[ Unicode ]
အခန်း-၄၂။
___________
"ဘော့စ်"
ယန်ကျင်း ကျန်းကျန့်ကို နှုတ်ဆက်လိုက်သည်။
"ဘာသတင်းပါလဲ"
ကျန်းကျန့်က မေး၏။
"ကျွန်တော့်မှာ သတင်းပါပါတယ် ... ပင်လယ်စာဝယ်ဖို့ ကမ်းခြေကိုရောက်လာတဲ့ မြို့ကလူတွေ မနက်ဖြန်ပြန်တော့မှာတဲ့။ သူတို့က ဘော့စ်ကို ခေါ်သွားချင်ကြတယ်...သွားချင်တယ်ဆိုရင် သင်္ဘောကျင်းရဲ့အနောက်ဘက်မှာ သူတို့ကို မနက်ဖြန်မနက်စောစောသွားတွေ့လို့ရတယ်"
ယန်ကျင်းက ပြောသည်။
ကျန်းကျန့်က ခေါင်းညိတ်ပြပြီးနောက် အသေးစိတ်အချက်များကိုမေးမြန်းလေသည်။ ယန်ကျင်းကလည်း သူသိထားသမျှအားလုံးကို ဂရုတစိုက်ပြောပြနေပြီးနောက် ထပ်ပြောလာ၏။
"ကမ်းခြေဘက်မှာနေတဲ့လူတွေက ဂျုံကို အရမ်းကြိုက်ကြတာ။ တကယ်လို့ ဘော့စ်မှာသာ ဂျုံကောင်းကောင်းရှိရင် စျေးကောင်းနဲ့ရောင်းလို့ရတယ်"
ယန်ကျင်း တော်တော်များများပြောဆိုပြီးနောက် နောက်ဆုံးအနေနှင့် ပြောလာပြန်၏။
"ဘောစ့် ကျွန်တော့်မှာ ပြောစရာတစ်ခုရှိလို့"
"ဘာကိစ္စလဲ"
ကျန်းကျန့် မေးလိုက်သည်။
"အဲ့ဒါက ကျန်းချောင်ရှန့်အကြောင်းပါ။ သူ အလုပ်ပြုတ်သွားပြီ"
ယန်ကျင်း နှစ်ခေါက်လောက် ခပ်တိုးတိုးရယ်မောနေလေ၏။
ကျန်းချန်ရှန်း၏အလုပ်ကို လူဘယ်နှစ်ယောက်လောက်ကများ မက်မောနေကြသလဲဆိုတာ မသိနိုင်ပေ။ သူ့အတွက်လည်း ထိုအလုပ်ကို ယခင်ကလို ထိန်းသိမ်းထားဖို့ မလွယ်လှပေ။
ယန်ကျင်းက ရာမန်အရာရှိဆိုသော်ငြား သူ့အနေနှင့်လည်း ကြီးကြီးမားမားအမှားရှာဖို့ဆိုတာ မဖြစ်နိုင်ချေ။ ကျန်ချန်ရှန်း၏အလုပ်ကို မျက်စိကျနေသောလူကို သူဆက်သွယ်ပြီး ထိုလူကို အနည်းငယ်ကူညီလိုက်ရုံသာ ရှိ၏။
ထိုလူဟာ လုပ်ကိုင်နိုင်စွမ်းရှိပြီး သင်္ဘောကျင်းမှာ စားပွဲထိုးအလုပ် လုပ်နေသော ဦးလေးတစ်ယောက်လည်း ရှိ၏။ ထိုလူက ကျန်းချောင်ရှန့်ကို ပထုတ်ဖို့ သူ့အား ကူညီနိုင်ပေသည်။ ကျန်းချောင်ရှန့်၏အလုပ်ကို မနေ့ကတင် သူ ရလိုက်ပြီးနောက်မှာ သူသည် ယန်ကျင်းကိုလည်း ကျေးဇူးတင်လက်ဆောင်အဖြစ် ငွေစနှစ်စ ပေးခဲ့သည်။ ထိုအကြောင်းနှင့်ပတ်သက်ပြီး ယန်ကျင်းက အလွန်ဂုဏ်ယူနေသော်လည်း တစ်ချိန်တည်းမှာပင် ကျန်းကျန့်ကို စိတ်တိုအောင်လုပ်မိသွားမှာစိုးသဖြင့် သတိကြီးကြီးထား၍ ကြည့်လိုက်သေးသည်။
YOU ARE READING
တစ်ဦးတည်းသော အကျည်းတန်ချစ်ဇနီး [ ဘာသာပြန် ]
Romance•Type Web Novel (CN) •Genre Comedy Adventure Romance Slice of Life Yaoi •Author(s) Jué Jué 决绝 •Status in COO 168 chapters + 12 extras (Complete) •Myanmar Translators IQ-Team •This story isn't mine. •We're just translation. •All credit to the orig...