🕯عفاف قلبي🕯

chapitre 13🌟

🍒" عـــفــاف قـلـبـــي"🍒

أنــا لـك حـيـن يـثــقــل الـعــالــم عـلـى كـتـفـيـك✨

                  🌼بـقـلـم: Douae Beniss🌼
#13

نزل لقا هاجر نيت كاتهضر مع آيات فالتيلي ..

هاجر : عرفتي بلاش خلي حتا لمرة اخرى بلا مانعدبو خوك و الله

آيات: و ماما وجدات كولشي ا صاحبتي كاتسنانا غير زيدي و اصلا هضرت مع ذياب ..

قطعات عليه و ماجاتش فين ترتب أفكارها حتا جاها صوتو.

ذياب: يلاه نمشيو

تبعاتو بلا كلمة بلا جوج وصلو لحدا الاوطو و حل ليها الباب حتا طلعت عاد ركب تاهو مشاو فالطريق و الصقيل كايتسمع غير صوت تنفسهم و الراديو لي خدام ..

كانو كايسمعو للراديوو بالضبط خط فرنسي لي دايز فيه برنامج للنقاش حول المرأة فكانت المقدمة مصطادفة نسوية مصرية لي جات تتطالب بحق المرأة فالاجها..ض و فالعلاقات الرضائية و حرية الميولات الجن...سية و المساواة فالارث و ما إلى ذلك من افكار مسمو.مة بغاوها الغرب تنتاشر فالمجتمعات الاسلا.مية..

نقص ذياب الراديو و ضحك باستهزاء فحين هاجر قالت : تقدر تجهد شوية

ذياب: ياكما عجباتك هضر تها؟

خرجات فيه هاجر عينيها باستنكار و قالت : لا استغفر الله العظيم مايمكنش لانسان واعي يعجبو هاظ الهضرة

ذياب : نسبة كبيرة عاجبها و متافقة خصوصا واحد النسبة من الدريات فاهمين الحرية بالمقلوب.

هاجر جاوباتو بهدوء: ماكانتسناش من حركة نسوية تجي تعطيني حريتي و ماكانتسناش من نوال السعداوي او غيرها يوريوني حقوقي  ، المرأة قدسها الإسلام و نصفها عطاها حقوقها و حطها فمكانة سامية يكفي ان سورة من المصحف مسمية ب سورة النساء شنو بغينا كثر من هاكا؟ ربي عطانا شحال ديال الميزات علاش غانقول انه الدين مانصفنيش بالعكس لوكان نرجعو للظين غانلقاو انه عطانا قيمة و ان هاد الحركات النسوية و هاد التخربيق هو لي دللنا، انا شخصيا ماكانديهاش فهادشي و مامسالياش ليه

طول هضرتها كان ذياب كايشوف فيها باعجاب ماقدرش يتمالك نفسو مايتعجبش بيها ماكرهش يعنقها على هضرتها لي كاتدل على انهل امرأة ديال بصح و انها ناضجة و قوية...

كانو و وصلو قدام الدار و ماعندوش الوقت يزيد يناقشها نزل يحل ليها لباب و لأول مرة شافت ابتسامتو و هو كايهمس ليها :

الله يرضي عليك ا هاجر...

الله يرضي عليها🥺❤