بيـــن وصـــالك أوصاف ؛
أستغفر الله العظيم وأتوب اليه 🩶
*
في احد محلات الورد الي دخلوها عبدالعزيز وريان مع مازن الي فر بهم كل المحلات , وهذا المحل المليون الي دخلوه وتقدم فيه مازن لراعي المحل : السلام عليكم
رد عليه حمد مبتسم : ياهلا , وعليكم السلام !
مازن : عندك ورد ؟
ريان : لا والله تصدق عنده خضروات
عبدالعزيز : ايه شف البصل وراك
مازن : البصل عطه العنزي الي بجنبك والله
رجع يناظر حمد : ابي ميه بوكيه ورد
حمد : ميه !!
مازن : ايه الفلنتاين اليوم
حمد : كم لك حبيبه انت !
ضحك بصدمه : ابك لا !
ريان : عنده حبيبه وحده بس اذا بيهديها ورد بيشكون أهلنا فخلاص راح يجيب لهم كلهم عشان مايشكون
عبدالعزيز : المهديين واجد والمقصود واحد
مازن : عطوه اسمها بعد ! يناس الي يقولكم سره غلطان قسم بالله
رجع يناظر حمد : بتسوي لي ولا لا ؟
هز راسه يضحك : بسوي , وش ودك لون ؟
مازن : واحد احمر والباقي كله اصفر
عبدالعزيز : ليش اصفر يعني ! مالقيت الا اصفر
مازن : ايه رمز الزماله هذا
ريان : داخل شركه انت , أهلك هم ترا موب زُملا
مازن : خلاص جب وردي اجل مدام كلهم بنات , وجب بوكيه ثاني احمر للحمار هذا متزوج على قل سنع
ضحك عبدالعزيز بصدمه , وطلع صرافته مازن يدفع مُسبقاً : اعلمك الرومنسيه انا الحين , مع ان زوجتك ماتستاهل بس يلا معليه
ريان : لاتجيب لها بوكيه وردي دانه جب لها بوكيه اسود
مازن : قسم بالله بس اخاف تقطع بوكيه الحُب كله على ظهري
عض شفايفه يضحك : تسويها والله ترا ! كارهتكم بزياده
مازن : بالله جمل صورتنا عندها شوي على الله تفك عنا شوي
رجع يناظر حمد : بالله انت بعد استعجل اجيك شوي أخذهم كلهم
هز راسه يضحك : ابشر
ريان : دقيقه انا بعد بجيب لها ليش انتم بس تجيبون !
مازن : يارجال انت تلعب
ريان : لا مالعب بجيب لها ورد اصفر مُحايد
عبدالعزيز : بس هذا حق الزماله
ريان : يصير حق إعجاب بعد معليك , جاز لي شكله
مازن : خلاص بعد حط اصفر , ثنين احمر واحد الصفر والباقي كله وردي
هز راسه حمد : ٧ ساعات بالكثير وهو جاهز
مازن : واجد !
عبدالعزيز : يارجال انت احمد ربك بعد انها وافق يسوي لك كل هذا
مشوا على وشك الخروج لكنه شهق بتذكر يرجع له : اسمع احمر غير عن احمر ! ابي واحد احمرر شيء عندك لا تلطخ حق حقتي مع حق حقته !
ضحك ريان بذهول : والله ياهو يحب من قلب حتى وردها يبيه غير
عبدالعزيز : مهبول والله واخر شيء موب معطيته وجه
ريان : من زوجتك والله
عبدالعزيز : شدخل زوجتي !
ريان : هي مستقعدت لها ماتخليها تكلمه !
عبدالعزيز : وانت تصدقه بعد , بعدين لو فجر تحبه صدق ماسمعت كلام دنو اذا انتم صادقين ان زوجتي مستقعده لها
« قصــر آل عامــد »
استقر يومهم على نفس الروتين غالباً من جو ال عناد الي مر على جيتهم اسبوع وهم روتينهم محوس ويومهم مليان بالفوضى , إلى حد ماستقروا على نفس الروتين كلهم الروتين المليئ بالفعاليات والفرح والسرور , تماماً مثل الان , من قومت البنات الجوهره بدون سابق انذار لجل يتجهزون لحفله يوم التأسيس السعودي ببيتهم الي قررت انهم يحتفلون فيها , ضحكوا خالاتها بذهول يشوفون المشب الي ملته توراث وصور اجدادها , ابتسمت ام سلمان : واو والله !
ضحكت الجوهره تجلس بجنب سعود تساعده بشبه النار : مسويه لكم فعاليات انا
عناد : وماخرتني عن زوجتي عشان اشبلك النار
ابتسمت ترمي له بوسه : حبيب خالتك انت شكراً
وقف ينفظ يده من الحطب مبتسم : عفواً ياقلبي
خرج عنهم مع زوجته يعيش لذه الحب معها بيون الحب , وابتسمت مزون تتامل البنات الي يدخلون ويطلعون لجل كم غرض بلبس شمالي عريق ! يمثل اصلهم الي انولدو فيه وتراثهم القديم الي اليوم يعيشونه ببساطته وبفعالياته الي الكل مستمتع عليها , بينما الأعلى وقت تكت رفيف ترتسم لها ايلاينر : ناس نحتفل بالفلنتاين وناس تحتفل بتاسيس
سحاب : والله معليش انا مبسوطه مره , اشتقت لسعوديه ولكل شيء فيها والله !
روان : امانه صادقين كلهم راحوا !
هزت راسها وسن : كلهم امجاد وصبا وانهار واوتار وعفاف , يابنت اقولك البيت فاضي كلهم طالعين يحتلفون بحبهم مع بعض
دخلت الجوهره تضحك : آخرهم شادن وسعود الي تو راحوا
لفت رغد : دنو انتي ورا ماطلعتي معهم وفكيتينا من صياحك
دانه : ناشبه ببلعومك انا , مابروح مكان
رهف : اقولك شهد وفجر من اليوم فوق راسها يخططون يسون لها هي وعبدالعزيز جلسه رومنسيه عاد انتم لكم ان تتخيلوا كيف بتكون جلستهم
وديم : ماتصلح لهم والله فجر اغسلي يدك ماتجي والله
ضربت الطاوله فجر تلف على دانه : والله ان تجي
رفعت طرف ثغرها تصدر صوت رفضها القطعي بأنه تلبس له فستان مفصخ من كل الجهات وتسوي الي هي تبيه , شهد : ياحماره اليوم يوم الحب قسم بالله لو اني متزوجه مالبست لها شيء بعد
صرخوا بصدمه , وضحكت بذهول فجر ترقع لها : هي تقصد تدلعه تدلعه !!
ريهام : الله يقرفكم ياشيخ
طلعت ريهام , وضحكت امتنان : اقول قدامي بس خواتي من اليوم ينتظرانكم
سحاب : يناس هاذي مصدقه انها خالتنا
امتنان : وغصباً عنك بعد
سحاب : تخسين تراك اختي والله موب اخت امي !
امتنان : اختك واخت امك
ابتسام : والله اكتشفت اننا عائله متكهربه
رسيل : عايله غريبه مره صح ؟
كيان : جداً جداً
نزلوا للمشب كلهم من انتهوا من تجهيزاتهم الي كلها استهبال واحتفال بسيط يغير جوهم بس ! والنكبه الضيوف الي دخلو عليهم وهم بذي المناظر البدويه , وحلفان مزون عليهم انهم يدخلون يسلمون عليهم وهم بذا البس زاد عليهم الأمور سوء , واما بالحوش وقت كانوا واقفين فجر ودانه يصورون شهد بثوبها الشمالي وبشعرها الكيرلي الي ترفع نصه دائماً , وبكوب الماتشا الي بيدها مبتسمه وتدلع عليهم دلع يغثهم ومع ذلك مستحملين لجل ياخذون لها صور تكون ذكرى لهم على المدى البعيد , صرخت فجر تسحب كوب الماتشا منه : اول مره اشوف بدويه تشرب ماتشا يعني !
ضحكت دانه تعدل ستناد الكاميره : بدويه عليها قل صح ! شوفي فجر بدويه اصيله
شهد : ايه فجر ؟ من بدو بريطانيا هي والصبغه هاذي انا اول مره اشوف بدويه شقراء !
فجر : اقول بس لا تطقطقين على صبغتي انتي وشوشتك الطايره ذي عدليها ! خل اصورك زين
دانه : ياليل ابو لمبه صدق
لفوا عليها بستغراب : وش ؟
ناظرتهم بملل : طفت الكاميره بروح اجيب الشاحن
فجر : مستحيل دنو تقول هي بنفسها بتروح تجيب الشاحن ! وش صار بدنياء
شهد : مستحيل والله العجازه تحركت !
نزلت جزمتها تطيرها على فجر ونزلت الثانيه تطيرها على شهد وتمشي تدخل البيت بدون جزمه , وضحكت فجر : بدويه لابسه شراب سبونج بوب يعيني على البداوه صدق
دخلت بطريقها تصادفهم الثلاثه توهم داخلين , وصد مازن ورمش ريان وضحك عبدالعزيز بذهول : دنو !
ورمشت بصدمه : شلون عرفتني !
رفع انظاره مازن : احسبك حرمه !
دانه : احلف وانا احسبك رجال
ضحك بتسليك , ورمش ريان يصد بوهقه من صفقه مازن يهمس : وش مفهي فيه انت !
ريان : وربي ماقصد شيء بس عيونها يساتر !
سحبه بصدمه بعيد عنهم يطلع به لفوق : ماودك تصير عشاء لعبدالعزيز صح !
ريان : صح
مازن : اجل كمل طريقك وامش خل نخلص شغلنا
طلعوا يكملون شغلهم , بينما هو الي تقدم لها واردفت : شلون صدق عرفتني ؟
عبدالعزيز : وتتوقعين اني ماعرف عيونك ؟
أخذها لصاله يغلق الباب خلفهم , ورفعت يدها تمسك يده بذهول من جا بيفك لثامها الي سوته لها ام محمد : لا ! لسى ماصورت لا تفكه !!
عبدالعزيز : بسويه لك منجديد
نزله تتجسد فيه باله ابيات قصيره "زحتُ اللثام رأيتُ البدرَ مُعتنقِ !" , بدر بكامل صورته امامه , بين يدينه ! وملكه وحلاله وخاص فيه وله , مبتسم ابتسامه تهلكه زياده ! والله وزياده , من بانت ملامحها كلها له , ملامح عظيمه الجمال في عيونه ! دانه : عجبتك ولا وش ؟
عبدالعزيز : نتزوج ؟
دانه : لا متزوجه انا
عبدالعزيز : ياحظه والله ياحظه
دانه : ايه والله ياحظه , طاح له على نعمه ماطاح عليها غيره
تامل عيونها : ولا بيطيح عليها غيره
دانه : ليه ماراح يطيح ؟ ماتدري يمكن يطيح هو بعد
خلل انامله بشعرها ينحني لها : لجل نار جهنم تصله وهو لسى بدنياه
قبّل عيونها قُبّله طويله تهلك قلبه من عُمقها ومن حلاوتها وحلاوه تقبّيلها وتقبّيل عيونها , من حلاوتها ذبحت قلب عن الحُب تايب ! رفع وجهه بعد ثواني طويله يتاملها وضحكت ! ضحكت من اتجهت عيونها لثغرها يتركها لها وقتها ولا يجبرها على شيء إذا هي ماودها فيه ! ان رضت فهي بتكون هاديه بين يدينه وان مارضت بتبعده وتفلت من قيود تقيد خصرها وظهرها : لو قلت لا !
ارخى جبينه على جبينها يغلق عيونه : لا ؟ لا , مابعد كلمتك امر افعله طال عمرك
دانه : ليش طيب تسمع كلامي بسرعه ؟
عبدالعزيز : ماودك اسمعه ؟
دانه : الا بس مدري
رفعها يجلسها على الطاوله يرجع يسوي لها لثامه شماليه شمريه مُتقنه تزيده هلاك من برزت عيونها زياده وزياده :
رضاك فوق كل رغباتي , ان عطيتيني الضوء الأخضر ولا ان رفضتي
دانه : تغليني طيب ؟
عبدالعزيز : وهو بقى غلا اصلاً ؟
دانه : طيب تشوفني أصلح اصير بدويه ؟
عبدالعزيز : قولي يغليك قلبي حمو
دانه : يغليك قلبي حمو
عض شفايفه يضحك وهو الي خلها تنطق له "أحبك" بيوم 14 فبراير على اصل شمري ونهج حايلي ولهجه شمالي , يهمس مبتسم : ياهلاك عبدالعزيز انتي , ياغلا قلبه بالحمو الحيلو بعد !
دانه : والله مدري وش تقول بس شكراً
رفعت راسها من دخلت غزل وسرعان مارفعت حاجبها : شتسون ؟
دانه : وش تشوفينا نسوي انتي ؟
عضت شفايفها تشوف عبدالعزيز الصاد عنها وكل انظاره عليها امامه : فيه ضيوف ليه يدخل !
دانه : مدري يمكن لانه بيته ؟
غزل : مو بيته !
دانه : عساه بيتك اجل ؟
غزل : مو بيتي بس عيب العيال يدخلون اذا فيه ضيوف وكثير ترا الضيفات !
دانه : ايه معليه هم الطالعين وهو الداخل
غزل : طيب قومي نادي بقرتينك جدتكم تبيكم
دانه : زين , سكري الباب
أخذت شنطتها من عندهم تفتح الباب على وسعه , واردفت منجديد بملل : يبيلك تصفيق والله ياذبانه
رجعت تلف عليه تشوفه مبتسم : متى تفك لي الجبص خلاص عاد يدي ابيها !
عبدالعزيز : تبينها بتصفيق ؟
دانه : اجل وش ابيها بغيره ؟ , بروح لفطفوطه الحين واصور كم صوره بس وبعدين ببدل وتاخذتي نروح نفكه اسرع شي لا تروح مكان مابطول !
عبدالعزيز : انتظرك كل عمري وسنينه لو تطولين مليون سنه بعد
دانه : ليه مليون ؟ ترا ٢٠ دقيقه ماتاخذ
صرخت ام محمد تناديها ونزلت تطلع لها تقلط بلغلط وسط الضيوف الي انصرعت من كثرهم ولا توقعت ولا واحد بالميه انهم بذا العدد بذات انها قلطت بشراب اصفر يصك العين وشكل مرقع ومن فوق بس الي مرتب , ولا سلمت حتى ! وقفت بنص وكل الانظار عليها تناظرهم بشكل غبي يضحك وانحاشات تجري وتتجاهل مُناداتهم لها , عضت شفايفها مزون باحراج وضحكت امها بصدمه تهمس لخواتها : هاذي شسوت !
ام ذياب : انحاشت وش سوت بعد ؟
طلعت لفوق تدق على فجر الي ردت تصرخ : وينك ياحماره أدق عليك من اليوم ! اخلصي تعالي جبنا الشاحن وشحناها وامتلت وانتي للحين تتسحبين
دانه : فجر جدتي حتقضي علي والله بنحاش افك الجبص عشان على الاقل اذا صفقتني اقدر ادافع عن نفسي
توسعت انظارها بصدمه : وش سويتي مُصيبه بدونا ياخاينه !
دانه : اقول شيلوا قراشيعكم وانحاشوا لسطح بس , لا تسحبكم تسلمون على ضيوف من الطبقه المُخمليه وانتم بذي الترقيعات
وصلها صوت شهد : يويلي مسكتك !
دانه : وبتمسكم والله انحاشو
مامداها هي حتى تكمل تطلع لفوق من دخلوا من الباب الخلفي يشيلون الكاميرات والفلاشات معاهم , الفلاشات الي بعز القوايل وأمام الشمس مشغلينها , رجعت تنزل تشيلها معاهم ويطلعون فيها لسطح , تبعد شهد وتوقف أمام الكاميره هي : اخلصوا صوروني صورتين حلوه بسرعه بروح !
عدلت الجوده فجر , وعقدت حواجبها شهد : وين تذلفين ؟
دانه : بروح افك الجبص الخايس ذا
شهد : من كاسرك انتي صح ؟
فجر : هي كسرت نفسها بنفسها , طبت من فوق الدولاب المهبوله
دانه : تشكين لها ؟ وهي طابه معي من فوق البلكونه ؟
توسعت انظارها بصدمه : بعد حتى انتي !
شهد : هي الي خربتني !
