Part 3

6.3K 243 112
                                    

سبحان الله وبحمده سبحان الله العظيم ♡

( ٣:٤٦ الـفـجـر تـحـديـداً بـيت الـجـد غـرفـه عهد وعهود )
عهد : وزي ماقلت لك فيصل شايف الوجد ومعجب فيها والحلو بالسالفه هاذي كلها انه مايعرف اسمها ويدور بباله ان الوجد هي انا عهد
عهود : طيب ؟ مرده بيعرف!
عهد : حبيبتي عهود ركزي معاي اقدر اطيح فيصل بأشباكك واخليه يطيح بحبك ! نوهمه ان الي شافها انا عهد واساسا انا قلت له انا صاحبه الفستان الوردي
عهود : طيب وش بتسوين؟
عهد طلعت جوالها : اولاً ندمر الوجد وثانياً بصيد فيصل!
عهود : بس انا ابي فيسلل !
عهد : بعدين نتناقش على هالموضوع اسمعي الان ندخل ستوري الوجد مصوره جسمها ووجها وفستانها !
عهود : دقيقه دقيقه الوجد مو ضايفتنا كيف ضافتك؟
عهد : تتوقع اني صاحبتها سويت حساب يشبه حساب صاحبتها وحطتني برايفت ونزلت صورتها وباخذها
عهود : فكره حلووه
عهد : تم
ودخلو برايفت الوجد وصورو صوره الوجد من جوال عهود عشان الوجد ماتشك وفعلاً اخذو الصوره
عهود : طيب ماراح تستفيدين شي من صورتها!!
عهد : دقيقه بس
عهد طلعت رقم فيصل ونطقت : نرسل له صورها على اساس انها انا !
عهود: تم تم يلا
ودخلو على فيصل بالمحادثه
،
فيصل متكي بفراشه ويفكر بصاحبه الفستان الوردي والنوم ماهو راضي ينام من التفكير فيها سلبت عقله وقلبه
فجأه جت رساله من رقم غريب عقد حواجبه ودخل المحادثه
عهد : هايي
فيصل : مين معي ؟
عهد : انا عهد
فيصل رجف قلبه واختل توازنه وكتب : وشبغيتي ؟
عهد بدون سابق انذار ارسلت صوره الوجد!
فيصل شاف الصوره وتاكد ان ام فستان وردي هي نفسها عهد!
عهد : شرايك بفستاني ؟
فيصل : ماتوقعت انك ترخصين نفسك لذي الدرجه ! احشمي نفسك
عهد ماتوقعت رده اساساً وكتبت : اسفه
فيصل طلع من المحادثه ويحس ان في غلط بالسالفه !
ام فستان وردي ثقيله ومو مندفع اما عهد مندفع وترسل صور! ،
عهد برد وجهها وتفشلت من نفسها
،
الصباح بيت الجد 6:32 ص ..
الجد سلطان يتوعد ويهدد ويهاوش ابو الوجد لانها تهاوشت امس مع "سماهر"
ابو الوجد : يايبه الله يهديك اهدى اهدى
شيخه : وكيف تبيه يهدى وبنتك مفشلتنا امس؟؟
ابو بتال : لااله الا الله
مازن : والله ماتلمسون شعره من الوجد !
العنود : صادق مازن خلاص يكفي وحنا ساكتين وانتم تتحكمون بحياتها وتجبرون ابوها يقسى عليهاا! شيخه انتي مالك دخل انشغلي ببناتك وخلي الوجد بحالها ! ابو بتال انشغل بعيالك وخل عيال غيركك ! الوجد عندها ام واب يزوجونها الي يبون مالكم حق تزوجونها
شيخه: لاوالله؟ بزر ذا كبرتس تعطينا رايتس؟
مازن : يمكن اصغر منك عمر لكن اكبر من عقل العنود عقلانيه !
ابو بتال : اصص انت وياها مالكم راي!
فيصل والعيال واقفين ويحاولون يفهمون السالفه
العنود : لابتكلم الين انصر الوجد لمتى وانتم ضالمينها !!
ابو الوجد ارتفع ضغطه واختل توازته واجلس على المركى ومسك راسه
الجد سلطان : عهود ! جيبي الوجد الان !
عهود : ابشر
وراحت
العنود طاحت عينها على ابو الوجد ولمست خصر مازن
مازن فز : وجع علامك
العنود بهمس : شتتهم عني
مازن بهمس: ازهلي
العنود اتجهه لـ ابو الوجد ومازن يشتتهم ويضيعهم بالنقاش ونطقت العنود
: تركي؟ فيك شي؟؟
ابو الوجد بقله حيله : بنتي بتروح مني وماقدرت ادافع عنهاا
العنود همست : مين بيزوجونها؟
ابو الوجد : مشاري الصايع ولد خالتها
العنود شهقت بصدمه وهمست لـ ابو الوجد بدون لحد يلاحظ : انقذ بنتك وزوجها فيصل
،
الوجد حضنت شروق لانها بتروح للبيت خلاص
الوجد : لاتقطعيني منك تكفين
شروق : من عيونيي
عهود دخلت اليبت : وجد!
الوجد تنهدت : اسمي الوجد
عهود : الي هو جدي يبيك
شروق : وش يبي ؟!
عهود : اظن انها امور عائليه مالك دخل!
الوجد : احترميها لاسطرك وش يبي جدي؟؟
عهود : جدي يبيك وبس
وطلعت ونطقت شروق : يعع مستفزه ،يمهه وش يبي فيك؟؟
الوجد تصرف الموضوع : معليك اكيد يبغاني اتقهوى انتي روحي الحين وانا ارسل لك
شروق : تمام الله يستر مع السلامه
الوجد ابتسمت ابتسامه مزيفه وهي تدري ان جدها مسوي مشكله
وراحت شروق ولبست عبايتها الوجد وحطت الطرحه على شعرها واتجهه لمجلس الجد
،
العيال احترمو خصوصيه الوجد وطلعو
دخلت الوجد بكل قوه : نعم ؟ وشبغيتو من كبد الوجد ؟ مو حرمتوها من امها؟ وسكتت عشان ميلا ؟ ماكفاكم؟
الجد : وعلامتس متضاربه مع حرمه جابر سمي عمك ابو بتال ؟؟
الوجد وهي تناظر اظافرها : سبت رقصي وانا الي يسب ادنى حاجه فيني اكسره تكسير وانا بنت تركي وهند !
شيخه : والطقعه بهالتربيه
الوجد التفت للعمه شيخه : ست شوشو ترى اتوطى الي يسب تربيتي لاتخليني اجرب عليك واخليك علكه بين ضروس اهل الديره!!
العمه شيخه خزتها
الجد : بزوجتس !
الوجد ببرود : زوجني هو اساساً انت اخذت اغلى مااملك ضاقت انك تزوجني عبالك بخاف يعني ؟؟
قالت كذا من تذكرت نصيحه مازن لها "لاتبينين نقطه ضعفك لهم بيستغلونها ضدك انتبهي وانا عمك "
الجد عقد حواجبه ماتوقع رده فعلها كذاا! ونطقت بحده : بزوجتس ولد خالس مشاري وتنقلعين لـ امتس
الوجد انربط لسانها ماقدرت تنطق بحرف مستحيل تتزوج مشاري!
مشاري مريض مختل يضرب ويصارخ ويمكن توصل للاسلحه!!
هزت راسها الوجد وهي تنكر ودموعها بدت تنزل بس مو قادره تقول شي!
قام ابو الوجد : الوجد لـ فيصل !
ابو نواف : وفيصل للوجد !
مازن : اذا ابو الوجد وابو فيصل قالو كذا يحق لهمم ،عيالهم ، خلاص
العنود : مشاري مريض ! نزوجها فيصل اشوا
صرخت الوجد ببكى : مابيي فيصل مابيهه مابي احد
الجد من شاف رفضها لـ فيصل لزم الا ليزوجها فيصل عناد فيها
الجد : اجل نزوجها فيصل تم
الوجد تقدمت لجدها وهي تبكي وتنطق بحده : انت اقذر انسان اشوفه على وجهه الارض، انت حرمتني من امي عشان كلام شيخه انت كلمه توديك وكلمه تجيبك تهز راسك لاي كلمه تقولها شيخه ! شيخه ناويه تدمرتي وانت جديي ! بس ماضن انك جدي انت عدو وارجع واقول انت اقذر شخص !
كانت تقول كلام وهي تبكي بحرقه
الجد سمع كل كلمه قالتها الوجد واول ماانهت كلامها اعطاها كف طيحها بالارض
شهق ابو الوجد وهو يسحب الوجد بحضنه : يبه ! بنتي محد يمد يده عليها
الجد سكتت والتفت ابو الوجد وينطق : مازن خذ الوجد
مازن حضن الوجد وهو يمشي وهي تبكي وتشكي له
فيصل جاه اتصال من عمته شيخه انه لازم يجي يسمع المصيبه !
فيصل شاف مازن وجنبه بنت تبكي وهو عارف ملامحها صح
ام فستان وردي الوجد والي على باله عهد
فيصل : عسى ماشر وشفيكم
الوجد رفعت نظراتها لـ فيصل وعيونها دموع : انت فيصل ولا فهد؟؟
فيصل عقد حواجبه منها امس ترسل صورتها واليوم تسوي نفسها ماتعرفه !
مازن : هاذا فيصل ي جوجي
فيصل بهمس : جوجي  ؟؟
الوجد تنهد بضيق : افف ياربي لواتزوج الهطف فهد ولا اتزوج هاذا
وكملو طريقهم تاركين فيصل الي بدوامه من هي ام فستان وردي وليش اسمها جوجي وهي تقول ان اسمها عهد ! وليش تقول اتزوج الهطف فهد ولا اتزوج هاذا ؟
تجاهل الوضع ودخل : سلام
الكل رد السلام ونطق فيصل : وشبغيتو؟
الجد : بنزوجك
فيصل بصدمه : ويش؟؟
ابو نواف : اي ياولدي بنزوجك
العمه شيخه : عزتي لك خذيت الملسونه لو انك ماخذ من بناتي اشوى
الجد : فيصل بيتزوج حرمتين
فيصل : دقيقه دقيقه الحين انتم قررتو وانا ؟
العنود : صارت مشكله ، الوجد تهاوشت مع حرمه جابر وابوي كبر السالفه وبيزوج الوجد مشاري ولد خالتها
فيصل: ايي الله يوفقها بس مو كأن مشاري عليه قل صح ؟
العنود : ايي وعشان انه مو صاحي بيزوجونك انت الوجد 
فيصل احتدت ملامحه وقرر يصرفهم بطريقته : ماني بمتزوج احد لاهي ولاحرمه غيرها انا ماني بمتزوج غير حنان !
ابو نواف : اعقببب من حنان؟؟
فيصل مايدري مين حنان وتذكر بنت خالته : بنت خالتي زينب !
ابو الوجد : وانت تحبها؟
فيصل : اظن مالكم دخل اذا احبها ولا بس انا ابي حنان
الجد بحده : الحرمه الاولى الوجد والثاني عهود وكانه يبي حنان تصير الثالثه وانتهى الكلام 
العنود : حشى خذا كل بنات الجماعه من بقى ؟ ثلاثه مره وحده؟
فيصل بعصبيه : مو على كيفكم هاذي حياتيي !
ابو نواف : اسمع ياولدي لاتقرر الحين معك اسبوع
ابو الوجد : انتبه لبنتي
فيصل طلع بعصبيه 
،
مازن جالس بغرفه الوجد والوجد بحاله لايرثى لها تبكي بكاء يقطع القلب
مازن منزل راسه
هو العم الي مايحب يشوف الحزن بعيون بنات اخوانه ونطق : الوجد اسمعيني وانا عمك
الوجد ببكى : مابيي اسمع حاجهه تكفونن اتركونييي بموتت خلاص
مازن : بسم الله عليك
الوجد غطت نفسها بالبطانيه وتخبت تحتها ونطقت : عمي مازن تكفى ببكي لحالي
مازن بضيق : تمام
الوجد بضيق ودموع : اسفه عمي ماقصد تتضايق انت الوحيد الي مابغاه يتضايق مني
مازن بأبتسامه : ولاتشيلين هم انا العم زوزو مازعل منكم خصوصاً انتي
الوجد ابتسمت وطلع مازن من الغرفه والوجد ياكلها التفكير وتبغى تسوي شي يحرق قلب جدها زي ماحرق قلبها وتفكر وتفكر وقطع تفكيرها ابوها الي دخل
ابو الوجد : الوجد
الوجد صدت
ابو الوجد تقدم وجلس قبال الوجد : افاا يالوجد تزعلين من بابا ؟؟
الوجد ساكته وتدمع ونطق ابو الوجد : وان قلت لك ماسويت كذا الا عشان انقذ حياتك من مشاري ؟
الوجد بهدوء : يبه انت زدت الطين بله وبتزوجني فاصوليا !
ضحك ابو الوجد من اسم فيصل الي بكل بنت تناديه مثل شيهانه تناديه فيصلوه وعهود فيسل والوجد فاصوليا
الوجد : بابا مابغى اتزوج بجلس عندك
ابو الوجد : يابنتي انتي زواجكم على الورق بس كم شهر كذا ونتطلقكم من بعض وكل واحد يشوف حياته
الوجد : اكيد بابا مابيصير بيننا شي؟
ابو الوجد : لا معليك فيصل زعلان مثلك مايبي يتزوج
الوجد : تمام
ابو الوجد بأتسامه : ولا تزعلين ياعين ابوك
الوجد بأبتسامه مزيفه : ابشر
ابتسم ابو الوجد ومسح دموع الوجد وطلع
الوجد ابتسمت بشر وكأنه ناويه شي ، ناويه تكسر حلف جدها وتخليه يصوم ثلاث ايام حلف  ، حلف انها ماتشوف امها
قامت وعيونها دموع ولبست عبايتها وحتى النقاب والطرحه مالبستهم لبست شوزها (يكرم القارئ) وضاربه الكل بعرض الحيط
طلعت من البيت وهي ناويه تروح لـ امها ! طلعت من المزرعه كلها والعامل يركض وراها لان الجد موصيه على الوجد
الوجد تركض والعامل يركض وراها الوجد قدرت تضيع العامل وتكمل طريقها
،
فيصل راجع وهو معصب من موضوع زواجه من الوجد ومازن فجر جواله اتصالات
وشاف بنت تمشى بعبايتها بس بدون طرحه ولانقاب وعرف هالوجهه صاحبه الفستان الوردي!! 
وقف
الوجد شافت الشاص وخافت ماتدري مين هو ووقفت مكانها بخوف
نزل فيصل : عهد وش جايبك هنا  ؟؟
الوجد عقدت حواجبها ونطقت : وشدخلك  ؟
فيصل بعصبيه : كيف وشدخلني وانتي تركضين بالشارع فارعه ؟
الوجد تجاهلته وتعدته ومسك عضدها ونطق : مافي روحه ودجه بالشوارع!
الوجد : افف اتركنييي بروح اشوف اميي الي حرمتوني منهاا!
فيصل : انتي عهد كيف ؟؟ طيب موجوده عمتي شيخه بالمزرعه
الوجد تحاول تفك يدها منه وهي تبكي : ياخي وش دخلك فكنيي 
فيصل : دقيقه مين انتي انتي عهدد!!
الوجد : هاه؟
فيصل : مو انتي الي ترسلين صورك؟؟
الوجد دفته عنها : وجعع وش هالكلام ماني ميته عليك !
فيصل تقدم لها : منتي ميته علي؟؟ وترسلين صورك يالرخيصه ترخصين نفسك عشان صوره ؟
الوجد ماتحملت الكلمه و صفقته كف : انت الرخيص على الفاضك ذي حرام تكون ولد عمي محمد
فيصل تلفت اعصابه ومسك عضدها وشد عليه بقوه : تمدين يدك اكسرها
الوجد صفقته من الجهه الثانيه : امد يدي ، بعد عني واتركني!
فيصل بحده : طيب ماكون ولد محمد ان ماخذيتك على الوجد شريكه صح مادري من انتي بس والله ل اخذك واربيك بيزوجوني الوجد تصير الاولى وانتي الثانيه !
الوجد : وماكون بنت ابوي ان مارفضتك زي العنز !
فيصل : طيب ي عهد ان مابكيتك ماكون ولد محمد
الوجد : توكل
فيصل تركها وطلع جواله وطلع الصوره : هاذي مو انتي؟؟
الوجد شافت الصوره ونطقت بخوف : الا اناا شلون جتك؟؟
فيصل : عهد لاتجننيني ترسلين صورك وتقولين شلون وصلتك؟؟
الوجد عقدت حواجبها من انه يناديها عهد ونطقت : منين جتك الصوره تكلم بسرعه!!
فيصل : تستهبلين؟؟ ترسلين صورك تالي الليل وتسوين نفسك بريئه الصبح وش هالتخلف هاذا
الوجد : يادمي ماعرفك ولااعرف رقمك لاتتهمني 
فيصل: طيب اركبي السياره ونحل كل شي عند ابوي وامك عمتي شيخه
الوجد : توكل الله يستر عليك بروح اشوف امي
فيصل تجاهلها وسحبها وركبها مع السياره جنبه !! وهي رافضه ولاصقه بالباب بعيده عنه وتسبه !
الوجد : نزلني بالطيب ولا ترى بعلم عليك ابوي ترى بيهاوشك !
فيصل : اظن ان عمتي شيخه مطلقه وش جاب ابوك ؟
الوجد : ي مريض انا ال....
قطع كلامها اتصال من ابوها وشافت الاسم : الو بابا
فيصل في دوامه والي يعرفه ان "عهد " ابوهم قاطعهم
ابو الوجد : وينتس يابنتي اختفيتي
فيصل من سمع صوت عمه تركي سحب بريك والوجد ضرب راسها على القزاز : ياحيوانن سوق زينن
ابو الوجد : انتي مين معه وليش مو بالبيتت ؟؟
الوجد : بابا فاصوليا هاوشني !
فيصل وقف يستوعب الي قاعده جنبه هي "الوجد " مو عهد !! نزل من الصدمه وفك ياقته ومو مستوعب ان عهد ارسلت صور الوجد بدون علم الوجد
ابو الوجد : اي زين دامتس مع فيصل تعالو نحدد متى زواجكم
الوجد : يبه مابيهه مو حلو ! لازين ولا اخلاق وع كريهه
ابو الوجد ضحك: زوجك ذا الي ماتحبينه عهود وعهد يبونه
الوجد : بابا حنا اتفقنا ان زواجنا ورق تكلمت مع فاصوليا؟
ابو الوجد : اي تعالو نتكلم
الوجد : تمام
وقفل الخط والتفت على فيصل الي يدور بالشارع بصدمه ونطقت: فاصوليا!
فيصل التفت على حسها : دقيقه دقيقه انتي مينن وليش صورك عندي وليش عهد تقول انها هيي ؟؟
الوجد : انا الوجد ! وبعدين ليش صوري عنك!! انت ترقبني بحساباتي؟؟ مريض امسح الصوره ولابعلم بابا !
فيصل : لا ماني ميت عليك اجل وش جاب عهد
الوجد من قال عهد بدت تربط الاحداث وفهمت ان عهد مرسله صورها له ونطقت بعصبيه : ودني لجدي الان
فيصل : وش بتسوين ؟
الوجد : مالك دخل نزلني وانتيها
فيصل كشر وهمس : سبحان الله الشي مايكمل هاذي حلوه بس اخلاقها خايسه
الوجد : وش قلت؟؟
فيصل تجاهلها وركب الشاص وحرك وهي لاصقه بالباب ، ماتبلع الرجاجيل
الوجد تتوعد ب عهد : انا اوريها بنت الكلب
فيصل : طيب تغطي
الوجد استوعب ونطقت : وجعع غمض عيونك غض البصر  !
فيصل : ابك من اليوم وانا اتصدد !
الوجد تغطت : يع كريهه تدري اني ماحبك ليش شبكوني فيك وتسبدييي
فيصل : يعني انا الحين الي طحت عند جدي قلت ابي وجد ؟ لا طبعاً !
الوجد : لو سمحت اسمي الوجد
فيصل تجاهلها وهو يسمع تهديدها لـ عهد ووصلو المزرعه ونزلت الوجد وسكرت الباب بقوه
فيصل بعصبيه : ان عدتيها كسرت يدك !
الوجد بعناد فتحت باب السياره : وش قلت ؟
فيصل تنهد بعصبيه ونطق : وجد لاتجبري....
قطع كلامه وهي تسكر الباب بقوه نزل بعصبيه وهو ناوي يكفر فيها
الوجد شافته جاي رفعت عبايتها وهربت وهي تصرخ : يمههه
فيصل يركض وراها : اوقفي كانك بنت امك وابوك
الوجد : بنت امي وابوي بس مابغى اوقف !
فيصل وقف وتركها وهي تنهدت براحه من شافته وقف ويمشي وراها وهي تسرع خطواتها عشان مايصيدها
فيصل : اهجدي اهجدي ترى مامد يدي على بنت
الوجد : طيب والمطلوب؟
فيصل : تصدقين؟ راسك يابس دلخ ماتفهمين
الوجد : والله مالدلخ الا انت يوم انك تقارني بـ عهد بنت ست شوشو !
فيصل كتم ضحكته لانها ماتسمي احد بأسمه فيصل تسميه فاصوليا وعمتها شيخه تسميها ست شوشو ومازن زوزو والعنود نودي مستحيل تنادي احد بأسمه !
الوجد دخلت المجلس المجتمعين فيه العايله ووراها فيصل يفكر كيف بيعيش مع مطفوقه ومن الجانب الاخر مستانس انها الوجد لانهم بيزوجونهم بس يكابر
الوجد بعصبيه : وينها بنت ست شوشو ؟؟
الجد سلطان : الظاهر الكف الي جاك ماادبك
الوجد : لاتحاول تربيني لاني بأختصار متربيه احسن تربيه
العمه شيخه : وش تبين ببناتي يالعقوب
الوجد تكتفت ورفعت حاجبها : العقرب؟؟
فيصل تكى على الباب يراقب وش هي بتسوي ويدري انها بتقلب الدنيا وعقبها تبكي
ابو بتال: اعقبي ! احترمي عمتس
ابو الوجد : وش فيك ياعين ابوك ؟
عهد وعهود دخلو من شافو طرف ثوب فيصل والتفتت الوجد وطاحت عينها على عهد وصرخت وهي تتقدم لها : يابنت الذينا
فيصل تعدل وهو منصدم من قوتها
الوجد بالوقت هاذا ماكانت تشوف غير عهد ودفتها وجلست فوقها وشاده شعر عهد : يابنت ال** ياحيوانهه ترسلين صوري لفيصلل ؟؟ انا اعلمك كيف ترسلين صوريي !
ابو الوجد وابو نواف يفارعون بينهم ومازن والعنود يشجعون وفيصل وجهه منقلب من قوتها ومايسمعون غير لعن وسب وشتم من الوجد وصراخ من عهد
الجد سلطان تبهذل بين الوجد وعهد وراحت هيبته الوجد اخذت الكل رايح جاء
ابو نواف اخذ الوجد وكتفها عشان تركد وقومو عهد المليانه اصابات
ابو نواف كبير بالعمر ومو قادر يسيطر على الوجد الحركيه ونطق : فيصل امسكها
فيصل تقدم وسحبها له وكتفها بقوه وهي تصرخ : وش تبي انت الثاني؟؟
الجد سلطان : اركدووو !
وعم الصمت على الجميع ونطق الجد سلطان : احد يعلمنا السالفه
الوجد : انا اعلمك وش هي مسويه هالسحليه !
ابو الوجد : خلاص الوجد عيب
الوجد رفعت راسها لـ فيصل : اتركني لا اقلب عليك
فيصل الخفيف غرق بعيونها وكشرت الوجد ورجعت تناظر الجد
عهد تمثل دور المظلومه : ياجد مادري ايش سويت عشان تتهجم علي بوحشيه
الوجد من الصدمه تغيرت اللهجه : ياشيب عيني ! يالتسذوبب الجربا
مازن بضحكه : عاشت ام تركي عاشت
العنود ضحكت ونطق الجد : اسكت انت وياها وكل واحد يبرر موقفه !
الوجد : خل الوزغه تبرر موقفها قبل
عهد : اهخ ياجد عورتني مرهه مرهه !
عهود بتصنع للدلع : فيسل امسكها كويس قبل تاكلنها
فيصل انفقعت كبده من كلامها ولو الود ودك كان ترك الوجد تسطرهم
الجد : ابك ماتبين تهجدين انتي وشياطينك؟
الوجد : وانت كذا مع الخيل ياشقرا تتهمني وانت ماسمعت تبريري؟؟
ابو بتال : قص لسان
الوجد بهمس : اللهم رد الدعوه لداعي
الجد : اجل الوجد معا....
قاطعته الوجد وهي تتفلت من فيصل : قبل تعاقب وتسوي سالفه خل اقولك السالفه!
الجد سلطان : مافيه تبرير كل شي شفته بعيوني!
الوجد تدمعت : بابا اسمع تبريري انت
ابو الوجد بصوت عالي : بنتي الوجد بتبرر موقفها وتدافع عن نفسها زيها زي اي احد بهاذا البيت اسمعك يابنتي
الوجد وهي تبكي بقل حيله : بابا تاخذ صوري وترسلهم لـ فيصل على اساس هي! وتشوه سمعتي لدرجه ان فيصل قال لي يارخيصه ترخصين نفسك عشان صوره!!
فيصل كشر وصد
الجد التفت يناظر عهد : ايا الخسيسه تبيعين بنت عمتس؟؟
عهد : لاتكذب ماعندها دليل!!
الجد : طلعي دليل وابشري بنعاقب عهد كانك صادقه
العنود : حرام عليك يبه ! انت كنت بتعاقبها حتى ماطلبت دليل ولاتبرير منها حوام يبه
الوجد التفت لفيصل ونطقت بقل حيله : تكفى ابغى جوالك وريهم الصور
فيصل عقد حواجبه بضيق ودخل يده بجيبه بس تردد يطلعه يخاف ابو وجده يصيرون مجرمين ويقتلون عهد هو مو خايف على عهد خايف على ابوه وعمامه وجده
الوجد تناظر فيه وعيونها دموع تهز فيصل بترجي : فيصل تكفىى تكفىى لاتخليهم يشكون فيني ! فيصل
فيصل ابداً مايناظر فيها ..
سكتت الوجد وهي تناضره قدامها ماكانت تشوف وجهه كانت تناظر ثوبه وهي تمسح دموعها وفقدت الامل والتفت تاخذ شنطتها وبتطلع من المجلس بس استوقفها فيصل وهو يمسك عضدها : وقفي
الوجد : اذا تبغى تذلني اتركني
فيصل طلع جواله : الوجد ماتكذب الوجد صادقه
انصدمو كل الموجودين واولهم الجد وكمل كلامه فيصل : عهد اخذت صور الوجد وارسلتهم لي
الجد ماتحمل وصفق عهد وشالها بشعرها وبدا يصرخ ويضربها
اما الوجد الي ناظرت فيهم وطلعت وهي تسمع صراخ عهد غمضت عيونها بقوهه وهي تسمعهم يضربونها عمامها كلهم ماتحملت ورجعت للمجلس وهي تصرخ : اتركوهااا خلاص !
الوجد حن قلبها على عهد وسحبتها من بين يدين جدها : ماتضرب بنت يكفي الكف الي جاني اليوم ماتحملته شلون هي ؟
العمه شيخه جالسه تبكي على بنتها ورفعت راسها وشافت عهد ورا ظهر الوجد وعقدت حواجبها ونطقت : وش تبين فيهاا؟
الوجد التفت لعمتها : خذي بنتك ياست شوشو واطلعي
العمه شيخه اخذت عهد من الوجد وطلعت بدون لاتشكر الوجد !
فيصل : قلبك طيب على قل سنع !
الوجد : اتمنى ماتتدخل
فيصل ناظرها ومشى ببيطلع لكن استوقفه الجد ونطق : فيصل
فيصل التفت للجد : وش مسوي بعد؟
الجد : اجلس تحدد زواجك انت والوجد
الوجد: ي جد للحين صامل ؟ طيب انا مابغاه !!
فيصل ؛ ولا انا ماعاد ابيها
ابو نواف : اعقب يافيصل واجلس
ابو الوجد : الوجد بدون الفاض ورفض وزي ماتفقنا
الجد : زواجكم بعد اسبوع !
مسكت الوجد راسها : لا تكفى
العنود قلب وجهها وجه المغدور وتجحفل : لااا
فيصل بصدمه : ويششش؟؟
مازن : اقعدد بيتزوج فسيل ومن مين؟؟ من ام عيون كحيله جوجيي
العنود : كلن على همه سرى
الوجد وفيصل بنفس الوقت : لا ياجد معليش ماهو بعد اسبوع !
الجد : شئتو ام ابيتو زواجكم بعد اسبوع
الوجد : ياجد اتزوج مشاري ولا اتزوج هاذا فيصل
فيصل : ولو اتزوج عنز ولا اتزوج الوجد !
الوجد التفت للفيصل : وجع تشبهني بالعنز؟
فيصل : العنز اشوى منك
الوجد : اسكت ترى مردك فاصولياء
العنود : تصدق مازن لايقين على بعض
مازن : والله انا وشيهانه لنا سنه مشبكينهم للبعض
الوجد بجديه : زواج ماني متزوجه ولو على جثتي ماتزوج !
فيصل سكت مايبغى يهايط يدري انه بيلقم ويتزوجها وسكت وراح واتجهه للبيت ودخل البيت لاسلام ولا كلام ومعصبب واخلاقه قافله
ام نواف : بسم الله الرحمن الرحيم علامك متقروش؟؟
فيصل بعصبيه : لاتنشدين عن حالي يايمه
شيهانه : شصاير فيصلوهه  ؟
فهد : مالذي يحدث هنا
فيصل بعصبيه : جدكم سلطان بيزوجني وهو اصلاً مااخذ برايي !
شيهانه : وناسههه اخيراا بتتزوج
ام نواف : زين ماسوى ابك انت كبرت لازم تتزوج !
فهد : احسنت صنعاً ياجدي
فيصل التفت لفهد: البخ انت عدل لهجتك ذي وعقبها عطني وايك
نواف : خيرر ؟ لاتضاربو بعد؟ مافي احترام لي ، اخوكم الكبير؟؟
فيصل: عزالله كملت ماكان ينقصني الا انت !
ام نواف : ومن هي سعيده الحظ الي يتاخذ الفصلي؟
فيصل كشر : ومن غيرها الملسونه
ام نواف تنهدت براحه انها الوجد وهمست: الحمدلله
دلال : منا حليلها علامك عليها؟؟
فيصل : ياليل السرىى اقولكم مابي اتروجج تمدحون ذي الدلخه عندي؟
شيهانه : ماسمح لك تسبها معليش احبها اكثر منك
فيصل : لااله الاالله
ام نواف : ياولد استهدي بالله واجلس ترى الوجد تجننن البنت عسللل لاتحكم عليها من كلام الناس !
فيصل تركهم وراح لغرفته وهو اذا عصب وتلقت اعصابه يهدي نفسه بالسوني
اما ام نواف وشيهانه بأسعد لحظات حياتهم ، طول حياتهم يتمنون ان الوجد تكون حرم فيصل لانها بنظرهم تناسبه !
دخل ابو نواف معصب : وينه هالسربوت؟
ام نواف : لااله الاالله وش صاير بهاليوم ؟ وشفيك وشتبي فيه ؟
ابو نواف بعصبيه : ولدتس فشلناا بمجلس ابوي قدام الكل
نواف : يايبه استهدي بالله انت تعرف فيصل مايدري وش هو يقول وانت تعرفه يايبه طايش
فهد : ياإلهي ماذا يحدث
شيهانه جت : شاكه ان هاليوم بيخلص على كف واحد منهم يا فيصلوه ولا جوجي !
دلال : مع الاسف العنود تقول لقمت الكف الوجد
شيهانه شهقت : كذابهههه !
ابو نواف بصراخ وعصبيه : فيصل
نواف جلس وهو يمسح على شعره : لااله الاالله
شيهانه : بروح لجوجي
ام نواف : اهجدي البنت عند جدها مايسمح لك تدخلين عندها
تأفأفت شيهانه وجلست
فيصل جاء على صوت ابوه : هلا يبه
ابو نواف : فلا هلا
ام نواف : يارجال تعوذ من إبليس
فيصل تكى على الجدار وكأنه ماسوى شي !
ابو نواف : منهي حنان ؟ ووش جابها لكك
شيهانه : لايكون حنان بنت خالتي زينب
فيصل وهو يحط المسواك بفمه : اي هي
ام نواف : وش تبي فيها؟
ابو نواف : يوم جينا نزوجه الوجد قال بفصيح العباره انا ابي حنان !
فيصل احتدت ملامحه : كل الي ابيه اتخلص من الوجد ولا مابيني وبين حنان شي !
ابو نواف : دام مابينكم شي ليش تقول الكلمه قدام عمك تركي تدري انه مايرضى يزوج بنته واحد يحب
فيصل : وهاذا المطلوب انه يكف بنته عني ونرجع زي ماكنا!
ام نواف : فيصل احترم عمكك
ابو نواف بعصبيه ونفاذ صبر وماسك يده لايمد يده على ولده بعد هالعمر ونطق: تدري ان عمك تركي مابيده شي والكلمه وكل شي ل ابوي يالرخمه !
فيصل سكتت ومانطق بحرف بس دمه يغلي معصبب ولو يشوف الوجد سطرها ونطق ابو نواف : ابوي يبيك
فيصل : كملت عز الله
ابو نواف : الظاهر انت كل ماتكبر تدلخ ابك ذا جدك احترمه !
فيصل تنهد بعصبيه وطلع من عندهم واتجهه لمجلس الجد
،
الوجد جالسه بغرفتها ومقفله على نفسها وماتسمح ل احد يكلمها و تفكر كيف تفركش وتخرب الخطبه والزواج كله وش الشي الي يمنع زواجهم ؟ موت احد ! الوجد تقتل احد عشان يتفركش الزواج؟ لامستحيللل الوجد بنت كويسه ماتوصل انها تقتل
واخذتها الافكار يمين ويسار ..
قطع حبل افكارها من طق الباب ونطقت : الوجد ابوي يبغاك انتي وفيصل
الوجد تنهد : نوديي تكفينن مابغىىى
العنود من ورا الباب : جوجي لاتحسسيني بالذنب تكفين وربي ندمتت لاتسوين بنفسك كذا بزعل من نفسي !
الوجد عقدت حواجبها : ليش وش سويتي ؟
العنود تنهدت وسكتت وفتحت الوجد الباب ونطقت : وش سويتي نودي ؟؟
العنود : بقولك بس ماتزعلين !
الوجد: احرقتي اعصابيي وش قاعده تقولين وش انتي مهببه؟
العنود : اسفه جوجي والله ماكنت قصدي اسبب لك مشاكل بس ماكان عندنا خيار لا انا ولا اخوي تركي
الوجد : وش فيكممم تكلميي
العنود : انا قلت لتركي اخوي زوج الوجـ.....
قطع التوتر والنقاش الو الوجد : الوجد يلا قومي بيتكلمون معاك
الوجد : بابا مابغى شيي من الحياه والله لا تحرقوني وانا حيه
العنود : جوجي صدقيني ان لو تتزوجين فيصل بتفتكين من تسلط ابوي
ابو الوجد : صادقه العنود فيصل محد يقدر يلمس حاجاته ولعلك تصيرين من حاجاته
العنود : شوفي شيهانه تقص شعرها بوي محد يتجرى يفتح فمه يناقشها لان فيصل وراها !
الوجد : بس انا مابيه !
ابو الوجد : صلي استخاره يابنتي لاتحكمين على الكتاب من غلافه
الوجد : هو الكتاب الوحيد الي انحكم عليه من غلافه
العنود : منجد صادق تركي اخوي يمكن هو جاف وخشن وعصبي لكن قلبه طيب وحنين حنا ليومك ذا ماشفنا الجانب المشرق من شخصيه فيصل
ابو الوجد : اي صح يمكن جوفه داخله طيب لاتحكمين عليه من شكله وانا بوصيه عليك
الوجد : خلصتو اقناع؟
العنود وابو الوجد : اي
الوجد : مابيه
ابو الوجد ميل راسه : رجعنا للعناد؟ مو قلتي بتتركينه؟
العنود : يالوجد والله لمصلحتك تتزوجين فيصل !
الوجد : برفضه مثل الصخله اذا مارفضته ماكون بنت تركي
ابو الوجد بضحكه : ياكثر هياطك يابنتي يلا يلا جدك يبيك
الوجد : وش بعد بيعطيني كف ثاني؟
العنود : لا خلاص محد يلمسك انتي حرم فيسللل
ضحك ابو الوجد ومسك يد الوجد ومشى معها وقاعد يعطيها كلام يجبر بخاطرها : يابنتي انتي البكر واول فرحه وخلينا نفرح فيك ولاتزعلين كانك ماتبين فيصل بتفق انا وياه ان زواجكم على ورق
الوجد ؛ اخاف منه
العنود : وي وي تخافين ليش؟
الوجد : مادريي اخاف منه
ابو الوجد : لاتخافين وانتي بنت تركي
الوجد تنهدت ودخلو المجلس وطاحت عينها على فيصل الي جالس على المركى ومعصب ويهاوش
تجاهلته الوجد وجلست جنب العنود
ابو الوجد: عسى ماشر يبه
ابو نواف : بغيت عيالنا وش بغيت فيهم ؟
الجد ضرب بعصاته الارض ونطق بحده : بما اني ماني ضامن وش يصير بعد اسبوع قررت اعقد قرانكم الليله
الوجد من الصدمه ماتحركت ولاصارخت ولا هاوشت لاا صابها تبلد وعيونها تنزل دموع وبغزاره اما فيصل فكان يهاوش ويصارخ
نطق الجد : انتهى الكلام الليله تعقدون قرانكم وبعد اسبوع زواجكم
الوجد وهي تناظر الفنجان الي بيدها : سوى الي تبون زواج ماني متزوجه خصوصاً فيصل
فيصل : اظن وصلك الرد ياجد لا انا ولاهي نبي بعض رجاً لا تتدخل
تجاهلهم الجد وهو متجهه للباب بيطلع لكن نطق قبل مايطلع : خلو هياطكم ينفعكم وعدنا الليله
وطلع الجد تاركهم بالمجلس محتارين
الوجد وفيصل يتبادلون نظرات الكرهه لبعض
قام ابو نواف وابو الوجد وابوبتال وطلعو مع الجد
مازن وهو يصب القهوه : ياعيال روقو
العنود : منجد مالها داعي هالمسخره !
الوجد كانت هاديهه هدوء الارض بس عيونها دموع وفيصل يناظرها بكره وحقد
فيصل بحده وعصبيه نطق : يمين بالله لااكرهك عيشتك واكرهك المجتمع كله
مازن طاح فنجان القهوه منه وهو يسمع تهديد فيصل للوجد ونطق : يارجال تعوذ من الشيطان
الوجد مااظهرت اي رده فعل بس انها تمسح دموعها هي قاعده تشوف شريط ذكراياتها مع امها وابوها ويخالط الذكريات السعيده تهديد فيصل لها هي تدري ان فيصل بيسود حياتها عشان كذا تكرهه وتخاف منه
العنود : خيرر فيصل صاير قليل ادب بزيادهه !
فيصل : اسكتي انتي الي نكبتينا
مازن بجديه: ولد عاد قلنا معصب بس ماتوصل انك تطول لسانك على عمتك العنود وتهدد بنت عمك الوجد !
فيصل سكتت واستوعب على نفسه وطلع من المجلس
مازن : الوجد خذيها من الجانب الايجابي شهر شهرين وانتم متطلقين وبعدين محد له سلطه عليك واذا عن تهديد فيصل فـ ترى بس كلام هياط يخوفك عشان ترفضينه
الوجد : طبعاً برفضه!
العنود تنهدت

__________________________
(بـيـت ال حـسـيـن )
شروق دخلت : يمه
ام شروق : هلا يايمه
شروق : يمه خايف على جوجي
ابو شروق: ليش عسى ماعليها خلاف
شروق : مادري يبه جت عهود وتقول ان جدها يبيها وانا خايفه عليها لان جدهم مو صاحي
ابو شروق : لا ان شاء الله ماهو حاصلن لها الا كل خير اعرفهم ناس اجاويد بس لعل الضروف فرقتنا وعلى ما....
قاطعهم دخلو مشاري : وش صاير بالوجد؟؟
شروق : وشدخلك!! رجاً البنت ماتبيك اتركهاا
مشاري : والله وراسي الطويل ان الوجد بتكون حلالي وان ماكانت حلالي ماتكون حلال غيري
صفقه ابو شروق كف على خده: احترم عمك واحترم ان الوجد بنت ناس وحمايل
مشاري : عمي جاك العلم اليوم بنخطب الوجد
ابو شروق : احلم فيها الوجد مستحيله
شروق تقرفت منه وراحت وهي ترسل للوجد ان مشاري مو بخير وتحذرهم منه بس جوال الوجد مايوصله وسايل مع الاسف .

___________________________
انـتـهـى الـبـارت .
اللهم اغفر للمؤمنين والمؤمنات والمسلمين والمسلمات الأحياء منهم والأموات
النجمه تدعم الروايه✨

لاتقارنين حبي لك بأي مخلوق انا حتى بغيابك احبك Where stories live. Discover now