{130}

3.7K 695 48
                                    

Unicode



“ချူချန်နဲ့ကျွန်တော့်မှာ ခင်ဗျားထင်သလို ဆက်ဆံရေးမရှိဘူးမဆိုဘူး။ တကယ်လို့ ရှိနေခဲ့ရင်တောင် ခင်ဗျားနဲ့ဘာသက်ဆိုင်လို့လဲ?”

“ငါက မင်းကောင်းဖို့လုပ်နေတာလေ”

“မလိုဘူးလို့ ပြောပြီးသားပါ”

“ကျိချင်းကျိုး...မင်းကမင်းသား ငါက ဒါရိုက်တာ။ငါ့လက်အောက်မှာနေပြီး ငါ့နောက်လိုက်ဖို့ စာချုပ်ချုပ်တာက မင်းအတွက် အကောင်းဆုံး ရွေးချယ်မှုပဲ။ငါက ပိုကောင်းတဲ့ အရင်းအမြစ်တွေ၊ပိုကောင်းတဲ့ဇာတ်ကောင်နေရာတွေ မင်းကို ပေးနိုင်တယ်။ချူချန်က မင်းကို မပေးနိုင်ဘူး။ရှီးယွီကလည်း မင်းကို အလေးထားမှာမဟုတ်ဘူး။ငါတို့ကမှ လုပ်ဖော်ကိုင်ဖက်တွေ၊ငါတို့မှာတူညီတဲ့ ဝါသနာရှိလို့ ပိုများတဲ့ အကြောင်းအရာတွေအကြောင်း ပြောလို့ရတယ်။ချူချန်ကတော့ စီးပွားရေးသမားသက်သက်ပဲ။သူအခုမင်းပေါ် ရင်းနှီးမြှုပ်နှံနေတာကလည်း မင်းကငယ်ပြီး ကစားလို့ရလို့။သူငြီးငွေ့လာတာနဲ့ မင်းမှာ ဘာမှရှိတော့မှာမဟုတ်ဘူး။ဒါကြောင့် သူ့စည်းဘောင်တွေအောက်မှာပဲ မနေထိုင်နဲ့။ မင်းက ပိုအလှမ်းဝေးတဲ့ကောင်းကင်ကြီးကို မြင်နိုင်သင့်တာ”

“ခင်ဗျားက အဲ့အလှမ်းဝေးတဲ့ကောင်ကင်လား?”

ကျိချင်းကျိုးက နှာခေါင်းရှုံ့သည်။

“ချီးလို့ အလှမ်းဝေးတဲ့ကောင်းကင်လုပ်နေလိုက် ကျွန်တော်တော့အာရုံမလာဘူး!”

စကားအဆုံး ဖုန်းကို တန်းချပလိုက်တယ်။

ဒေါသတရိပ်ရိပ်တက်နေတဲ့ သူ့မျက်နှာကိုကြည့်ပြီး ခုနဖုန်းကဘာအကြောင်းဖြစ်မှန်း ချူချန်ရေးတေးတေးခန့်မှန်းမိလာသလို လက်ဆန့်၍ ကျိချင်းကျိုးအား ရင်ခွင်ထဲ ဆွဲသွင်းလိုက်ကာ အနမ်းတို့ပေးရင်း ‌စိတ်သက်သာရာရစေလိုက်သည်။

“ဒေါသထွက်မနေနဲ့တော့လေ”

ကျိချင်းကျိုးကတော့ ဒေါသထွက်ပြီးစိတ်ထဲတနုံ့နုံ့ဖြစ်နေဆဲ။သူတကယ်နားမလည်လို့ပါ။လူတစ်ယောက်က တစ်ခြားလူရဲ့ကိစ္စကို ဘာကြောင့် ယုံကြည်ချက်ရှိရှိနဲ့ ဝင်စွက်ဖက်နိုင်ရတာလဲ! မင်းကောင်းဖို့အတွက်ပါဆိုပြီးတောင် ဟန်ဆောင်ပန်ဆောင်လုပ်လိုက်သေး။တကယ်ဆို ဒီလောက်ကိစ္စကြီး သူ့ကို ကြိုပြောထားဖို့မလိုဘူးလား? သူကပဲ အလေးထားဖို့တောင် ထိုက်တန်မနေလို့လား?

ဗီလိန်ဥက္ကဋ္ဌရဲ့ ချစ်သူလေးအဖြစ်ကူးပြောင်းလာခြင်း [မြန်မာဘာသာပြန်]Where stories live. Discover now