" စည်းရေ......"
အပေါ်ထပ်ကနေ တဒုန်းဒုန်းဆင်းလာတဲ့အရင့်ခြေသံကိုကြားပေမယ့် စည်းမီးဖိုခန်းဆီကနေ အသံပြန်မပေးပဲ ငြိမ်နေလိုက်မိ၏ ။ အားနေ အသံပြဲနဲ့အော်နေတာကို စည်းတကယ်အမြင်ကတ်လွန်းပါသည် ။
" စည်းရေ ကိုကို့အချစ်လေး ဘယ်ရောက်နေတာလဲကွာ.... "
ရှက်ကြောပြတ်နေသလားထင်ရလောက်အောင် အော်နေသမျှ သူမရှက်ပေမယ့် စည်းမျက်နှာလေးစွေးစွေးနီနေတာကို အဒေါ်ကြီးကဘေးကကြည့်ပီးလှစ်ခနဲပြုံးလိုက်တာကြောင့် စည်းပိုပီးအရှက်သည်းသွားရတော့သည် ။ ရင့်အာဏာဆိုတဲ့လူက အခုနောက်ပိုင်းတွေ ပိုပီးမျက်နှာပြောင်တိုက်လာသလို အရှက်လဲတစ်စက်ကလေးတောင်မရှိတော့ ။ သူအိမ်မှာမရှိတဲ့တစ်ချိန်ပဲ စည်းအေးအေးဆေးဆေးနေရကာ အရင့်အိမ်ပြန်ရောက်လာပီဆိုတာနဲ့ စည်းခမျာ သားနှစ်ယောက်မွေးထားသလားတောင် အထင်မှားရသည်အထိ ။ အခုလဲ သူအိပ်နေတာကိုပစ်ထားခဲ့ပီး စည်းမီးဖိုချောင်ထဲရောက်နေတာကြောင့် တော်တော်ယောက်ယက်ခတ်နေပုံပင် ။
" အလင်း မင်းဖေဖေကိုတွေ့မိသေးလား "
" သိဘူး "
သားရဲ့ခပ်ဆတ်ဆတ်အသံလေးကြောင့် စည်းသဘောကျစွာပြုံးလိုက်မိသည် ။ တကယ်ဆို စည်းဒီမှာရှိနေမှန်းသားသားသိပါသည် မအားတာကြောင့် ဧည့်ခန်းထဲ အရုပ်ပုံတွေကြားထည့်ထားတဲ့သားသားက သူ့ဒယ်ဒီကိုဘာအလိုမကျသည်မသိ ခပ်ဂျစ်ဂျစ်အသံလေးနဲ့ ဘုတောလွှတ်သည် ။
" ဟေ့ကလေး လေသံကိုပြေပြေလည်လည်ပြောနော် "
အရင့်မကျေမလည်အသံကြီးထွက်လာပေမယ့် သားအသံလေးကိုတော့ စည်းမကြားလိုက်ရပါ ။ ခဏကြာ သားအဖနှစ်ယောက်ရဲ့တို့စိတို့စိ အသံလေးတွေကြောင့် စည်းမီးဖိုခန်းထဲကထွက်လာကာ အသာနားထောင်ကြည့်တော့....
" သားသား ဒယ်ဒီ့ကိုပြောစရာရှိတယ် "
သားသားရဲ့ မျက်ခုံးလေးပင့်တင်ပီး လူကြီးဆန်တဲ့လေသံနဲ့ဟန်ကြောင့် အရင့်ကမျက်ခုံးတွေစုကြုံ့သွားရကာ....
" ပြောပါဦး "
" ဒယ်ဒီ ဘာလို့ဖေဖေ့ကိုအချစ်လေးလို့ခေါ်ရတာလဲ "
ВЫ ЧИТАЕТЕ
The Shadow ( Ongoing )
Любовные романыငါဟာလွတ်မြောက်ဖို့ ကြိုးစားတိုင်း ဒီနွံထဲမှာပဲ ထပ်ခါထပ်ခါနစ်ရပြန်တယ်.......
