(ارتجاف)
في النادي تجلس قبالته في صمت تنتظر حديثه فبعدما قرأت رسالته التي تحمل الكثير من التهديد حسمت أمرها وهاتفته لتخبره بأنها ستقابله بعد ساعة في النادي.
وها هي ذي تجلس برفقته زفرت بنفاذ صبر عندما وجدته ما زال صامتا
فتنحنحت كي تستعيد جديتها هاتفة بصرامة: أوعى تفتكر أني جيت عشان خفت من تهديدك لا أنا جيت أحط النقط على الحروف.
رمقها باستخفاف ولم يعقب.
مما زادها عصبية فاستطردت: أنت سامعني ولا إيه بالظبط؟
رسم قناع اللامبالاة على وجهه ثم أجاب باستفزاز: وأنا ما جتش هنا وطلبت اقبلك عشان اسمع الكلمتين اللي ما لهمش لازمة اللي أنتي بتقوليهم دول يا فريدة.
صكت على أسنانها بقوة حتى كادت أن تهشمها ثم هتفت من بين أسنانها: أولا اسمي مدام فريدة ثانيا أنا هسألك سؤال واحد بس وعيزاك تجاوب عليه فيروز صبري هي اللي بتلعب معايا اللعبة القـ ذرة دي مش كده وهي اللي على تواصل معاك صحيح!
أخرج علبة سجائره من جيب سترته ثم أخرج منها واحدة وأشعلها بقداحته بعد أن وضعها في فمه وأخذ نفس طويل منها ثم نفسه في وجهها هاتفا ببرود: والله أنا مش محتاج مساعدة من حد أنتي اللي ساعدتيني في الأول ودخلتيني حياتك ومش بمزاجك أنك تنهي اللعبة دي يا مدام.
فاض الكيل من حديثه الهادئ معها فضربت الطاولة بيدها مما خلفت صوتا عاليا وصرخت في وجهه: ودلوقتي أنا مش محتاجة وبقول لك اطلع من حياتي يا حازم ما عنديش استعداد أني أخسر جوزي وبنتي عشان أي حد سامعني أي حد.
ابتسم باصفرار ثم رمقها بنظرات مبهمة ورد بفظاظة: أولا صوتك ما يعلاش ثانيا خيوط لعبتك بقت في أيدي أنا مش أنتي يا فريدة هانم
عايزك تعرفي وتسمعيني كويس خروج من حياتك مش هاخرج وأدهم صبري هتطلقي منه برضاكي أو غصب عنك لأني أنا ما عنديش استعداد أخسرك أنتي عشمتيني وخليتي بيا وده آخر كلام عندي.
آه نسيت أقول لك حاجة قبل ما امشي في كده كام صورة حد ابن حلال لقطهم لنا مع بعض وأحنا قاعدين دلوقتي عشان كده فكري كويس قبل ما تاخدي أي قرار ممكن يدمرك يله باي باي يا حلوة.
تركها وانصرف تاركا إياها تعض على أناملها ندما وتذرف الدموع بغزارة.
*
فور ما استمعت لحديثه قررت أن تستدير إليه وتستفهم ماذا يريد منها إلا أن قلبها وعقلها لم يطاوعوها
فكلم بصرت نظرته الشهـ وانية تلك شعرت بقشعريرة تسري في جسـ دها وتجتاحها حالة من الغثيان لذا تساءلت بصوت مرتـ جف: أتفضل قول عايز مني إيه؟
أنت تقرأ
كما لو تمنيت
Mystery / Thrillerكلنا نتمنى أن نعيش حياة غير تلك التي نعيشها لكن هيهات ليس كل ما يتمناه المرء يدركه جميعنا خلقنا بالفطرة أبرياء لكن الحياة تشكلنا كما تشاء فتتغير صفاتنا وطباعنا ونجد أنفسنا تحولنا تدريجيا لشخص لا نعرفه ويصبح الهدف الأساسي الذي نريد ان نحيا من اجله ه...
