9

16.3K 419 23
                                    






آلماس فكت البرقع والطرحه وانتثر شعرها حطت رأسها على كتف ذياب بهدوء باس رأسها وقال بصوته :
إقربي بين السوالف وكتفي والذراع

‏و إنظري لي نظرة الشوق للشيّ القديم
‏وإغرقي بالدمع الأزرق مظاليلٍ وساع

‏و إقبلي مثل التباشير .. في وجه الكريم
‏وإرحلي مثل التعازي على موت الشجاع
آلماس بابتسامة : حي ذا الصوت ياذيّابوه
ذياب بهدوء : حي نبّاتس
نزلت وحطت رأسه على فخذه ونامت بتعب ناظر فيها وابتسم حط يده على شعرها يمسح عليه بحنيه
وصلوا الديرة نزل رأسه يصحيها بهدوء : آلماس قومي وصلنا
قامت آلماس بتعب : أساعدك بشي ؟
ذياب بأبتسامه : لا معليتس روحي نامي
راحت للغرفه نزعت عبأتها ولبست بجامه علاق مع شورت دخل عليها وهي ترطب يدينها قامت له طالع بصدمه عليها : اووها يابنت راشد
آلماس بصدمه : بسم الله وشفيك ؟
ذياب بهدوء صّد مايبي الوصل ومالهم أسبوع متزوجين : ولا شي نامي
راحت نامت بهدوء فرش له بالأرض وقعد يتخيل شكلها ويتذكر ابسط شي فيها تقلب وتقلب ماجاه نوم طلع برا وجلس على العتبه طلع زقارته وحطها بين منطوقه طلعت له وجلست بجنبه وباقي بالشورت
ناظرها بهدوء : ليش مانمتي ؟
آلماس : نمت كثير بالسياره
جت ريناد لهم وقالت بابتسامه : الحمد لله طلعتوا صاحين
آلماس ابتسمت : ليش ناموا البنات ؟
قامت حضنت اختها ناظر فيهم وتمنى يكون مكان ريناد باست خد اختها شافها تنحنح وصّد ريناد دقت اختها تركتها بهدوء ضحكت عليه : تغار تبي أبوسك مثل اختي ؟
ريناد بقرف : وجع بروح انام انا
مشت ريناد وقربت من خده وباست خده قريب من مبسمه ناظر وجهها بهدوء : ناويه تجيبين ولد صح ؟
آلماس بحده : وشلون باقي صغيره صاحي انت ؟
ذياب ابتسم : عادي نونو يجيب نونو
قامت آلماس وقالت : تصبح على خير ياذيابوه
ضحك بهدوء عليها وقال بهمس : إذا ذي حركاتس صدقيني مايكمل شهرين إلا وانتي حامل
< في الظهر عند ذياب وآلماس >
قرب منها قال بهدوء : آلماس ماتبين المول
قامت : يلا بجي
ذياب : يالله أنا برا
قامت وفرشت أسنانها لبست عبايتها ونقابها كحلت عيونها وحطت مسكره اخذت شنطتها وطلعت
كان يدخن ناظر عيونها وهّام فيها بلع ريقه صّد وقال بهدوء : ليش كحلتي عيونتس
آلماس بابتسامه : وشدعوه عادي يابّدوي
مشى لسيارته قالت بابتسامه : ذياب
ذياب بهدوء : سمّي
قالت ببّراءه : عادي نتصور أنا وياك
قابلها وضحك : يحلوتس ايه عادي تعالي
حضنها وحط يده ورا خصرها طلعت جوالها وتصورت
معه صوره جميله ومليانه حب كتبت تحت الصوره :
زوجي البدّوي
لحقته للسياره قالت : عطني رقمك
ذياب بهدوء وبابتسامه : ترقمين يابنت راشد ؟
آلماس بمزح : أووه قد رقمت كثير غيرك
صدّق ذياب وللأسف عصب وقال بحده : وش تقولين
خافت آلماس من تبدلت ملامحه وقالت : امزح معاك شفيك انت ؟
ذياب بهدوء : اكتبي يالله رقمي
آلماس بزعل : مآبي رقمك ولا أبيك
قرب منها بعد نقابها وبأسها على خدها بهدوء انصدمت وقالت بابتسامه : وطلعت رومانسي والله
قال بضحك : والله باقي ماشفتي الرومانسيه على آصولها
اعطته رقمها وسجلها باسم " حَرمي " مايبي احد يلمح اسمها وسجلته عندها باسم " بدّوي قلبي " مسكوا خط ل عاصمة نجد " الرياض " وصلوا ونزلوا المول وبّدت تدور فستان وتخلص أغراضها وهو يمشي وراها بهدوء على جواله لقت فستان وقالت : وش رأيك الأحمر ولا الأسود ؟
ذياب بهدوء : كلها مكشوفه
آلماس : اختار وش احلى ؟
ذياب بابتسامه : الأسود
ابتسمت آلماس ومشت للحساب وكانت بتدفع مسك يدها وقال : ماتدفعين دامتس متزوجتني حتى لو ريال
ابتسمت آلماس ودفع ذياب حتى من دون يشوف السعر راحت واشترت كعب ابيض آلماس : خلصت
ذياب بابتسامه : تعالي ابيتس
دخلوا محل كله اكسسورات ألماس اختار لها طقم انصدمت من السعر : ذياب ذا مره غالي
ابتسم ذياب وقال : مايغلى عليتس يالاماسه
ابتسمت بانحراج
ذياب : وش رايتس ناخذ دبلتنا من هنا ؟
آلماس بصدمه : بكيفك
اختار لهم دّبله وانعجبت فيها وجداً لبسها وابتسمت ودفع الدّبله وطقم آلماس مشوا للسياره ومسك خط للديره وشغل الشيله وبدا يغني وتصوره آلماس بحب :
على الموعد اللي بيننا
جيتس ملهوف اسابق
عقارب ساعتس قبل موعدنا
وانا داري أنا قلبتس على شوفتي ملهوف
آلماس بحب وابتسامه : عشت يابعد الروح
ناظر فيها استحت من نظراته وقفت التصوير ضحك من حس أنها انحرجت قال : عشتي باقي أيامتس معي يالمزيونه
< بالعصر عند عروستنا الجود >
الجود بتوتر : تكفين ريناد خايفه
ريناد بابتسامه : تراتس متزوجه فهد اخوي اعرفه اكثر من نفسي حبيبي هو
ناظرت جوالها شافت فهد يدق ابتسمت وقالت : الزين عند ذكره
ردت بابتسامه : هلا بالعريس
فهد ابتسم : هلا فيتس وين انتي جود قلبي ؟
ريناد ناظرت الجود اللي ابتسمت من سمعت صوته
قالت : شوفها ذي شوي ويغمى عليها من سمعت صوتك
فهد ابتسم بحب : اجل اطلعي انتي والجود ناخذ الدبله
ريناد : يلا الحين
طلعوا له شافت سيارته الفخمه ابتسمت بإعجاب
ركبت ريناد قدام والجود ورا
الجود : السلام عليكم
ابتسم فهد : وعليكم السلام ارحبي
ريناد بحده : تكفون لا تخلوني طرف ثالث بينكم
ضحك فهد عليها
الجود بابتسامه : وش تشتغل يافهد ؟
ابتسم فهد وقال : مهندس معماري
الجود بابتسامه : ماشاء الله عليك
الجود بهمس لنفسها : وي باين عنده فلوس سيارته مرسيدس !
وصلوا المول نزلت الجود مع ريناد وفهد راحو محل مجوهرات
اختار فهد دبله : وش رايتس في ذي ؟
الجود بإعجاب : مرره حلوه بس ليه عطوك ذي بس ؟
فهد بابتسامه : طلبتها طلب خاص عليها أسماءنا
ريناد بابتسامه : والله ذويق يافهود
غمز لها فهد ضحكت ريناد حاسب فهد الدبله وطلعوا
فهد : وش باقي تبون ؟
ريناد : ابي كعب
الجود : وانا فستان اخترته من موقع باخذه من هنا
ريناد : بروح المحل ذا
فهد : انتبهي لنفستس بروح مع الجود
دخلت ريناد بعد ماهزت رأسها بإيجاب لفهد شرت الكعب راحت مكان منعزل عن الناس لأجل تسوي نقابها شافت واحد يقرب منها بدت تبكي بخوف ماتشوف احد حولها عند صقر اللي كان طالع مع اخوياه ولأول مره يجي أماكن كذا شاف اللي يحبها بنت عمه مع واحد يتحرش فيها ركض لها مسكه وجلس يضرب فيه بغيره وقهر تجمعوا الأمن واخذوا المتحرش ناظر لريناد قال بابتسامه يطمنها : انتي بخير يابنت العم ؟
بكت بإنهيار حضنته بخوف غمض عيونه من حضنها ودموعها على صدره مسك طرف عبايتها قال بابتسامه : بالحلال بإذن الله امشي معي
مشى بس وقفته يدها الصغيره على طرف كُمه ريناد بدموع : صقر
ناظر فيها بعيونها موطنه : سمّي ولبيه
خجلت ونزلت رأسها قالت : ابي اسوي نقابي
مشى صقر ولحقته لزاويه مافيها احد جلست وغطاها وهو مقفي لأجل مايشوفها سوت نقابها وقالت : خلصت
صقر بحده : مين اللي خلاتس لوحدتس افقع وجهه
ريناد بزعل : لا فهد مشى مع الجود ورحت أنا لوحدي
صقر بغيره : ياويلتس تعودينها مره ثانيه
ضحكت من طلعت لهجته دق على فهد وصله صوته
صقر : وين انتوا ؟
فهد : بالمول ليش ؟
صقر : لقيت أختك بوصلها لكم
فهد بابتسامه : طالع الديره انت ؟
صقر باستغراب : الله الله
فهد : واثق فيك يابو حمد خذ اختي معك لاهنت
صقر بابتسامه : ابشر يالله مع السلامه
قفل منه وفهد يثق بعيال عمه وجداً ويعرف مايجي منهم الضّر
ريناد : وش فيك طلعت ؟
صقر : بتطلعين معي للديره
ريناد بخوف : ليه وين اخوي ؟
صقر بعتب : خفتي مني يابنت راشد ؟
ريناد : لا شدعوه اخاف من نفسي ولا اخاف منك
ابتسم صقر من كلامها ركب السياره وركبت ورا
صقر : تبين ماء شي ؟
ريناد بابتسامه : لا تسلم
حركوا متوجهين للديره صقر بدأ بالشيله بصوته :
ماغيرتس اللي يشغل بالي
وهروج غيرتس لا ماتحلالي
غاليه علي وان غبتي ابد غاليه
ابتسمت من صوته بحب ماتدري وش الشعور اللي يجيها منه هي معجبه بس ماتدري حب ولا لا اما عند صقر مو حب وبس يعشقها ولد حمد بس مابادر وبيجي الوقت اللي يبادر بطريقته
< عند الجود وفهد >
فهد بتعب : من الحين تعبت اجل الملكه وش بيصير ؟
الجود بضحكة : اما عاد يافهود من الحين
ابتسم من قالت فهود : عيوني لتس ياجويّد
الجود بأبتسامه: فديت عيونك
فهد بخفه : لا تخليني خفيف من الحين
غمزت له الجود بإبتسامة
فهد : ياويل حالي يابنت حمد
الجود بثقه : بتجيب راسك بنت حمد
فهد ابتسم وقال : جبتيه وخلصتي
ضحكت الجود عليه ركبت ورا بسيارة فهد وحرك لديره

( اهلاً كثير قالوا وينك لك أسبوع كان عندي اختبارات وعذري معي ، واللي يقولون طولي البارت لا بنزل يومياً او كل يوم بيكون كذا احسن شي قراءة ممتعه لكم ولاتنسوني من دعواتكم احبكم جداً 🤍 )

~ الله ياغرامٍ اعذّب من قصيَد ~حيث تعيش القصص. اكتشف الآن