سبحان الله وبحمده سبحان الله العظيم ♡
الظهر في البر تحديداً المخيم الذي يقع بوسط نجد ...
اصوات التراحيب والتهاليل تعالت بين الرجال والنساء كلا منهما يرحبون بالضيوف بالتراحيب الذي تليق بضيوفهم
فهد ومازن يقهون الرجال وتوهم يعرفون قيمه فيصل
نواف وبتال يهلون ويرحبون بـ تمايم ولد بتال "سهم "
الجد وعياله يتعللون مع الضيوف وياخذون من اخبارهم ويعطون من اخبارهم
ابو نواف شايل هم فيصل الي ما يرد على اتصالاته
الجده وحريم عيالها يسوون الغداء
البنات يحاولون يتقبلون انتقادات حريم الديره .
الوجد معها الحلا وتمشي وتوزع على الحريم وهي مبتسمه
: متزوجه يامتس؟
الوجد بأبتسامه : ايه يروحي
: ماشاء الله تبارك الله حسن وواخلاق وجمال ودلال من انتي بنته ؟
الوجد : بنت تركي ال سلطان
: ماشاء الله بكر تركي كبرت وصارت حرمتن منا زينها من سعيد الحظ الي خذاتس؟
الوجد : فيصل ولد عمي نواف
: ماشاء الله الله يخليكم لبعض والله ان فيصل رجال ينشد به الظهر ويستاهل وحدتن مثلتس جمال واخلاق الله يوفقتس يامتس
الوجد ابتسمت ونطقت : وياك يابعد روحيي انتي
: وشلون امتس وعلامها مابعد جت؟
الوجد : والله بخير شوي وتجي على العصر
: ان شاء الله
ابتسمت الوجد وكملت توزع وهي مبتسمه الين وصلت عند شيخه وسحبت يد الوجد بقوه وقربتها لها وهمست : وش قالت لتس الحرمه ؟
الوجد سحبت يدها ونطقت بهمس : شدخلك ؟
شيخه : قولي يالوجد ولا ترى بعلم ابوتس عن قله ادبتس معي عاد ابوتس متغير ماعاد هو الي يدلعتس زي قبل
الوجد : ابقى دلوعه بابا لو تطيرين وتعقدين
شيخه : خلصيني وش قالت لتس؟
الوجد اخذت نفس : قالت الوجد احسن من عمتها شيخه متخيله؟
اتسعت عيون شيخه بصدمه : وش تقوليننن ؟
الوجد : مو انتي سألتي؟ خلاص جاوبتك!
تعدتها الوجد واستمرت توزع حلا
شيهانه تقهوي الحريم والبعض منهم ينقدون شعرها والبعض الثاني معجبين فيها وبشخصيتها وترحيبها
العنود تسولف مع بنات خالاتها لم يتم الذكر عنهم ودلال حرمه نواف
جوري جالسه عند ام طلال وهاتك ياعلوم !
الوجد جلست جنب شيهانه ونطقت : مهاوي متى بتجي هي وسهومي؟
شيهانه : ماظن بتجي نفاس وصعب عليها تجي جدي استعجل بالتمايم الصراحه !
الوجد : يوهه يعمري هييي منجد مره استعجل
شيهانه دقت جنب الوجد بخفه ونقطت بممازحه : نبي حفيد من بطنك!
الوجد : شويهين! عيب
شيهانه : ي خي ابي اشوف انتاجك انتي وفيصل كلكم حلوين احس عيالكم بيطلعون صواريخ
الوجد تنهدت : انتي واخوك ياحبكم للاطفال
شيهانه : عن نفسي ماحب قبل فتره كوفنت عيال الديره
الوجد : يمه منك !
دخلت ام شروق وام الوجد مع شروق وسلمو على الحريم وام الوجد سلمت على الوجد
شروق جلست مع البنات وام الوجد وام شروق جلسو مع الحريم يسولفون ويتعللون
بعد مده زمنيه بسيطه دخلت ام بتال : اقلطن على الغداء يالحريم اقلطن
ام بتال والجده قلطو الحريم على الغداء وفضت الخيمه من الحريم مافيه الا البنات
دخلت عهود وعهد الخيمه وشايفات انفسهم ورافعات خشومهم ويخزون الرايح والجاي
الوجد طقت براسها اليوم تتهاوش معهم : دخله على كفار ؟ السلام مهم يام الذوق
عهود التفتت بتكبر ؛ نعم؟
شيهانه : نعامتن ترفستس الا ! احترمي زوجه اخوي!
عهود ضحكت بسخريه : زوجه اخوي؟ فيسل بيسير طليقها
"بيصير =بيسير "
شهقت شروق ونطقت : تتبلين على اختي ي بنت ال **
الوجد تقلد طريقه كلام عهود : لو سار طليقي فيسل مارح ياخذك تطمني حبيبتي
عهود : الايام بيننا وتثبت لك ان فيسل لي !
الوجد بقرف : ي حر كبديييي انطقي الصاد
عهود : فيسل لي يـ..
قطعت كلامها دخول ام جابر : عيب عهود وش هالكلام!
عهود التفتت لـ ام جابر وناظرت فيها من فوق لتحت بتكبر وقرف ونطقت : وانتي مين الي قرط لك عظم؟
جوري بعصبيه : ماهي كلب ينرمي عليها عظم زيك ! امي اشرف منك وكلمتها امر عليك يام الادب والذوق !
الوجد بذات العصبيه لان ان جابر بحسبه امها : عيديها مره ثانيه والله والي رفع سبع وانزل سبع اني لادفنك هنا والله
ام جابر : اوحيني زين ي بنت شيخه ان كان امتس ماربتس تحترمين الي اكبر منتس انا اربيتس فاضيه ماعندي شغله بربيتس !
عهود تأفأفت وطلعت
الوجد : معليك منها عمتي هي كذا مريضه
ام جابر : معليتس وانا امتس اقص لسانها قص ان تطاولت عليكن انا غير عن الي تعرفهم انا منيفه
جوري : حيييي
ام جابر : قمن قمن تغذن
العنود : شوي
ام جابر : يوليدي قومي جايبين خمس صواني وفي صينيه فاضيه اقلطن عليها
شيهانه : يوه وربي اني جيعانهه
شروق : عوايد شويهين دايم جيعانه
ضحكو البنات وقلطن
،
فيصل بالمقلط مفحطها نومه ولاهو مهتم لـ احد وجواله متفجر اتصالات ورسايل ولكن لاحياه لمن تنادي نايم
بعد اتصالات هائله من ابوه صحى من النوم ومنفس ورد : هلا يبه
ابو نواف : ابك انت ماتستحي؟ قم تعال عيب عليك الحين العشاء وللحين ماجيت؟ قم
فيصل تنهد : يبه والله اني اتجنب المشاكل ادري لو رحت وشفت عمي تركي بفلم فيه وتقب بيننا عشان كذا خلني جالس هنا العب السوني
ابو نواف : اسمعني زين يولدي انا قلت فصيل نايم معليه لكن هذا الكلام الظهر يوم ان كل الناس سألت عنك لكن الحين لا تجي وتستانس وعقبها عاد رد للبيت
فيصل تنهد بقله حيله مايقدر يطلع عن شور ابوه
ابو نواف : يلا بسرعه اتحراك
فيصل : ابشر
قفل الخط ابو نواف ومسح على وجهه وهمس بـ: لااله الا الله
وقام وطلع من المقلط وغسل وجهه ولبس ثوبه ودق العمامه واخذ جواله وطلع
سياره فيصل كانت ورا بيت ابو الوجد ورايح متوجهه لسيارته
ماجد كان عند باب بيت ابو الوجد يطق الباب وبقوه !
تقدم فيصل بغضب ومسك رقبه ماجد من ورا ونطق بحده : نعم خير؟
ماجد من سمع حس فيصل دب بقلبه الخوف ونطق بكذب : هذا بيت سالم؟
فيصل عقد حواجبه : سالم شجابه هنا
ماجد : اوه معليش شكلي غلطان
فيصل : لاحبيبي مافي شي اسمه غلطان انا شايف وجهك بس مدري وين !
"فيصل مايعرف وجهه المجرم ماجد "
ماجد : يمكن مشبه
فيصل : اجل من انت؟
ماجد : من بعيد جاي
فيصل : قهوتك والمه
ماجد : لاتكفى والله مستعجل
فيصل مسك ماجد : ابك اقلط اقلط دامك جاي من بعدين والله ان تقلط
ماجد توهق ؛ يخوي والله مستعجل
فيصل دخل مجلس الرجال : ابك انت ضيف عند ولد محمد والله ان تقلط وتعلمني من انت ولده
ماجد جلس وفيصل جلس يضبط لماجد القهوه جاهل ان ماجد نفسه المجرم الي يدورون عليه
ماجد بينه وبين نفسه : والله مالومك ي الوجد رجلتس راعي مواجيب وقوي وشنب
فيصل خلص القهوه وصب ل ماجد : سم
ماجد اخذ الفنجان : شكرا
فيصل كشر بنقد ونطق ماجد : شفيك؟
فيصل : الرد الصحيح سم الله عدوك
ماجد : معليش تعرف الوضع سترس
فيصل : سترس ويش؟
ماجد : يعني توتر وكذا
فيصل : ايه تقهو تقهو
ماجد يشرب القهوه وهو يتلفت الين نطق فيصل : من انت ولده ؟
ماجد يعرف فيصل زين لو عرف اسم ابوه بيتم القبض على ماجد ونطق بكذب : انا مقطوع الشجره
فيصل حس انه احرج ماجد ونطق : والنعم
ماجد ابتسم لانه رخمه مايعرف ردود الرياجيل
فيصل بفضول: شسمك؟
ماجد بينه وبين نفسه : ياليل ذا الدلخ عليه اسأله !
فيصل : الوو
ماجد : اسمي فايز
فيصل : عاشت الاسامي
ماجد قام : عاد انا استاذنك
فيصل : درب السلامه
وطلع ماحد من المجلس وفيصل قلبه ناغزه مارتاح ل فايز يحس وراه بلا وغير كذا ان ملامحه قد شافها بس مايدري وين شافها ! تعوذ من ابليس وطفى لمبات المجلس واتجهه لسيارته
،
العشاء ... " انتهت تمايم سهم بن بتال"
فيصل وقف سيارته وهو منفس ونفسيته بالحضيض مايبغى يجي ولا وده يقابل وجهه جده وعمه ابو الوجد لان يعرف نفسه مايمسك اعصابه ويتهاوش معهم
اخذ نفس وشال شماغه ورماه بالمرتبه الثانيه ونزل وسكر السياره ودخل الخيمه ونطق بصوت جهوري : السلام عليكم
الكل رد : وعليكم السلام
تقدم فيصل يسلم على نواف وبتال من زمان عنهم
خلص سلام وجلس عند مازن وهمس : الوجد وشلونها؟
مازن التفت له ورفع حاجبه وخزه ونطق بممازحه : الناس تقول وشلونك شخبارك ماتسأل عن الوليفه
فيصل : شلونك شخبارك خلاص ارتحت كذا؟
مازن : احس قلتها بدون نفس
فيصل : انجز
مازن رفع كتوفه : قل بطيبه نفس واعطيك اخبار الوجد
فيصل ابتسم : ها مزونيي كيفك وشخبارك وشعلومك وش جديدك ؟
مازن ابتسم : والله بخـ...
قاطعه فيصل : ادري انك بخير غيره؟
مازن : بسم الله الرحمن الرحيم ماخليتني اطمنك عن نفسي
فيصل : مازن! بسرعه يرحم والديك
مازن : ماعليها خلاف الحمدلله جنيه سمعت انها تهاوشت مع عهود
فيصل : عشتي يالوجد عشتي
مازن : اي ماخربها الا تعزيزك
فيصل : خلها تدري لو تقتل احد متعمده بطلعها بكفالتي وعلى مسؤليتي هذي الوجد مو اي احد !
مازن : الله بخيلها تقتل ناس فاقعين مرارتي وتطلعها انت
فيصل : انا قلت هالكلام ادري بها تخاف من السلاح
مازن كشر : مالت
فيصل ضحك ونطق بممازحه : ياكرهي لك
مازن : شعور متبادل ، فيصل نطلع من خيمه الرجال بصارحك بشي؟ احس ودي افضفض
فيصل : تم يلا اطلع وبطلع بعدك
مازن هز راسه بالموافقه وطلع وشوي وقام فيصل ولحق مازن
ابتعدو عن الخيمه والضجه وجلسو قبال بعض
فيصل : اسلم اسمعك
مازن : اسمع فصيل انا ماحب افضفض للناس بس انت ارتاح لك مدري ليش
فيصل : ابدا الموضوع بدون مقدمات
مازن تنهد : انا احب شروق .
فيصل ماطلع اي رده فعل لانه متأكد ان مازن يحب شروق واضح تعامله معها وخوفه عليها نطق : كنت شاك انك تحبها والحين قطعت الشك باليقين وتاكدت
مازن : تعرف الي صار بين فارس وابوي وكيف رفضه احس لو رحت خطبت شروق من ابوها بيرفضوني يدرون حركه ابوي فيهم
فيصل : لاتخاف ياخوي هم رجال ومستحيل يوقفون بطريق بنتهم
مازن : مستحيلل !
فيصل : مافي شي مستحيل انت اشتغل على نفسك ولاتهمل دروسك ومحاظراتك وجب المعدل الحلو وصدقني بتفتح شركه بكرا ومحد بيرفضك !
مازن تنهد : طيب واذا ماصار هذا؟
فيصل : ماودي اقولها لكن بقولها اذا هملت نفسك بعمرك هذا بكرا تركض ورا الوظايف ركض ولاتحصل الوظيفه ولا بنت الحلال الي تعيشيها ! اجتهد ترى اخر سنه لك بالجامعه شد حيلك
مازن : ان شاء الله ، الله يطمنك ي فيصل والله اني اكرهك بس احبك مدري شلون
فيصل بممازحه : حتى انا اكرهك
هذي طريقه تعبير عن حبهم ومعزتهم لبعض .
استمرو بالسوالف الخاثره والي تنسيهم برود الجو وظلمته واضاءه القمر الخفيفه
،
البنات الي يلعبون لعبه تدمير العلاقات "جاكارو "
شيهانه شاده حيلها بالصراخ والهواش وجوري تحارش شيهانه وشروق تصور والعنود ميته ضحك على انفعال شيهانه
شيهانه بصراخ : غش وظلم وبهتان واضطهاد!
جوري : اقول بلا صياح ماتتحرك يعني ماتتحرك
شيهانه بأنفعال : لابوكم لابو لعبتكم ذي
شروق : خلاص الحكم الوجد
التفتو البنات على الوجد وضحكو من شافوها متكتفه ونايمه وراسها مايل ..
شروق : الوو؟ الوجد
الوجد كانت غامره بنومها رغم صراخ شيهانه ماصحت
العنود : يعمريي واضح تعبانه
شيهانه : ايي تخيلي مانامت الا ساعه صلت الفجر ونامت وحنا مشينا بعد الاذان يعني اقل من ساعه!
جوري : مانامت بالطريق؟
شيهانه هزت راسها بالنفي : لا
شروق : خلوها تنام
جوري : لابدري العشاء الحين لو نامت تصحى الفجر ماتحصل احد !
العنود : تحصل امي وابوي
شيهانه : تقب بين جدي والوجد باخذها تنام
قامت شيهانه واتجهت للوجد ونزلت لـ مستوى الوجد وهزتها بخفه ؛ جويجه
الوجد تحركت بأنزعاج : فيصل بعد عني
لانت ملامح البنات بأستلطاف لـشوق الوجد لـ فيصل
شيهانه : انا شويهين
الوجد فتحت عيونها المليانه نوم : هاه
شيهانه : قومي معي لـ خيمتنا ونامي احسن من تنامين بين الورعان والحريم يزعجونك
الوجد هزت راسها برضى وقامت مع شيهانه وهي كلها نوم
نزلت تاخد جوالها وشافت اتصالات ماجد ورسايله وتجاهلتها بسبب انها تنود بترقد
طلعت من الخيمه مع شيهانه ونطقت : بردد
شيهانه : مرهه
الوجد التفتت تلقي نظره للمكان وجماله مع ضوء القمر طاحت عينها على رجالين جالسين واحد معطيها ظهره والثاني تشوف وجهه بس ملامحه مو واضحه
: مين هذولا؟
شيهانه : اظن مازن والي معطينا ظهره ماعرفته
الوجد وقفت تشوفهم كويس
التفت فيصل يمينه ماشاف الوجد لانها وراه
عرفت الوجد طرف وجهه فيصل من التفت
شيهانه : هذي مو سياره فيصل ؟
الوجد التفتت لسياره ونطقت : الا ! هو الي جالس مع مازن
شيهانه ؛ لا مستحيلل فيصل اتصلت عليه قبل شوي يقول انه نايم !
الوجد : شوفي هو والله اعرفه ! شوفي نفس شعره
شيهانه دققت فيه ونطقت : الا والله هو امشي له
الوجد : مابغى لو اني اهمه كان يجيني
شيهانه : جوجي تستهبلين؟ كيف يجيك وهم حاطين بينك وبينه حواجز هو مو قادر يتعدى الحواجر !
الوجد : ولو المفروض يحاول انا بنام مابغى اقابله
شيهانه تجاهلت كلام الوجد ومسكت يد الوجد ونطقت بعلو صوتها : فيصللل هديتك معي
الوجد من الصدمه صدت
التفت فيصل على مصدر الصوت وشاف شيهانه وصدود الوجد وابتسم بوسع ثغره : جيبي الهديه ماشوفها زين
شيهانه : هديتك ثقيله وتغلى عليك !
الوجد بهمس : بصفقك شيهانه
فز مازن وقام واتجهه للوجد ونطق : يوهه ي فصيل هديتك عيونها صاروخخ
وقف فيصل ونطق : جيبوها جيبوها ببوس عيونها
الوجد نطقت : بنام
لفت الوجد جسمها بتروح
مازن وشيهانه يطالعون بعض بحماس ومسكو الوجد وحطو يدين الوجد ورا ظهرها ويمشون فيها بأتجاه فيصل وهي تشتت انظارها
صار بنظرها كل شي قابل للتأمل الا فيصل ماكانت تطالع فيه
شيهانه ومازن مجودين الوجد زين ووصلوها قدام فيصل
فيصل حط يدينه على وجهها ونطق : ابوس العيون النايمه
صارت قبله الحب قدام مازن وشيهانه وصرخو بتعزيز لقبله الحب
الوجد : اتركوني تكفون بنام
فيصل : افا افا وجدي زعلانه ؟
الوجد بعتاب : عورت بابا بضربتك امس !
مازن وشيهانه انسحبو من المكان ...
فيصل : البابا حقك امس قلل مني
الوجد : طيب بابا قد ابوك ليش ماتحترمه؟
فيصل :اجلسي اجلسني اشرح لك
جلس فيصل وجلست جنبه الوجد ونطق فيصل : ابوك بياخذك مني كيف تبيني احترمه وهو مااحترم حياتي ؟
الوجد سكتت لان ماتقدر تدافع عن ابوها لانه غلطان ابوها ونزلت راسها تلعب بأصابعها
فيصل زم شفايفه بضيق من هدوئها وحط يده على خصرها يسحبها له ويضمها : ولايهمك انسي الي صار وقولي لي شلونك وشخبارك؟
الوجد : الحمدلله بخير وانت كيفك من دوني؟
فيصل : لاتنشدين عن حالي من بعد ماخذوك من بين احضاني والله ماعادني بخير بدونك خذو قطعه من قلبي جاهلين المحبه والحب والموده
الوجد بحنان مسكت يد فيصل : بسم الله عليك فصفص وبسم الله علينا كمان محد اخذني من حضنك شوفني الحين بحضنك ومعك
فيصل دفن وجهه بشعر الوجد : الله لايحرمني من هالريحه العطره
الوجد : ولايحرمني منك
فيصل : ودي اضمك بين ضلوعي ماسمح لهم ياخذونك
الوجد : انا معك لاتخاف محد بياخذني
فيصل : نقول ان شاء الله
الوجد : طيب احبك
فيصل : طيب اعشقتس واهواتس واهيم فيتس ي وجدي مو بس احبتس !
الوجد عجبتها الكلمه وكررتها : احبتس ، حبيتها احس فيها مشاعر اكثر من احبك
فيصل : وجدي انا غيرت اللهجه كلها عشان تفهميني ومشاعري فاضت وطلعت هاللهجه وهالكلمه
الوجد ابتسمت ورفعت راسها تطالع فيه تبغى تحفظ تفاصيله حاسه انهم بيحرمونها منه والتزمت الصمت
فيصل رفع راسه للسماء يناظر ضوء القمر ونطق بحب وحنان :
يا صغير لا تضيعني بنظرات البراءة
وأنت ماتعرف مدى تأثير نظراتك بحالي
YOU ARE READING
لاتقارنين حبي لك بأي مخلوق انا حتى بغيابك احبك
Randomفيصل بحده وعصبيه نطق: ان ماخذيتك وربيتك ماكون ولد محمد الوجد ببرود وعناد : ان مارفضتك ماكون بنت تركي ! تبدأ القصة لما الجد أجبر الوجد إنها تتحلى بالصبر والهدوء وكأنها لازم تكون ضعيفة شخصية قدام الناس خصوصاً في عزيمة كبيرة جمع فيها أهل الديرة وسط ال...
