" မင်းငါ့ကို လာမစွပ်စွဲနဲ့နော်.... "
စူးရှကျယ်လောင်စွာအော်ဟစ်ပစ်လိုက်တဲ့ အလင်းရဲ့ဒေါသသံလေးအဆုံးတိုက်ကလဲစိတ်ပျက်အားလျော့စွာထိုင်နေရာမှ ဟွန်းခနဲရယ်သည် ။ သူသိတာပေါ့ ဒီရယ်သံက မယုံကြည်ခြင်းတွေနဲ့လှောင်ပြောင်လိုစိတ်တွေဖုံးလွှမ်းနေမယ်ဆိုတာ ။ အရက်နံ့တွေမွှန်ထူပြီး ပုလင်းအလွတ်တစ်ချို့ပြန့်ကျဲနေတဲ့စားပွဲဝိုင်းပေါ်လက်တင်လျက် တိုက်ကခပ်လျော့လျော့ထိုင်နေကာ အကြည့်တွေကလဲအလင်းဆီကိုတစ်ချက်ပင်ဝေ့မလာပဲ အေးစက်ခါးသီးစွာနဲ့စားပွဲခုံအစွန်းကိုသာခပ်မဲ့မဲ့စိုက်ကြည့်နေ၏ ။
တကယ်ဆိုဘာမဟုတ်တဲ့ကိစ္စလေးတစ်ခုကိုပုံကြီးချဲ့ပြီးခုလိုတွေပြသနာရှာခံနေရတာ လွန်ခဲ့တဲ့ နှစ်ပတ်လောက်ကတည်းကပင် ။ ပြသနာကတော့ကလေးမယူသေးဘူးဆိုတဲ့ အလင်းရဲ့ငြင်းပယ်မှုခေါင်းစဥ်အောက်ကနေ တိုက်ဆွဲထုတ်ခဲ့သည့်စောက်ရေးမပါလွန်းလှသောအကြောင်းပြချက်တွေကပင်အစပြုခဲ့သည် ။
" ဘန်ကောက်ကိုငါမလိုက်ဘူးဦးတိုက်စိုး....အဲ့လောက်ထိအသည်းအသန်ဖြစ်နေရင်တော့ မင်းစိတ်ကြိုက်မင်းသဘော တစ်ယောက်တည်းဆက်လုပ်လိုက် "
သူကတော့ဒီအတိုင်းပြောလိုက်ပေမယ့် တိုက်ဘက်ကထိုစကားကိုပင်ပုံကြီးချဲ့ပစ်ပြီး ပြသနာထရှာပြသည် ။
" ဘာလဲ ကျူပ်နဲ့ရမယ့်ကလေးမို့လို့ခင်ဗျားကခုလိုခါးခါးသီးသီးတွေလုပ်ပြနေတာလား.... ခင်ဗျားကောင်နဲ့သာဆိုရင်တော့ အခုလိုကလန်ကဆန်လုပ်တတ်တဲ့အလင်းရင့်ရောင်ကနေ လိမ်မာကျိုးနွံတတ်တဲ့အလင်းရင့်ရောင်ဖြစ်သွားမှာ ကျူပ်သိတယ် "
အလင်းဘာပြန်ပြောရမှန်းမသိဆွံ့အသွားတာကို တိုက်ကဘယ်လိုသဘောပေါက်သွားသည်မသိ ထို့နေ့ကတစ်အိမ်လုံးကပစ္စည်းတွေကိုဒေါသတကြီးရိုက်ခွဲကာ သူ့ကိုမကျေနပ်ကြောင်းပြသည် ။ ပြီးတော့ အလင်းဖုန်းကိုလဲပိုင်စိုးပိုင်နင်းဆွဲယူပြီး Facebook Acc ထဲဝင်ကာ အခုထိ Friend List ထဲမှာရှိနေသေးတဲ့ ဦးAcc ကိုမြင်ပြီးဒေါသထွက်ကာသေတော့မတတ်ထပ်သောင်းကျန်းပြန်သည် ။
" ဟားး ဘာလဲအခုထိမမေ့နိုင်သေးပဲခင်ဗျားတို့နှစ်ယောက်ကကျုပ်နောက်ကွယ်မှာဘာစောက်ဇယားတွေများရွှေ့ဖို့စဥ်းစားနေကြတာလဲ... အပြင်မှာလက်ပူးလက်ကြပ်မိမှဖောက်ပြန်တာမဟုတ်ဘူးနော် ဒီလိုစောက်ချိုးတွေကလဲဖောက်ပြန်တာပဲဆိုတာ အခုတော့ခင်ဗျားရဲ့တွက်တတ်ချက်တတ်လွန်းတဲ့စောက်ဦးနှောက်ကြီးကမတွေးတတ်တော့ဘူးလားဟမ် "
ŞİMDİ OKUDUĞUN
The Shadow ( Ongoing )
Romantizmငါဟာလွတ်မြောက်ဖို့ ကြိုးစားတိုင်း ဒီနွံထဲမှာပဲ ထပ်ခါထပ်ခါနစ်ရပြန်တယ်.......
