البارت الثاني

4.4K 248 108
                                    


مساء الورد والياسمين عليكم نجماتي 🌠🖤

قناديل العتمه

بقلم زهره

اللهم صل علئ محمد وال محمد

ممكن تعليق للفقرات وتصويت +متابعه

مشاهده ممتعه.



صغيرتي ماذا جرى
مالذي اخافك إلى هاذا الحد
وكأن ألون الأحمر يريد أن يبرز لونه وستوطنت خدييك
عينيكِ الناعسه أفاضت دمعاً حارقاً
لاتحزني ياوردتي
لأن اكتمل القمر الرابعة عشر من عمره
أبتسمي ياقمر الزمان
فأنتي لستي أول فتاه
ولا اخر فتاه يحدث لها هذا

...................

ورده

سديت حلگي بأديه وطلعت من الحمام امشي علئ كيف
دخلت للغرفه الخوف يسري بجميع أنحاء جسمي ضليت ابجي بسكوت

راحن النسوان وأمي اجت تصيح

ام ورده: ورده وريده وينج عدنه سعف وره البيت روحي جيبيهن نحوكهن مكانيس
دخلت أمي وشافتني مكرفصه روحي يم النضده مال  الفراش وابجي

ام ورده: شبيج ورده شجرالج

نعگد لساني ماعرف شكول خايفه ومستحيه

ام ورده: ولج شبيج احجي

ورده بكل براءة :يمه فدوه انا مدري شبيه

ام ورده:  يمه اسم الله عليج شبيج بعدج تخافين من الرجال المات

هزيت راسي
لان الي صار وياي نساني حته  الخوف الي جان ملازمني من مات الرجال

أم ورده: ياشبيج ولج گلبي روحتيه احجي ولج لاسودنيني بهاي المغربيه

حجيت بخجل واحرف الكلام گوه تطلع مني
وانا  اشهگ

ورده:  يمه طلع دم مني

وجان كل فكري امي تعصب علي وتكتلني  حجيت وانا مدنگه

ام ورده: يا صلوات على محمد وآل محمدصرتي مره بعد لاتخافين يمه كل احنه هيج بس لاتحجين يم خواتج لو لواحد عيب

جنت مستحيه من امي وگصتي تصب عرگ
من الي صاير وياي  هزيت  راسي
علمتني  امي  عليها وشسوي  ورادت تطلع
بس دخل حازم للغرفه

حازم: الله يساعدكم

ام ورده:  هلا ومرحبا وليدي

حازم  وهوه يباوع على ورده

حازم: خير شبيها ورده تبجي

دوروني  متلگوني من الخجل احس الكل  تعرف بألصار وياي

أم ورده:لا ماكو شي يمه  بس عود تحوك مكناسه ونجرح اصبعها وكاعد تبجي مثل الجهال

حازم: سعفه بزتج وهيج وجهج أصفر وترجفين لوطاگتج  طلقه شتسوين هههههه

قناديل العتمه (مكتمله )حيث تعيش القصص. اكتشف الآن