شتقتلك يا قلبي، ما عم تروح من بالي. كل وقت عم فكر فيك و اتخيلك معي. عم حبك اكتر و اكتر و اتعلق فيك اكتر و اكتر حتى لو مش عم نحكي كل يوم مشاعري الك عم يزيدو و حس حالي اسعد انسانة لأنو انت بحياتي و انا كتير محظوظة فيك و بحبك قد الكون و اكتر. انا ما عندي اغلى منك بهل حياة، انت احلى إنسان بكل الكون و انا بلاك حياتي ما الها قيمة. انا من وقت تعرفت عليك و تقربنا حياتي كله تغيرت و صارت احلى و احسن، وجودك غيرني و كان وجك خير عليي. بتذكر كيف خبرتك بأصعب خيار لما كان بدي غير جامعة و بلش من الصفر و اليوم يا عمري رحت ضبط كذا شي فضل ٧ مواد و بتخرج يعني تقريبًا خلال ٦ شهور انا بتخرج و بخلص و انت كنت حدي كل هل وقت و سمعت نقي و سمعت افكاري السلبية و كتير اوقات كنت تروق اعصابي و تهديني و تعطيني امل. بشكرك على كلشي يا روحي انت الك فضل كبير بكلشي ما بس هيدا الموضوع انت سبب تغيري للأحسن و غيرت طريقة صلاتي لما وعيتني انو غلط يلي عم بعملو بطلت صلي قبل بوقت و صرت انطر و اذا اضطر الامر بتأخر شوي احسن ما اسبق وقت. ان شاء الله الله يجازيك بالخير لأنك صححتلي غلط مهم و ان شاء الله تكسب حسنات بكل صلاة انا عم ضبطها و ما تنسى انت سبب تقربي لالله من الاول و خليتني اتحسن بالصلاة شوي شوي. تقبر قلبي ان شاء الله شو بحبك، انت احسن شخص بكل الكون و حبك الي احلى انجاز و احلى شي بالحياة، نيالي فيك. الله يفرجها عليك و يحفظك و ينصرك، و الله يجمعنا سوا بأقرب وقت يا روحي. الله لا يضرني فيك و لا يحرمني منك و ان شاء الله نظل بحياة بعض طول العمر و ما نفترق ابدًا و ياريت يكون الي دور بحياتك حلو متل ما انت الك دور بحياتي حلو.
