هوه الي اختاره وهوه الي ياخذني ويجيبني ما اعترضت المهم اطلع من البيت العصر گاعدين تفاجأة من شفت تمارة گدامي سألتني.
تمارة:: ضي ممكن نحچي شويه بموضوع مهم.!؟
رفعت حاجبي مسغربه على شنو نحچي صگت اسنانها وگالت بعصبيه.
تمارة:: گتلچ شيي مهم تعالي نطلع نحچي شويه ماعندي وقت مستعجله اريد اروح للمطار.
ضي:: يقين شويه وارجع.
يقين بنيه تشتغل ويانه هزت راسها طلعنه اني وتمارة گدام الكوزمتك حضنت اديها لصدرها وگال بخبث.
تمارة:: قبل اسبوع سدير ماچان ابغداد چان هوه وعزيز وياي تريدين تعرفين السبب.!؟
سحبت نفس بصوت عالي.
ضي:: وشنو السبب.!؟
ويه كل كلمه تگولها احس نَفسي يضيق.
تمارة:: چنت حامل بطفل سدير بشهري الاول وسدير من عرف اجه هوه وعمة وجبروني انزل طفلي بس حتى طفلچ يعيش ويكون اله اب واله اسم.
ضحكت بيني وبين نفسي كل ماگول سدير تغير يطلع كلامي غلط ويكسرني.
ضي:: والمطلوب مني شنو اني شعليه بيكم.!؟
كلامها كلش ضوجني.
تمارة:: سدير متمسك بيچ بس لحساب ابنه من بقى يمي اليل كله اعترفلي مخليچ لحد ماتخلفين ابنه اصلاً ولا مهتملچ.
رديت عليها بنفاذ صبر.
ضي:: عادي اخلفله الطفل واتركه بعد شرايده.؛!؟
تحچي بكل حقد وحقارة.
تمارة:: انشاء الله ابنچ ميشوف نور الحياة واضل حصرة بگلچ وگليه وخطية طفلي برگبتچ الله يحرگ گلبچ ياضي.
ذبت كلامها ودارت وجها وطلعت مسحت وجهي واكو وجع بگلبي من كلامها دخلت جوه وحاولت اكون طبيعية خلص باقي النهار واني روحي طالعه.
يعني اكو نفس طفل بريئ بسبب طفلي ماتت الساعة 9 باليل سدير اتصل عليه رفضته وطلعت لگيته منتضرني بسيارة صعدت ويا بدون صوت.
سدير:: شلون چان يومچ تعبچ ابني مدري بنتي.!؟
اجاهلته وخليت راسي على الجام وغمضت عيوني ماريد اسمع صوته ولا اشوف وجهه.
سدير:: امم من الواضح مالچ خلگ.
هم مارديت وصلنه البيت ونزلنه لزم ايدي ودخلنه جوه الكل گاعدين على العشى غسلنه وگعدنه نتعشى وياهم لميت الماعين ويه تبارك وسوينه چاي.
ترخصت منهم وصعدت للغرفة سبحت وطلعت نشفت شعري وتمددت على الچربايه لأن كلش تعبانه وضايجه اتصلت على خاله منار.
