Part 13

6.7K 268 101
                                    

سبحان الله وبحمده سبحان الله العظيم ♡

في اخر المزرعه منطقه مخصصه للعب زكره القدم وكره السله (ملعب)..
شيهانه لابسه سماعه راس وتلعب كوره تتدرب على اختبارها العملي لانها مرشحه كأفضل لاعبه كره قدم بـ الجامعه
دخل فيصل وابتسم بخفه من شافها تتدرب وهو الي معلمها لعب كره القدم من كانت طفله
فيصل ربط الثوب على خصره ودخل الساحه معها واخذ الكوره وضحكت شيهانه من دخوله المفاجئ
فيصل : بفوز عليك
شيهانه : ماتقدر تنافس افضل لاعبه
فيصل : انشهد اني ماقد قدامك
ضحكت شيهانه واستمرو يلعبون وكان اداء شيهانه عالي جداً وممتاز !
لدرجه انها هزمت فيصل المشهور بالحاره بلعبه الاحترافي!
شيهانه غمزت : هارد لك
فيصل ضحك : والله ماتوقعت انك كذاا ،تستاهلين الجائزه يأفضل لاعبه
شيهانه ابتسمت ونطق فيصل : شويهين
شيهانه : ياليللل كلعاده فيصل يناديني بتذكير ترى انا بنت!
فيصل : ياخوك تعودت انك تكونين ولد
شيهانه : جرحت انوثتي
فيصل ضحك ونطق بمزح : مجروحه انوثتك من شفت انوثه الوجد
شيهانه : اوهه عاد الوجد مثال للأنوثه ياخوك اذا صرت جنبها احس اني ولد رسمياً من دلعها وانوثتها ياشيخ ياحضك فيها بس
فيصل جلس : على طاريها اسمعي بقول لك شي
جلست جنبه وعقدت حواجبها : عن ايش؟
فيصل : انتي اختي وخويتي عشان كذا واثق فيك وبـوجهه نظرك
شيهانه : اسلم ي بو محمد اسلم كانك تبيني خويك اصير خويك بس قول لي وش فيك؟
فيصل تنهد ونطق : احس اني حبيت الوجد
اتسعت عيون شيهانه بصدمه وبللت شفايفها وابتسمت مو مصدقه ونطقت بعلو صوتها من الفرحه : صدقق فيصل؟؟
فيصل : فضحتينا اصبري اجلسي
رجعت شيهانه جلست جنبه وهي مبتسمه ونطق فيصل : بس احس اذيتها كثيررر
شيهانه : هيه عاد الا جويجه محد يزعلها ولايضرهاا وانتبه لـ تصرفاتك لان اذا نزلت دمعه منها انسى انك اخوي واسطرك الا جويجه عاد
ضحك فيصل ونطق شيهانه : طيب هي تحبك؟
فيصل كشر وهز راسه : ماظن تبادلني الشعور لانها ماتطيقنيي في عيشه ربي وتزيد وتحن بسالفه الانفصال
شيهانه : عادي هاذهي جويجه كذا ماتطيق الرجال في عيشه الله والله يعني تعود بس انت صير حنون معها وضحكها والله بتحبك ! اعرفها جويجه
فيصل صد ونطق : اظن اني بكيتها
شيهانه عقدت حواجبها : كيف يعني ؟ ليش ومتى وكيف؟
فيصل : جاي لك عشان تروحين لها لانها ادري كرهتني ابيك تواسينها وتدارينها
شيهانه ضربت كتف فيصل بخفه : وجع فصيل لاتبكيها!قم انت الي بكيتها انت الي تتحمل
فيصل : ياخوك تدرين اني انا والدموع اعداء
شيهانه : طيب خلاص بروح لها بس ياويلك تعيدها
فيصل ابتسم : على خشمي
شيهانه ابتسمت واخذت جوالها وراحت وتنهد فيصل
طلعت شيهانه من الملعب على دخله العنود
شيهانه ابتسمت : نودي ؟
العنود : عيون نودي
شيهانه : تبين شي قبل اروح؟
العنود : سلامتك
ابتسمت شيهانه وراحت ودخلت العنود الملعب وشافت فيصل جالس ومشبك يدينه ببعضها ومنزل راسه يهوجس
تخصرت وميلت راسها : وش الضرف الي اخذك لعالمك؟ وين وصلت بالهواجيس ي ولد اخوي
فيصل رفع راسه على حس العنود وعاين فيها : ياهلا
العنود تقدمت وجلست جنبه : شفيك فيصل هالفتره ابداً مانشوفك؟ بالعاده دابل قاعه كبديي تزعجني وينك ووش الي غيرك؟
فيصل تنهد : ياخوك كبرنا
العنود : مهما كبرت تبقى فيصل حبيب عمته النونو الصغير
فيصل ابتسم ونطق : اهجدي اكبر منك
العنود : بسنه ؟ مدري سنتين ترى اعتبرك ولد اخوي الصغير النونو
فيصل ضحك : خلاص نصير صغير ولا يهمك
العنود : ليش تحب تكون الكبير دايم؟
فيصل : لاني الكبير
العنود : لا فيصل انت ظالم نفسك بعمرك هذا انت باقي صغيرر بس مكبر عمرك مرهه يعني فهيدان اكبر منك بس انت تفرض شخصيتك وتثبت لهم انك اكبر من فهيدان وانت اصغر منه ! عيش عمرك لاتكبر ولاتصغر عمرك
فيصل : اي ان شاء الله
العنود : معك شهر ماتعدل وضعك ياويلك افف خيرر ترى فقدت ذباتك ومحارشك وعصبيتك!
فيصل هز راسه برضى ونطقت العنود : متغير ! مو ولد اخوي الكيوتت الي الكل يحبه مو انت الي قبل شهرين كنت تتضارب معي عشان بريق شاهي 
فيصل : تركنا الهواش خلاص الحين نطبق شخصيه العميد هنا وهناك
العنود رفعت حواجبها : اقعد يالعميددد فيصلل
فيصل ضحك : مازن وين؟
العنود : والله مدريي لكن له اسبوع مو على بعضه شوف وش فيه لان لافيصل الي اعرفه ولا مازن الي اعرفه متغيرين واحس وراكم بلا والله يستر عاد منكم
فيصل : لا وينن ماورانا شي
العنود قامت : اسمع ترى سمعت ابوي واخواني يقولون انهم بيكشتون بس مدري متى قلت اعطيك خبر
فيصل : بيكشتون بهالبرد؟
العنود : لاتستغرب من ابوي يسويها
فيصل : تمام
وراحت العنود وتنهد فيصل واتصل على مازن 
مازن : ياحمار وش تبي داق علي؟ كنت العب قيم
فيصل عقد حواجبه  : انا حمار؟ وبعدين تلعب قيم بهالازمه؟
مازن حك راسه يرقع الموضوع  : لاا كنت اقولك قلبي الاحمر بس انت مدري وش فيك تدور زلتي
فيصل : ايي زين عبالي بعد
مازن : وينك طيب؟
فيصل : بالملعب تعال
مازن مسك راسه : يراسييي بأخر المزرعه وش موديك هناك
فيصل: وش عليك انت قم تعال بس
مازن : سم على خشمي جيت يلا
وقفل الخط فيصل ومسك الكوره ويلعب فيها الين يجي مازن
،
الوجد حاطه راسها على التسريحه وعيونها عليها اثار دموع ونايمه من التعب الي فيها
دخلت شيهانه ونطقت : الوجد يالعوبا وينك؟
عقدت حواجبها من شافت الوجد ماترد عليها تقدمت لها ورفعت شعرها عن وجهها : يعمريي نايمه الله حسيبك ي فيصلوهه
جلست على ركبها ونطق : جوجي حبيبتي
الوجد فزت : ها
شيهانه : بسم الله على قلبك قومي وش منومك هنا ؟
الوجد مسحت وجهها : مدري والله
شيهانه وقفت ووقفت الوجد معها : انتبهي على صحتك !
الوجد هزت راسها برضى
شيهانه ساعدت الوجد تنسدح بالسرير وشيهانه جنبها والوجد حطت راسها على كتف شيهانه
شيهانه : فيصل اذاك ؟
الوجد : لا
شيهانه : اجل وش فيك ؟ حتى اجازه الجامعه انتهت بس انتي مو راضيه تداومين !
الوجد اخذت نفس طويل : مدريي تكفين مدريي مابغى احد يسألني وش فيني لان انا بنفسي ماعرف وش فيني
شيهانه : مو مشكله خذي فتره راحه ولاتفكرين وبترجع الامور بمجراها
الوجد ابتسمت : بنام
شيهانه : اوك جوجي بس لاتنامين وانتي متضايقه
الوجد : من عيوني
شيهانه قامت : يلا نامي كويس
الوجد ابتسمت ونطقت : تصبحين على خير
شيهانه : وانتي من اهله
وطلعت ولكن الوجد ماتبغى تنام تبغى تجلس لوحدها تبكي لوحدها محد يشوف ضعفها ماتبغى ،
،
شيهانه والعنود جالسات ومستغربات من تغيرات فيصل ومازن والوجد وشروق واضح وراهم بلا!
شيهانه : ابصم لك بالعشر ان مازن مهبب له شي ومطيح الثلاثي معه !
العنود : اييي مازن نكبه اعرفهه وادري به نكبهم كلهم 
دخلت جوري تركض وتصارخ : بنات بنات جبت لكن علم حصري ومن مصادر موثوقه!!
شيهانه : جت جت حييي
العنود : تعاليي بسرعه يلا تهرجييي !
جوري تربعت وربطت شعرها عشان توصل السالفه بطريقه مبسطه
العنود : بسرعه تكفيننن
جوري تنحنحت : شوفي السالفه فيها تهديد بصور وكذا !
شيهانه شهقت : يمهه السالفه كايده !!
العنود : يراسيي من صورته عاد
جوري : وحده منهم يا الوجد او بنت خالتها شروق
شيهانه : بسم الله الله يستر !
جوري : والواضح بنات ان الي صورهم واحد من اهل البيت
العنود عقدت حواجبها : مين ؟ مين البجيح الي يهددهم وهم من نفس للعائله؟
شيهانه : الظاهر انها شروق! لان الوجد مننا وفينا واسمها مربوط بأسم العايله محد يتجرى يلطخ اسم العائله
العنود : ايي الظاهر شروق لانها من عائله ثانيه !
جوري مدت يدها : هاتي
شيهانه : وش؟
جوري : فلوس يلا علومي صارت بفلوس بسرعه بسرعه حطي حطي
العنود : افااا ي بنت اخوي انا عمتك
جوري : حطي حطي بس لاعمتي ولاغيره
طلعو البنات فلوس وحطوها بيد جوري لانها صارت تجارتها تنقل العلوم بفلوس
شيهانه : طيب صدق يعني انا والي يقرون الروايه مانعرف من وين تجيبن السوالف؟ من وين مصادرك!
جوري ضيقت عيونها : تشككون بمصادري الموثوقه؟؟
العنود : حشى بس جد من وين نبغى نتعلم !
جوري رفعت كتوفها : سر المهنه
شيهانه ضحكت ونطقت : ي حيوانهه
العنود : بس علومها وسوالفها بطلههه !
جوري تعد الفلوس : اي ابد بالخدمه اي سالفه تبون تعرفونها ادفعو وابشرو
شيهانه : يمه منهاا صارت تاخذ فلوسس
العنود : تأثير ام طلال
جوري قامت : يوهه نسيت ام طلال بروح لها
شيهانه : وش تبين فيها ؟ لايكون تنقلين علومنا لها
جوري : لا علوم العايله محفوفه ماتطلع لـ احد غيركم
العنود : حلو الحمدلله تطمنت طيب ام طلال وش تبي؟
جوري : تبيني اشوف طلال وين يطس ومن اخوياه ووش علومه
شيهانه : جوري وضيفتك جاهزه عند اخوي فيصل مخابرات ! تصلحين
جوري : والله فكره مش بطاله تم قولي له يوضفني يلا باي بروح اجيب اشوف طليل وين داج
العنود : انتبهي على نفسك
جوري : ابشري
وطلعت وهي تركض تبي تشوف وين طلال مجهول الشخصيه
ضحكو البنات ونطقت شيهانه : جويي هالبنتت
العنود : تصدقين لو الوجد متعافيه ومافيها شي كان خاوتها
شيهانه : اييي هي والوجد يحبون العلوم
العنود ضحكت
،
الملعب ..
فيصل : مازن يورع بسرعه لازم نخلص كل شي اليوم قبل بكرا!
مازن : وش بيدي طيب ؟ وش نسوي؟
فيصل : الان شروق لازم تحي
مازن تعدل وابتسم : بتجي؟
فيصل : مازن مو وقتك والله حاول تتواصل معها !
مازن : ازهليني يالبناخي
فيصل : معك رقمها ي السربوت؟!
مازن : الصدق اني نطلته من جوال الوجد
فيصل : ينخاف منك والله ، يلا يلا
مازن تنحنح واتصل وردت شروق : الوو؟ مين معي؟
مازن توتر والي طلع منه : اءء
شروق : الوو؟
مازن غير صوته  : سلام عليتس يوخيتي معتس الخاطبه ام صبحي
شروق عقدت حواجبها : مين انتي
مازن : يختس انتي الحقي وتعالي
شروق : مين انتي عشان اجي عشانك؟
مازن : بسم الله الرحمن الرحيم ي بنتي مو بأنتي قريبه الوجد؟
شروق : ايوهه انا
فيصل ماسك راسه من هول المنظر وصوت مازن والخطابه ام صبحي
مازن لازال على صوت الخطابه ام صبحي : بنتي تعالي لبيت العم سلطان جد الوجد بالملعب مع الوجد
شروق : ياعمه ام صحبي ليش طيب اجي؟
ام صبحي (مازن ): يختس انتي مو تبيني اخطبتس لمازن ولد سلطان المزيون وحلم كل بنت
شروق : وي!
ام صبحي (مازن ) : افاا ي وخيتي علامتس على مثال الرجوله والجمال مازن
شروق : اوك والنعم فيه بس انتي وشدخلك؟
ام صبحي ( مازن ) : بجمع راسين بالحلال
شروق : مابي لك فكيني شرك
ام صبحي (مازن) : كيفتس يختس لكن انتس خسرتي اطلق وافضل رجل يعني افضل من فيصل حتى ولد اخوه
فيصل اتسعت عيونه بصدمه
شروق : ايوه ؟ طيب والمطلوب مني؟
ام صبحي (مازن) : ابتس علامتس يالمربوشه تصبري يجيتس العلم
شروق : دقيقه انتي مين ومن وين جبتي رقمي !
ام صبحي ( مازن ) : ابتس انا ام صبحي ماتهاب سود اليالي ابتس هاذا من اختصاصي اجيب رقمتس يختس
فيصل همس : قفل قفل فضحتناا
شروق : يختك واضح انك مضيعه
ام صبحي ( مازن) : لا يحمارهه انتي مو شروق؟
شروق شهقت : يحيوانه انا حماره ؟
ام صبحي ( مازن ) شهق : يحماره انا حيوانهه؟؟
فيصل همس : الظاهر ليلنا طويل
شروق : يابنت اللذينا وينك الحين اجيك العن خيرك !
ام صبحي ( مازن ) : حياتس الله يوخيتي عانيني ببيت العم سلطان ابو مازن المزيوين
شروق : جيتك والله ماتسلمين من يدي 
ام صبحي ( مازن ) ارسل بوسه بالهواء ونطق : انتظرتس يبعدي
شروق متنرفزه منها جاهله انه مازن! : حيوانه لا اخلاق ولا ذوق !
ام صبحي : انتظرتس بملعب الجد سلطان
تأفأفت شروق ونطقت : وجع
وقفلت الخط وضحك مازن بعلو صوته : تنرفزتت
فيصل كشر : مانقدت ؟
مازن : لا ام صبحي ماتندم
فيصل : ي ام صبحي والله معك ساعه ان ماجت شروق ياويلك انت وخططك الفاشله!
مازن : دقايق وتجي اعرفها تتنرفز بسرعه وتجي انت قم جب حرمتك
فيصل : وشدخل الوجد؟
مازن : يصير لها دخل قم جبها تهدي هالمجنونه شروق
فيصل : ياولد البنت ماهي يم الضحك والوناسه !
مازن ضرب فخوذه بطفش من فيصل : اهخخ يافصيل بتجلطنييي يربي ، ابك لازم الوجد تكون بالخطه يالدلخ عشان ماتصدم بسالفه الزواج !
فيصل : اي صحح
مازن : بسم الله الحين تجي المطيرشه شروق تركض بتسطر
فيصل : الله يعينك عاد كلهم من نفس العرق وجد وبنت خالتها بيسطرونك
مازن : بديت اخاف
فيصل : اتركك يلا سلام ترى بيتها مو بعيد انتبه الحين تجي
وطلع فيصل من الملعب
مازن تنهد وابتسم والتفت على صوت شروق وهي تصارخ بعلو صوتها : وينهااا بنت الذينا وينها
جمد مكانه يسوي نفسه مايسمع ومغمض عيونه
دخلت شروق الملعب وطاحت عينها على مازن الجالس اشبه للتمثال !
طالعت فيه من فوق لتحت ونطق : وينهاا؟؟
مازن لازال على وضعيه التمثال
شروق رفعت حاجبه : ورع لاتجننين وينها؟؟
مازن التفت لها : ها؟ ويش؟ ماسمع؟ وش تقولين؟
شروق : وينها ام صبحي؟
مازن وقف وحط يده على فكه : ام صبحي توها مشت راحت
شروق اتسعت عيونها : اهخخ الطقوعه الخوافه ماقدرت تواجهني !
مازن رفع حواجبه ونطق : ليش؟
شروق : قهرتني المستقزه
مازن : صادقه والله مستفزه الله يهدي فيصل جابها
شروق : هالفيصل هذا يبي له كف عشان يعرف كيف يجيب الناس الصح
مازن : اتفق معك والله فيصل مطفوق يعني كل من هب ودب جابه
شروق مسحت على شعرها : اهخخ والله قهرتني الطقوعه
مازن : اتفق يعني ليش تهايط ام صبحي
شروق تنهدت وجلست على كراسي الملعب ونطق مازن : تصدقين ؟ سوت خير ام صبحي يعني جابتك لنا لاننا بدينا نحل المشكله ومسكنا المجرم
شروق : صدق؟ مينن ؟
مازن من عوايده مايمسك العلم الا لينثره ويزيد احداث من راسه ونطق : مادريتيي؟؟
شروق : لا وشش؟؟
مازن مسك راسه يكبر الموضوع : يوه يوه فاتك فاتك كيف مسكت صاحب الصوره وسطرته وكفخته ودعست عليه يوهه ليتك موجوده تعاونيني عليه ! تخيلي وقلت له يابن الحلو الا شروقق محد يضرهاا! تخيليي!
شروق حاطه يدها على فمها : ايوهه ؟ وش صار بعد؟
مازن تحمس من تفاعلت معه بالسالفه : وكفخته وسطرته والين مات
شروق شهقت بصدمه : ماتت؟؟
مازن استوعب : ها؟ لا مو مات يعني مات بس مامات فاهمه كيف؟
شروق : قصدك اغمى عليه؟
مازن : اي والله ياني خذيته رايح جايي يوهه فاتك وفيصل كان خايف تخيلي ماعاونني بس انا اسطر المجرم وفيصل يقول انا عميد ماقدر امد يدي! فيصل خاين خاين ماساعدني عليه
شروق : يمه منه فيصل حيوان ليش ماساعدك؟
مازن زم شفايفه : خافف المسكين
شروق : ايوه وش كان اسمه الي صورنا؟
مازن ضحك ونطق : الخبله عهود
تحولت ملامح شروق المصدومه الي عصبيه : ايا بنت الكلب وينها
مازن صار قدامها يمنعها انها تروح : اهجدي تكفينن ترى مهددتنا البنت اذا سوينا شي بتفضحنا
شروق وهي منفعله : بعد عني خلني اشوف شغلي
مازن : يبنتي تقول اذا سويتو شي نشرت الصوره!!
شروق استوعبت ونطق : دقيقه مو انت تقول ان الي صورنا اغمى عليه؟
مازن : انا قلت؟
شروق : ايوه تو قلت!
مازن : كذب كذب مو انا قلت فيصل قال
شروق : وليش هالفيصل بكل سالفه موجود يعني شايفه عذر  وحجه؟
مازن : فيصل الله يهديه يحب يكذب
شروق هزت راسها بنفاذ صبر من كلام مازن الي ماله اي هدف كثيرر كلام بلا هدف
،
طلال يمشي بشوارع الديره لحاله وهو ملاحظ له فتره ان في عجوز كبيره بالسن تمشي وراه لها فتره جاهل انها جوري! تسوي كل هذا عشان تجيب علومه لـ امه
طلال وقف ولف لها : مين انتي وليش تلاحقيني لك فتره؟
جوري بصوت عجوز : يوليدي هو الطريق طريقي تقلع
طلال شك بالوضع : انتي من اسبوع وانا اشوفك انتي جديده بالديره؟
جوري بصوت عجوز : الله الله يوليدي ابتس لي اسبوع تايهه ماعرف وين ام طلال
طلال : انا طلال بغيتي شي
جوري : وصلتت خير سلم لي على امك قل ام جابر تسلم عليتس
طلال شك زياده لان عيونها عيون بنت ومافي حول عيونها تجاعيد كيف ؟!!
جوري : ابيك يوليدي توصلني للبقاله ماعرف وينها
طلال تعوذ من ابليس ونطق : ابشري ياخاله
جوري : تخلخلت اعضامك وش خالته انا اصغر منك يالمروح
طلال عقد حواجبه من صوتها الحقيقي الي طلع : طيب طيب
جوري رجعت لصوت العجوز : يلا ودني
ومشى معها وهو يقرا اذكاره ميه مره من الخوف وهي تستفسر وتستجوب منه واذا رفض يجاوب تهاوشه الين يجاوب والحين جمعت عنه كم من المعلومات ونطق بـ : يلا خلاص تقلع خلص وقتك
عقد حواجبه : مو تبين البقاله؟
جوري : غيرت رايي خلاص برجع للبيت انزلع
(انزلع =انقلع )
طلال : هيه ماتروحين كذا
جوري : افلح اخر همي يلا
وراحت جوري وهي تجرجر عباية الراس الي سرقتها من جدتها
وطلال زاد الشك فيه وقرر يلحقها ولكن الصاعقه انها دخلت بيت ام طلال! امه !
مسك راسه بصدمه وراح
جوري : اقولتس يام طليل الولد صالح صالح يعني اخوياه ماهم بدشير ومهتم بعمله ووضيفته منا حليله
ام طلال : الحمدلله يربي شلت همه
جوري : يلا عاد اتفاقنا
ام طلال : اي اي ابشري 
واعطتها فلوس وراحت جوري وتاكدت ان محد يلحقها وفعلاً محد يلحقها واتجهت للمزرعه

لاتقارنين حبي لك بأي مخلوق انا حتى بغيابك احبك Where stories live. Discover now