حبيت اعمل نقاش مشترك تاني المرادي مع صديقي محمود ونحب ننتناقش معاه في موضوع مهم او محتاجه ليه تفسير من وجهه نظره
✍️رونا
😂😊👇
عاوزين نعمل دراسة مع الرجالة تعرفنا ليه الراجل مش بيعمل أى حاجة إلا لما يوصل لمرحلة الاضطرار وبيشوف أى عمل لحد ما يوصل انه مضطر يعمله ، مش بينزل الشغل حبا دا عشان مضطر لانه عاوز فلوس ، مش بينزل الجيم الا لما يلاقى نفسه تخين ومضطر يخس ، مش بيساعد مراته الا لما يلاقيها انهارت خلاص ولازم يساعد قبل ما تروح منه 🤣
ودا في أبسط الأشياء على فكرة ، مثلا أخويا بيحب الكانتلوب جدا جدا ، قلت فى مرة هجيبه ومش هقشره أكيد هو بيحبه فلما يلاقيه هيقشره و ياكله لوحده طبيعى يعنى ، قعد قدامه لحد ما قرب يتحلل ومفكرش يقرب منه لانه بيحبه مش مضطر يقشره 😅🤣
ودا على فكرة جينات عندهم بيتولدو بيها ، الست مثلا مثلا طول ما بتعامل جوزها أو أخوها كمان بحب و حنية و لو سمحت يا حبيبى و قلبى مفيش أى سمعان كلام و دائما لا لا لا ، أول ما بستخدم الحزم و يحس بقى انه مضطر يسمع كلامى يقول حاضر من غير نقاش🤣🤣
يا الله ليه بجد الرجالة كدا على عكس الستات مثلا مش بتعمل حاجة بدافع الاضطرار بالعكس الانتاجية عندها بتزيد لما يكون فيه حب ، بتستحمل كم الالم و الحمل و الولادة عشان الحب ، وبتكرره تانى رغم اللى مرت بيه ، بتنزل من البيت تشتغل بدافع تحقيق الذات حتى لو مضطره بتحاول تقنع نفسها بالعكس عشان تقدر تكمل ، بتخدم أهل بيتها بدافع الحب ، يعتبر اى عمل حتى بسيط بتعمله بدافع الحب ، فليه الرجالة بجد كدا ليه دا حتى اللمبة البايظة مش بيغيروها الا بعد سنين ضوئية اضطرارا مش أكتر عشان نبطل زن عليهم 🤣🤣
✍️كوتا
😂✌️☺️
هههههههه عندك حق ،بس شوفي يأختي ،اه فعلا بتحصل وكتييييير
بس ممكن يكون من البال المشغول ديما ، أه فعلا التسويق عندنا زي شرب المايه هههههههه بس فعلا بيبقا جو دمغها حرفيا عربيات واقفين في أشارك وكلاكسات، وبالذات لو أنتا مسؤل عن شخص
أو كنت أب وداخل علي مرحله ارتباط ، بتبقي في حاله توهان فعلا
الي هو في حجات لسه كتير عندي
أه معاكي أن مثلا تركيب اللمبه شئ تافه ومش هياخد ثانيه ، بس لاء في حاجه عندي أهم كتييييير فادي شئ تافه ابقي اعملها بعدين اما حوار اما الست اما تشد علينا احنا بنبقي متطرين منعا للصداع هههههههههه ، بس والله الرجاله ربنا يعينهم بجد ولو علي الحب بيقدمو حب لايوصف والله بس ابي يهتم،هههههههههههه الي هو انا بنزل اشتغل وممكن منشفش احبأنا بسبب الشغل وبنعدي لأجلهم بس ده حب في حد زاته.
وحب الراجل ممكن يظهر في حجات كتير حتي لو مش ظاهر ليكي في الي بيعمله وبيبقي مضطر
وهو نازل شغله مش عشان بيحبه ، عشان الرزق بتاع ولاده ومراته وبيحرم نفسه عشان عيلته وبنحاول يقدملهم احسن حاجه
احسن معيشه احسن حياه ليهم ،
رغم انو بيدخل معركه طول عمره
معركه الحياه وأكل العيش ،
ف أه الرجاله بتطنش كتييير وانا منهم بس والله حبنا مش بيتغير ولا بيقل حتي لو مش ظاهرليكو ،🤗
والله يبنتي بتمني ان الناس تفهم
وتتعامل بتكامل مش بوجبات مطلوبه وخلاص، ونفوت لبعض شويه شويتين، وزي مالرجاله بتطنش(ممكن تبقي غلطه) بردو الستات نكدين ودي حاجه مفروغه منها😡هههههه دي تزويده مني علي كلامه سامحوني 😡😡😂
فنستحمل بعضينا، مش بقول أن الست بتعمل كدا عشان نردهالكم
اطالقا صدقيني كل واحد بيكون عنده لغبطه جواه فبيطلعها
يأما صوت عالي (الستات)
يأما زحمه في الدماغ فبطنش (الرجاله)
فالحياه هتبقي حلوه لو علي منطق التكامل بينا أنا وانتي نتكامل بمعني نكمل بعضنا، نحتوي افكارنا وحياتنا، نحتوي فتراه الحزن قبل الفرح ، مش عشان صوتت مره والراجل طنش مره تقوم خناقه لا نبقي عارفين انه /في ضغط ونتعامل كده
وحابب اختم أن الرجاله مش (وحشين) والستات مش( نكديين)
وما أجمل الحياه بالتكامل ✌️❤️⚘️
وكان معكم :
كوتا (محمود) رونا ( روناء )
قريبا سنتقابل مع صديق أخر
حابه أشكر صديقي وأخي محمود على النقاش معاه استمتعت كتير انرتم دوما محمود✌️⚘️⚘️واتمني انها تتكرر
والسلام ختام 🎆
