#الاخوة🪐
الحلقة التاسعة ✨
حياه//
طلعت من الامتحان وكنت متوتره بكل وما حليتش شفت صهيب جايني قعدت مرتبكه وخايفه ناصر يشوفني
صهيب: اوي شنجو
حياه ابتسمت: هلا ،الحمدلله وانت
صهيب: كويس شن درتي في الامتحان
حياه: صعب بكل
صهيب: اها بس سلكت منه
حياه: باهي ربي يوفقنا
ونحن نحكو شفت ناصر جاي من بعيد وخبط في صهيب وبحت فيا
ناصر وهو يبحت فيا: معليش سامحني ياخويا مش بقصدي
صهيب: كيف ما تشوفش فيا مصبي ولا كيف وبعدين نزلي عيونك لوطه ولا بحت فيا "ولتفت لحياه" امشي لصاحباتك
ناصر ضحك: معليش حقك عليا
صهيب مسكه من دبشه: وجهك معش بنشوفه
ناصر بحت في صهيب من فوق للوطه: حتشوفني واجد من يوم وغادي "وفك يده وعدا يضحك ويبحت في حياه"
صهيب بحت في حياه من بعيد وطلع للسياره وحرق العجل وروح
مشيت لسميه نرعش
حياه: ينعليا يا سميه حيتعركوا
سميه: من الاول قتلك فكك انا شن نبي نديرلك توا
حياه: ياربي ياربي "تلفونها رن وكان ناصر" يرن يرن يا سميه
سميه: ردي عليه ما عندي ما نقولك جبتيها لروحك "صبت" ماشيه للحمام نطلع نروحوا "خذت شنطتها ومشت"
حياه رديت عليه: الو
ناصر: صار الو يا سمحه
حياه: شن تبي توا
ناصر: نبيك انتي
حياه: شن تبي مني ياناصر
ناصر: بتسمعي كلامي ويبي يمشي عليك ولا حنمشي لهلك وزي ما قتلك
حياه سكتت ماردتش عليه
ناصر: صار هذا كله علشان صهيب
حياه: مش شورك وما تتدخلش
ناصر: لا شوري علي المهم حنتفاهم معاك "وصكر"
حياه: ياربي اوووف
جت سميه من بعيد: هي
حياه: صبيت هي
وروحنا
ايات//
نضت من نومي لقيت الساعه 10 بحتت في نقالي لقيت روحي علي صفحه سراج ابتسمت وصبيت وبديت نرتب في الدار ولميت داري ولميت دبشي كله وطلعته من الدار بحكم ان خلاص اليوم نبو نمشو للشقه الجديده وصكرتها وانا نبحت فيها ودموعي في عيني بحكم انها كانت دار ماما وبابا
خشت لدار مصعب بحتت فيه لقيته راقد في سابع نومه صكرت عليه ونزلت تحت وقعدت نلم في الفرشات مع طلعت سفيان من الدار
سفيان: خير
انا: خير
سفيان: وسيم شكله يرن علي مصعب راقد ما يردش جايب الراجل متاع سيارات النقل
انا: باهي شوفه وتعال مش تشيل معايا الصالون
سفيان: هي
طلع وجاء وقعدنا نرتبوا ونطلعو وتقريبا كملنا الحوش كله قعدت نبحت في الصاله وهي فاضيه وجو في بالي عرم ذكريات حزينه وسعيده استغفرت ربي وبحتت في ساعه لقيتها 2 الا ربع خشيت للمطبخ نلمه
مصعب//
نضت طلعت للصاله بحتت فيا لقيتها فاضيه طلعت للمطبخ لقيت ايات تلم في المواعين في صناديق
مصعب: صباح الخير
ايات التفت: صباح النور
مصعب: شنو مزال واجد
ايات: لالا كملت ، والباقي طلعهن سفيان
مصعب: نضت الصبح علي طلعت صهيب بعدها رديت رقدت معش فطنت بروحي
ايات ابتسمت: اها شفتك نوم العوافي
مصعب: سلمك ، علي المهم شنو مزال
ايات: الاثاث اغلبه طلعت انا وسفيان مزال دبشنا بس
مصعب: تمام يعطيكم الصحه
ايات: شن صار في المحل
مصعب: تصرفت فيه خلاص
ايات: ربي يعوضك
سفيان خش من باب المطبخ: صباح الخير
مصعب: صباح النور
سفيان: وين علي النوم هذا كله
مصعب: ليا اسبوع نجي علي اوراق واللهي ما غمضت عيني لين حصلت حوش
سفيان: ومنصور شن صار فيه
مصعب: محصل حوش هو اصلا
سفيان: مدام مع هله ومتريح ربي يسعده
ايات نزلت من علي المرمار: ان شاء الله، خوذ ها هذا تقريبا اخر صندوق
مصعب: شنو وسيم جابلك السيارات امالا
سفيان: اها في الصبح جاء حط الراجل وعدا
مصعب: باهي كويس ، قاعد برا
سفيان: اها
ايات: كملنا المطبخ مزال الصالون متاع المربوعه وطاوله الاكل وتمت
مصعب باس راس ايات: ربي يعطيك الصحه ، نركب نلم داري
سفيان: انا تقريبا داري انا وصهيب لميتها
مع خشت صهيب
صهيب: اوي شن اديرو
سفيان: خوذ انت ايات يا صهيب وامشي للشقه
ايات: شن جو امتحانك اليوم؟
صهيب: لوز ، نخش نبدل دبشي بس
ايات شيرت علي صاكو: هنا دبشكم
صهيب بحت: معنها خلاص تعال طلع معايا يا سفيان
سفيان: هي
