.بيـــن وصـــالك أوصاف ؛
أستغفر الله العظيم وأتوب اليه 🩶
*
وفي نفس القصر في الجهه الثانيه , لحظه ماكانت واقفه تجدد صبغتها اشقر رمادي , تحت اصوات طقطقه البنات عليها من استنفارها الفضيع , سحاب : ترا اليوم الصباح شايفك بشوشتك
ابتسام : ياخي تعلمي من شوشو شوي ! ثقيله مايهمها شيء
رغد : انتي بس من تشوفين مكسها تنعجبين
شهد : ماعمركم شفتوا احد ياكل بيتزا مع كركديه انتم !
وديم : ايه والله الصدق اول مره نشوف , وش المكس الغريب هذا ؟
شهد : لذيذ , تبين تجربين ؟
وديم : لا شكرا
مشت تطلع لها ملابس لجل تتروش : بتنهبلون على شعري الحين
ريهام : يلا ننتظر
نزلت القفازات دانه : ايء شيء انا اسويه اساساً يطلع حلو
دخلت الجوهره تسمعهم يعلمونها ان فجر صبغت شعرها , وعقدت حواجبها : انتي الي صابغته لها ؟
هزت راسها بايجاب , ونطقت : حضها اقشر اجل
دانه : على تبن بس
الجوهره : عيب ! خالتك انا
رسيل : دنو بقى صبغه ؟
دانه : ايه بقى ثلاثه بعد
رسيل : اصبغي شعرك
دانه : والله ؟
رسيل : والله , ماعمرك صبغتي انتي صح؟
دانه : صح
ريوف : انا اصبغ لك
وسن : اصبغي اشقر
كيان : لا سلامات نفاس هي
ريهام : شدخل !
قامت ريوف , وهزت راسها بتردد : لا والله مابي اخاطر
وديم : دنو والله انك تجربين كل شيء بالحياه الا بشعرك , عادي جربي وغيري !
رغد : اقول خليك على الأسود حلو عليك , لا تسمعين كلامهم
رسيل : حلو عليها بس بعد تخيليها بالبُني والله مره بيطلع حلو , يناسب وجها وطول شعرها وعيونها ولونها
وسن : انا اقول اصبغي اشقر
شهد : وش الصبغه الثالثه دودي
لفت تشوف الصبغات اشقر ، بُني ، وثالثهم : رمادي
رهف : اصبغي احمر
دانه : مافيه , بعدين انا ودي اصبغ بس اخاف مايرجع
الجوهره : لا عادي يرجع شهد كانت صابغه ازرق وشهرين ورجع
توسعت انظارهم بصدمه : ازرق !
شهد : ايه كان علي قل صح
ابتسام : للحين والله
تقدمت لها ريوف تلعب بشعرها : يلا اصبغ لك واقص لك
وصلهم صوت فجر من الحمام : لا دنو ماتقص شعرها الا اذا كانت زعلانه ومتضايقه ماتقصه بدون سبب
رفيف : يابنت الحلال انتي تسبحي واسكتي
فجر : خلصت بجيكم , غمضوا عيونكم
وسن : مسرع !
فجر : تحسبيني مثلك لازم اتنقع بالحمام
طلعت تغطي شعرها بالمنشفه , وعقدت حواجبها امتنان : ورينا طيب وراك مغطيته !
فجر : بدون استشوار
كيان : ايه عادي
بعدت المنشفه , وناظرتها شهد : ماتغير ولا شيء
فجر : ايه ادري انا بس جددته
رسيل : طيب شرايك دنو تصبغ شعرها ؟
فجر : بيطلع حلو , اصبغي مثلي
دانه : لا يع
رمقتها بنظراتها : انتي اليع , الا صبغتي
كيان : من خمس سنين وانتي معلقه عليها
سحاب : مازن يحبها
رفيف : اذا عُرف السبب بطل العجب
فجر : فديته والله وفديت ذوقه
ريوف : دنو شقررتي ؟
دانه : بشوف عزوز
ابتسام : ياعيني والله صارت تخليه يتدخل بقراراتها
دانه : اقترح رائي بس
ريوف بسخريه : ايه يلا مصدقينك كلميه
رفعت الجوال لذنها تكلمه , وجدان : ايام كانت تفتح السبيكر راحت
نزلت الجوال تفتح سبيكر , وضحكت رسيل : دنو ياغبيه معليك منهم !
رد يصلهم صوته من نادته : عزوز
عبدالعزيز : ياقلبه ؟
دانه : اختار , اسود ولا اشقر ولا بني ولا رمادي
عبدالعزيز : حق وش ذا
دانه : انت اختار وبس
عبدالعزيز : اسود
دانه : لا غير الأسود
عبدالعزيز : رمادي
دانه : لا غير الرمادي
عبدالعزيز : اجل وشوله داقه علي اختار
دانه : لان فيه واحد ببالي ابيك تقوله عشان اسويه
عبدالعزيز : وشو ايء واحد ؟
دانه : بني
عبدالعزيز : بني
دانه : تبي فاتح ولا غامق
عبدالعزيز : انتي شتبين ؟
دانه : لا هالمره منك انت , عادي
عبدالعزيز : فاتح
دانه : فكر زين
ضحك بستسلام : غامق !
ابتسمت غصب : اوكي
عض شفايفه يضحك : طيب , اهم شيء انتي راضيه
سكرت السبكر من حسته بيجيب العيد وتعالت ضحكاتهم بصدمه من راحت لآخر الغرفه تكلمه , رهف : مستحيل والله ماصدق متى زانت حياتهم ذولي
وديم : والله انا بعد مصدومه لو داريه كان من اول قلت لهلي يدخلونه عسكريه
امتنان : لا خذي الطامه الاكبر بعد بكره ملكه شهد وفجر , بنات والله الورعين هذولي متى كبروا
فجر : اعوذو بالله من شر عيونكم بس
شهد : نونه اسكتي جبت لك عريس لين عند رجولك وصفقتيتي
امتنان : ليكون العجوز حقت ملكه فيصل وديم ؟
شهد : هي
امتنان : مو صاحيه انتي والله
عقدت حواجبها ريوف تشوفها تفتح الباب : الصبغه ؟
دانه : بجي , بروح اجيب قهوتي
شهد : حركات جايب لك قهوه
دانه : وإندومي بعد
فجر : اوف !
الجوهره : ياصغر عقلك يادنو بس
طلعت ماترد عليهم تمشي له ، وابتسمت من رجع يدينه خلف ظهره : يد فيها قهوه ويد فيها اندومي وحاجه ثانيه , اختاري اي يد تبين
دانه : ابيهم كلهم
عبدالعزيز : لا يد وحده بس الثانيه مو لك
دانه : لا مو على كيفك كلهم لي
تقدمت تدخل يدها خلف ظهره , وانحنى لها : خلاص طيب تاخذيهم كلهم بس بشرط
لف وجهه لها : تبوسيني
دانه : بس ؟
عبدالعزيز : بس
حاوطت خده البعيد تقرب له وتبوسه , وعقد حواجبه يغمض عيونه : ابي أقوى
رفعت يدينها لخلف عُنقه تبوسه منجديد , تميل وجها لفكه وعُنقه تقبّله أكثر من مره ومرتين وثلاث , تتركه ينحني ينزل الورد والقهوه والاندومي خلفها , ويحاوط خصرها يلمس الشاش وظهرها من ارتفعت بلوزتها عنها , يسمعها : كافي ؟
عبدالعزيز : لا
بعدت وجها تقابل وجهه : الا كافي
عبدالعزيز : بوسه ثانيه بعد
دانه : وين تبي
عبدالعزيز : الي بالخاطر ؟ انتي تعرفين وين
حاوطت وجهه تبوس ثغره وبلل شفايفه من بعدت : خلاص ؟
هز راسه بايجاب : خلاص
اخذت قهوتها والورد تلف عليه : خليك بالبيت نص ساعه واوريك سبرايز تقريباً مابيعجبك
عبدالعزيز : منك بيعجبني , وحاضر تلقيني تحت عند جدتي
نزل لتحت يتركها ترجع للبنات وبيدها ورد وقهوه , تنزل الورد على الطاوله , وتضحك وديم : حركات والله صرنا نهدي ورد وقهوه !
دانه : الله يشغلكم بنفسكم
وسن : امين يارب وياك
ضحكت ريوف : يلا ؟
هزت راسها بايجاب تجلس على الكرسي , وتصبغ شعرها لحظه ماكنوا الكل عندها يسولفون على راسها يحارشونها مثل ماكانت تحارشهم دايم , يعصبونها لحظه ويضحكونها لحظات , وتعدي عليهم الأوقات والدقايق لحتى قامت تغسل شعرها وكلهم في انتظارها من طلعت : ورينا !
زمت شفايفها : مو حلو !
تقدمت فجر تشوفه : وربي حلو !
رسيل : عشانك مو متعوده بس وربي حلو , احلا من الأسود بعد
ريوف : وربي خيال
شهد : سوي تان , زيي , وبيضبط اكثر
دانه : شهد فارقيني
ضحكت بذهول : افا !
ماردت تفتح الباب , وضحكت وجدان : راحت تاخذ رايه ماجاز لها راينا
امتنان : ياربي انك تثبتهم وتزيدهم حب وعقل
نزلت ماترد , تناديه لحد مارد : تعالي هينا
دخلت الصاله تشوفه جالس وحده على الطاوله أمام جدته يسولفون , تعقد حواجبها ام محمد تنتبه على شعرها : وش مسويه انتي
لف عليها بستغراب , وتقدمت له بزعل : حلو ؟
ضحك بغرابه : ليه ؟
رفعت كتفها بعدم معرفه : هبال
مسك ذراعه يقربها منه : عادي حلو والله
ام محمد : لا مو حلو , الأسود ازين
دانه : لو سمحتي انتي ايء شيء اسويه اساسا مايعجبك لذلك رايك معد يهمني
ام محمد : ورايه هو يهمك يعني ؟ هذا لو انتحرتي صفق لك
جلسها بجنبه يحاوط خصرها : اصفق لك وانتحر وراك
ام محمد : ايه الله لا يبلانا بس
رفعت عيونها له , ورفع انامله لخدها : والله حلو
دانه : الأسود احلا
هز راسه بنفي : كلهم حلوين
ام محمد : يكذب عليك
عبدالعزيز : لا ماكذب عليك
ام محمد : الا تراه اكبر كذاب
دانه : ادري , بس انا غبيه قلبي يصدقه
ضحك بستسلام : للحين يعني على نفس القضيه
هزت راسها بايجاب , وناظرتهم ام محمد : يقولون ان البنت الي تزعل واجد ولا تنسى , حامل
دانه : صح عليك حامل بعشره بعد
ام محمد : الله يسمع منك يارب
سكر فمها من كانت بتتكلم : خلاص
دخلت ام سعود وعقدت حواحبها بستغراب : جالسين عند امي ثنينتكم بدون تعصب ! غريبه
ام محمد : توها كانت بتقبع , بس زين انه سكر فمها
لفت عليه : ريان مالقى شايب ؟
ضحك غصب يهز راسه بنفي : لا لقاء لنفسه بس
عقدت حواجبها ام سعود تنتبه : صابغه شعرك دنو ؟
بعدت يده من حول ثغرها تهز راسها , ورفعت اناملها تبعثر شعرها : حلو والله , مره حلو , احلا من صبغه وديم
دانه : طيب يعني مثلا مثلا لو رحت وريته اختك تتوقعين بتعصب ؟
ام سعود : امك ؟ اكيد بتعصب شوي ماتحب الصبغات هي , بس معليك منها حلوه اعتمديها
