لطوف ابوي شرالها
(مايد): هيهه وخايفه منه
تم ضحك مايد
(لطيفة): على الاقل ما اخاف من طيور
وابتسمت ابتسامه تسليكية وطلعت
وبين ما الكل انشغل بسوالفه قام غيث بدون ما حد يحس وطلع وسار عند لطيفة وكانت معطتنه ظهرها
(لطيفة):...حمدلله على السلامه
(غيث): الله يسلمج ويحفظج من كل شر
لحظة صمت
(غيث): لطوف طالعيني
صدت صوبه وعيونها بدت تدمع
(غيث): شو فيج؟؟ حد مضايقج؟؟ مستوي لج شي؟؟
هزت راسها بمعنى لا
(غيث): عيل؟....ليكون تصيحين عشاني؟
ضحكت لطيفة
(لطيفة): لا شي دخل داخل عيني
وبدت تفرك عينها و ويه غيث جلب احمر من الاحراج وغط عيونه ب ايده
(غيث): السموحه
(لطيفة): لا لا عادي امر شو بغيت؟
تنهد غيث
وحط ايده ف جيبه
(غيث):...يبت لج شي من لندن واتمنى ما تردينه
وطلع البوكس الصغير وعطاها
استحت لطيفة
(لطيفة): ليش كلفت ع عمرك؟
(غيث): اي كلافة؟ انا الود ودي اعطيج احلى واغلى الاشياء ف الدنيا كلها لانج تستاهلين كل الخير
ابتسمت لطيفة وبطلت البوكس وشهقت من جمال القلاده الي كانت عباره عن قلب وردي كانه كريستال ويجنن وكان بسيط وهي تحب الاكسسوارات البسيطة ابتسمت وفرحت من كل قلبها
(غيث): عيبتج؟
(لطيفة): كيف ما تعيبني؟؟؟
تمت تطالع القلاده وهي مبتسمه وطالعته بنظرة كلها حنية
(لطيفة): شكرا والصراحه...
حطت ايدها ف جيبها وطلعت بوكس
وابتسمت
(لطيفة): انا بعد جهزت لك شي
وعطته ابتسم وفرح من كل قلبه يحب الي يذكرهم ويذكرونه يحب يعطي بس هو مب متعود ياخذ ، ه الهدية لعبت ب موازينه ، ولدي خفيف شو نسوي؟
وبطلها وكانت اسواره رجالية قرر يزين سيارته فيها يحطها على القير ولا شي
(لطيفة): ها عيبتك؟
(غيث): وكيف ما تعيبني؟؟
ضحكت لطيفة وابتسم غيث ع ضحكتها وكيف تبين غمازاتها يوم تضحك حفره ع كل خد يدوخونه
(لطيفة): تعال اعرفك ع رعد
(غيث): الي تخافين منه؟
(لطيفة): وانت تصدق كل شي مايد يقوله؟ من يومي احبهم
(غيث): نزين نزين
لحقها لين ما وصلوا عند رعد قربت لطيفة منه وبدت تمسح على راسه
(غيث): يا جماله
(لطيفة): رعد عصبي وغيوررر وايد وما يمشي مع اي خيال او خياله باختصار مب مع اي حد
(غيث): شكله خيل صعب
(لطيفة): يمشي ع مزاجه الحبيب بس ورا كل ها حنية ووفاء ما بتحصله ف اي خيل ثاني
ابتسمت لطيفة وابتعدت عن رعد شوي
(لطيفة): جرب تمسح على راسه
قرب غيث من رعد وبدا يمسح على راس بهدوء
(لطيفة): شكله يحبك
وضحكت لطيفة وتم غيث يتاملها لين ما طلعت منه بالغلط
(غيث): وانا احبه
انتبهت لطيفة لنظراته واستحت
(لطيفة): بس خلاص عيب نتم برع انا وانت بس خ نرد داخل
ابتسم غيث على حياءها وسنعها
(لطيفة): ها شرايك؟
(غيث): يلا يلا
ورجعوا هم الاثنين ولاحظت شوق اختفاءهم طبعا
-
-
تم بارت 26
To be continued...
