غرام الفارس

الخامس

فى صباح يوم جديد...
أستيقظ فارس من نومة على صوت هاتفة فأمسك لو فوجدة مراد صديقة.
مراد/ إية يافارس كل دة نوم!! عمال أتصل من بدرى.
فارس وهو ينهض من على الأريكة فوجد غرام مازالت غارقة بالنوم لينظر لها عدة ثوانى وبعدها يفق لنفسة ويبعد نظرة عنها.
مراد/ فااااارس بكلمك!!
فارس وهو يخرج من الغرفة/ فى إية يامراد!! عامل قلق لية على الصبح؟؟
مراد/ أنا برة في العربية قدام الدوار يلا أخرجلى بسرعة.
فارس بإستغراب/ أنت جيت أمتى؟؟
مراد/ لسة واصل.
فارس/ طب ومالك مستعجل كدة لية؟؟ هي حبيبة القلب وحشتك ولا إية؟؟
مراد/ أيوة ياسيدي وحشتنى عندك مانع؟؟ يلا بقا أنزل عاوزك فى موضوع.
فارس/ طب ما تطلبها من أهلها وتخلص يابنى أنت  بقالك كام سنة بتحب فيها.
مراد بتنهيدة/ شكلة هو دة إللى هيحصل ويلا بقا خلصنى هافضل متزنب كدة كتير؟؟
فارس/ خلاص أنا نازل يلا أقفل.
مراد/ سلام.
ليغلق فارس الهاتف ويدخل الغرفة مرة أخرى ليجد غرام مازالت نائمة ليتأفف ويقترب منها.
فارس/ غرام.
فلم يجد رد ليقوم برفع صوتة.
فارس ببحة رجولية وصوت عالى/ غراااام.
لتفق غرام من نومها وهى تنظرلة.
غرام بنوم/ إية فى إية؟؟
فارس/ الساعة 10 يلا أصحى عشان ننزل نفطر معاهم تحت.
غرام وهى تتاوب/ حاضر إنزل أنت وأنا هحصلك.
فارس/ ماشى.
لياخذ ملابسة ويدخل الحمام
بعد مرور بعد الوقت خرج من الحمام ليجدها تغط فى النوم مرة أخرى.
فارس بغيظ/ أنت نمتى تانى؟!!
ليقترب منها ويقوم بهزها...
= غرام هو أنا هفضل أضحى فيكى كتير؟؟
غرام وهى تنهض من على سريرها بتأفف...
= يعنى حضرتك المفروض تراعى إن أنا نمت واخرى إمبارح.
فارس/ وأنت إية إللى ينمك واخرى إحنا نايمين من بدرى؟!!
غرام بتنهيدة/ أصلى مكنتش عارفة أنام المكان غريب عليا وأنا متعودة على اوضتى.
فارس بهدوء/ طب يلا إنزلى أفطرى معانا وبعدين أطلعى نامى تانى.
غرام بخجل/ طب ممكن تستناني أدخل أغير وأخرج على طول وننزل سوا أصلى بصراحة هكسف أنزل  لوحدى.
ليهز فارس رأسة لها/ ماشى يلا قومى.
لتنهض غرام وتأخذ معها ملابس لها وتدخل الحمام
وبعد عدة دقائق قليلة خرجت من الحمام وهى ترتدى ملابسها
فارس/ يلا بينا.
كادوا أن يخرجوا من الغرفة ليسمعوا صوت طرقات علي باب الغرفة، ليفتح فارس باب الغرفة فيجد والدتة أمامة ومعها هنية تحمل صينية الإفطار.
فارس بإستغراب/ تعبتى نفسك لية يا أمى إحنا كنا هننزل نفطر معاكوا؟!!
فاطمة وهى تأمر الخادمة/ لأ طبعا إية إللى ينزلكوا وأنتوا لسة عرسان؟؟
فى نفس الوقت...
كانت وفاء قد علمت من بقية الخدم صعود فاطمة بصينية الإفطار لفارس وعروستة فصعدت هى الأخرى فهى حتى بعد أن علمت سبب الزواج الحقيقى من إبنتها لن تقبل أن تتهنى غرام بتلك الزيجة.
وفاء بسخرية/ طبعا ياحبيبي أنتوا لسة عرسان جداد مينفعش تنزلوا المفروض تجضوا وقت مع بعض.
لتنظر لفارس/ ها يافارس فين المنديل؟؟
لتنظر لها غرام بإستغراب وهى تقول...
غرام/ منديل إية؟؟
وفاء بسخرية/ المنديل إللى هيثبت شرفك ياحبيبتى.
لتفهم غرام وتبتلع ريقها وتقترب من فارس وتمسكة من ذراعية بخوف.
فارس بغضب/ إية الكلام دة يامرت عمى؟؟
وفاء ببرائة مزيفة/ كلام إية عاد!! إحنا بس عاوزين نطمنوا ونشوف المنديل.
فاطمة/ يلا ياوفاء وبلاش الكلام الماسخ دة دلوقتى.
وفاء/ هو لما نبقى عاوزين نطمنوا على السنيورة يبقى كلام ماسخ؟؟
تخرج فرح من غرفتها لتجد باب غرفة فارس وغرام مفتوح وتخرج أصوات عالية بعض الشيئ لتتجة إليها وتدخل الغرفة وتسمع ما تطلبة والدتها.
كان فارس ينظر لخالتة وفاء بغضب شديد ليرى فرح واقفه خلفهم
فارس بغضب جحيمي وصوت عالى/ أظن إن غرام مرتى وأنا حر معاها ومحدش لية أنة يدخل فى حاجة زى أكدة.
كادت أن تتكلم وفاء مرة أخرى ليقاطعها فارس بإشارة من يدة...
= أظن إنى لما أتجوزت بنتك مجتيش طلبتى إنك تشوفى شرف بنتك وأظن إن بنتك تهمك أكتر من غرام ويلا أتفضلى بقى من هنا.
وفاء بغل/ أنت بتقارن دى..
لتشاور علي غرام المنكمشة فى نفسها ومازالت تتمسك بفارس.
= ببنتى بحفيدة عيلة العمري يابن فاطمة.
لينظر لها فارس بغضب حجيمى لتعرف والدتة تلك النظرة.
فاطمة/ فارس خد غرام وأنزل فرجها على أسطبل الخيل دلوجت.
((رأت فاطمة أن أنسب حل أن يبتعد فارس فى الوقت الحالى فهى تعرف إبنها حق المعرفة فهو لم يتهاون مع أى أحد من قبل فلم تكن تريد أن تحدث مشاجرة بينة وبين أختها فهى مهما فعلت تظل شقيقتها))
كاد فارس أن يرفض/ يلا يافارس إسمع كلامى يابنى.
فهم فارس رغبة والدتة فى إبعادة هو وغرام فأومئ لها وأمسك غرام من يديها وخرج بها من الغرفة تحت أنظار فرح المشتعلة فها هو من اليوم الأول يدافع عنها ومازادها غيظا هى يديهم المتشابكة.
☆¤☆¤☆¤☆
☆¤☆¤☆¤☆
كان مراد فى سيارتة ينتظر فارس بتأفف وظل يتصل علية ولكنة لم يجيب علية ليراة يخرج من الدوار ولكن ليس بمفردة ظنها أميمه أختة فنزل من السيارة وهو ينادى على صديقة.
مراد/ فارس.
فإنتبة فارس لة ليجد مراد أمامة ويقترب منة.
مراد/ إية يا أخى كل دة لطعنى؟؟ حرام عليك وبعدين مش بترد على موبايلك لية؟؟
كل هذا وغرام خلف فارس لم يراها مراد بعد ففارس ببنيتة العريضة كان يغطى عليها.
فارس/ مراد معلش أمشى أنت دلوقتى وأنا هقابلك بليل.
مراد وهو يلاحظ إنزعاج صديقة/ مالك يافارس!! إية إللى حصل؟؟
فارس/ هحكيلك بعدين سلام دلوقتى.
مراد/ أستنى طيب أنت رايح فين؟؟
فارس/ رايح أسطبل الخيل.
مراد/ طب تعالوا أوصلكوا.
لينظر فارس لغرام وبعدها مراد/ توصلنا إية دى هى 10 دقايق مشى.
ليرى مراد غرام فيبتلع ريقة وهو يسأل فارس.
مراد/ مين دى يافارس؟؟
فارس/ دى غرام مراتى.
مراد بصدمة/ مراتك إزاى يعني وفرح؟!!
فارس/ هحكيلك بليل يامراد قولت يلا سلام.
ليومئ لة مراد ويبتسم لة فيتحرك فارس وغرام من أمامة لتتحول ملامحة إلى الغضب والغل...
= أتجوزتها يافارس!! أتجوزت البنى أدمة الوحيدة إللى أنا حبيبتها؟؟ بس أنا مش هسبهالك يافارس مش هسيبها غرام دى ملكى أنا.
ليتكئ على أسنانة/ ملكى أنا لوحدى.
☆¤☆¤☆¤☆
☆¤☆¤☆¤☆
فى الدوار...
فاطمة/ هو أنت إية مفيش فايدة فيكى هتفضلى غلاوية إكدة علطول.
وفاء/ لمى لسانك يافاطمة وهى بتكلمى معايا.
فاطمة بغضب/ لأ دة أنت إللى تحترمى نفسك ومتنسيش إنى خيتك الكبيرة إية فاكرة إنك  هتفضلى تضايجى فى إبنى وأنا هسكتلك؟؟
ليخرج كل من بالمنزل على أصواتهم 
أميمة/ فى إية ياماما مالك؟؟
وفاء بغل/ لأ متسكتيش يافاطمة وأنا كمان مش هسكت أنا مش موافجة على المسخرة إللى بتحصل دى يعنى هو يبجا متجوز بنت عمة إللى هى فى نفس الوقت بنت خالتة ويروح يتجوز واحدة غريبة ومن مين من عيلة المنشاوية إللى البلد كلاتها عارفين العيلة دى كانت بتشتغل فى إية.
فاطمة/ غرام بجت من العيلة ياوفاء خلاص ولازم تتقبلى الموضوع.
فرح ببكاء وحزن مزيف/ حرام عليكى ياماما إللى أنت بتعملية دة حرام.
لتقترب كلا من شهد وأميمة من فرح ويطبطبون عليها.
فاطمة/ شهد أميمة خدوا فرح لأوضتها.
شهد وأميمة/ حاضر
لتقترب فاطمة من وفاء/ وفاء لأخر مرة هحذرك ملكيش دعوة بفارس ومرتة فاهمة ولا لا؟؟
☆¤☆¤☆¤☆
☆¤☆¤☆¤☆
وصل كلا من فارس وغرام أسطبل الخيل المنفصل عن منزلهم فعائلة العمرى معروفين بحبهم للخيل لذلك كان هذا الأسطبل كبير ومليئ بالأحصنة بجميع أنواعها لذلك هو منفصل عن منزلهم.
أخذ فارس يسير مع غرام وهو صامت فهو مازال غاضبا ولكنة يعلم بأنة سيهدأ بعد قليل فهذا المكان يريحة كثيرا ففارس عندما يكون متضايق أو غاضب يأتى إلى هنا لذلك طلبت منة والدتة أن يأتى إلى هنا بصحبة غرام.
لتقطع غرام هذا الصمت
غرام/ أنت هتفضل ساكت كتير؟؟
فارس/ هتكلم أقول إية يعنى؟؟
غرام وهى تقف/ متقولش حاجة أنا إللى المفروض أقول.
ليقف فارس بجانبها وينظر لعيونها/ تقولى إية؟؟
غرام/ المفروض أشكرك يافارس أنت بتعمل معايا حاجات أنت مش المفروض تعملها، أولهم لما ساعدتنى وأنقذتنى من رجالة عمى وخدتنى الدوار عندكم وقعدتنى مع عايلتك وفوق كل دة وافقت تتجوزنى والنهاردة وقفت قدام خالتك عشانى أنا بجد مش عارفة أقولك إية بس أنت شهم أووي يافارس.
كل هذا وفارس ينظر لعينيها ولحركة شفتيها وهى تتحدث
لاحظت غرام صمتة لترفع عينيها لتجدة ينظر إليها بطريقة لبكتها كثيرا فتنظر حولها تحاول أن تلهى نفسها بأى شيئ لتلاحظ حصان أبيض شديد الجمال لتتجة ناحيتة وتلمس على رأسة.
غرام بإنبهار من جمالة/ الله يافارس حلو أووى الحصان دة.
فارس وهو ينظر لها/ عجبك؟؟
غرام بتلقائية وسعادة أوووى.
فارس وهو يحرر الحصان ويخرجة من مكانة/ طب يلا.
غرام/ يلا إية!! أنت فكيتة لية؟؟
فارس/ عشان تركبية يلا.
غرام بخوف/ بس أنا أخاف أركبة أنا مركبتش أحصنة قبل كدة وبعدين أخاف أقع.
فارس بنبرة هادئة/ متخافيش أنا معاكى.
لتسرح غرام فى عينية ليمد فارس يدة لها/ يلا.
لتبتلع ريقها وتضع يديها بيدة ليمسكها فارس ويساعدها على ركوب الفرس.
غرام بخوف طفولى/ لا لا لا نزلنى أنا خايفة نزلنى يافارس الله يخليك.
فارس/ هششش إهدى خالص ومتخافيش قولتلك.
وبالفعل أستمعت غرام لحديثة وبعد مرور القليل من الوقت وجدت نفسها أخذت علية وأحبتة كثيرا ولاحظ فارس إختفاء الخوف وحل محلة السعادة والإنسجام مع الفرس.
غرام وهى فوق الفرس ويمشي بها وفارس بجانبهم/ هو إسمة إية الفرس دة؟؟
فارس/ أولا دة مش فرس دى فرسة، ثانيا هى ملهوش إسم.
غرام/ يعنى إية ملهوش إسم؟؟
فارس/ يعنى فية كام حصان مسمتهوش ودى واحدة منهم.
غرام بتساؤل/ طب ومسمتهاش لية؟؟
فارس/ ملقتش إسم يليق عليها.
لتومئ لة غرام
فارس/ يلا بقى نرجع كفاية كدة.
غرام/ ماشى.
رجع فارس وغرام لنفس المكان الذى تحركوا منة مرة أخرى ليقوم فارس بإمساك غرام من خصرها وإنزالها من على الفرس لتتوتر كثيرا من لمسة لها وإقترابة منها.
غرام بعد أن نزلت من على الفرس/ شكرا يافارس اليوم كان جميل أوووى.
ليومئ لها فارس ويبتسم لها إبتسامة جانبية ويتحركوا للذهاب للدوار مرة أخرى.
وبعد مرور بعض الوقت وصل فارس وغرام الدوار فدخل فارس معها من البوابة...
فارس/ أدخلى يلا ياغرام.
غرام بإستغراب/ وأنت؟؟
فارس/ هروح أشوف واحد صاحبى.
لتهز لة رأسها وتدخل المنزل أما هو فإتجة لسيارتة وأتصل على صديق عمرة.
فارس/ أيوة يامراد أنت فين؟؟
مراد/ فى البيت.
فارس/ طب يلا أنزل أنا جايلك حصلنى على المكان إللى بنقعد فية.
مراد/ تمام أنا أصلا عاوزك فى موضوع مهم.
☆¤☆
☆¤☆
تقابل كلا من فارس ومراد فى مكانهم المعتاد وهو مكان منعزل بعض الشيئ أمام بحيرة...
فارس بعد أن قص على مراد كل شئ
= بس ياسيدى هو دة إللى حصل.
مراد بغل/ بس إزاى فرح وافقت إنك تجوز غيرها دى بتعشقك؟؟
فارس/ أهى وافقت ومعملتش مشاكل ودة إللى أنا أستغربتة كنت متوقع إنها هتقلب الدنيا بس جدى أقنعها ومش عارف أقنعها إزاي.
مراد/ جدك دة مش سهل برضوا دماغوا تتوزن.
فارس بضحك/ أنت هتقر على جدى ولا إية؟؟
مراد/ أبدا والله أنا بحسد بس، المهم كنت عاوزك فى موضوع مهم.
فارس وهو ينتبة لة/ قول ياسيدى إية هو الموضوع المهم دة؟؟
مراد بخبث/ فاكر البت إللى كنت قولتلك عليها؟؟
فارس/ أكيد طبعا البت إللى أنت بتحبها.
مراد / أها أنا بقى فكرت أتقدملها إية رأيك؟؟
فارس/ عين العقل طبعا مدام بتحبها يبقى لازم تاخد خطوة جد.
مراد/ دة إللى أنا ناوى علية.
ليكمل بخبث/ عشان كدة أنا بطلب منك إيد أميمة أختك يافارس.