مادريت أن اللي يحبني يبي حزني

فرج الله

قفل نادر في وجهه بهاج حس وقتها ان محد بيجيه فتح جوال ابوه بس ماكان يعرف الرقم السري حقه انهار من البكي وماعرف وش يسوي رمى الجوال وفتش في جيب عناد فلقى جواله بس كان طافي رمى الجوال على صدر عناد بعصبيه ولما دور في جيبه تذكر أن جواله في الدبه لما رجع لوراء مع قوة الصدمه والحين السياره احترقت وجواله بعد احترق جلس على الأرض بستسلام وكان يفكر انه يروح ويرمي نفسه في السياره المحترقه يمكن يكون ارحمله من انه يشوف هله طايحين  كنهم جثث قدامه ومايقدر يسوي شيء ثنى ركبته ونزل راسه وكان يشهق من البكاء وهو يقول
-يارب لا تتركي يارب ساعدني ماني عارف اسوي يارب
سمع صوت سياره!
قام وناظر جهة السياره فكانت متوجهه له ماعاد قدر يتحرك وبس يرفع يده ويصارخ
-تعال ساعدني
وقفت السياره عنده وخرجوا منها 4 رجال جاوا ثنين وشالوا حمد والاثنين شالوا عناد وحطوهم في الدبه ماكان يعرف بهاج اصلا ذول من جاء واحد منهم كان طويل نحيف اسمر شال جود وقال لبهاج
-انت وش اسمك؟
رد عليه بهاج بستغراب
-انا بهاج
-بهاج بسرعه شيل امك وحطها في الدبه وراح وحط جود اللي دمها خرج من الشماغ اللي مربوط على راسها مسك بهاج امه وبكل قوته حملها وحطاها في الدبه مع اخوانه وابوه ركب مع الرجال في ورى مشى السواق طاير للمستشفى وصلو في دقايق جاوا الممرضين ونزلوا كل من في الدبه وودوهم للعنايه المركزه في حين بهاج اللي دخل المستشفى وجلس على كرسي يبكي جاه الرجال اللي شال جود
-بهاج حتى انت لازم يعالجون يدك
استغرب بهاج منه وطالع يده الا يشوفها كلها حروق ورجله دخل فيها القزاز وماحس بهذا كله جاء ممرض ودخله غرفه عالجو يده اللي كان فيها حروق مهي خفيفه ولا قويه وعالجوا رجله اللي كل ماطلعو قزازه صارخ بوجع ومستغرب كيف ماحس فيها لما دخلت فيه
بعد ساعه
كان بهاج منسدح على الكرسي وكل شيء في جسمه ينبض من الألم اهتز الجوال في جيبه حط يده في جيبه بس كانت مربطه بشاش نادى الممرضه تطلع الجوال جات وطلعت الجوال فكان جوال ابوه والمتصل (قاسم اخوي) جاته غصه
-لو سمحتي ردي وخليه سبيكر وعطيني اياه
-حاضر
ردت وحطته سبيكر وحطته في يده الي كلها شاش طلعت وبصوت مبسوط وفرحان
-الو حمد ابشرك حنا في ديرة اهل ضي الله يرحمها
مارد عليه بهاج بس جلس قاسم يتكلم وصوته باين فيه الفرحه
-سند اليوم شاف خواله وانبسطوا كلهم لما شافوه وصدق اني غلطان من لما ماتت ضي وانا مارحت ولا العيال راحو و....قاطعه بهاج ببكاه اللي يقطع القلب تغيرت نبرة قاسم وصارت كلها خوف وتوتر
-حمد انت تبكي؟! في العيال شيء؟ صارلكم حاجه؟
من قوة البكي اللي كان يبكيه بهاج مافهم منه قاسم ولا كلمه توتر قاسم زياده
-من انت؟ في اخوي شيء؟
بشهاق
-ياعم انا بهاج
-وين ابوك؟وليش تبكي؟
رجع يبكي وهو يقول
-صارلنا حادث وماعرف مين الحي والميت منهم
طاح قاسم من طوله وقال
-وين انتوا؟
-مدري عند جامعة ابوي القديمه
طاح الجوال من يد قاسم وبس كان يسمع بهاج عمه وهو يقول
-يارب لا تاخذ اخوي يكفيني فراق زوجتي