سدير:: ضييي وغلات عيونچ مو بيدي اغار عليچ من كلشي شسوي وانتي تنطين عزيز وردة ضييي وردة.!؟
حچيت بعصبيه وبدون ما انتبه.
ضي:: لعد شنو انطي بوسه.
غمض عيونه وحچه من بين اسنانه.
سدير:: گومي نامي لأن ماريد احچي شي اندم عليه بعدين.
اعرف بنفسي بعرتها سكتت وگمت تمددت وتغطيت طفه الاضويه وتمدد بصفي بدون ميحضني حيل ضجت لأن تعودت على حضنه درت وجهي عليه لگيته داير وجهه عليه مفتح عيونه بس ضايج حچيت بهمس.
ضي:: ارعن.
رفع حاجبه.
سدير:: ارعن.!؟ هاي فوگ ما نچبيت وسكتت..!؟
نهضمت وغطيت راسي سحب الغطه مني.
سدير:: يروحلچ فدوة حضني وعشيرتي تعالي.
سحبني لحضنه حسيت الغصه ابلعومي يبوس براسي ويمسح على ضهري.
سدير:: ادري ضجتي مني بس وابو فاضل اغار عليچ وانتي الله يسلمچ فاهيه واجفصين بدون قصد.
حچيت بضوجه.
ضي:: كااافي ترى انته الي غلطااان بررتلك بس بقيت تلح.
حضني حيل وضحك.
سدير:: ههه اني غلطان عمي بس لضوجين يگلبي.
غمضت عيوني وضليت مركزه ويه دگات گلبه لحد ما نمت.
مرة اربع ايام واليوم حنة ايات وبارق كلشي حلو ومجهز گاعدين نضيف المسات الاخيرة على ايوو تبارك وبيداء نزلناها.
الكل جوه ترافه وزكيه وعمات ايو وخالتها خالت بارق وبناتها يعني كومه نسوان هلاهل وصفگه صور مر اليوم كلش حلو وفرحة ايات متنوصف.
الكل راح لبيته بس اني ضليت يمها كملنه تعزيل البيت بقينه نعزل بجهاز العرس سوينه عشه وعمو محسن وهو وخاله شيماء دموعهم توگع بالاكل.
ضي:: خاله عموو شسالفه كافي بچي وبعدين بارق مو گللكم النهار كله تجي يمكم ومن يرجع من المركز ياخذها يعني بس باليل مو يمكم.
باوعت على ايات اشاهك وهمه يبچون اخذني الواهس وگمت ابچي وياهم اتصل سدير اخذت تليفوني وطلعت بالحديقه رديت عليه اشاهك.
ضي::ههلوو سدير.
سدير:: حبيبي شكو شبيچ.
ضي:: همه ييبچون وبچوني وياهم.
سحب نفس بصوت عالي ويضحك نرفزني.
سدير:: ههه شنو عدكم فزعه بالمشاعر لخاطر الله طيحتي گلبي.
