ادمنت قدري 🕊🥀

البارت الخامس عشر❤

رؤي : بصي هقولك الي بفكر فيه بس من غير ضرب انا بفكر انك توافقي تتجوزيه وساعتها هيشوف النجوم في عز الظهر منك
سلسبيل:امممم كويس انك عارفة اني هضربك بقولك عايزة حل عشان اخلع منه تقوليلي اتجوزيه ما تقولي حاجة يا ليليان
رؤي :يا بنتي افهمي ايه المشكلة ما انتي كده كده اتجوزتيه و كل الصحف عرفت ده يبقي اللي عمله في الشهر ده معاكي لازم تاخدي حقك منه يا سو
سلسبيل بتفكير و قلق :ايوة بس حتي لو انا كملت الجوازة دي تفتكري بعد ما بقيت مراته قدام الناس هيسبني في حالي
ليليان وهي فهمت مقصدها: انتي تعرفي تصدي كويس و بعدين ده اكتر حاجة  تقدري عليها لما يبقي واحد زيه يبقي معاه واحدة في جمالك وميبقاش عارف يطولها دي حاجة ممكن تجننه فكري
رؤي :صح و بعدين مش يمكن تحبه بعض و تخلي الجوازة دي بجد
سلسبيل:لا طبعا قال احبه قال يعني انا أصوم أصوم و افطر علي بصل
ليليان:بقي يا ظالمة العسل ده يبقي بصل حرام عليكي يا شيخة بجد
سلسبيل:انا بتكلم بجد علي فكرة اه هو رجل شكله حلو رياضي عنده كاريزما و حضور قوي بس مش ده الي اقدر امنلو علي قلبي معاه ده كل يوم مع واحده شكل لو حبيته مستحيل اسامح في الخيانة و اظن انتو عارفين كده كويس
رؤي: فاهمة بس دايما ماما الله يرحمها كانت بتقولي ابوكي ده كان يحب دي و يسيب دي لكن اول ما قلبه حب بجد عمره ما بص علي واحدة غيري و قالتلي ان ده يبقي اغلب الرجاله الي من النوع ده
ليليان: بص انا شايفة انك توافقي و تشوفي الدنيا و الحياة هتوصل معاكو لفين
رؤي :و انا كمان شايفة كه وده هيبقي زيادة تربية لخوكي هاشم
سلسبيل بتنهيد كانت تفكر في كلامهم هل ذلك سوف يساعد  في تعديل هاشم مره اخري ام لا
____________
اما عند جبل كان واقف أمام بيت ثائر
ثائر ببرود : نعم عايز اي
جبل هو يدخل : طب ينفع تسيب صديقك عمرك كده علي الباب
ثائر بسخرية :لا طبعا بس ينفع اكدب عليه و اخليه آخر من يعلم في حاجات كتير عني لا فعلا انا الغلطان
جبل :ثائر خلاص بقي كنت مضايق وجيت عليك انت متبقاش دمك تقيل كده
ثائر:كل مرة كده و انت عارف اننا ملناش غير بعض فتستغل ده كويس صح ماشي يا جبل هسامحك هعمل اي يعني
جبل :كمان عارف ان قلبك طيب
ثائر: جبل هو سلسبيل بقت مراتك
جبل :اكيد امال هنتجوز ازاي
ثائر:جبل انت فاهم قصدي بقت مراتك بجد ولا لسه علي الورق اخلص
جبل :لا علي الورق لسه بس كده كده هتبقي مراتي
ثائر:عشان كده عايز تتجوزها عشان تبقي مراتك عشان معرفتش تاخد منها حاجة طول الشهر الي فات
جبل بتنهيد : ثائر انت صاحبي و أقرب حد ليا و انا هتكلم معاك بصراحة لا انا بحاول اقنع نفسي بكده بس في حاجة تانية انا مش عارف اي هي بتخليني عايز اكمل الجوازة دي مع اني عارف ان  كده كده هاشم  عرف غلطته كويس
ثائر بابتسامة:بكره تعرف يا جبل بكره كلنا اكيد هنعرف
______________
اما عند هاشم
كان يكلم صديقه
هاشم :اه عارف انها رجعت بس مش قادر أقرب منها انا عارف ان الكلام الي هي قالته هناك كان من وراه قلبها بس و الله كل حاجة هتتغير
صديقه :طب و الجوازة دي من جبل هتعمل فيها اي
هاشم ؛ مش عارف بس كده كده هي بقت مراته و انا مقدرش أطلقها الا اذا هي عايزة كده القرار في ايديها
صديقه :معاك حق بس اكيد في حل
هاشم :ان شاء الله في حل
____________
ومر الأسبوعين سريعا علي الجميع سريعا الا علي جبل و سلسبيل وفي الصباح الباكر في قصر جبل كان يجلس وفجاه دخل عليه حد عزيز عليه اووي
سلوي بتزمر :بقي كده يااستاذ اعرف من الصحافه زي زي الغريب لا وكمان استني يمكن تكلمني ومتكلمنيش انا مكنتش جايه بس جيت عشان امك بس اللي هي اختي حبيبتي الله يرحمها
جبل وهو يقوم ويحضنها ويبوس راسها ويقول باسف:ست الكل انا والله كل حاجه جت بسرعه مكنتش مخطط ، سامحيني انتي زعلك بالدنيا
سلوي بحنان :مقدرش ازعل منك ده انت الغالي ابن الغاليه
انا جيت عشان مينفعش اسيب ابني لوحده ولا ايه لا وكمان احنا في اجازه اخر السنه هنقعد في مصر شويه
جبل :تنورو ياقلبي اتمني تفضلو معايا هنا علي طول
وباس راسها تاني وقال :والله وحشتيني
دخل عليهم ابنها الصغير وهو يقول بدراما:قلبيي لا امي وابن خالتي لا لا لا لاااااااا
جبل بضحك :بس يا هبل تعال
عز بضحك وهو يحضن جبل :الف مبروك ياابو الجبال
جبل وهو يضربه بخفه علي راسه:ابو الجبال بردو ماشي
ووجه كلامه لخالته وقال :اومال فين الباقي
سلوي :عمك ماجد هيجي علي الفرح عشان خد شنطنا علي الفندق عقبال ما يأجر شقه ومعاه يحيي
جبل بزعل : بقي بيت ابنك مفتوح وتروحو فندق ازعل انا كده
سلوي :والله ياحبيبي كنا جاين هنا بس قولنا مينفعش انت هتتجوز ولسه عرسان وكده
جبل :خلاص انا هكلم ثائر وهيوديكو الفيلا اللي جنب القصر هنا ومفيش اعتراض
عز بضحك :يلا يا عريس جهز نفسك هتتاخر
جبل بضحك :عندك حق
وبالفعل كلم ثائر وجهز كل حاجه وجيه ماجد جوز سلوي وابنها التاني يحيي وجيه الوقت اللي جبل خلاص واقف مستني عروسته علي باب البيوتي سنتر
وافتكر لما جت قالتله انها موافقه علي الجواز منه
فلاش باك
سلسبيل دخلت مكتبه من غير ما تخبط وقالت بجديه :انا موافقه اتجوزك بس مش عشان سواد عيونك لا عشان هاشم اخويا بس عشان يعرف ان الله حق ويتعدل وعشان لسه في ناس كتير حسابها معايا بيبتدي واه خلي في بالك لما اعوز اطلق هطلق وده بمزاجي مش بمزاجك يا جبل وسبته وخرجت ومدتهوش فرصه يتكلم وهو بعد ما خرجت قعد يضحك وقال :مجنونه بجد بس قمر
😂
باك
فاق جبل علي طالتها هو خارجه بفستانها الابيض الذي كان مثل فساتين المليكات وهي بالفعل ملكه وكان شعرها معمول تسريحه في غايه الجمال وكانت مثيره جدا نظر لها جبل ومقدرش يبعد عنه عنها ولو للحظه قرب منها ومسك اديها وقالها بتوهان :انتي عارفه انك زي القمر
سلسبيل بثقه :ديه حاجه مش جديده معروفه يعني
جبل بضحك وهو يرفع حاجبه :لا والله اي مصدر الثقه ديه
طيب يلا عشان منتاخرش
وبعد مده كانو في قاعه من اكبر قاعات مصر كلها ودخلو جوه وكانت طلتهم حلوه اووي وكانو كانهم واخدين بعض عن حب
سلوي وهي تدخل وتقول بابتسامه :الله اكبر الله اكبر ما شاء الله عروستك زي القمر ياحبيبي
حضنت سلسبيل اللي بدلتها الحضن بصدر رحب :انا خالته وزي امه بالظبط بس عايشه برا ودول ولادي
سلسبيل بابتسامه ساحره:اهلا ياطنط نورتي مصر كلها
سلوي بحنان :حبيبتي ده انتي قمر الله اكبر، يلا اسيبكو مع بعض
ثائر ونهي دخلو باركو ونهي فرحانه جداا عشان هي بتحب سلسبيل جداا
ووقفت تتكلم معاها وليليان ورؤي حواليها وهاشم اللي بيراقب من بعيد وخايف ياخد خطوه ويروحلها
ثائر وطي علي جبل وقال :الحق چيچي جت
جبل :كنت متوقع
قربت چيچي منهم وقالت بدلال وغل واضح :الف الف مبروك ياجبل بيه
ونظر لسلسبيل من فوق لتحت وقالت :مش بطال
جبل بهدوء :امشي يا چيچي من هنا احسن
چيچي بدلع :ليه يابيبي
سلسبيل بغضب :هو محدش قالك ان غلط تقربي من حاجه مش بتاعتك يلا امشي  من هنا ولا وحشك القلم
جبل وهو يحضن سلسبيل ويقول :سمعتي مراتي قالت ايه يلا
مشيت چيچي بغضب
بعد فتره جت وقت اخر رقصه سلو كانت علي اغنيه ملكه جمال الناس وكانو بيتمايلو علي الاغنيه وكان شكلهم حلو اووي واللي يشوفهم يشوف انهم مش بس بيحبو بعض لا دول بيعشقو بعض وبدون اي مقدمات جبل كان بيبوس  سلسبيل من شفايفها وهي اتوترت وحاولت تبعد بس وهو قرب اكتر والناس عماله تسقف وتهيص وتصور وبعد فتره بعد عنها وقال :...
يتبع
بجد زعلانين جدا علي عدم التفاعل حتي مش بتقولو رايكو ولاليك ولا متابعة واحنا بجد بن تعب في الكتابه والتعديل والنشر 🥺
#زعلانين 🥺😭💔