المغُوار "أحفاد الدُرباس"

البارت الثاني ²

بســم اللـــــه الرحمـــٰــن الرحيــم

المغوار "أحفاد الدرباس"

بــ قلمي انـا : مآريآ

ــــــــــــــــــــــــــــــــــــــــــــــــــــــــــــــــــــــــــ

حرير

_نايمة وفزيت ؏ صوت اذآن الفجر اللهُ اكبر الله اكبر ، صوت يقشعر البدن وبيَ كمية من المشاعر بقييت متمددة بفراشي استمع للاذان الى ان.كمل گمت من الفراش ورحت توضيت و وگفت اصلي
كملت صلاة

وسجدت سجدة الشكر وبيقيت ساجدة ؏ التربة لفترة لا بأس بيهة الى ان اهتز جسمي بسبب بكائي واني ساجدة

حرير بـ بكاء  :ياا رب آه آآهه آآآههـ...

_الكسرة الي اجتي ابد مو هينة بسبب ابوي ابد مو هينة حسيت بالرخص والذل ماكو هيج اب يسوي وي بنتة ماكو؟!

هذاك اليوم المشؤؤم بعد ماگلت لبابا يعوف امي عافهة  واجة تقدم مني هو واخو ميثم وبقوا يدرسوني الخطة حرف حرف مثل الارهاب واني الرهينة عدهم بياا ذنب ؟!

مر ؏ هاي الحادثة يومين تقىريبا وما بقى الا يوم ويكون مصيري مجهول ما بقى شي واني اديني مربطة ما بيدي  شي، بس افتح حلگي بحرف يهددوني بأمي ! الي اصلا اني عايشة ؏ مودهة

مرَ اليوم بعد ما بابا وهيثم كالعادة يگعدون مقابيلي ويدرسوني حرف حرف شنو الي لازم اسوي وانطوني معلومات ع العائلة الي راح اروحلهة بصفتي زوجة حفيدكم.

وجان يجي اليوم المشؤم اليوم الي كرهت بيَّ شي اسمة اب ،عم، اهل ..

گاعدة اغير لماما بعدما غسلتلهة وسويتلهة تمارين ووكلتهة ،مشطت شعرهة ولبستهة شالها وخليت الها عطر وبستهة بجبينهة

حرير :امي بنتج تعبانة حيــل تعبانة ومكسورة

_نزلوا دموعهة وتحاول تحرك بأيدهة حتى تخليهة ؏ راسي بس ما گدرت نزلوا دموعي ويَ دموعهةوصرنة ثنينا نبجي ونشهگ  ما نعرف شنو مصيرنة؟!

مناف بنتر: يالله كافي بچي گومي لبسي يـالله

حرير :حوبتي ما تتعداكم دنيا واخرة عسى ربي يلوع گلبك مثل ما جاي تلوع گلبي

مناف : ماريد امد ايدي عليج وازورگج لان مو فارغلج بدون كلام كومي بسرعة وبلا مسلتة

ميثم : وديري بالج تحجين غير العلمناجياه بوقتهة بس اتذكري امج يمنة وانت غصبا عنج ترجعينة ونشوف شغلنة وياج