Part4

6.8K 290 103
                                    

سبحان الله وبحمده سبحان الله العظيم ♡

( الـمزرعـه  الـجـد سـلـطان - الـمـغرب )
الوجد جالسه بعيد عن الضجه والاصوات جالسها على عتبه بيت ابوها تفكر تبغى شي يخرب الزواج هي ماتحب الرجال فما بالك بـ فيصل مثال للعصبيه والغرور والغيره ! تمنت بهاذي اللحظه تتزوج الهطف بالنسبه لهم فهد ولا تتزوج فيصل
جالسه تبكي بحرقه على امها الي ماتبغاها ولا على ابوها الي ماله كلمه ولايقدر يدافع عنها ولا على اختها ميلا الي ضاعت بين الايباد والاجهزه ولا على فيصل الي دخل حياتها فجأه ولا على ايش بالضبط ؟
تبكي لانها وحيدهه بنظرها تبكي لانها عاجزهه تبكي لان حياتهاا يتحكم فيها جدهاا تبكي بقوه وبحرقه
كل الي تقدر عليه انها تبكي ..
،
فيصل خذته الهواجيس والافكار ويمشي بالمزوعه
يفكر كذلك وش يسوي عشان يخرب الزواج ! هو لازم يتكلم مع الوجد ويتفقون على شي لان الوقت بدا ينفذ عقد قرانهم الليله!
قطع حبل افكاره صوت بكاء وواضح صوت بنت رقيقه التفت اتجاه الصوت وشاف الوجد تبكي وضامه رجولها (يكرم القارئ)
تنهد وتقدم يجلس جنبها ونطق : مابيك تبكين ابيك تدورين لنا حل نتخلص من هالزواج
الوجد رفعت راسها وهي تبكي : فيصل انا مو قادره اسوي شيي قاعدين يهددوني بـ ميلا وامي
فيصل : مو مشكله انا انفذ كل شي بس عندك خطه؟؟
الوجد بدموع : تهقى يعني لو عندي فكره بجلس ابكي هنا؟
تنهد فيصل : طيب امنعيني من هالدموع لاني ماحبهاا
الوجد بدموع : وشدخلك انت بدموعيي خلني ابكيي ياربهم يرحموني ويتركوني ولايزوجونيي
فيصل : طيب عندي فكره
الوجد : وش هي ؟
فيصل : اسمعي اذا جاء العشاء وجو بيكتبون الكتاب وكذا انا اختفي وبكذا يخرب عقد القران
الوجد : تستهبل ؟ تراك بالديره ياخذوني علك بين ضروسهم يقولون وهه هجرها رجلها ليله عقد قرانهم فكر بالمستقبل!
فيصل ؛ تروحين معي !
الوجد حطت الطرحه على شعرها : مو محرم لي اروح معك
فيصل همس: براعم التقوى؟
الوجد : وش قلت؟؟
فيصل:اقول كيفك اجل اجلسي مكتفه الايادي يزوجونك ،امشي نتلها الحين للرياض وكانك خايفه مني باخذ شيهانه
الوجد : طيب متأكد الخطه
فيصل : ازهلي
واتصل على شيهانه وجت شيهانه تركض : شصاير فيكم وليش تبكين انتي؟
فيصل : اسمعي هي خايفه وقلت اخذك معي اطمنها اني مابسوي شي لها
شيهانه : ليش وين بتاخذها؟
الوجد : بنروح الرياض اليوم وبكرا نرجع عشان مانتزوج
شيهانه شهقت بصدمه : صاحيننن انتو؟؟
فيصل : اسمعي ياشيهانه لا انا ولا الوجد نبي بعض ومانصلح لبعض واذا بنظركم اننا مناسبين لبعض فوجهت نظركم خطا لان حنا نعرف انفسنا اكثر من غيرنا
الوجد : منجد شيهانه ابداً مانناسب بعض خلينا نسوي الي قلت لك ونفتك منهم
شيهانه : جوجي ركزي معايي ! فكري بابوك كيف بيصير وجهه اذا عرف انك طالعه مع فيصل
فيصل : طيب جيبو فكره ثانيه كانكم ماتبون هالخطه !
الوجد : اجل بقول للشيخ بصريح العباره مابيه مجبوره عليه
فيصل تكتف : لاوالله؟ تبين جدي يكسر العصا على ظهرك؟
شيهانه : الله يهديكم استهدو بالله ووش هالخطط والافكار !
الوجد : بدون افكار وخطط انا بحلهاا لاتخافونن
فيصل : خوفي منك انتي وافكارك تهرجي بسرعه وش تغبرين؟
الوجد : فاصولياء خلاصص قلت انا احلهاا
شيهانه : الوجد اعرف انك بتسوين شي يجلط جدي فعلميني احسن لك
فيصل : يابنتي انطقي وش بتسوين؟؟
الوجد : خلاص شيهانه انتي وياه انا بتصرفف !
فيصل منجلط من الوجد : ياخبله ترى جدي يكسر اعضامك فعلميني انا اسويها واذا انضربت اقدر ادافع عن نفسي لكن انتي؟؟ بيكسرونك !
شيهانه : منجدد جوجي كلام فيصلوه منطقيي انتي الكل يدور زلتك
الوجد : هم حرموني من امي وكسرو ظهري وقلبي بأمي يعني ماتفرق اذا كسروني
فيصل تنهد ونطق : طيب برجع لك امك بس قولي لي وش بتسوينن؟
الوجد : مارجعها ابوي عشان ترجعها انت ماتقدر توقف قدام جدي
شيهانه: فيصل يقدرر !
فيصل بعصبيه: يابنت الاجاويد ترى احس اني بديت اتنرفز واعصب تهرجيي!
الوجد فزت : وجع لاتعصب
شيهانه : ياربي منكم بسس هاذا الي اقدر عليهه
فيصل بعصبيه وتهديد : معك ساعه بس اذا ماقلتي لي وش بتسوين ياويلك
الوجد سكتت وتركتهم ودخلت بيت ابوها وتنرفز فيصل منها
شيهانه هزت راسها بيأس منهم وراحت وفيصل يهدي نفسه لان لو ماهدى بيدخل عليها ببيت ابوها ويتهاوش معها
وراح جاهل الوجد الي تناظره من الدريشه
الوجد : افف يربي ماقدر اعيش معهه مستفزز
لفت انتباهها جوالها الي يرسل بشكل مبالغ فيه واتجهت للجوال وسحبته وهي تقرى رسايل شروق : بنتت الوجد !
الوجد : شفيكك ؟؟
شروق : جوجي الدلخ مشاري جاكمم
الوجد : وينن يجي ؟
شروق : بيت جدك ومعه سلاح بيقتل فيصل عرف انكم بتتزوجون !
الوجد رمت جوالها بخوف وطلعت من البيت وهي تركض استوقفها فيصل وهو يشوفها تركض : شفيكك
الوجد بدموع وخوف وتعب من الركض : فيصل مشاري جاء جاء شوفهه عند جديي
فيصل مسك كتوف الوجد يهديها : يابنتي استهدي بالله ماجاء احدد توي طلعت من جديي
الوجد بدموع : فيصلل معه سلاح تكفىى اتركنيي
فيصل : اهدي اهدي يابنت الاجاويد اهديي محد جاء!
الوجد بخوف : فيصلل تكفى خايفهه
فيصل : لاتخافين انتي بنت ال سلطان !
الوجد بخوف : مشاري مو صاحيي يمك...
قطع كلامها وهي تسمع صوت اطلاق نار صرخت وتمسكت بثوب فيصل بخوف وصرخت بخوف : جاء
فيصل طاحت عينه على مشاري الي جايب عيال خاله الثنين ومشاري ثالثهم وواقفين عند مدخل المزرعه
طلع الجد سلطان وعيال الاربعه وهم مستغربين فيصل والوجد بوسط المزرعه ومشاري عند مدخل المزرعه !
فيصل سحب الوجد وحطها ورا ظهره ونطق : لاتبكين ولاتخافين ماهو صاير الا كل خير !
تقدم الجد وعياله وصارو ورا فيصل بشوي ووقفو لان مشاري امرهم يوفقون
مشاري وهو يطلق النار بالسماء ونطق : سمعت انك بتتزوج ياولد محمد
فيصل بسخريه  : الله الله وابشرك انت اول المعازيم
مشاري بعصبيه : الوجد حرم مشاري !
الوجد غمضت عيونها وماسكه ثوب فيصل بقوهه وتبكي
فيصل فجأه نزل عليه حب الوجد ونطق : تخسي وتعقب والله لااخذها طرق
مشاري شاف طرف عبايه الوجد ورا فيصل : ي وجد كانك تبين امك تزوجيني
الوجد بكت زياده من الخوف نظرات مشاري تخوفها
فيصل بحده : الوجد مكانها هنا بيت فيصل بن محمد هي حرم فيصل
ابو الوجد: الوجد لولد عمها فيصل
مشاري وهو يهدد فيصل بالسلاح : تزوجوني الوجد ولا نثرت دم ولدكم فيصل
فيصل : فيصل بلحمه وشحمه قدامك كان فيك ذره مرجله اطلق النار على العميد فيصل
الوجد بخوف : فيصل بلا هياط !
تقدم ابو الوجد بياخذ الوجد بس صرخ مشاري : لحد يتحرك من مكانه !
فيصل تكتف : طيب وش تبي جاي ؟
مشاري : جاي اخطب الوجد بنت تركي
مازن بضحكه : احد جاي يخطب وثوبه اصفر من الوسخ ؟ تقل حليب موز
فيصل ماسكه ضحكته عشان الهيبه ماتروح
مشاري : تنكت؟
مازن : لا اقول الحقيقه مانكت وبعدين وش هالشوارب الي يحجبون الرؤيه خفف خفف شوي منها
فيصل بهمس : مو وقتك والله
الجد سلطان : طيب انت الحين علامك جاي تهدد وجايب جماعتك ؟
فيصل : جايب جماعته الي لو هشيت عليهم هجو
مازن : اتفق
مشاري : علمً يوصلك ويتعداك اعطوني وجد ولا ثورت بـ فيصل
فيصل : واثق انك تقدر تلمس شعره من الوجد؟ مستحيل
الجد : لتفترض اننا عطيناك الوجد بالمقابل تعتقنا شرك وتترك فيصل؟؟
مشاري : الله الله كل الي ابيه منكم هو الوجد
الوجد طلعت من ورا ظهر فيصل : بس انا مابغاك!
مشاري ابتسم وهو يتأمل ملامح الوجد الي طالعه من ورا ظهر فيصل
فيصل شاف نظرات مشاري للوجد الي ماكانت تطمن ابداً وكأنه يبغى منها شي محدد وبعدها يتركهاا
فيصل جاه شعورغريبب مايدري ليش صدره اشتعل نيران الغيره ،تقدم واعطى مشاري لكمه بين عيونه تحديداً خشمه
مشاري فقد التوازن وطاح منه السلاح
فيصل قلبه وعقله مشتعل نيران الغيره رغم انه يكرهه الوجد !
وتضاربو فيصل ومشاري فيصل يسب ويشتم ويلعن ومشاري كذالك
الوجد واقفه بصدمه تشوف فيصل يضرب مشاري بكل قوهه
ولد عم مشاري استغل فرصه ان الجد وعياله منشغلين بفيصل سحب السلاح من الارض وطاحت عينه على الوجد الي واقفه ماحولها احد وحاطه يدها على فمها مصدومه من فيصل
استغل الفرصه وسحبها معه وحط يده على فمها وهي تصرخ بس مافي امل انها تطلع صوت
اطلق علي بالسماء عشان ينتبهون له
فيصل قام ورفس مشاري برجله وقام يمسح الدم الي نازل من خشمه وحاجبه
علي : انتم مديتو يدكم على ولد خالتي وانا بمد يدي على بنتكم
الوجد كانت تتحرك وتصارخ وتبكي بس كان جسم علي مقارنه بـ الوجد كان ضخم اما فيصل كان يشوف علي فريسه سهله
فيصل بعصبيه : اتركها ولا والله وتالله لااسدحك جنب ولد خالك
علي حط السلاح على راس الوجد : جرب تخطي خطوه وحده
ابو الوجد بخوف على بنته : والله ان تأذت شعره من شعر بنتي والله ماخليكم
الجد : طيب استهدي بالله
فيصل اشر لمازن يتصرف لان مازن كان ورا علي بدون لحد يلاحظ
مازن مطفوق اتجهه لـ علي ودفه بس علي ماطاح لان جسمه دبل مازن
فيصل ضرب جبهته وهو متنرفز من مازن
علي التفت على مازن ونطق مازن : هيه انت يالاصلع اترك بنت اخوي
علي سحب مازن ومسك الوجد ومازن كلهم
الوجد كانت تبكي ومازن يهدي الوجد رغم الضروف
اما فيصل توهق ومايدري وش يسوي بين يدين علي مازن والوجد
،
فهد ماسك كتابه ويمشي وهو يذاكر رغم المشاكل يذاكر ورفع راسه اخيراً وشاف كميه رجال وفيصل بينهم وجده وعمامه واقفين عقد حواجبه : ياإللهي ماذا يحدث!
تقدم شوي وكان قدامه علي والكل مشغول ماكانو ملاحظين وجود فهد
فهد شاف ظهر رجال "علي" وواضع ماسك شخصين ونطق بهمس : سوف اشتت هاذا المجرم وسأترك فيصل يكمل ماتبقى !
تقدم فهد من ورا علي : هيه ايها الاحمق انظر لي
علي التفت على فهد وضحك بسخريه : هاذا الهطف ؟ اقول تق....
ماكمل كلامه الا وفيصل اخذ السلاح منه وقلب الطاوله على علي
فيصل ماسك السلاح ومصوب فوهه السلاح على علي ونطق بحده : اتركهم مايحصل لك شيي لاتنسى اني عميد
علي بسخريه: اذا بتطلق بتصوب خطيبتك وخالك
فيصل اطلق النار ومايسمعون غير صراخ الوجد ..
فيصل تعمد يصوب طرف رجل علي جرح بسيط والوجد من الخوف صرخت وتتفلت من علي مازن مسك يد الوجد الي تنتفض من الخوف وسحبها معه وركض ووقف عند ابو الوجد
فيصل رفع حاجبه بثقه : ماقلت لك اني قناص؟
علي طاح بالارض ويصارخ من الالم !
مشاري تفشل وانسحب وطلع من المزرعه بفشلهه
جايين بسلاح وطلعو وهم مصابين ومجلودين من فيصل ! ١ ضد ٣
فيصل ضد عيال خال مشاري
الوجد حاظنه ابوها وتبكي بخوف صوت السلاح قوي ورجل علي المصابه كانت من جهه الوجد ماتنلام لو بكت وخافت الطلقه قريبه من رجولها (يكرم القارئ)
فيصل حط السلاح بجيبه ونطق : ماصار شي بيذن العشاء يلا الصلاه
الوجد رفعت راسها من حضن ابوها وشافت فيصل ورجعت راسها يحضن ابوها
ابو الوجد دخل بيته مع الوجد يهديها وفيصل ومازن وفهد راحو
ابو نواف : يبه ليش تفترض اننا ممكن نعطيه الوجد عشان يترك فيصل ؟
الجد : لو كانه يبي الوجد نعطيه على سنه الله ورسوله الزم ماعلي فيصل مايجيبه اذى !
ابو بتال : بس الي اعرفه يايبه ان مشاري موب صاحي ورعي بنات وخريج سجون والعياذ بالله والوجد مهما كانت شيطانه تبقى بنتنا وبنت اخونا
الجد : الزم ماعلي احفادي
ابو نواف : وحفيداتك؟ ليش ي يبه ليش هذولا الغاليات المؤنسات !
الجد سلطان سكت ودخل 
ابو بتال : ابوي موب صاحي هالفتره فيه شي
ابو نواف : من هالخبله شيخه تقعد عند راسه وتفتن على بناتنا وخصوصاً الوجد مادري ليش حاطه دوبها بدوب الوجد
ابو بتال : مادري ياخوك لكن تغار شيخه وخيتي واعرفها تغار من الوجد
ابو نواف : الله يهديها وكاسر قلبي تركي اخوي ماله كلمه على بنته
ابو بتال: اي بالله والله اني اشوف الحزن بعيونه يشوفهم يزوجون الوجد وهو مايقدر يسوي شي لكن ياربه فيصل يعوض البنيه
ابو نواف : والله خوفي يأذيها فيصلوه ولدي واعرفه موذي موذييي
ابو بتال: كان زوجتها فهد
ابو نواف : فهد وينن والوجد ويننن ان اعطيت الوجد فهد كلن بينشغل بحياته ولايتقابلون اعرفه فهد بياخذ كتابه وينعزل
ابو بتال : الله ييسرها الا يقولون ان الليله عقد قران الوجد وفيصل ؟
ابو نواف : والله ياخوك مادري بعد هالسالفه ماظن فيها ملكه
ابو بتال : امش امش نتقهوى وييسرها ربي
،
الوجد جالسه تبكي
ابو الوجد : يابوتس علامتس تبتسين؟ ماجاتس اذى
الوجد : بابا خفت والله خفت
ابو الوجد : يابنتي لاتخافين عاني فيصل اليوم دافع عنتس
الوجد : يبه هو يخوفني مابغاه تكفى سو اي شي اهم شي ماتزوج فيصل
ابو الوجد : ياعين ابوتس انتي كانتس ماتبين فيصل بيزوجونتس مشاري اعرفه ابوي واعرفه
تنهدت الوجد وسكتت ونطق ابو الوجد: اسمعي بكرا بيمشون نواف وبتال للرياض يعني بتاخذين راحتك بالحش مع شيهانه والعنود
الوجد ضحكت بخفه : يبه ترى احبهم كلهمم بس مهاوي ودليل مارتاح معهم
ابو الوجد : ايي وعشان كذا قلت لتس انهم بيروحون وبتروحين انتي والعنود الصبح تدجون بالديره زي اي يوم طبيعي
الوجد مسحت دموعها وحضنت ابوها : الله لايحرمني منك يايبه
ابو الوجد بادل الوجد الحضن : ولا منتس ياول فرحتي يلا بروح اجيب البنات واجي
الوجد ابتسمت وراح ابو الوجد
،
العنود جالسه على الكرسي تهز رجلها بتوتر وخوف من صوت اطلاق النار
شيهانه تدري ان فيصل له يد بالموضوع
دلال ومها عند ببيوتهم
دخلت جوري تركض : بنات جبت العلمممم الثقه الي يجمد على الشاربب
العنود : قولييي جوجي صار لها شي؟؟
شيهانه : تهرجيي يابنت
جوري : تخيلو بنات ولد خال جوجي الدلخ جاء
العنود : مشاري؟؟
جوري : ومن غيره الدلخ الوكاد ان الوجد تخبت ورا ظهر فيصل!
شيهانه : ماصدق شكل السالفه بهارات ! ابك توي جايتهم متهاوشين كيف كذا
العنود : يراسي صدعت فيصل وجوجي ؟؟ هذولا خطان مستقيمان لايلتقيان كيف التقو؟؟
جوري : ياحبيبتي الوجد تحامت فيه مو حباً فيه الا خايفه ياويني عنها المسكينه
العنود : طيب واطلاق النار والاسلحه واصوات الرجال وصراخ الوجد ؟؟
جوري : هاذا يطويله العمر والسلامه المخفه مشاري جاي باسلحته
شيهانه : فيصل جاه شي؟؟
العنود : احد تصاوب؟
جوري : مالكم بالطويله محد تصاوب وفيصل اخذ السلاح منهم وقلب الطاوله عليهم وطلعو من المزرعه خائبين
العنود : واييي الحمدلله محد تضرر
جوري : اييي صح عمو تركي يقول الوجد تبغاكم عانوها بالبيت
العنود : ياقلبي عليها امشو الحين تلقونها منهاره بكى
شيهانه : والله كان فيصلوه مبكيها بسطرهه الا جوجي!
جوري: لاا يالدلخ مافهمتي العلم شكلك! هي تحامت بأخوك صارت ورا ظهره مو هو الي مبكيها
شيهانه : معليش استيعابي بطيئ
العنود : ماعليناا يلا بسرعه نروح لها
،
بتال ماسك الفنجان : والله ماهو بصاحي هالمشاري !
نواف : هاذا يبي له سجن مو بصاحي هالمريض كيف يتهجم علينا!
فيصل : والله وقتها مسكت اعصابي ولاكان نثر دمه
مازن : اي فكر بأمك وابوك واخوانك واختك
فهد : تباً لهم كم انهم حمقاً لايعلمون ان يوجد السجن والحكم
بتال : الوكاد انا ويعيالي بنمشي اليوم للرياض
نواف : ايي بالله جت المدرسه لازم نعود
مازن : شدعو اجلسو اسبوع
فيصل: وهو صادقه اول اسبوع محد يداوم اجلسو
نواف : نبي نشتري لهم مراييل وشناط واغراض مدارس
مازن : اجل جدولنا انا وفيصل نرفع ونزين بهالشاص
فهد : انتم لماذا لا تذاكرون ذاكرو وتثقفو فأن القراءه مفيده
فيصل : ابك انت لعنبو ذا الراس ابوي مجهز لك رتبه خاص لك بس انت دلخ شف انا جايب نسبه بالثانوي تشبه مازن خايسه
مازن اتسعت عيونه بصدمه وكمل كلامه فيصل : ومعدل بالجامعه يجيب الهم بس ابوي حاطني عميد وانا ماعندي سالفه
نواف : اهخخ بس اجل انا اجتهدت وصرت معلم بتعبي وانت بارده مبرده صرت عميد
مازن يقصد نواف: اقول كل سلح بس احمد ربك تاخذ بحدود العشرين الف وانا عاطل
فيصل : تم انت جب الشهاده وكمل جامعتك ولاتغيب وابشر بالوظيفهه
مازن : تمم انا محد يقهرني الا ذا الفهد الي وضيفته جاهزه وللحين غارق بهالكتب !
فيصل : وبجلطك زياده فهد اخوي اكبر مني اكيد رتبته اعلى مني
بتال : وهه مالت عليك يافهد
فهد : انا اجتهد لكي احصل على وضيفه مرموقه
نواف : يأدمي وضيفتك جاهزهه ضاع عمرك بتصك الثلاثين وان عادك تدرس!!
فهد : ان لم اطلب رأي احدً منكم
مازن : الله يهديك ياخوي لو عندي هالوضيفه الي مجهزينها لك كان ماعرف الكتب
نواف : فيصل مو بعيد عن فهد الا اردى من فهد
مازن : ايي ذا الدلخ فيصل مايبي يتوظف
بتال: عيال عمي محمد فيكم فسق مو طبيعي واحد الوظيفه مقدمه له بطبق من ذهب ولا يبيها يبي يذاكر والثاني يروح منفس لشغله و مو راضي على شغله يبي يقعد عاطل والثالث زعلان لان راتبه اعلى شي ٢٠الف ابك انتم صاحينن؟
مارن : اجل وش تقول عني، انا عايش على ٩٠٠ ﷼ مكافئه جامعه
فيصل : ياخي الشي الي مانبيه مستحيل نتقنه يكفي ابوي يعطيني محاضرات على ذا الصباح عشان ماهاوش الموظفين
بتال: لاتهاوشهم وش تبي فيهم علامك تولجتهم
فيصل : ابك اسوي كذا عشان انفصل مابي هالشغله
مازن ضرب راس فيصل : ياولد تبي تجلطني ؟؟
فيصل : ماعلينا الوكاد بكرا الصبح من يخاوي؟
نواف : وش بتسوي؟
فيصل : بركب هدرز للشاص
مازن : يالبيهههه جويييي اخاويك
بتال: وويلي وش هالهدرز ذا؟؟
فهد : انها الطرطيره التي تظهر صوتاً قوياً اذا اشتغلت السياره
نواف مسك راسه بصدمه : يراسييي ذا الورع بيجلصني
ضحكو العيال وقطع ضحكهم ابو نواف : فيصل
فيصل : لبيه يايبه
ابو نواف : اسمع يابوك اغد رجل عاقل
فيصل : افا يايبه انا معكف الشوارب
ابو نواف : اي قم الشيخ جاء بيملك عليك انت والوجد
فيصل زفر بضيق : للحين صاملين؟؟
ابو نواف : يافيصل اظن اننا تكلمنا من قبل كذا
فيصل : لاانا ولا هي نبي بعض!!
مازن : خلاص فيصل عيب الشبخ ينتظركم
ابو نواف : انتظرك!
وراح ابو نواف وتنهدت فيصل وغمض عيونه بعصبيه ولحق ابوه
،
البنات ملتمين حول الوجد يهدونها
الوجد ببكى: مابغىى بنات خلاص مابغى اتزوج ولا ابغى شيي ابغى امي بسس
العنود : يابنتي لو كانت الدنيا مُسيره ماكان الصبر واحد من ابواب الجنه
شيهانه : الصبر ضروري بالحياه حبيبتيي اصبري الصبر مفتاح الفرج!
العنود : اصبري ماراح يروح صبرك ويعوضك ربي يا بالدنيا او بالاخر ربي يمهل ولا يهمل
شيهانه : ركزي وتمعني بكلامنا ! يمكن خيره لك تتزوجين فيصل يمكن بفضل الله ثم هو تقدرين تشوفين امك
الوجد بدموع : بنات مقدرر خلاص تعبتت تعبتت والله تعبيت تعبت من تسلط جدي تعبت من حنه عمتي شيخه تعبت من بناتها تعبت من امي الي ماتدري اذا انا حيه او ميته بناتت خلاصص ماعاد لي قدره اتحمل ماعادني الوجد الي تحب الحياه احس نور الي فيني انطفى احس كرهت الحياه ومافيها احس مالي بالدنيا احد غير ربي اسجد وابكي واطلب ربي
العنود بضيق : حبيبتي انتي كل انسان عنده مشكله ومصيبه انتي مصيبتك ومشكلتك تهون عند غيرك على الاقل عندك اب يسوى الدنيا ومافيها عندك ام لازالت حيه وعندك ميلا وانا ومازن وشيهانه وفيصل ، لاتظنين ان فيصل ممكن يأذيك لا مستحيلل
شيهانه : خلاص جوجي اذا انتي وفيصل متفقين ان الوضع بالورق وكل الي بينكم بالورق وبعد فتره تتطلقون خلاص ماله داعي هالبكاء! قاعده تعورين قلبي
دخلت جوري تركض : بناتتتت علم جديد اسطوري طازههه
العنود : اذا شي مايسر لا تقولينه
شيهانه : موت احد فقدان احد لاتقولينه
جوري : لالا انا مرسله من عند جدي اقول لكم يعني لازم اقوله اعذروني !
الوجد بعيون ذبلانه وتعبانه : قولي اصدميني اجلطيني موتيني
جوري : جوجي لاتقولين كذا ترى قلبي يعورني عليك
الوجد بدموع : ليت جدي يحن علي زي ماحنيتو علي
شيهانه تنهدت بضيق وهي تناظر دموع الوجد الي ماوقفت ونطقت الوجد : قولي ماعاد بقى لي قلب ولا شعور ولا احساس احس فيه قولي ماتفرق معي
العنود تجمعت الدموع بعيونها من سمعت هالجمله القاسيه من الوجد
جوري بضيق : جوجي جدي يبغاك
الوجد بضيق : الشيخ جاء؟ صح؟
جوري هزت راسها بضيق : اي جاء
الوجد ببرود الارض مسحت دموعها ونطقت : اوك مو مشكله انتو روحو وانا بلحقكم
شيهانه ضيقت عيونها : مو من عوايدك تقولين كذا؟
العنود : جوجي فيك شي ؟
الوجد : وتسألين عن حالي وانتي ادرى بحالي؟
شيهانه : الوجد خلاص تكفيننن قاعده توجعين قلبي تكفينن كلها شخابيط على الورقه
الوجد رفعت حواجبها : وهالشخابيط قادره تغير مصيري مع فيصل انا مدري وش بكون بعد اسبوع ، الوجد او طيف الوجد ؟ مستحيل اجيكم والضحكه مرسومه على وجهي بيجيكم طيف الوجد مو الوجد واتمنى ماتكون اخر ضحكه ضحكتها
العنود : تجينا الوجد الي ترسم الضحكه بوجهها قبل وجيهنا
الوجد بضيق : اتمنى
جوري جلست بضيق : خلاصص بعتزل نقل العلوم اذا انتم بتتضايقون كذا اسفه الوجد اسفه ضايقتك ماكان قصدي
الوجد : الخطاء مو عليك وانتي مجبوره تجين تقولين لي
العنود ماقدرتت تمسك دموعها وغصتها وطلعت من الغرفه وهي حاطه يدها على فمها وتبكي
شيهانه : نودي!
الوجد : الحقوها تكفون الاهي لاتتضايق ولا تبكي وانا بلبس والحقكم
شيهانه : تمام
وطلعو البنات من بيت ابو الوجد يلحقون العنود
ابتسمت الوجد بشر وطلعت ملابسها وحطت الفستان على السرير والميكب على التسريحه وطلعت وسكرت باب الغرفه
واتجهه للمخزن الي الباب حقه حديد محد يقدر يفتحه وقفلت الباب وارتكت على الباب وهي تبكي
،
الجد جالس مع الشيخ الي يعقد القران
الجد بهمس : الله ياخذتس يالوجد وين طسيتي
ابو الوجد وابو نواف متوترين يخافون الوجد سوت بنفسها شي لانها تأخرت
فيصل عارف انها بتنفذ الي براسها الشي الي رافضه تقوله لفيصل
الجد : قم ياتركي جب بنتك
ابو الوجد قام : ابشر
وقام ابو الوجد وقام معه ابو نواف
اما فيصل قاعد يخز الشيخ ويحشر له ومستقعد له
فيصل: ايي وقلت لي تشتغل بعالشغله ٢٣ سنه؟
الشيخ: الله الله
فيصل تكى : طيب انت كم عمرك؟
الجد : فيصل اهجد ولاتحرج الرجال
فيصل : طيب زين ، لا بس شاك كم طولك؟
ابو بتال: فيصلل!
فيصل : خلاص بسكت بس اخر سؤال ، الحين في مشاكل اذا جيت تجمع راسين بالحلال؟
الشيخ : مشاكل لاتعد ولاتحصى فمثلاً يكونون مجبورين على بعض ويتهاوشون عندي ومن هاذي المشاكل
فيصل : طيب هو انا اذا قلت لا ماعاد ابي العروسه وش تسوي؟
الشيخ : بنقفل على كل شي ومايكون لك نصيب وكلن يروح بدربه
فيصل : حلوو الوضع سهلل
الشيخ: ليش هو انت محبور ؟
الجد : لالا بس فيصل اذا كان طفشان يستقعد للشخص معليك
فيصل : اي صح سلك سلك
ابو بتال بيصرف فيصل الي فشلهم عند الشيخ : فيصل قم شف عمك وابوك وين راحو
فيصل : شدعوا ياعم تصرفيني؟
الجد : فيصلل قم شف وش صار!
فيصل : زين زين
وقام وراح
،
ابو الوجد دخل البيت : الوجد
ابو نواف : الله يسترر
دخل ابو الوجد غرفه الوجد وشاف فستانها وميكبها على السرير والتسريحه عقد حواجبه توقعها بالحمام(يكرم القارئ) واتجهه للحمام وطق الباب: الوجد بابا
لكن لارد من الوجد فتح الباب بخفه ولكن ماحصل الوجد عقد حواجبه بخوف وكل الي يدور بباله ان الوجد هربت ..
دخل ابو نواف : وينها؟
ابو الوجد بلع ريقه وتغير لون وجهه بصدمه ونطق ابو نواف : وشفيك ياخوي وينها؟
ابو الوجد بتوتر : مادري مادري
ابو نواف : دورها دورهاا بدور بالبيت معك
فيصل متكي على الباب الخارجي : ياعرببب الدرب الدرب
لفت انتباهه اصوات عمه وابوه الي واضح مرتبيشين تقدم بهدوء ودخل البيت وشاف عمه وابوه رايحين يمين يسار ينادون الوجد
فيصل يلعب بالمسبحه : علامكم؟
ابو الوجد بربكه : الوجد ماندري وينهاا تعال دورها معنا !
فيصل : لا عيب ادخل بيت العرب
ابو نواف : اقول ادخل بس الوجد بتكون حلالك
فيصل دخل بقله حيله وهو يدور فجأه دخل غرفتها الصدق توتر الولد واستحى لكن لفت انتباهه طرف الفستان الوردي الي طالع من الدولاب
تقدم وهو متردد وفتح الدولاب وشاف الفستان الوردي ولمس قماشه وبدون وعي ابتسم
اما عند ابو الوجد وابو نواف يطقون باب المخزن على الوجد والوجد رافضه تطلع
ابو نواف بصوت عالي : يافيصل
فيصل وعى على نفسه وترك الفستان وطلع من الغرفه متجهه على صوت ابوه : هلا يبه
ابو الوجد : الوجد يابوي انتي اطلعي لاتفشلينا
فيصل مسح حواجبه وهمس : ياويلي الحماره ذي تبي تخلي كل العالم تتكلم عنها
ابو نواف : ي تركي اصبر عان فيصل خله يكسر الباب
فيصل : يايبه الله يهديك هاذا حديد حديد ماينكسر
ابو الوجد : جرب ياربه ينكسر
فيصل تقدم وحط اذنه على الباب ونطق: بنت تسمعيني؟
الوجد توترت من سمعت صوته وماردت
فيصل : اطلعي يابنت
الوجد ضمت نفسها بخوف لان المكان صغيرر ومافيه ضوء وكتمه
فيصل بحده : طيب ابعدي عن الباب بحاول اكسره لاتتأذين
الوجد : ماني متحركه وبجلس جنب الباب واعلى مابخيلك اركبه
فيصل التفت لـ ابو الوجد : ياعم ماقدر حتى احاول لانها بتتأذى
ابو نواف : الوجد اسمعيني اطلعي ومايصير خاطرك الاطيب
الوجد : والله ماطلع الا يروح الشيخ
ابو الوجد : خلاص نلغي الزواج بس اطلعي المخزن مغبر لاتنكتمين
الوجد : مابغى اطلع
فيصل : ابعدي عن الباب
وجلسو قرابه الساعه يقنعون الوجد تبعد عن الباب لكن الوجد عنيده
جاء الجد وابو بتال معصبين ونطق الجد : وينها المصروعه؟؟
ابو نواف : وين الشيخ؟
ابو بتال : راح
الوجد تسمع صوت جدها ودب بقلبها الخوف وتدري لو طلعت بيسون المستحيل من شتيمه وضرب وإلخ
الجد بتهديد وعصبيه : اطلعي ولا والله مايحصل لتس طيب ابك فشلتينا عند الشيخ
الوجد : والله ماطلع وانت موجود
فيصل من شاف انفعال جده عرف ان موت الوجد على يد جده قرر يتصرف وينقذ الرجد من هالمصيبه وهمس : عمي في دريشه اقدر ادخل منها واطلعها ؟
ابو الوجد عقد حواجبه يبي يتذكر وهمس : اييي تذكرتها موجوده بالله عليك ابيك تطلعها وتحطها اي مكان بالله مابيها تنضرب
فيصل : ابشر ابد ان شاء الله اني اقدر اطلعها بدون لاتفضحنا

________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
*اعتذر عن الاخطاء الاملائيه*
النجمه تدعم الروايه✨

لاتقارنين حبي لك بأي مخلوق انا حتى بغيابك احبك Where stories live. Discover now