قصة : ( ضياع الروح ) ل سهيلة سعيد المنجي

الحلقة ١٨

الحلقة الثامنة عشر { ١٨ } 🕊

كريم : طب عن اذنكم انا ✋
غادة : شكراً ي كريم
شاهندا : تسلم
كريم : العفو
( يبص ل سهيلة )
كريم : الف سلامة عليكي 🙂
سهيلة : ميرسي ي كريم 🙂
( يمشي كريم )
اكرامي : ايه الي حصل بالظبط ودة كان بيعمل ايه هنا ؟؟
( تحكي سهيلة الي حصل )
اكرامي ب انفعال : دة انا هخرب بيته الحيوان دة خلاص مبقاش عارف يسوووق 😡
سهيلة : مش هو الغلطان الغلط من صاحب المتوسيكل الي طلع مرة واحدة قدامنا
اكرامي : بردوا حسابه معايا بعدين ⁦☝️⁩
شاهندا : خلاص ي اكرامي حصل خير
مروة : المهم تقوملنا بالسلامة بس
غادة : الدكتور مقالش هتطلعي امتى ؟
سهيلة : قالي هبات انهاردة مقالش امتى هخرج
شاهندا : بس بسيطة اظن هيخرجك بكرة
سهيلة : انا مبحبش قاعدة المستشفيات دي 🙄
اكرامي : لو عايزة تمشي دلوقتي امشيكي
سهيلة : ياريت
شاهندا : لا خليكي انهاردة عشان نطمن عليكي الاول
غادة : ايوة عشان الخبطة ف دماغك متأثرش ع حاجات تانية 🤷
اكرامي : كلامهم صح خليكي انهاردة وبكرة اخرجك
سهيلة ب تنهيدة : خلاص اوك 😑
اكرامي : خليكوا معاها ولو في اي حاجة بلغوني اوك
البنات : اوك
سهيلة : كان موضوع ايه الضروري الي عاوزني فيه ؟
غادة : لا مش وقته بقا خلاص 😒
سهيلة : لا قولوا في ايه ؟!
شاهندا : امير عاوز ييجي يتقدم ل غادة
اكرامي ب استغراب : مين امير ؟!
غادة : زميلي ف الكلية
اكرامي : عاوز يخطبك يعني ؟
غادة : اه
اكرامي : طب وايه المشكلة ؟!
شاهندا : المشكلة انه هييجي يقابل مين ؟
سهيلة : هو عارف من غادة ان بباها ومامتها متوفيين وانها عايشة مع عمها
اكرامي : الي هو انا ؟
سهيلة : اه
اكرامي : خلاص خليه ييجي يقابلني 💁🏻‍♂
( البنات يبصوا ل بعض )
اكرامي ب استغراب : بتبصوا ل بعض كدة ليه ؟!
شاهندا : وانت هترضى ان واحدة فينا تتجوز وتسيب المكان وتسيبها انت ف حالها ؟!
اكرامي : بسيطة جداً هوافق تتعمل خطوبة والجواز بعد اما تتخرج م الجامعة وانتوا لسة ف تانب سنة يعني لسالكم سنتين ⁦✌️⁩
غادة : بس هو ميعرفش اني بشتغل ف night club ولا يعرف اني ماليش اهل ولا اي حاجة من دي 😕
اكرامي : اومال ايه الي يعرفه عنك بالظبط ؟
غادة : يعرف الي قالته سهيلة وانها بنت عمي هي وشاهندا
مروة ب استغراب : وهو صدق الكلام دة ازاي واكرامي الي يشوفه يقول ف العشرينات هيصدق انكم بناتشه ازاي ؟!
شاهندا : واحنا اكيد عندنا عمام غيره مش لازم اكرامي
مروة : طب مهو هييجي يقابله ع انه عمكم 🤷
سهيلة : بالله عليكي ركزى ي مروة .. اكرامي عم غادة الي هي عايشة معاه ان شالله يكون عنده 10 سنين مش مهم عادي كان جدتها خلفته متأخر دة لو سأل ف تفاصيل تافهه زي دي غير بقا ابهاتنا احنا ملناش دعوة بالموضوع المهم غادة دلوقتي
مروة ب فهم : ايوة اااه 🤔
اكرامي : تمام انا فهمت الموضوع قوليلوا ييجي ف الوقت الي هو عايزه وبلغيني قبلها
غادة ب فرحة : حاضر
( بعد شوية يمشي اكرامي ومروة ويفضلوا البنات يباتوا مع سهيلة ، يقوموا الصبح يروحوا البيت يغيروا هدومهم ويروحوا الكلية ، غادة واقفة مع امير )
امير : خلاص نجيلكم بالليل اسأليه ع ميعاد
غادة ب خضة : انهاردة ؟!
امير : ايوه
غادة : طب استنى اتصل ب عمي اشوفه فاضي ولا لا 😕
امير : اوك
( تبعد غادة شوية وتتصل ب اكرامي )
غادة : ايوة ي اكرامي .. امير عاوز ييجي انهاردة بالليل ينفع .. اه .. طب تمام اقوله امتى .. اوك .. باي
( تقفل مع اكرامي وترجع ل امير )
امير : ايه فاضي ولا ؟
غادة : اها الساعة ٩ بالليل
امير ب فرحة : واخيراً هنتجوز 😍
غادة : هههههه 🤭
( شاهندا قاعدة ف المدرج ، يرن فونها )
شاهندا : هالوهااا
احمد : هههههههه 😆
شاهندا : ههههههه 😂 بتضحك ع ايه ؟!
احمد : ع الي ضحكتي عليه
شاهندا : ايوة معايا لغات متفشخرش بيها يعني 🤷🏻‍♀️
احمد : لا اتفشخري براحتك شكل اخرك هالوها دي اصلاً
شاهندا : ههههههه لا دة انت لسة متعرفنيش 😌
احمد : طب م تعرفيني انا هموت واعرفك
شاهندا ب احراج : احم انت بتموت ف القفش كدة 😅
احمد : مبحبش الف وادور 🤷🏻‍♂
شاهندا : ولا انا بحب الي يلف ويدور
احمد : طب اشطا خليكي متفاعلة معايا بقا 😉
شاهندا : ههههههه هتفاعل حاضر هعملك لايك وكومنت كمان 🤭
احمد : هههههههه 😄
( ف المستشفى ، يوصل اكرامي يكلم الدكتور عشان خروج سهيلة ، سهيلة ف الاوضة نايمة بس مفتحة عينها ، يدخل اكرامي )
اكرامي : ايه الاخبار ؟
سهيلة : الحمدلله
اكرامي وهو بيقعد قصادها : عاملة ايه انهاردة ؟
سهيلة : كويسة
اكرامي : كلمت الدكتور هتخرجي دلوقتي
سهيلة : بجد !
اكرامي : اه
سهيلة : طيب هقوم البس
اكرامي : اندهلك الممرضة تساعدك او اساعدك انا ؟
سهيلة وهي بتقوم : لا انا كويسة هقدر لوحدي
( تاخد هدومها وتدخل التويليت تلبس وتطلع تمشي مع اكرامي ، هي تخرج وكان كريم داخل يشوفها اكرامي مسندها ، يفتحلها باب العربية تركب ويمشوا ، يتضايق كريم انه مشفهاش ويمشي ، ييجي الليل ، ف بيت امير ، امير ف التويليت ، يدخل مازن اوضة امير ، يمسك فونه وينقل رقم عنده ويمشي ، يعدي الوقت ، البنات ف اوضتهم عمالين يظبطوا ف غادة )
شاهندا : لا لا اللون دة تقيل مغمق وشها
سهيلة : اوكي هفتحه شوية
شاهندا : اها .. هنزل اشوفهم جم ولا لسة
غادة : اوك
( تنزل شاهندا تلاقي امير وبباه ومامته قاعدين مع اكرامي )
اكرامي : لا مش صغير ولا حاجة انا قربت اقفل ٣٤ سنة
الاب : لا والله !!
الام : مش باين عليك ما شاء الله 🤷🏻‍♀️
( تنزل شاهندا تسلم عليهم )
شاهندا : دقتيين وتنزل غادة 😊
( تطلع شاهندا تاني ، تدخل عن البنات )
شاهندا : خلصوا عشان هما تحت
سهيلة : خلاص خلصنا يلا احنا ننزل وهي تلبس وتحصلنا
شاهندا ل غادة : بس انجزي هااا 👏🏻
غادة : حاضر ⁦
( ينزلوا البنات ، تلبس غادة فستان روز بسيط فوق الركبة ، يرن فونها )
غادة : الو
مازن : والله صوتك وحشني 🙂
غادة ب استغراب : نعم .. مين معايا ؟!!
مازن : معجب
غادة : لو سمحت مش فاضية ل هزار
( لسة هتقفل .............. )
مازن : يعني حلال ل امير انه يعجب وانا لا ؟
غادة ب توتر : مين معايا 😕
مازن : نسيتي صوتي .. ماشي .. بس في حاجات بينا صعب تكوني نسيتيها ي غادة
( تتصدم غادة وتفتكر صوت مازن )
غادة ب خضة : مازن 😳
مازن : انا قلت بردوا مش ههون عليكي تنسيني كدة 💁🏻‍♂
( غادة مش عارفة ترد مصدومة )
مازن : سؤال بس محيرني .. امير يعرف انك كنتي متجوزة قبل كدة .. او سوري مش متجوزة طبعاً بس يعرف انك مش بنت .. يعرف ؟؟
غادة ب خضة : انت عرفت امير منين 😦
مازن : اه معلش نسيت اقولك اني اخوه الكبير .. والي حيلته 😊
( تتصدم غادة وتنزل دموعها ، تدخل شاهندا )
شاهندا : ابو شكلك انجزى الناس ه‍ .........
( تشوفها بتعيط )
شاهندا ب استغراب : في ايه مالك ؟!

( متنسوش اللايك ورأيكم .. 🤍✨ )

#قصة_ضياع_الروح_ل_سهيلة_سعيد

#sohila_sa3ed