بيـــن وصـــالك أوصاف ؛
أستغفر الله العظيم وأتوب اليه 🩶
*
« حايــل , المــركــز »
وصل لحايل يدخل المركز مع العسكر لجل يستجوبونه بخصوص أسده الي يتجول بشوارع حايل بدون حسيب ولا رقيب , دخل لضابط الي تكى يناظره : فساد حايل ؟
عبدالعزيز : شيخ الضوابط ؟
وقف يرجع يدينه خلف ضهره : قالوا انك تزوجت وعقلت ياولد صاحبي
عبدالعزيز : غلطان الي قالك
ضحك يهز راسه : ومُعترف !
عبدالعزيز : شوي
مشى له الضابط ( راجح ) : ماودك طيب تعلميني وش الهبال الي مسويه اسدك بالاوادم ؟
عبدالعزيز : وش مسوي ؟
راجح : مدري انت اعلم
عبدالعزيز : هو الي منحاش مني
راجح : والله ؟ يعني مو انت فاكه ؟
عبدالعزيز : انا ؟ اعوذوا بالله !
راجح : تدري وين المشكله ؟
عبدالعزيز : وين ؟
راجح : انا ابوك معلمني كل شيء
عبدالعزيز : اما
راجح : ايه والله
عبدالعزيز : ماضبطت الكذبه يعني ؟
راجح : ابد , والحين امش قدامي امسكه
عبدالعزيز : ابشر
طلع مع الدوريات للجبل طلع معهم لجل يساعدهم يمسكونه لان فكره ان أسد يتجول بين شوارع حايل والحارات والجبال بين الأوادم فكره مجنونه , نزل من وصلوا يمشي خلف العسكر الي يدورونه بشريحه وضعها في صدره قبل عامين لجل لو ضاع يلقاه : لا تطلقون عليه
صعد الجبل راجح : لو ماودك يموت ؟ امسكه انت
طلعوا لقمه الجبل للغار تحديداً الي يضم بداخله مياج والي حدد موقعه بتحديد الشريحه الي في صدره , يرمون الرصاص بسماء لجل يخرج لهم وفعلاً ماهي إلا ثواني وخرج من سمع صوته يناديه : مياج
ابتسم من شافه يقترب منه : يامرحبا
حاوطه من كل الجهات يدور عليه لجل ماتقرب من الدوريات , راجح : يحميك يعني ؟
انحنى له يجلس على ركبه : ايه
راجح : وافي الأسد ؟
عبدالعزيز : وافي للي يحبه
راجح : مجنون والله اذا كنت واثق فيه لذي الدرجه
ضحك بدون رد , وأشار راجح للدوريات ينزلون ورفع نظره عبدالعزيز له : بس ؟
راجح : بس , الباقي انا اتصرف به
نزل خلف العسكر يركب سيارته ويتركه بدون يحاسبه يمكن لان واسطاته دايم قويه ويمكن لان راجح قد تفاهم وخلص مع الي مياج هجم عليه , رفع جواله يرد على ريان الي يتصل : توني بدق عليك
ريان : اشتقت لي ياحياتي ؟
عبدالعزيز : جداً , تعال لي لجبل النور
ريان : نعنبوك انت أمس مو رحت الرياض !
عبدالعزيز : وجيت اليوم
ريان : ماتقدر تعيش بدوني يوم واحد ! ماقدرت تتحمل على بُعادي يعني ؟
عبدالعزيز : ريان انت بتجي ولا جيتك انا لعنت خيرك ؟
ريان : بجي
عبدالعزيز : يلا
انهى المُكالمه ينتظره وماطال انتظاره من جاه بسيارته , ينزل من السياره ويبتسم بوسع من شاف مياج معه : الشيخ !
رفع انظاره لعبدالعزيز : كيف لقيته ؟
عبدالعزيز : لقيته
ريان : طيب وين تحطه فهد والله ليذبحه
عبدالعزيز : للحين ؟
ريان : ايه بس يسفل في محمد ويتوعد في مياج
عبدالعزيز : اجل امش الرياض
ريان : وين تحطه ببيتك !
عبدالعزيز : ايه لين اراضي فهد
ضحك يهز راسه : يلا تم بتمشي الحين بعد ؟
عبدالعزيز : بنمشي حنا ثنين , جاي مع دوريه مو بسيارتي والله لا يهينك ترجعني
صفق جبهته يتذكر انهم امس جو يبونه : وجابوك ؟!
عبدالعزيز : جابوني
ريان : يلا اجل اركب
ركبوا مياج بالخلف وسكر الباب ريان يناظره : يويلك تحوس سيارتي !
عبدالعزيز : فداه !
ريان : تعقب
ركب بالامام يضحك , وركب ريان يسوق : جنون والله ماسكين خط مع أسد !
مسك الخط الحقيقي من طلع لشارع العام يمسك خط الرياض الي المفروض يجيبونه بـ7 ساعات لكن هم ؟ جابوه بساعتين ونص من سرعته المتهوره الي شخط فيه كل سواهر الخطوط , عبدالعزيز : ١٠ آلاف ريال
ريان : تدفعها انت الله لا يهينك
عبدالعزيز : تخسي انا مادفعت مخالفاتي عشان ادفع مخالفاتك
نزلوا أمام بيت ابو سعود , وناظره عبدالعزيز : اقلط المجلس بدخل مياج واجيك
ريان : بقلط اجل بحتريك
دخل للمجلس يتركه يدخل مياج لحوش شقته من درج خلفي يوصل لها , فتح باب الجناح يدخل : دنو
طلعت من الغرفه تسكر سحاب فستانها : جيت ؟
عقد حواجبه بستغراب : طالعه ؟
هزت راسها بنفي : لا بس اسوي عرض أزياء لنفسي
عبدالعزيز : زين يامودل انتي تعالي بوريك حاجه انتي ماتحبينها وجبتها لك لين عندك في بيتك بعد
دانه : حلوه بجاحتك
اعتلئ صوت زئيره المكان وناظرته بصدمه : أسد ثاني ؟!
هز راسه بنفي : لا , أسد اول
دانه : تستهبل انت !
عبدالعزيز : والله مياج
فتحت باب الحوش لجل تتأكد وشافته فعلاً امامها يمشي بدون وجهه يمشي ويتامل المكان بغُربه واستنكار , ولفت عليه بكامل جسدها : كيف مسكته ؟
عبدالعزيز : ناديته وجاني
دانه : والله ؟
عبدالعزيز : والله
دانه : ليش جبته طيب ؟
رفع كتفه بعدم معرفه ينزل له وعقدت حواجبها : امانه مياج صدق ؟
عبدالعزيز : ايه والله
دانه : كيف اصدقك ؟
عبدالعزيز : تعالي
دانه : والله ماجي يهجم علي بعدين زي هيفاء
عبدالعزيز : مايهجم عليك والله تعالي
مشت له وحاوطها من جته تجلس بجنبه على قُرب هالك من مياج الي ولا عُمرها قربت منه تشوفه من بعيد وتروح لكن تجلس بجنبه امامه فكره مجنونه نسبه لها , ضحك من لصقت فيه من تحرك : والله مايسوي لك شيء وان سوا لك ؟ ذبحته انا قدامك
دانه : بصدقك بس عشاني اثق فيك
انحنى لها يقبّل خدها وكل انظارها على مياج : بمسكه
انهى قُبلته الطويله يتاملها : امسكيه
دانه : بذمتك ترا
عبدالعزيز : مايقول شيء
حاوط كفها بكفه يضعها على ضهر مياج وضحكت من فرط شعورها : والله اكثر شيء مجنون اسويه اني اثق فيك !
لانها مو خايفه عشانه معاها رغماً من ان مياج يقدر بثانيه يهجم عليها وعليه لكن ماتدري هي ليش واثقه فيه إلى هذا الحد : ابي امسك شعره
عبدالعزيز : سوي الي تبين
رفعت نظرها له : مايقول شيء ؟؟
عبدالعزيز : كم مره سالتي ؟
دانه : يمكن يعصب !
عبدالعزيز : عليك مايعصب , سوي الي تبين
رفعت يدها لشعره تشوفه يتراخى بصمود وضحكت بوسع : يونس ! بس فيه جرح
عبدالعزيز : وسمه
دانه : احلف ! هذا هو
هز راسه بايجاب , ولفت عليه : اعرف وش يعني وسم امس ثامر قالي انت ماقلت لي هالمره
ضحك بدون رد ورجعت تشوف وسمه : حرفي ! D صح ؟
عبدالعزيز : صح
عقدت حواجبها : أنا ؟
رفع كتفه بعدم معرفه , وناظرته بستغراب : ولا حرفها ؟ , هي بعد D صح !
عجيب امرها ! ودها تعرف اسم حبيبته اليوم قبل بكره لكن هو مايقولها شيء ! مايرضي فضولها ولا يُجيب على اسألتها , دانه : متى حطيت الوسم ؟ زمان ؟
ابتسمت بوسع : بس انا وانت زمان ماكنا نعرف بعض يعني هي ! بس وش اسمها ؟
ضحك بغرابه منها : مالك دخل !
مارت عليها تفكر بصوت : دُنى ولا داليا ؟ ولا دلال ؟ او ديم و ديما ! هو قريب من اسم توامك احس ؟
هز راسه بنفي : لا , ولا وحده صح
دانه : اجل وش
عبدالعزيز : مو شغلك
دانه : هي دانه بعد ؟
عبدالعزيز : لا
دانه : اجل وشش امانه قول لي !
عبدالعزيز : مياج بياكلك
لفت تشوفه هادي مايتحرك ورجعت تناظره : لا تصرف
حرك هو مياج بيده الي خلف ضهرها وقام وفزت : اسفين طال عمرك ازعجناك !
عبدالعزيز : ايه ازعجتيه
دانه : انت الي محركه !
عبدالعزيز : لا !
دانه : الا
وقف يضحك بدون رد ووقفت معه ماتلقاء رد منه على اسالتها , واما بالأسفل تحديداً المطبخ الي دخله ريان يكلم العامله تسوي له اكل : زهره وقسم بالله لو ماخلص اكلك بسرعه اكلتك
زهره : ايش فيه انتا دايم جوعان !
ريان : اخلصي بس
طلع لصاله بطفش : لو جالس عند حمود وشوايل اصرف
جلس يشغل التلفزيون يشوف ثامر نازل وعقد حواجبه : شجايبك انت ؟
ريان : جابني ربي
ثامر : والله ؟
هز راسه : ايه والله اخوك وين ؟
ثامر : ماخذته الدوريات من امس
ريان : صباح الخير ياحياتي الرجال من ساعتين وهو هينا
ثامر : مادريت عنه
ريان : زين انت وين رايح الحين ؟
ثامر : شدخلك ؟
ريان : خالتي موصيتني عليكم لازم اعرف وين رايح
طلع مايرد عليه وتقلبت ملامحه : ابوك يانفسيات , يازهره بيضك خلص ولا اطلب مطعم ! لو انك مسويه لي مفطح خلص
زهره : ريان والله يكلم ماما يطلع من بيت هوا !
ريان : انا أدق لك على ماما الحين
دق على خالته ام سعود الي ردت بعد دقايق : ها ريان ؟
ريان : خاله خدامتك هاذي مامنها فايده ! لي ساعه قايل لها تسوي بيض ولحد الحين ماخلصته !
ام سعود : احلف انت داق علي عشان كذا ؟
ريان : ايه والله !
طفت بوجهه تكمل سوالفها مع خواتها تتركه يتحلطم منهم : عرفت والله عيالك النفسيات طالعين على من ياخالتي الحلوه , يازهرره
طلعت زهره بالبيض : كلاس انا يجي !
ريان : بدري !
نزلت الصحن امامه وتربع يناظر التلفزيون : وش تنصحيني بفلم ؟ عزوز بتشرق الشمس وهو ماجا
ابتسمت بوسع : فلم هندي ؟ انا يعرف واجد
ريان : ومن يشوف الفلم الهندي بالله !
زهره : انا يحب يشوف !
ريان : انتي عليك قل صح
نزل عبدالعزيز : وانا اشوف بعد
ريان : وانت بعد عليك قل صح
ضحك يجلس بجنبه : جيبي شطه
زهره : اوكي
ولف عليه ريان بصدمه : بيضي حقي والله ماتاكله رح سو لك بيض انت
عبدالعزيز : وكل هذا بتاكله انت !
ريان : ايه والله باكله انا ماجلست ساعتين احتريها تطبخ عشان تجي انت تاكل
عبدالعزيز : زهره سوي لي انا بعد بيض تكفين
بلع لقمته ريان : رح لزوجتك تسوي لك خل المسكينه هاذي تنام يكفي انا مصحيها !!
طلعت زهره بشطه : زوجته هوا مايعرف يطبخ شيء يحرق كُلوا اكل
عبدالعزيز : مايحتاج تفضحينه والله هي خلق مفضوحه
ريان : سبحان الله اثر الطيور على أشكالها تقع
عبدالعزيز : تسوين لي زهره ؟
هزت راسها , وابتسم : شكراً
زهره : عفواً
بلع لقمته ريان يناظره : ياعيني على الأدب
اخذ الريموت منه يتجول على صفحه الأفلام الي صورها ريان لشهد " اختاري واحد منهم بسرعه "
ووصله ردها بعد ثواني " الأحمر , حلو انا تابعته "
ريان " تم " لف على عبدالعزيز يسحب الريموت منه : جب انا اختار اقصد احط لان الاختيار من شوشو
عبدالعزيز : وشوشو من وين جت !
ريان : انا خليتها تختار
عبدالعزيز : اشك بوضعك معها
ابتسم يدخل الخبزه بفمه ورفع حاجبه عبدالعزيز : وابتسامات بعد ؟
ابتسم بتساع يلف عليه مايقدر يكتم اكثر من كذا : صايره حلوه صح ؟
ضحك عبدالعزيز بذهول , وعض شفايفه : والله حتى صايره دلوعه !
عبدالعزيز : شهد ودلوعه ! هاذي حتى بالحلم ماتصير وانا اخوك
ريان : والله !!
عبدالعزيز : اقول بس العب بعيد عن بنات خوالي اذا ناوي تلعب
ريان : والله مالعب صادق انا
عبدالعزيز : تحبها !
ريان : لا !
عبدالعزيز : اجل !
ريان : إعجاب بس
عبدالعزيز : اجل انثبر واكتمه بصدرك لان اعجابك اسبوعين ويروح
ريان : بس انا صارلي اسبوعين مُعجب وماراح
عبدالعزيز : بيروح
ريان : بس انا ودي اتزوج واستقر مثلك
عبدالعزيز : وانت من قالك اني مستقر !
ريان : انا اشوفك
عبدالعزيز : فيك ضعف نظر
ريان : عزوز !
عبدالعزيز : ريان تكلم بعقل شوي
ريان : انت الي تكلم بعقل , قول الصدق الزواج حلو ولا مو حلو ؟
عبدالعزيز : مو حلو
ريان بستخفاف : كذاب
عبدالعزيز : انطم وبقولك ليش مو حلو
ريان : يلا قول ليش مو حلو
عبدالعزيز : في مسؤوليه كثيره والله وانت ملول تطفش بسرعه
ريان : بس هاذي سلبيات
عبدالعزيز : ايه انا اقصد سلبيات
ريان : بس حلو , قول الصدق امانه
عبدالعزيز : نص ونص والله
ريان : بس اذا تزوجت شهد انا بصير سعيد , بضحك واجد
عبدالعزيز : انت دايم تضحك واجد
ريان : برضوا ابي اكثر ومو بس ابي ابي اضحك ! ابي أشياء ثانيه !
عبدالعزيز : بحسن النيه انا
ضحك ريان وصفقه عبدالعزيز : لا تصير شفاف ريان كذا !
ريان : عاديي
عبدالعزيز : مو عادي والله مايصلح كذا !
ريان : شرع ربي حلال وش بتحرمه انت !
عبدالعزيز : الكلام معك قسم بالله ضايع , يازهره
طلعت زهره وبيدها اكله : يلا انا يجي
قام ياخذ منها الصحن , وناظرتهم : يبي شيء ثاني قبل انا يروح ينام ؟
هز راسه بنفي : لا خلاص شكراً روحي نامي
ناظرت ريان : لا يجي يصحي انا !
هز راسه يضحك : ابشري
وطلعت لغرفتها ترتاح تتركهم يتابعون فلمهم الممل الي ريان جالس يجبره مايغيرونه لانه اختيار شهد ! قام من خلص اكله يشيل المواعين : امحق فلم والله
ريان : والله حلو
عبدالعزيز : اهم شيء انت مقتنع
دخل المطبخ ينزل المواعين ويخرج يشوفه صامل يكمله : المهم اذا خلصت فلمك وجاك نوم أطلع لغرفتي فوق نام لاتنام هينا برد
هز راسه مايرد منسجم مع الملل لان لجل عين تكرم مدينه ولانه ينتظر الفلم ينتهي لجل يسولف معها عن احداثه بالمختصر يصنع سالفه معها لجل تطول , وبينما بالأعلى لحظه مادخل الغرفه وشافها نايمه بفستانه ابتسم لانها غريبه ! احد يلبس فستان قبل ينام ! و احد ينام وهو كاشخ ؟ والغريب انه بدون سبب بس هي تحب تصنع لنفسها فعاليات من الأشياء بذات انها برياض ولا عندها احد لا شهد ولا وديم لجل تسولف معهم وتجدول عليهم , انحنى له يقبّل خدها وعينها يهمس لها وسط نومها العميق : حلو الزواج اذا كان لكل شخص زوجه مثلك , غريبه وعبيطه ولعابه وحلوه , حلو مره اذا لقاها تلون حياته السودا بهبالها وضحكتها
رفع انامله لوجها يبعد خصلات شعرها الناعمه عن ملامحها العذبه : بس تدرين وش المشكله ؟ اذا كان فيه انفصام مثلي مايدري كيف يعيش , قلبه يبي وعقله يبي واقعه مع شخص وخياله في شخص , وانتي تزيدينه عذاب وش تبين يادنو بشخص كان ماضي في حياتي وانتهى ؟ انتهى رغم اني مانكرت لك حُبه لكن والله انك اغلى منه ومن في حياتي كلها
انحنى لها يقبّل جبينها بعُمق وسط نومها وابتسامتها التي تتشكل على ثغرها حتى وسط نومها ماتغيب ! هو عاش معها شهرين مايفهمها ولا يعرف هي وش تبي مايعرف غايتها من الحياه مايعرف عنها شيء مايعرف الانها انسانه طول وقتها سعيده تبتسم كثير وتضحك كثير ولا تبكي ولا تحزن ولا تضيق , ولا تدخل مكان الا وتزهره فرح وسرور وضجيج , نقيه حيل رغم سواد الي حولها نقيه ماتزعل منه رغم كثر أخطائه ولا تشيل بقلبها شيء لا عليه ولا على غيره , وفي صباح يومً جديد صباح فتحت فيه النقيه عيونه على وجه أسد ! فزت تصرخ بكل قوتها إلى حد تمزق احبالها الصوتيه , نست راح من بالها مياج ومين مياج كل الي تشوفه أسد طيرها لفوق الدولاب , غالباً هذا الهبال الي قاله لها امس وهي نايمه غبيه وهبلا جعلته يركض لها بدون وعي : شفيك !!
شفيها ؟ احد ينام وهو كاشخ ويصحى على أسد أمام وجهه يناظره , هي زين باقي حيه وباقي قلبها شغال على ذي الخرعه , عقد حواجبه بصدمه : وش مطيرك انتي فوق انزلي !
فوق الدولاب هي فعلاً تسحب شنطه السفر الي بجنبها تحذفها عليه : تدخله البيت ليه ليييه !!
عبدالعزيز : منهوا !
دانه : الحمــار الــي وراااك !
لف يشوف الحمار الي وراه الي المفروض انه يكون أسد ! مو حمار ورجع يناظرها نقيه جداً لدرجه انه بعض المرات يجهل مين الي المفروض يكون فيه انفصام هو ! ولا هي : انزلي دنو انزلي
دانه : طلعه برا !
لف لمياج يفتح له الباب : اطلع يامياج اطلع خل اليوم يعدي على خير
طلع مياج ولفت عليه من تأكدت انه طلع : تعال نزلني
عبدالعزيز : ليش انزلك ! انزلي انتي نفس ماطلعتي
والله هي ماتذكر كيف طلعت بس غالباً من الرفوف هاذي بس شلون تنزل الرفوف بعيده ! بس قبل شوي لا , هي كذا ببالها وكذا افكارها وضجيج عقلها : تبيني اموت انت ؟
عبدالعزيز : مابيك تموتين ابيك تنزلين
دانه : امانه انت تعال , انا لابسه كعب وفستان الحين مايمديني انزل زين
عبدالعزيز : وفيه احد ينام بكعب وفستان ؟
دانه : ايه انا
عبدالعزيز : اجل خل يفيدك الكعب والفستان
نزلت كعبها ترميه عليه ولا صابته ! ونزلت الثاني وضحك بصدمه : صاحيه انتي !
رمته تناظره : انت ماتدري اني كنت اطب من دور ثاني وثالث ؟
عبدالعزيز : اجلسي اجيك خلي الجنون
رمت نفسها , وطاحت على يدها من التوت رجلها من بُعد المسافه ! وصرخ : يلعن بليسك ياحماره !!
جلس امامها يرفعها لحضنه ويتامل وجها الأحمر : وش يعورك ؟!
عضت شفايفها : يدي انكسرت اضاهر
هي قالتها كذا ماتوقعته كسر حقيقي فعلاً يوصلها للمستشفى ولخوض عمليه جراحيه طويله يجلس فيها هو في اسياب المستشفى ينتظرها أمام غرفه العمليات الي هي تتوسطها تحت تخدير كامل , طال انتظاره وطال صبره وهو يحسب كل الدقايق وكل الثواني الي مرت طال وتعب ومل وهو ينتظرها إلى حد ماخرج الدكتور يطمنه , ومشى لها مشى يشوفها على السرير الابيض مثلها حولها الاجهزه وضجيج أصواتها: كنت بنزلك ! ليش تتهورين !
نزل انظاره ليدها يشوف الجبص يمتد على ذراعها كاملاً ويندم انه ماطلع لفوق ونزلها يندم على فعلتها بدلاً عنها , بينما هي ؟ من صحت من التخدير وهي تتحلطم على الممرضات الي جابوا لها اكل , يدها اليمين هي الي انكسرت شلون بتاكل هي الحين وهم مجبصينها بجبص مايخليها تحرك اناملها حتى , دخل من كان يوقع على موافقه تنويمها اسبوع كامل ولو درت ؟ حتماً بتنصرع : صحيتي
هزت راسها , وعقد حواجبه : طيب شفيك تهاوشين ؟
دانه : اهاوش نفسي لاني كسرت اليمين مو اليسار
عبدالعزيز : حلو , كان عندي امل انك تهاوشين نفسك ليش سويتي كذا بس لا طلعتي تبين تكسرين الثانيه بدال الأولى
دانه : تكفى فكه
عبدالعزيز : وشو الجبص ؟
هزت راسها وجلس جنبها : شهرين ياحياتي
ناظرته بصدمه : يويلي ويلاه !
عبدالعزيز : ايه والله ويمكن زود بعد
فك لها الاكل يتركها تمسك راسها بذهول : شلون يعني شهرين مايصير ! هاذي اليمين شلون اكل يعني !
عبدالعزيز : انا اوكلك ياحياتي مايحتاج انتي تاكلين
دانه : عزوز تكفى والله ماتحمل ماحرك يدي !
عبدالعزيز : وش اسوي لك عاد تحملي عواقب طيشك
فتحت فمها من دخل الملعقه بحلقها يوصلها للبلعوم ! وغصت تبعده باليسار وتكح : تبي تذبحني انت !!
عبدالعزيز : لا من يقول !
دانه : الا والله تبيني اموت
عبدالعزيز : لو ابيك تموتين ذبحتك انا وخلصت ماحتريتك تموتين اخلصي علي افتحي فمك
فتحت فمها منجديد تاكل من يده ماتجادله اكثر من كذا لجل مايفصل عليها زود لانه اليوم واضح مو رايق لشيء بذات بعد الهبال الي سوته , نزل الملعقه يرفع نظره لها : امك تدق من اليوم
بلعت ريقها بصعوبه : قلت لها ؟
هز راسه وتوسعت انظارها : ليه ياحمار !
عبدالعزيز : احسن خل تجي تهزائك لعله وعسى تعقلين
عدلت جلستها تصرخ من صفقت يدها المكسوره بحديده السرير تمسكها بوجع : والله ان جتني ؟ لتكسر عضامي الباقيه
عبدالعزيز : زين ماتسوي
