مادريت أن اللي يحبني يبي حزني

مرت السنين..

التفت نايف خايف ‏وقاسم الي يطالع فيهم مصدوم
-نايف انا فريت بأمك من ديره لديره من مستشفى لمستشفى بس انت ماكنت تشوف انت ماتشوف!
راح قاسم بسرعه ونايف وسند مستغربين من ردة فعله قام نايف وقال
-بروح لأبوي
دخل سند المجلس وتحولت فرحته وروقانه لنكد جلس معاهم وهم يسولفون ويتناقشون بموضوع تهاني حمد وهو معصب
-حسين سوا هذا كله!
وهي تبكي
-اي ياخوي والله ماعاد ارجلعه وينطق في السجن
-ولا تتضايقين بكره بنروح المحكمه ونخليه يطلقك غصباً عنه
التفت على إياد وهو يقول
-الا وش روحك للفندق وتكذب على امك وتقول انك مسافر؟!
بلع ريقه وطالع في فيصل الي مسوي مجنون وقال
-انا ياخالو كنت بسافر اصلاً بس..بس تأجلت السفره لبعد يومين فقلت خلاص انا رجال وبنام وحدي في اوتيل
بضحكه
-اوه نمت وحدك؟
-ايوا
وهو ماسك ضحكته
-رجال كفو
استغرب إياد منه لكن قام وجلس بجمب فيصل الي يشرب شاهي وقال بهمس
-ايش صار معاكم؟
طالع فيه بتفاجئ وبتلعثم
-هاه؟
بهمس
-ايش صار معاكم؟
بتلعثم وتوتر
-شوف والله يعني الله يجزاك خير ماقصرت يا إياد ولا انك كفو ورجا..
-سيبنا من هالكلام انا اسألك صح جاوبني
-اي انك رجال وكفو وقد الثقه وينشد بيك الظهر..
بصراخ
-خلاص يابويا طفشت امي
التفتت كل النظارات على إياد مستغربين توتر إياد من نظراتهم واشر على فيصل وبتوتر
-هو عصبني شويه...بصدمه من فيصل
-انا عصبتك وانا امدحك ياناكر الجميل
قام فيصل وهو مسوي نفسه معصب
كان سند بين المستغرب والمتفاجئ من الأنقلاب الي صار عند فيصل قام وراه وهو يناديه
-فيصل وقف..التفت فيصل وقال بتوتر
-سند بسرعه ناد نايف بسرعه
-يوهه لا
بعصبيه
-سند ان ماناديته والله لا امصدك بالعقال روح ناده
بتملل
-يوه طيب
راح سند وهو يتأفف لبيتهم وهو متذكر ان نايف لحق ابوه دخل البيت لكن مالقى احد في الصاله وصار يدور في البيت لين سمع صوت من غرفة ابوه كان الباب مفتوح شوي قرب بخطوات بطيئه وطالع من الفتحه الصغيره وهنا صارت دموعه تهل مع نايف كان نايف وقاسم جالسين في الغرفه وقاسم مطلع اوراق وصور وقاسم يقول
-يانايف شوف كم مستشفى رحت شوف كم المواعيد والأوراق هذي والله اني حاولت لكن ما باليد حيله
كانت نايف دموعه تسبق كلامه
-يبه والله ماعليك قصور وانا اسف حقك علي
قرب منه وباس راسه
جلس نايف وصار يقلب بالأوراق والصور مسك صوره وابتسم وقال
-يوهه هذا سند صح؟
ببتسامه
-اي هذي الصوره صورتها امك مع سند وهي لسه بخير شوي
-طيب يبه شاف هذي الصوره سند؟
-لا..ماقدر
-وش ماتقدر
-نايف انت عارف سند ماعرف امك الا بأسمها يعني ازيد همه هم خايف عليه
فتح سند الباب وهو يقول
-لا يبه بتزيدني هم اذا خذيت الصوره مني خليني اشوف امي يبه يرحم والديك
انصدم قاسم ونايف قال نايف بعصبيه
-خير ليش انت هنا؟
-عشان انادي...قاطعه قاسم وهو يحضنه ويقول ببتسامه
-اسف اني منعتك من امك
قرب من نايف واخذ الصوره منه واعطاها سند
-اسف اني ماقدر اعطيك الا الي بقى..مابقت الا الصور
اخذ سند الصوره وهو يبتسم...