Part «32»

35.8K 2.1K 626
                                    

#العُقاب 13

بقلمي: زاي العَنبري 💚

لتنسون التصويت + التعليق بين الفقرات + مُتابعة
حسابي الشخصي ؏ الواتباد Mszay7 🌿

insta: Zayalanbri ♥️•

**
شنفضهن نفض
شو كلهن التمن
‏لا عطوة النطني
ولا رضن يهدن
‏شگثر أسهام كلهن
فد وكت هدن
‏سهم وداع
سهم أوجاع
‏وسهم عمري
وشبابي الضاع
‏شنفضهن
ونيابهن حدن !

• ــــــــــــــــــــــــــــــــ( 🦅 )ـــــــــــــــــــــــــــــــ •

مُعتصم :- رجوووة

ارجوان :- هااا اجيت اجيت لحظة

مسحت إديناتي من الماي وطلعت من المطبخ مستعجلة
مُجـرد ما سمعت صرختة بإسمي ، عود اسم الله اليوم
نـويت اسوي مگلوبة ؏ العشا

م/( مقلوبة بس هي بالضحك تسميهه مگلوبة )

وصلت للغرفة شفته يدور بجرارات الميز عگدت حاجب
وطبيت احچي :- ها گلب شتدور

مُعتصم :- ارجوووان ساعتي السووودة وييين

ارجوان :- على كيفك ليـــش تصيح وين حاطهه انتَ ؟

مُعتصم :- بالقندرة الجرارة بـــس غراضچ شكثررر هسة
اكو واحد يخلي هالگد ورداتت صدگ تچذبيين !

ارجوان :- ياوردات

تقدمت اباوع بالجــرارة ضحكت من شال قراصة الشعر
ومخبوص يدور :- گلـــبي هاي قراصة للشعر مو وردة

مُعتصم :- هي چنها وردة شوفيلي ساعتي اريد اطلع

ارجوان :- شنو شكلهه

راح يلبس بهدومة ويحچي..
مُعتصم :- سودة دائرتهه چبيرة

ارجوان :- دنگت ادور عليهه بين الغراض واحچي :- چا
هو مو اكو بالكنتور جرارة للساعات ليــش تخليها هنا

مُعتصم :- چنت اخليها واولـي سنة ماتتحرك شمدريني
راح تجين انتِ وتگلبيني گلاب

ارجوان :- إي والله فديتنـ.. لگيتهه هاي؟

درت اراويه الساعة وشهگت من شفته جاي يبدل بساع
غطيت عيوني وصرخت اكتم ضحكتي الخجلانة..
:- عاصمممم

-استحيتِ شنو

-چا شمالني هيَ هاي ساعتكك؟؟
صرختهه سادة عـيوني بإيدي والإيد الثانية رافعة بيهه
الساعة حتى يشوفهه

-ماجاي اشوف شو تعاي يمي

-مُنحرف

اللتفتت حطيت الساعة على المـــيز وركضت طالعة من
الغرفة ماسمعت بس صوت ضحكتة انعل يومك شنو
ما استحي لو مو اُنثى ويبدل گدامي .

العُقاب 13حيث تعيش القصص. اكتشف الآن