بيـــن وصـــالك أوصاف ؛
أستغفر الله العظيم وأتوب اليه 🩶
*
« الكــوخ , المغــرب »
فتحت عيونها تتامل السقف بسكون , لتوها تصحى من نومها ولتوها تستوعب لحظات امس كلها , تميل راسها يمينها تشوف مكانه فارغ , نشر الفوضى في صدرها وقلبها وراح , قامت تجلس لان كل الي حصل خارج الوصل لكن داخل حدوده , تبتسم غصب عن روحها لانه رجع ولانه دخل يضحك يروق كله من شافها صاحيه : صباح الخير
دانه : صباح النور
مشى لها من ضمت رجلها لصدرها تترك له مساحه يجلس , وابتسمت من ميل راسه نحوا عُنقها يقبّلها : وحشتيني
غمض عيونه من داهمته ريحه عطرها ونحرها : مره وحشتيني صارلك مليون ساعه نايمه
دانه : غريبه مازعجتني عاد
عبدالعزيز : رحت اداوم , لو جلست عندك ماضمن لك انك تكونين بخير
دانه : مابقى فيني خير حبيبي
عض شفايفه يضحك , ورفعت يدها لخده : بخاطري اجلدك والله بس مقدر
هز راسه بايه : تحبيني انتي
دانه : عيالك يحبونك مو انا
عبدالعزيز : وانتي بعد تحبيني
دانه : انت تحبني أكثر
عبدالعزيز : قضيه خالصين منها
رفع يده يسكر زرارات بجامتها حفاظاً على سلامتها : وش ودك نفطر
دانه : شصار على البيتزا
عبدالعزيز : عفنت
وقف يوقفها معه : ماكلتي شيء انتي
دانه : مالي نفس
رفع حاجبه , ورفعت اناملها تنزلها له : اكلت وقت قمت اصلي , نزل حواجبك
عبدالعزيز : تعرفين وش بيصير لو تكذبين ؟
دانه : تكسر الدنيا على راسي
هز راسه بايه , وجلست على كنب الصاله تستقبل وديد بحضنها : بس ماتقدر
سكر الانوار يجلس بجنبها على الكنبه الواسعه طولاً وعرضاً , يقربها له : شتبين نسوي
دانه : نتابع فلم
عبدالعزيز : وش جوك
دانه : اكسترا رعب
شغله لها , تبدا لحظات الفلم السيئه من البدايه ماتستحملها , رغماً ان طول عمرها ماعندها مشكله مع افلام الرعب والقتل والدم والذبح لكن حالياً ؟ عيالها عندهم وجها نظر مُختلفه , لفت عليه بكامل جسدها تدفن وجها برقبته : سكره
عقد حواجبه , وغمضت عيونها : معدتي تعورني سكره
رفع يده يحاوط ظهرها ويسكره , يسمعها : تسع وتسعين بالميه اني بستفرغ عليك عزوز
عبدالعزيز : لا تكفين
عدل جلسته يرفع جسده برفق ترتفع معاه تجلس , يناظرها لا تزال مغمضه عيونها : تعورك قوه ؟
هزت راسها بأيه , ورفع كفه لخدها يسمعها : ابي حبوبي
تستغل كل الحظات عشان تفتح الموضوع بس , وفتحت عيونها تتامله مايرد : عزوز
هز راسه بنفي ينهي النقاش قبل تبتديه , ينهيه برفضه القطعي الي يطفشها ويقهرها : شدخلك فيني انت اصلا ! معطتك وجه انا ترا !
هز راسه بايه , ورفعت حاجبها تعصب : وربي مالك دخل بقرارتي
هز راسه : لو تبوسين السماء سبع مرات دنو ماتاكلين ولا حبه
دانه : ليه طيب ؟
ناظر عيونها يسمع جواله يدق : نفس ماخليتيني اترك الدخان وتركته عشانك , انتي بتتركين الحبوب بس مو عشاني عشان عيالي الي ببطنك , ادمنتي دنو انتي ادمنتي مايمر يومك الا وانتي ماكله سبع حبات بدون سبب بس لان عقلك يرسلك اوهام انك مو بخير ومحتاجتهم وانتي مافيك الا العافيه
لوهلها كانت بتتكلم الا انه رد على جواله مايترك لها مجال تكمل الموضوع لانه انتهى , انتهى فعلاً ولعد لها مجال لنقاش تسمع صوت امه تكلمه ويحط سبيكر : وعليكم السلام
ام سعود : كيفكم يامي ؟
عبدالعزيز : والله بخير , الحمدلله
ام سعود : كيف الماما الحلوه
عبدالعزيز : مافيها الا العافيه , تسمعك
ولانه شد على جُملته الاولى يقنعها انها بخير بس تبطل اوهام , ابتسمت ام سعود : الحمدلله
ام فيصل : فيه شيء يعورك دنو ؟
نزل كفه لبطنها , يستقر باطن يده على معدتها : لا
ام سعود : ماسألناك حنا سألناها هي , شسوت معدتك دانه ؟
ام فيصل : تعورك للحين ؟
ناظرته بصمت , وميل شفايفه بملل لانها تزعل , تزعل منه عشانه رد على الاتصال وماعطاها مجال تناقشه : ردي عليهم
عقدت حواجبها ام فيصل : دانه امي اذا تعورك , حطي الينسون الي عطيتك ترا والله زين , يريحك
ام سعود : قم عبدالعزيز سوه لها
عبدالعزيز : كيف اسويه ؟
ام فيصل : حطه بمويه حاره
ناظراها يسالها وينه ولا ترد , عقد حواجبه : دنو !
نزلت دموعها يكلم امه : دقيقه
كتم الصوت , يتنهد بكامل قدرته من بكت : تبكين على وش انتي !
دانه : معدتي تعورني مره ! وانت ماتحس فيني
هز راسه يمسح دموعها : خلاص اسوي لك ينسون وترتاحين الحين ! بس قولي وينه ؟
دانه : بدولاب , بس انا مبيه
رفع حاجبه : وش تبين ؟
دانه : انت تعرف
عبدالعزيز : نفتح الموضوع منجديد يعني
هزت راسها بايجاب تمسح دموعها بعشوائيه , تمسحها لانها تغطي الرؤيه عنها ولانها ماتقدر تشوفه من كثرتها , تصفى له ملامحه امامها يسكت لانها تبكي قدامه وتدري ! تدري ان دموعها ووجها بذي الحاله نقطه ضعفه وهلاكه , وتهمس له تزياده : تكفى والله بس حقت المعده وصدقني بعدها معد اقولك عطني حاجه ابد
عبدالعزيز : كذابه انتي
دانه : والله ماكذب
سكت بدون رد لانها تحلف بالله انها اخر حبه بتاكلها ولانها تحتاجها ولا تقدر تتركها بفتره وحامها ابد تبيها ! ولا تبي تأكلها من وراه تهمس : اذا تحبني عطنيها
عبدالعزيز : اذا احبك اخاف عليك وماعطيك
دانه : انت ماتخاف علي تخاف على عيالك
عبدالعزيز : على كيف جدك ماخاف عليك اخاف على عيالي وعيالي ببطن مين ان شاء الله مو ببطنك ؟ مو انتي الي بنتضرين قبلهم
دانه : عزيز هاذي حبه ماتضر هاذي حبه تشيل الضرر
عبدالعزيز : كثرتها تضر , وانتي ادمنتي تعرفين شلون يعني ادمنتي ؟
دانه : عشانهم ببطني مو ببطنك ماجربت العوار , ماجربت تصحى من نومك عشان تستفرغ , ماجربت شيء انت
سكت يناظرها , وتنهدت لان كل الأساليب جربتها معه عشان يعطيها حتى اسلوب الدراما جربته ولا نفع ! رغما ان دموعها دايم تجيب لها منه الي تود لكن هالمره كل الأساليب فاشله , وقفت تبتعد عنه تتركه خلفها يغمض عيونها بتعب يسمع امه : الو ؟
فتح الكتم يكلمها : هلا يمه
ام سعود : شفيكم ؟
عبدالعزيز : مافينا شي
ام فيصل : طيب متى ناوين تجون ؟ زواج محمد ورغد بعد يومين ترا
عبدالعزيز : ورسيل ورائد شصار عليهم ؟
ام سعود : مدري عنهم للحين مايدرون وش يسوون فيهم
عبدالعزيز : الله يهديهم
ام سعود : امين يارب , تجون اليوم ؟
عبدالعزيز : بكره ان شاء الله
ام سعود : الله يستر عليكم ويحفظكم , تبي شيء يامي؟
عبدالعزيز : سلامتك
انتهت المُكالمه يوقف : غصب يادنو تخليني اسوي الي تبين غصب
فتح الدرج يطلع الحبوب لانه يدري انه مايقوى يمنعها من شيء هي تبيه اخذها واخذ المويه معها يدخل الغرفه : تعالي
ماردت وغمض عيونه بصبر : ماتبينها يعني اروح ارميها ؟
لفت عليه بكامل جسدها , وابتسم داخلها كلها بوسع تنعكس ابتسامتها على ثغرها من شافتها بين يدينه : أحبك والله
تقدمت له من نزل كأس المويه على الطاوله , يخرج لها حبة من قرصها , تفتح له ثغرها من رفع يده يدخل الحبه بفمها ويناولها الكأس , تشرب وتبتسم : تعافيتي الحين ؟
هزت راسها بأيه تشرب مويه , ورفع يده لظهرها يقربها له من نزلت الكاس : استعباط يعني , والله لو بحلف ان مافيك شيء بس يدك تحكك تبين تاكلينها
دانه : إدمان
عبدالعزيز : تعترفين يعني
هزت راسها بأيه , تغمض عيونها من ضمها لصدره يخلل انامله بشعرها : كلب وحمار ان عطيتك مره ثانيه
ميلت ثغرها تقبّل فكه : محشوم حبيبي
عض شفايفه منها لانها تستغله تقبّله وتسحب كرتون الحبه كله من بين يده لجل تأكلها متى ماتبي , ماتكفيها الي اكلتها : محشوم حبيبي اجل
رفعت يدها الاخرى لخده تقبّل ثغره : محشوم ياكل حياتي انت
رفع حاجبه لانها تضحك بكل وسع واستعباط : عاجبك الي تسوينه يعني
دانه : جداً , احب اشوفك ماتقوى , استمتع
عبدالعزيز : ماودك استمتع انا صح
دانه : صح
عبدالعزيز : اعقلي طيب
