CHAPTER-(57)☕︎
Title: ခင်ပွန်းလောင်းကအိမ်အကူရဲ့သမီးနဲ့ချစ်မိသွားတယ်
သိပ်မကြာခင်မှာပဲ စာမေးပွဲရလဒ်တွေ ထွက်လာလေသည်။ လူတိုင်းကိုအံသြသွားစေတာကတော့ ပိုင်ရွယ်ဝေ့တစ်ယောက် ကျလုမတတ်အဆင့်တွေကျနေချိန်မှာ ချူရှောင်းကတော့ သူမမေဂျာမှာ နံပါတ်တစ်ချိတ်၏။
သူမမိသားစု ရလဒ်အကြောင်းသတင်းတွေကြားတဲ့အခါ သဘာဝကျစွာပင်သူမအတွက် ပျော်ရွှင်ပိတိဖြာပေးကြသည်။ တစ်နေ့တာအပြီးမှာ အဓိကဇာတ်ကောင်က ပျော်ရွှင်စရာတွေနဲ့ ဇာတ်သိမ်းသွားပြီး တစ်ဖက်ကအငယ်အနှောင်းကတော့ — သူမနဲ့ထိုက်တန်ရာ — ဆိုးဝါးတဲ့အဆုံးသတ် ရသွားလေသည်။ လူတစ်ချို့ကတော့ ချူရှောင်းတစ်ယောက်သူမလေ့လာနေတာကို မနှောင့်ယှက်ဖို့ပြောနေခဲ့တဲ့ အခိုက်အတန့်တွေကိုအမှတ်ရကာ ထိုအကြောင်းကို အွန်လိုင်းပေါ်မှာတင်လိုက်ကြသည်။
ဒါ့အပြင် "ဒိတ်လုပ်လို့ရနေတဲ့အချိန်မှာ ဘာလို့စာလေ့လာနေတာလဲ?" ဟု အစပြုထားသည့် တက္ကသိုလ်ဖိုရမ်ပေါ်ကရေပန်းစားနေတဲ့ ဟာသစာတိုဖန်တီးဖို့အကျိုးအမြတ်ထုတ်ကြတဲ့ အင်တာနက်troll တွေလည်းရှိကြပြန်သည်။
တစ်ခဏလောက်တော့ တက္ကသိုလ်ဖိုရမ်ပေါ်မှာ ကျော်ကြားတဲ့ကိုးကားချက်တစ်ခုလည်း ထွက်ပေါ်လာပြန်သည်။
"စာသေချာကြိုးစားပြီး နတ်ပြည်တတ်ကြပါစို့" ဟူ၍။
သူမအတန်းဖော်တွေရဲ့ အထင်သေးတဲ့အကြည့်တွေအောက်မှာ ပိုင်ရွယ်ဝေ့တစ်ယောက် စိတ်ဖိစီးမှုများနေ၏။ ဒါ့အပြင် သူမအနေနဲ့ စာမေးပွဲကြီးမှာ အဆင့်မကောင်းဖို့ မျှော်လင့်မထားချေ။ စာမေးပွဲကာလအတွင်းမှာ အကြောင်းအရာတစ်ခုတည်းကသာ သူ့စိတ်ကိုစိုးမိုးနေတာကြောင့် လေ့လာပြီးသားမေးခွန်းတွေကိုတောင် သတိလက်လွတ်ဖြေမိသွားတာ ဖြစ်နိုင်ပါသည်။ သူမအဆင့်တွေပေါ်မှာ သိပ်ပြီးအရေးတကြီးတွေးမထားရင်တောင် ဒီနှစ်တွေအတွင်း သူမပုံရိပ်ကစာကြိုးစားတဲ့ကျောင်းသူလေးအဖြစ် လုံးဝပုံစံကျနေပြီဖြစ်သည်။ ချူရှောင်း ပြန်ပြီးမျက်နှာသာရလာတာနဲ့ တက္ကသိုလ်ကသူမကို အထင်မကြီးတော့သလို အဲ့အစားအငယ်အနှောင်းအဖြစ်သာ မြင်လာကြ၏။ အမဲစက်စွန်းနေတဲ့ အဲ့လိုအပြုအမှုမျိုး ဆက်တိုက်ရှိနေတာက သူမတစ်ယောက်တည်းခံနိုင်ဖို့ရာ ဝန်လေးလွန်းလှသည်။
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
