يلا نبدأ
بسم الله
•••••••••••••
"مرام"
گاعده بالمحاضرة وتفكيري كله ويه الي صار الصبح ماعرف ابيش افكر بأهلي لو بأستاذ علي لو بروحي الي مو الي يتحكمون بيه براحتهم ساعه يريد يزوجني العمار وساعه هذا الادبسز علي وفوكاها هوه ابويه اصلا خانگني ومتحكم بيه لازم اسوي شي اخرب العرس مادري شسوي اذا تزوجت من علي رح اتدمر بالزايد اول شي رح يجبرني مثل ابويه واحتمال يضرب بيه هم وهوه ميحبني يعني فتره ويطلگني مثل مگال ابويه بعدين يزوجني عمار شصاير بحالي مدكولولي اني شنو دبة غاز يفروهه عالبيوت يبوو هسه ملگيت غير دبة الغاز اشبه روحي بيهه وهم رح يضل يعيرني ويگول ابوج زوجج اياني علمود الفلوس وباعج اني شسوي بهالحاله انوب هوه لزگه وقافل ويعرف هواي شغلات عليه.... بس يخوف اصلا ليش يعرف كل هالشغلات الخاصة وهم عنده طگات بس هوه حلوو يذكرني بأحد بس مدري منو يشبه منو يالله كل ما اتعمق يجي الشكل بس مشوش اوووف مراح اتذكر
هيج ودگ الجرس اصلا احسن كضيت المحاضرة افكر ولا ويا الدكتور صدك هذا الادبسز اليوم الصبح شلون باس.... ايعع اذا اشوفهه هسه اطلع قهر ابويه وامي واختي والدراسه بيه
-: "هلو مرام شلونج"
مرام: "اها هلو زيد الحمدلله وانت"
اعترفلكم هذا لزگه وكلش مزعج ومايع فوگاهه
زيد: "اني زين شو صارلي هواي مشايفج بالجامعة.... اويلي هاي شصاير بوجهج متعاركه"
يبووو هذا شعليه شعليييييه مكرووووه
مرام: "اي اكو جماعه ولد لزگه ضوجوني وكتلتهم ومبقيت بيهم عظم ما كسرته.. "
باوعت لشكله حسيته خاف مادري شبيه بس شكله جان يضحك
زيد: "اها اوك اااا اني اروح.... باي"
مرام: "باي"
اول ماعافني
مرام: "الله ومحمد وعلي وياك"
ماناقصني غير هذا المخنث دك الجرس بس عرفت انو هاي حصه المدرس الي طردني يعني مراح ادخل لهالمحاضرة منا لنهاية السنة هاكم البشاره كعدت وفتحت تلفوني گلت خل ابحث على هذا علي الادبسز كتبت اسمه وطلعتلي معلوماته
علي يمان علي
العمر 26 سنه
لا يوجد اي ضهور لعائلته لذا يعتقد انه يتيم
رجل اعمال ناجح يمتلك العديد من الشركات بالعراق ويعمل بها عرب ايضا وهوه ناجح في التجاره والهندسه ولديه استحواذ دائم على الجوائز الدوليه والعالميه منها..... الخ...
دخل السجن مرتان بتهم قتل متعمد وتهريب مخدرات ولكنه خرج لأسباب مجهوله يقال عنه انه متورط بالمخدرات وتهريب الاسلحه وهو متهم بالعديد من الجرائم ولكنه متبرأ منها جميعها لعدم وجود ادله كافيه و..... الخ
يالله يكولون مجرم ومهرب شنو هاي ابويه ميفكر يعني هذا واحد متورط بهواي سوالف مو قانونيه وهمين شايف روحه مدري ليش تذكرت اول مره شفته ماكللكم شكد چان مكروه عبالك ملك جمال العراق....
ESTÁS LEYENDO
مࢪام گلبي
Misterio / Suspenso-«ما حسيت الا بأبࢪه ثبتت بࢪگبتي باوعت له بصدمه چان شكله باࢪد حتى.. بدت تطلع هذيج النظࢪة الي بينت على انها نظࢪة أنتصاࢪ متࢪوسة بالمڪࢪ والأستهزاء مادࢪي.. ضࢪبته على صدࢪه وصࢪت أࢪكل بࢪجله بشكل هستيࢪي بس ميتحࢪك ثابت مثل الصخࢪ حتى حسيت جسمي بده يوگف وأخࢪ شي...
