Oops! This image does not follow our content guidelines. To continue publishing, please remove it or upload a different image.
الحلقة 21
اول ما انوضو الصبح عادتا ناخدو ولو ثواني نستوعبو فيهن الي حوالينا لو كان المكان مألوف هنستوعبو طول وانوضو ونمارسو حياتنا علي طبيعتها عكس لو كان مش مـألوف وجديد عليك هتحس انك تبي وقت بيش تستوعب انت كيف وصلت هنا وكيف رقدت؟؟؟
نفسيا...فكريا🤷♀️
اما هوا ففتح عيونه وحس ان الوضع طبيعي مرته قدامه وراقده بهدوء كالعاده ومشي بعيونه لي سرير ولده القاه راقد حتهوا بنفس الوضعيه الي يرقد بيها عادتا حس ان يمكن كان في كابوس نكر للحظات حس ان كان عايش في أحلام او كوابيس بالأحرى ابتسم بي استغراب وناض من سريره حس لوهلات ان هوا نفس ماهو وماشيء متغير في حياته❤
لي ما فتح باب داره وطلع لي الصاله وقف بعد ما شاف اول شيء رده للواقع اول شيء خلاه ينسى سداجة التفكير يمكن الي فكرها لوهلات وايقظاته عالحقيقه💔
اخته
قعد يشوفلها وبعدين استوعب هو ميحلمش؟؟ الي صار حقيقه خسر بوه وخوه وخوته زوز في السرير بسبب الانسانه الي قدامه عيونه جمدت وملامحه يبست معاها تكورت يده بغضب وجي بيقدم بغضب بس شافها قدامه
شيرين:صفوان خيرك (صفوان حول عيونه من شيرين ومستمر يشوف لي هنيدا الي راقده بي غضب ) صفوان خيرك في شيء؟
صفوان بهدوء مرعب:خليني نقتلها🔥
شيرين شهقت وزادت قدمت منه:صفوااااان شن تقوول تعود مالشيطااان
صفوان:هيا الشيطان🔥
شيرين قدمت وحضناته وهو كان جامد:صفوان بالله عليك مديرش هك في امك صدقني اختك مدخلهاش اكيد في سبب صدقني
صفوان:الكلبه هدي سبب كل شيء
شيرين تحاول توخره للدار:صفوان هي رد ارتاح وارقد هيا عشاني انت تاعب
صفوان شافلها بعدين كرمش وجهه بملامح البكاء وشيرين وجعها انهد بحيله كله عليها وهي حضناته وتهدي فيه ودخلاته للدار وسكرت الباب وهنيدا فزت علي تسكيرة الباب بفزع وقعدت تشوف حواليها وهي مش مستوعبه🤷♀️
