المغُوار "أحفاد الدُرباس"

البارت الرابع⁴

بســم اللـــــه الرحمـــٰــن الرحيــم

المغوار "أحفاد الدرباس"

بــ قلمي انـا : مآريآ

لطفاً لا تنسون التصويت ،وتفاعلكم بين الفقرات هواي يشجعني🤎
_____________________

بيارق:

جدنا الدرباس يصير جدج الرابع ،كان رجل والنعم منة اخلاق تَديُن ثقافة صايم مصلي مقتدي بمحمد وآل محمد.

لمن تزوج خلف ٣ اولاد فهد  'جدج' ،فاهد 'ابو سلطان' ، فرقد 'ابوي وابو زوجج فرزدق وبدر '

لكن للاسف هذول الاولاد الثلاثة تلاثتهم كانوا غير مطيعيين وما طلعوا شببهوون ابوهم على الرغم حتى امهم مرت الدرباس كانت مرة اصيلة والنعم منهة

بس هم طلعوا شياطين واحد اسوأ من الثاني ويومية منزلين راس الدرباس ويومية مسويلهم مكسورة اقوة من القبلهة..

الدرباس كان يعلمهم ويفهمهم وحتى كان يجمعهم تلاثتهم من همَ اطفال يقصلهم قصص الانبياء ويعلمهم يقتدون بالائئمة والمعصومين عليهم السلام، لكن لا حياة لمن تنادي

وابد ما كرههم او تعب من تربيتهم او تذمر بالعكس جان  اذا  يغلطون يرجع يعلم ويفهم وينصح ودائما يجمعهم تلاثتهم حتى لو الغلط بدر من واحد فقط حتى البقية ما يوگعون بنفس الغلط

بس هم مع كل هذا ما يغزر بيهم الى ان اجة جدج فهد  لابوو الدرباس  وگلة..

فهد : يابة انه قررت اتزوج

_الدرباس تفأجا لان كان عمر فهد ما يتجاوز لـ ١٨ سنة وهو متهور ومشاغب وصاحب مصايب گال اذا ازوجة خاف اورط بت الناس ويا رفض بهدوء وحاول يقنعة يشيل فكرة الزواج من راسة وكلا يسولف ويا بهدوء ونصائح وحكم ويگلة هذا الافضل الك.

فهد رفض، رفض قاطع وصار يصيح ع ابو ويگلة اريد اتزوج انا كبرت واريد اشوف حياتي وانت عادمهة وما تخليني ومن هاي السوالف ع الرغم الدرباس جان يحجي ويا بهدوء وبنبرة حيل حلوة !

لكن بقى الدرباس مصر ع قرارة ما يزوجة وطلع فهد
زعلان مرت الدرباس لمن شافت ابنها زعل راحت تقنع الدرباس

زوجة الدرباس : يالدرباس زوج الولد هسة شبيهة اذا زوجتة وهو وينة صغير اكو اصغر منة ومخلفين لاتكسر بخاطرة بلكي المرة تعدلة

الدرباس : وشنو ذنب الي راح تتزوجة ،راح تتعب وتتعذب ويا ، بنات الناس مو لعبة وابنج متهور وطايش

زوجة الدرباس : هسة بلكي اذا تزوج الله يهدي

الدرباس : الله يهدي بعد ما يطيح حض لبنية؟ والبنية ذنبهة برگبتنة.