بعد كل مشقات الحياة وبعد اليأس هناك نافذة بعيدة
نافذة الأمل نافذة حياة جديدة هل استطيع تجاوز كل الصعاب وارى الوان الربيع من جديد ام سأعيش كل العمر بين المد والجزر الأحداث حقيقة والقصة حقيقة 75 ٪
رواية حقيقية بقلمي غزل حسين
لا أحلل بنشر الرواية بأي...
Oops! Questa immagine non segue le nostre linee guida sui contenuti. Per continuare la pubblicazione, provare a rimuoverlo o caricare un altro.
سما..... كعدت الصبح شفت كلهم متريكين والبيت هدوء لبست حجابي وكلي نشاط سويتلي ريوك كعدت تريكت مرتاحة كملت شلت المواعين للمطبخ خليتهم على سنك وبديت انظف البيت ولميت الغرف اليوم عندي طاقة غير شكل شغلت الغسالة وغسلت المواعين وشطفت الكراج الحجية ماكو كملت كلشي والبيت صار مثل الورد وكلت أروح يم عمة ثريا اكيد جدة يمها دكيت الباب
ثريا.... فوتي بنتي هلا بيج شلونج
سما.... هلا عمة أني زينة أنتي شلونج
ثريا.... الحمدلله بخير بنيتي
سما.... اكلج عمة الحجية عدكم
ثريا.... لا والله مو يمنا اكيد عد هبة
سما.... هاا عجل أروح هناك حتى ارجعها للبيت وحشة من غيرها
ثريا.... أي والله الوحدة ما طيبة اسأليني الصبحيات دوم وحدي
سما.... تعالي يمنا نتونس
ثريا.... اكعدي شوية وبعدين روحي أريد أسوي الغدا
سما.... والله اني هم أريد أخذ الحجية حتى أسوي الغدا
ثريا.... الحجية متونسة بيج اتكول شايلة البيت كله دومها تمدحج ربي ينطيج على كد نيتج حبيبة
سما..... شكراً عمة خجلتني يلا خلي أروح عود من تجي زينب خلي تجي يمي إذا ما عدها شي
ثريا.... اي يمة صار راح اكللها
سما.... طلعت من عدهم لبيت عمة هبة الحوش كله واحد وحديقة وحدة وسياج واحد بس بيها أربع بيوت كله بناء حديث كل ولد ابيت والحجي والحجية يم آدم هم بيت وحد مثل عمامه كلشي بي مرتب وحلو يفتح النفس دخلت البيت عمة وشفت الحجية كاعدة وتلكد خضرة يمة ليش عفتيني وحدي وجاية يم عمة
