17

2.3K 113 3
                                    

بيـــن وصـــالك أوصاف~

« المــــــزرعــــــــــه »

٨ الصباح بتوقيت المملكه العربيه السعوديه , الجده مزون طلعت من غرفته تجلس والعامله تصب لها قهوه : ام سعيد مشت؟
الجده ام محمد وهر ترتشف من القهوه بهدوء : ايه
وديان الي دخلت وهي تلولش : اخيرا مابغو !
تنحنح رائد و تكلمت ريوف : تعال ،
دخل وهو وجهه مفقع نوم : صبــاح الخيــر ،
الجده مزون : هلا بعيون جدته ياصباح الخير وانور , تعال يابعدّ حييّ ،
جلس بجنب جداته وباس يدهم : ياعساني مانحرم بس ،
الجده ام محمد : ياحبيب هالقلب انت , الا اقول رائد الباقي ماصحو ؟
رائد : والله مدري كل واحد بغرفته
لفو من انفتح الباب , الجده مزون : تعالي تعالي ،
دخلت رسيل بحراج من نظرات رائد تجلس بجنب جدتها وريوف , وصبت لها الجده مزون قهوه : شكراً ..
الجده ام محمد وهي ترتشف من فنجالها وماسكه الضحكه : اقول يارويد شكلك تبي هادله بجبهتك صح !!
ضحك بورطه يعتدل بجلسته : لا شدعوه يام محمد !
الجده ام محمد : هاه اعقل وترك البنت الي صارت عيونك كلها صورتها !
ميل راسه بتنهيده : آآآهه ياجده حفيدك تعبت قلبه حفيدتك !
الجده مزون وهي تضحك : تراني مضبطتك !
رائد : لبى والله الجده الي تحس بحفيدها مب جدّيدّتي الثانيه بتهفني بـ الدله ،
لفت ريوف تمسك ضحكتها من وجها الي ماليه الحياء , تهمس بعبط : لا تسيحين بس !
رسيل : ريوف بيجيك كف ..
بعدت عشان ماتلقم كف صدق : خلاص خلاص امزح !
رائد : اقول ريوف ..
تمتمت بستغراب : هممم ؟
رائد : شرايك تاخذين جداتي وتطسون ؟
توسعت نظراتهم بصدمه , الجده مزون بذهول : ام محمد هاتي الدله انا الي بهفها فيه هلمره !
الجده ام محمد : والله يارائد لاهفك بالفنجال اخليك تتنوم بلمستشفى !!
رائد:  لا خلاص والله توبه ..
الجده مزون : الثقل زين وش هالخفه ترا مهوب زين لرجّال يصير هشكل عيب ! , يويلي يام محمد صدق على كثر عيالنا ولا واحد فيهم ثقيل كل واحد اخف من الثاني !
الجده ام محمد : خليها على ربك بس نعنبوهم من عيال صدق ماش هلجيل مهوب عاجبن !
الجده مزون : والله ان اشوهم عبدالعزيز ..
شهقت تلف بصدمه : يويلي ويلاه صدق عبدالعزيز !!!
الجده مزون : والله ان اشوا واحد فيهم هاذولي قله ادب وعدم حياء ولا مستحئ !
الجده ام محمد وهي تصفق يدها ببعض بقهر : ليتهم يعطون شوي من عبدالعزيز ودانه هلحمير الي بيجننوني تخيلي ان امس يوم اقولها ترسل لعبدالعزيز يجي خلت اديام ترسله !!
انفجر رائد ضحك , لفت الجده مزون بحدّه : وش الي يضحك !
رائد : عــــــــــزوز حمــــــــــارر ..
الجده ام محمد : منت ببعد منه  الزين ويش بعد  انها طلعت ولا رجعت والحريم يسألوني عنها مدري وش اقولهم مدري وين تغطس ذا الادميه !
طلع رائد وهو يضحك بعد مارما بوسه لرسيل وجداته شوي ويجلدونه يتجاهل صراخهم ويناظرهم ويضحك , دانه : هيه امش زي الخلق !
لف عليها  : ياويــــــــــلك يــويلك ..
دانه بذهول : وش !
رائد وهو يبتعد : ادخلي وشوفي
دانه وهي ترجع لورا : والله مادخل ..
يصل لمسامعها صوت  الجده ام محمد : تعالي تعالي ،
عضت اضفر ابهامها بورطه تدخل : وش !
الجده ام محمد : عطون حاجتن اهفها فيها ..
رسيل وهي تضحك : شفيك اليوم بتهفهفينهم الضعيفين !
الجده ام محمد : انتي بتهبلين فيني قولي ؟
دانه : شدعوه وش سويت ؟
الجده ام محم د: وتسالين بعد وينك من امس !
دانه : موجوده ..
الجده ام محمد : بالله عليك ؟
دانه : ايه والله ..
الجده ام محمد : حمارك وين؟
دانه بستغراب : من؟ عزوز؟
الجده ام محمد :فيه حمار غيره ؟
دانه : والله اذا فيه حمار , فيه حميــر واجــــد بعد ياجده ،
الجده مزون بصدمه : شقصدك !
دانه وهي تنفجر ضحك:ماقصدكم والله هدو
الجده ام محمد : ابك عبدالعزيز وين من امس ماشفته ؟
دانه بفخر : كبيت عليه مويه وهجيت شرايكم فيني بس
الجده مزون : والله راينا فيك يبا من يصفقك كف يسنعك ..
دانه : افا يابو ذا العلم !
ريوف وهي تضحك : يويلك مسكوك
دانه بعدم اهتمام : عادي معد تفرق ان مانجلدت منهم بنجلد من عزيز وخاله هلو قالت لي جيبي لي جوالي امس وسحبت وامجاد متوعده فيني وI don"t take sara = انا لااهتم , ايزي بيزي
رسيل وهي تصفق وتضحك:البرود الي عندك اوف
الجده مزون : نعنبو شكلك انتي ماتخلصين مصايب ماتعقلين!
الجده ام محمد : لاماتعقل غلطت عمري يوم ان وافقت على عبدالعزيز يتزوج لا بعد طلعت اهبل منوه !
لفت تناضر المجلس بستغراب و لفت على رسيل وريوف : برج المراقبه وين غريبه ماشوفه ؟؟
رسيل وهي تهز راسه بنفي وتضحك : راحت تخيلي
دانه : كلوليــــــــــش مابغــت !
الجده مزون بستغراب : منهي؟
ريوف : ام سعيد مسميتها برح المراقبه ،
صرخت بقوه من اضربه الي توسطت كتفها : هااااه !!
الجده مزون بصدمه : اقضري صــــوتك !
دانه وهي تفرك كتفها : ااححا شسويت !
الجده ام محمد بذهول : نعنبو شكل عدوتس ماتسحتين انتي مابتس حياء , خلاص وش تطلبين المّره يوم مسميتها برج المراقبه ماتعلمينن !
دانه : والله اني صادقه تلسكوب موب آدميه , بعدين ماقلت شي ترا برج المراقبه حلو ياجده شفيك انتي !
الجده ام محمد : قومي انقلعي عني ناويه ترفعين ابو ضغطي على ذا الصبح ،
طلعت دانه وعلى حضها ازفت ان عبدالعزيز طالع بس كان لاف رمت الطرحه على وجها وهي تكرر آيه«وَ جَعَلْنا مِنْ بَيْنِ أَيْدِيهِمْ سَدًّا وَ مِنْ خَلْفِهِمْ سَدًّا فَأَغْشَيْناهُمْ فَهُمْ لا يُبْصِرُونَ » تنهدت براحه عميقه من تعدت كتفه بخطوات قليله , فزت من سحبها تسقط طرحتها على اكتافها , وينطق بستخفاف : يعني كذا ماعرفك انا ؟!
دانه وهي ترجع اطرحه على وجها : مضــيع اخــوي لــو سمحــت بعــد ،
عبدالعزيز : تــدريــن انك بتتصفقيــن صــح ؟؟
دانه : لو سمحت لو سمحت انا ماعرفك عشان تتكلم معي بذا الأسلــوب اصلاً انا اول مره اجي ذا المكان , وبعــدين مين انت عشان تمــد يــدك !!
سحب الطرحه من وجها وسحب اذنها : تو صاحي ومالي خلق لنفسي حتى والثلاث القورير المويه الي كبيتيها بتندمين عليهم والله , كم مره تفاهمنا وقلنا لاتكبين مويه بس عقلك الحمار يبي يتصفق صح !
دانه بستغراب : كيــف بتصفق عقلــي ! , حمار انت ؟
عبدالعزيز بنفاذ صبر : دنــــــو !
دانه : هــــاااه !
عبدالعزيز : سبحــان الله مــوب تو تقولين ماعرفك الحين صرتي دنــو ؟
دانه : لعلمك ترا فيه مليــون دانه على وجهّ الكوره الارضيه
رمت طرحتها على وجها : ويلا لو سمحت انا وقتي ثمين ووراي اعمال وبزنسات !
عبدالعزيز بستخفاف : والله !
هزت راسها بايه , ومر صمت وهو يناظرها بصمت وصبر يحس وده يصفقها لحدّ مايشفي غليله , طاحت طرحتها على كتفها عشانها ماثبتتها زين و ابتسمت بورطه وهي تضحك ناضر تعابير وجها رجعت الطرحه لوجها : معليش معليش ..
ضحك غصب يبعدها عن طريقه : طسي بس قبل اصفقك صدق ،
دانه وهي تضحك : صنعت يومك , وبعدين عندي ترا بزنسات انت الي سحبتني لو تذكر ؟!
عبدالعزيز : امحق يوم صدق , روحي روحي الله يستر عليك , بزنسك تزعجّين بخلق ربي بس هاذا الي فالحه فيه ،
مادرا الا بلقروره الي بضهره لف لقاها وصلت تخر درجه : هين هين
دانه وهي تناضر من فوق : احسن تستاهل عشان تعرف انك جالسه تكلم دانه محمد المطيــري
عبدالعزيز : والله واتبن ..
دانه : فيك
عبدالعزيز : يادنــــوو ،
دانه : وفيــــك يا عــــزوز ..
خرجت الجده ام محمد تصرخ بذهول : نعنبوكم أصواتكم يسمعها اخر جار انتــم ماتستحــون , ويــن الاحترام بين الزوجيين , يوم بس يوم اتمنا تكونون عاقلين وتكونون زي كل زوج وزوجه !!
عبدالعزيز : هي قليله الأدب والله ماتحترمني !
رفعت راسه لها : انتي متى تحترمين رجلك ؟
دانه : وع ..
عبدالعزيز : شفتي شفتي حتى كابه علي ثلاث قوارير مويه , متخيله ياجده تبين احترمها ذي حلال من صفقها !
دانه : احسن وتستاهل وقليله بحقك كم مرهه قلت لك قوم ياعزوز قوم قوم بس انت ماتفهم قلت لك بكب عليك مويه بس انت ماسمعت الكلم , اعلمك عليه ياجده توه يصلي الفجر والحين الساعه عشر !
لفت عليه بصدمه عبدالعزيز بضيق : استغفر الله نمت والله ،
الجده ام محمد بصبر : انقلعــــــــــوو عن وجهي ،
تفرقت طُرقهم يخرج للعيال وتتوجه للبنات تدخل الصاله , هيفاء : بسميها بتول انشاءالله
دانه بسخريه : بتول ولا بلعرض .. ؟
هيفاء بستخفاف : ه ه ه ه ه ه خايسه !
نجلاء : احس بيان احلى
دانه وهي تجلس وتحط المخده بحضنها بستعباط : بيان ولا قيتار ..
وديم : يقلع ابو الملاقه
دانه : ملاقه ولا شوكه هههههههه , خلاص امزح امزح بنوته ؟
رهف : يب ومحتاره بين الاسميين يا بيان يابتول ،
دانه : سموها دانه احلى ،
هيفاء : مانجنيت إلى الآن حبيبتي اسمي عليك !
دانه شمقت لها : اذا جتني بنت بسميها هيفاء وبصير احسن منك ..
هيفاء بستخفاف : وايه ان شاء الله متى تجي بنتك ؟
دانه : اذا حجة البقر على قـــرونها ..
عواطف وهي تضحك : داريه بلجنه؟
ضحكو البنات ودخلو رسيل وريوف شادن : غريبه صاحين
فرح : صدق وشلتكم وين
رسيل : نايمين محد صحا الا حنا الثلاثه
لاراء : وانتي غريبه صاحيه ؟
دانه : ماجاني نوم

بين وصالك أوصاف حيث تعيش القصص. اكتشف الآن