المغُوار "أحفاد الدُرباس"

البارت الاول ¹

بســم اللـــــه الرحمـــٰــن الرحيــم

المغوار "أحفاد الدرباس"

بــ قلمي انـا : مآريآ

٦/٢١ :-البداية

-فبدأت رواياتي الاولى بالحب عيوني مشغوله
-هل سبق وان عشق احدهم صورا بدموع مشغولة؟

ـــــــــــــــــــــــــــــــــــــــــــــــــــ

♢ هيا نطرق احدَ الابوب لنتعرف معاً ؏ رواية واقعية ونتشارك معهم افراحهم واحزانهم..

-گاعدة ؏ الكرسي واهز برجلي بتوتر وتقريبا كُل الطالبات مثل حالتي واكثر  والمُدرسة جالسة گدامنة وتذيع بالاسماء، صاحت باسم احد الطالبات والطالبة گامت من كرسيها وتقدمت للمدرسة

المدرسة عوجت حلگها وباوعت للكارت مال الطالبة وگالت:-راسبة!!

_ الطالبة اخذت الكارت وباوعت للمدرسة صفح وطلعت ممهتمة! فززني من صفنتي صوت المدسة وهي تصيح اسمي

المدرسة: حَرير مُناف فهد.

حَرير: نعم ست

_گمت من كرسيي وتوجهت للمدرسة برجلين راعشة واطقطق باصبيعي بتوتر صرت مقابيلها باوعت للكارت وگالت

المدرسة : مبروك ناجحة للخامس علمي

_تنفست براحة وقلبي ارتاح ابتسمت للمدرسة واخذت كارتي ورجعت للبيت والكاع ما شايلتني من الفرح.

وصلت الباب البيت سحبت السيم وانفتح الباب ودخلت للبيت شفت امي گاعدة ؏ كرسيهة المتحرك گعدت بالارض جوة رجليهة وراويتهة الكارت

حرير: امي بنتج نجحت ،نجحت وصارت صف خامس

_ابتسمتلي بفرح، دخل بابا وعمو ميثم ويا شلت الكارت وراويتة البابا

حرير: بابا اني ناجحة

مُناف: وشسويلج؟نهايتج ببيت رجلج

_طفت فرحتي ورحت الغرفتي عادي هذي مو اول مرة هيج يجاوبني بس اني الي كل ما استلم الكارت ارجع اراوي اگول عسى ولعل تغيير ..

غيرت ملابسي لبست ملابس بييت  ورحت امشط شعري  الكيرلي اني صاحبة  بشرة  حنطاوية  كملت تمشيط وگعدت ع الجرابية اخذتني الصفنة ورجعت ذاكرتي...

قبل اسبوع تقريباً..

حرير: جنت واكفة بالمطبخ اسوي شوربة لامي دخل بابا وعمو ميثم تقدم بابا عليَّ لزمني من زندي وهزني وگال بتهديد

مُناف : سمعي لج بعد شوي العصر تلبسين وتمشين وياي حسج عينج تتذاكين علي لان بوقتهة امج.تصير بعداد الموتى فهمتي؟

ميثم : عمو الشي الي رح نسوي هوَ لصالحج

_بلعت ريگ وهزيت راسي بخوف عاف ايدي بابا وگال:-شاطرة