#عشگ_الملا
وردة الشيخ محمد
لاتنسون التصويت ...
#جواد
بين الاشاوس والاسود كاعد وكدامي ابطال يواجهون الموت بضراسهم ،
اسلحه
قنابل
هاونات
همرات ودبابات
وجوه متربه
ذاك شاد جرحه ب ايد ، والايد الثانيه لازمه سلاحه
الضحى كاعد بالمعسكر وليدي مخطط العمليات وكاض جرحي بعده جديد ،
- شوف سيدي هنا هاي المنطقه خطره بينه وبينهم ٣ شوارع
جواد : هاي المنطقه شعبيه فقيره واذا فقيره يعني بيت ببطن بيت وكل بيت بي سرداب مخزن مونه وطعام فاهمني يعني يحتاج تركيز وتدقيق اريد تخابرلي منتسب الاحداثيات تنطيني كامل المعلومات لجل نهجم باجر الضحى
- حاضر سيدي ... بس سيدي الهجوم مستمر شلون نبدي
- احنه مانهجم من الخلف اريد اصحاب الهاونات وانطي كامل المعلومات ومعركه شرسه باجر حضروا روحكم
- سيدي جم جندي
- اوعدك ١٣ جندي يشردوهم من جحورهم هههههه
- سباع الاشاوس كدها وكدود
- والنعم ، يلا خالي حضرهم بين مااچيك الوضع حتى الفجر نستعد للهجوم
- حاضر سيدي
دك التحيه وطلع طلعت وراه مديت ايدي بجيب الگراب وطلعت صورتنا انه والمكموعه
صار شهر اله شوي ماشام ريحتها
صار شهر اله شوي عيني ماصارت بعينها
صار شهر اله شوي ماطاخ شفتها
- وچ مشتاگ گد رحمة الله ...
ذبيت نفس دخان الجو بي بروده خفيفه الموصل جوها حلو حتى بالصيف
جنة الموصل جمال الطبيعه وجمال الناس
الشلالات والخضار كلشي بيها حلو
بس اشوفها هسه ... بيوت بالكاع صارت ..دخان بكل مكان .. صوت رصاص مايبطل مدة ٢٤ ساعه ... ريحة موت ودم ترست المكان ...
نطلع الناس من جوه الانقاض
الي نلحگ عليه نطلعه ونداوي ونطلعه خارج منطقة الخطر
والي مانلحك عليه يصير جسمه ومجسم البيت واحد ..
خصوصا من علن داعش انتشار نفوذة بالمناطق بذيج الايام كل واحد جان يكول ياروحي انتفض العراق واتفضت المناطق والناس طالعت نازحة من بيوتها بالالاف
الي يكدر يطلع طلع وخلص نفسه وخلص عائلته وعاف االي اله والي عليه وطلع بطرك هدومه
نزلنا قواتنا ووزعناها بالمنطقه بذيج الايام وكانت حرب شرسة الي يطلع من بيته يودع مرته واطفاله ماضامن نفسه يرجع الحضنهم
والي يطلع ومايرجع
والي طلع ورجع وهو مجروح
الا انا جانو الجنود يكولون : ملا انتَ ليش مطمن
- اكلهن انه واعدها وعد ارجعلها ان جنت شهيد او جريح لو سالم ارجع يعني ارجع لو النصر لو الشهاده
