لاتقارنين حبي لك بأي مخلوق انا حتى بغيابك احبك

Part27

سبحان الله وبحمده سبحان الله العظيم ♡

المهمه .. بعد مرور شهر
فيصل يطلق النيران على افراد العصابه : سلم نفسك
: لاتطلق وبنسلم انفسنا
عزيز بهمس : فيصل لاتطلق نجيهم غدر انا والعساكر شتتهم !
فيصل اشر بيده بمعنى "تمام شوفو شغلكم"
فرد من افراد الصابه اطلق على فيصل ولحسن حظ فيصل لابس درع حمايه مايتأثر
هجمو العساكر يلقون القبض على افراد العصابه ونطق فيصل بعصبيه : وينننن ماجدد !
فرد من العصابه : مو بالسعوديه طلع
فيصل كشر بغضب : الله ياخذك !
صراخ واحد من العساكر : زرعو قنبله اخلو المكان
طلعو العساكره ولكن مع الاسف رجعو لنقطه الصفر العصابه هربو ..
: جايتنا اوامر من المركز يقول انسحبو
فيصل بقهر : شلوننن ننسحب بوسط الخطه !
عزيز : شلون يعني نرجع ؟
: نعم صحيح ارجعو بيوتكم برضو وقضيه ماجد حنا بنحلها روحو
عقد حواجبه فيصل بشك يحس ان ورا الموضوع شي جاهل ان اللواء بهاج طالب منهم يطلعون فيصل من المهمه وقضيه ماجد عشان مايكتشف ان الوجد تتعرض لابتزاز من ماجد !
،
غرفه شيهانه ..
الوجد جالسه على طرف السرير وحاطه يدينها على وجهها تبكي وتشاهق
شيهانه تنهدت وجلست جنب الوجد وحطت يدها على ظهر الوجد تطبطب عليها : لاتزيدين ضيقتي ولا تبكين والله قاعده تقطعين قلبيي تكفين ادري انك مشتاقه لفيصل يطبطب عليك ويهديك ويحضنك وانا بوقف معك لين يجي فيصل وينسيك ضيقتك !
الوجد شقهت بدموع : شيهانه ليت همي واحد ليت همي اني مشتاقه لفيصل لا في مليون هم على صدري ومو قادره اتخلص منها ولاقادره ابوح فيها
شيهانه : افتحي لي قلبك وقولي لي شفيك والله يالوجد مايطلع من باب الغرفه حلفت لك وحنا عندنا نظام الي يحلف مستحيللل يخذلك مثل يوم فيصل حلف يمين بالله ياخذك وخذاك
الوجد مسحت دموعها بأكمام البلوفر : عارفه والله اني عارفتكم بس انا تعبانه تعبانه
شيهانه : قولي لي وش متعبك تكفين لاني قاعده اتألم وانا اشوفك تبكين كل يوم
الوجد تنهدت ونزلت دموعها بغزاره : بابا مايبغاني ومايتشرف ان يكون عنده بنت اسمها الوجد
شهقت شيهانه بصدمه وحطت يدها على فمها بصدمه ورعب
الوجد رفعت انظارها تناظر السقف تمنع دموعها تنزل لكن بكل مره تحاول ماتبكي تخذلها دموعها وتسيل
شيهانه : جوجي ياعيونييي حنا اهلك وناسك وانا اختك وابوي ابوك وفيصل ابوك وامك واختك واخوك كمان !
الوجد نزلت راسها بدموع : وينه اهلي وناسي واحشنييي
شيهانه : بيجي مايطول صدقينيي
الوجد بدموع : ان شاء الله
شيهانه : عادي تفتحين قلبك لي وتقولين وش مضايقك؟
الوجد تنهدت وقالت سالفه ماجد وهي تبكي ومنظرها يقطع القلب
شيهانه بكل مره تنصدم من الوجد كيف هي صامده للحين كيف ماانهت حياتها كيف هي متحمله وصابره على كل هالبشاعه
شيهانه ماقدرت تواسي الوجد بالكلام لان مافي كلام يقدر يجبر قلب الوجد غير كلام فيصل لها
ماسوت شي غير انها حضنت الوجد وتمسح عليها وتسمي
الوجد اشد حاجه للحضن وشيهانه حضنتها وماقدرت تصبر ماتنهار وانهارت ونطقت الوجد كلمه من بين انهياراتها : خايفه من فيصل
شيهانه بممازحه : بنت لاتخافين من فصلي ! بيصدقك معليك فيصل واعرفه مستحيلل يمد يده ولايغلط عليك بكلمه
الوجد : يارب
اخذت نفس شيهانه وتحس الرؤيه مغبشه نتيجه لدموع شيهانه الي غبشت الرؤيه
حطت اصابعها على عيونها تمنع دموعها تنزل ماتبغى تزيد الوجد هم
الوجد ابتعدت عن حضن شيهانه وشافت دموع شيهانه ونطقت بضيق : شيهانهه لا تكفينن
شيهانه بدموع : سامحينيي نظامي لبى الخوي الي مايخلى خويه
الوحد بدموع : ولابخليك وببكي معك
شيهانه مسحت دموعها وضحكت على نفسها
الوجد بدموع : شفيك تضحكينن
دخل ابو نواف وشاف البنات يبكون : افا بناتي يبكون وانا مادري
الوجد ميلت راسها بحزن "بناتي" ليش ابو الوجد تغير عليها طول عمرها كانت البنت الي ماتضايق ابوها ولاتزعله وش الي غيره !
تقدم ابو نواف وجلس بين الوجد وشيهانه وضمهم بحنان
الوجد على يمين ابو نواف وشيهانه على يساره
ابو نواف قبل روس بناته بحنان وحب : لاخلا ولاعدم
الوجد بضيق : عموو كذا بتبكينيي
ابو نواف : بنتي وجيد ماتبكي بنتي قويه
شيهانه تنحنحت بممازحه : ترى في ناس تغار يعني طبيعه الانسان يغارر !
ابو نواف ضحك : اوهه خلاص استبدلناك بالوجد
ضحكت الوجد اخيراً وابتسم ابو نواف : شرايكن الحين تلبسون شراشفكن الحمر وتروحون تدجون وسط الديره
شيهانه نطت بفرحه : معنا البطاقه الخضرا ابوي سامح لنا محد له كلمه علينا !
طلعت شيهانه تجيب الشراشف ونطقت الوجد : فيصل عرف؟
ابو نواف : لاتخافين بنحل المشكله قبل يعرف
الوجد : بليز عمو والله خايفه منه
ابو نواف : لاتخافيننن انتي معي وانتي مو غلطانه !
الوجد تنهدت ونزلت راسها والتزمت الصمت
ابو نواف : يلا قومي الحقي شيهانه
الوجد وقفت وقبلت راس العم محمد وهمست : مشكور
ابتسم ابو نواف وطلعت الوجد وهي تهوي على وجهها تمنع دموعها تنزل
شافتها شيهانه وتنهدت : ياليل ام دميعه
الوجد مسحت دموعها : احبكم
شيهانه كشرت ببمازحه: حدتنا الضروف نحبك
الوجد ضحكت وضربت شيهانه بخفه : ي حيوانهه
شيهانه مدت الشرشف : البسي ياحرم فيصل يمكن اخوي مو فيه بس انا فيه البسي يلا
ابتسمت الوجد ولبست الشرشف ومشت مع شيهانه
طلعو من بيت العم محمد متوجهين لباب الخروج ولكن استوقفهم ...
سحب بلوفر الوجد ونطق بحده وغضب : وش مطلعك!؟
شيهانه : عمي تركي اتركها تراها تعبانه !
ابو الوجد بقساوه : الله لايشفيها
الوجد نزلت دموعها وحطت يدينها على يد ابوها وشالتها عن كتفها ونطقت بصراخ : بابا ترى انا الوجدد لاتأذيني ي بابا والله تراك قاعد تأذيني
ابو الوجد : قص يقص هالسان ماني بأبوك !
الوجد بدموع وغصه : لاتضر روحي ي بابا انت مو عدوي
انتفضت شيهانه بضيق من كلمه الوجد المليانه انكسار
ابو الوجد رفع يده بيصقف الوجد لكن شيهانه مسكت يد ابو الوجد ونطقت بعصبيه مكبوته : تمد يدك على بنتك ؟ رح استفرد بأبوك الي غسل راسك كانك رجال !
فهد كان يمشي وشافهم وشاف ابو الوجد يدف شيهانه على الوجد وتقدم بغضب : لا تمد يدك على أختي، أكسر اليد التي ترفع على أختي وزوجه اخي
الوجد صرخت بألم ومسكت بطنها والتفتت شيهانه لها ونطقت بخوف : شفيك جوجي ؟
الوجد بألم : ماعرفف
ابو الوجد : ياشيخ طير انت ونظارتك بس مابقى الا انت تعلمني الصح من الخطا
فهد : سأعلمك التربية الصحيحة! ولا ينبغي لك أن تقول لابنتك كلاماً لا يليق بها، أو تضربها ضرباً شديداً، فإنها امرأة رقيقة، لا تجرب قوتك على انثى
ابو الوجد : علم نفسك ووخر انت واختك خلني اخذها
فهد كتف ابو الوجد ونطق بعصبيه : زوجة أخي أمانة من أخي قبل أن يغادر، أخبرني أن أوصي خيراً بها ،الوجد إنها أختي قبل أن تصبح زوجه اخي فلا تضربها حتى لا اسبب لك أي ضرر!
التفت فهد للوجد المتألمه وتقدم لها ونطق : ما حدث لك؟ لماذا تتألمين؟
الوجد اخفت تعبها ونطقت : مافيني شيي
فهد :لا تنسي نفسك يا أختي وكوني حذره
الوجد هزت راسها برضى وسكتت ومسكتها شيهانه وطلعو من المزرعه قدام عيون ابو الوجد ..
،
وسط الديره
الوجد ماسكه بطنها يعورها وماتعرف ايش سببه وشيهانه يدها على قلبها من الخوف الي فيها وهي تشوف الوجد تتألم
شيهانه : الدوره جتك؟
الوجد بألم : المفروض انها تجي لكن لها شهر ماجت !
شيهانه : تقلصات الدوره امشي للمستشفى ناخذ لك شي ينزلها
الوجد هزت راسها بنفي : مابغى تكفينن المستشفى مابغى يكفي الي فيني
شيهانه : تضرين نفسك كذا بتتألمين الين تنزل
الوجد بضيق : ماتفرق معي قلبي يعورني اكثر من بطني
شيهانه تنهدت : تدرين لو فيصل موجود كان كفخني لاني تركتك تتألمين قومي عشاني عشان مايكفخني رجلتس!
الوجد تنهدت بشوق : وحشنيي له شهر مااتصل
شيهانه : معليه ترتاحين منه شهر
يزن شافهم وكلعاده كان ضايع : اوهه زوجه اخوي فيصل واخته
شيهانه تغطت : يافضحي فضحاهه ابك فارق فارق جايني بوسط الديره تسلم علانا ؟ ابك افلح تكفى
الوجد : يزن يرحم والديك مو الحين تسلم علينا عيبب
يزن عقد حواجبه : اشبكم ياهوو
شيهانه : بيفضحنا هالفضيحهه
الوجد : يزن فيصل مو موجود وش تبغى جاي؟
يزن : عارف ان فيصل مو موجود جاي اسلم عليكم وعلى مازن
شيهانه مسكت راسها بصدمه : وش تسلم عليه الله يخلف عليك حنا بوسط الديره مو بجده يرحم والديك
يزن : طيب عادي واذا حنا بوسط ديرتكم
الوجد : تدري وش بيصير؟
يزن هز راسه بالنفي ونطقت الوجد : بيقتلوننا الثلاثه ماعندهم مشكله
يزن : وي اشبهم دول متوحشين
شيهانه قامت تتلفت يمين وشمال تتأكد محد يشوفهم وهم اساساً وسط الديره كل اهل الديره يشوفون وطاحت عينها بعين الجد سلطان وهو يشتري اكل للحلال !
فزت بخوف : جدي جدي جاء
يزن : وينه بسلم عليه
الوجد : يراسيي هالولد فضيحهه !
الجد بعلو صوته : وش جابك عندهن ي قليل الرابعه ؟؟
الوجد وشيهانه تغطو بشراشفهم وانسحبو من المكان بكل سلاسه وقدرو يهربون
يزن : اهلاً عمو سلطان
الجد كشر : شجابك ؟
يزن : جاي اسلم عليكم
الجد : وعليكم السلام يلا امس
يزن عقد حواجبه : امس؟ اشبه امس؟
الجد : ياحررر كبدييي فارقني وبعدين تعال من بناته الي معك مشوين ؟
يرن التفت لمكان شيهانه بس ماحصلها وبلع ريقه بوهقه ونطق : قبل شوي كانو هنا شوشو
تلفت اعصاب الجد من يدلع بنات مايعرفهم ومسك عقاله وجلد يزن جلد لايحسد عليه واتجمعو اهل الديره يفارعون بينهم
يزن يحك مكان الضربه ونطق بألم : الله حسيبكم ي بنات !
رجل من اهل الديره : اعقبب وش بناته؟
الجد : ابك ذا عاقبنا يكلم بنات الديره
يزن بهمس : والله ماجي الديره الا ومعي فيصل
الرجال : من بناته تكلمت معهن؟
يزن خاف على البنات ونطق بكذب : خواتيي خواتيي
تجمدت ملامح الجد سلطان بصدمه وبلل شفايفه ونطق : ولو لاتكلمهن بوسط الديره
يزن : خواتيي طيب !
رجال : معليش اعذرنا صار سوء فهم
يزن : مسامحكم عشان مالتقي معكم يوم القيامه
كشر يزن بكره لـ اهل الديره وركب سيارته وراح وحلف مايدخل الديره الا مع فيصل
،
مجلس الجده .. بعد صلاه العشاء
ام نواف بفرحه : فيصل بيجي باتسر
ام بتال : ماشاء الله
شيخه بكرهه : جل مايقولون شهرين وعلاها علامه جاء بدري؟
ام نواف : الا المفروض بس يقولون ماحصلو المجرم ويأجلون الموضوع ويرجعون يدرسون وضع المجرم
الجده : اي زين ماسوو خل فصيل يرجع لحرمته ذبحه الشغل
العنود بفضول : وجيد تدري؟
جوري : لا لاتعلمينها خليها مفاجأه
الجده : صدقت جويريه خله هو يجيها على ماقيل مفاجأه
ام بتال : على طاري الوجد يقولون تركي بيرجع حرمته هند
الجده بفرحه : تقولينه صادق ؟
ام بتال : والله ماني بمتأكده بس سمعت وان شاء الله خير
العنود بفرحه : الله وجيد بترجع امها وفيصل !
جوري دقت جنب العنود بخفه وهمست : مافرحت لها
العنود عقدت حواجبها : ليش حرام عليك
جوري بهمس : لو رجعت امها بيتسلطون على الوجد ويدبلون قاعه كبدها ولايخلونهت تعيش مع فيصل بكامل حريتها بيرجعون ويخيرونها ترجع حياتها زي قبل مع امها وابوها او مع فيصل وتأسس حياتها وبعدين اساساً الفتره الاخيره ام الوجد متجاهله الوجد
العنود بهمس : صدقتييي والله الله يعينها يهالوجد ماتتهنى بحياتها
الجده : ان شاء الله ترجـ...
قاطع كلامهم دخول شيهانه ومعها الوجد : سلام عليكم
الكل رد السلام لانه واجب .
جلست الوجد جنب البنات وحطت يدها اسفل بطنها تضغط على بطنها تخفف المه
ام نواف بفضول : وشقومتس ماسكه بطنتس؟
شيخه بشفايه : لايكون حامل؟
الوجد ابتسمت ابتسامه باهته : لاوينن حامل بس تعرفون وجع الدوره
شيخه : اييه زين اشوا
شيهانه رفعت حاجبها : وليش تقولين اشوا ماتبينها تأسس حياتها ؟
شيخه كشرت وصدت ونطقت ام بتال : وجيد يامتس بعطيتس اعشاب تخفف الوجع
الوجد هزت راسها بنفي : مشكوره عمـتي
نزلت راسها الوجد عشان محد يشوف تعابير وجهها المتألمه
دخل : سلام عليكم
الوجد من سمعت صوته مارفعت راسها ولا انظارها ماتبغى تناظر وجهه تحس قلبها صد طابت النفس ..
الجده : وعليكم السلام هلا هلا بوليديي
تغطت ام بتال وردت السلام بهمس
العم تركي : جاي اقولكم بالحرف الواحد والصريح برجع هند حبيتي وزوجتيي
الوجد رفعت راسها بصدمه من كلمته "زوجتي وحبيبتي"؟
طاحت عينها بعيون امها ولاقدرت تقوم تحضن امها تعبت وهي تلاحقهم وتحاول تصلح علاقتهم وزانت لكن بعد وش؟بعد ماخربو علاقتها مع فيصل؟!
سالت الدموع على خدودها بحراره ولارف لها جفن ولا شالت انظارها عن امها ولو كانت نظرات الوجد اسهم لكان اصابت ام الوجد
نطق ابو الوجد : برجع زي حياتي قبل لكن اقدر اتنازل الان عن الوجد واتبرئ منها ولاهي بنتي ولاني اعرفها
شيهانه : احترم نفسك وان كانك بتقول شي لاتقوله قدام الكل!
الوجد جامده اطرافها ولاتتحرك ولاترمش ودموعها تسيل وتناظرهم
ابو الوجد ناظر شيهانه : الا وبقولها بالحرف الواحد الوجد نزلت راسي بين هالرجال
هند كانت ساكته تماماً وتناظر الوجد بصدمه ومو فاهمه وش يقصد ابو الوجد
تنهدت الوجد وقامت ووقفت قدام ابوها تماماً ونطقت : وش تبغى مني؟ ليش تضرني؟ اذا انا ضارتك بشي قول لي! ليش تتعمد تخرب كل علاقاتي ليش؟ تدري بنتك ميلا كم عمرها؟ ماتدريي طول عمرك لاهي عننا ولا تعطينا الحنان الي يكفينا طول عمري اشقى واتعب عشان اطلع بأكمل وجهه
اخذت نفس وصرخت بدموع : وعشان مااشوف نظره الشفقه بعيون الناس ليش تضر روحيي وانا ماضريت روحك ولاني اخترت فيصل وبديته عليك بالعكس يوم تخيروني ذاك اليوم ماخترت فيصل عليك مافضلته بس الحين اقدر اقول اني بختار فيصل وبعيش معه ولالك كلمه علي لاانت ولا هند الي طول عمري اسميها ماما وهي عمرها ماكانت ام لي!
مسحت دموعها ونطقت : وشكراً على ضربك لي وكلامك الجارح لي واذيتك لي شكرا تركي شكرا انك تخليني انام ودمعتي على خدي انت تدري ان الغريب او ولد اخوك فيصل مايرضى انام ودمعتي على خدي ! تدري ان الغريب يعاملني احسن من معاملتك ؟
العنود بدموع : جوجيي تكفين خلاص اطلعيي لاتقولين كلام تندمين عليه بعدين
صرخت الوجد بحرقه : ماراح اندم اذا اخترت فيصلل ماراح اندم اذا هو يحبني ويعزنييي ولايرضى علي بالقليله ! اكرهك يالي المفروض تكون بابا اكرهك اكرهكك وانتي كمان اكرهك يام ميلا اكرهكك طول عمرك تهاوشنييي وتسيئين ليي اكرهكمم عمركم ماكنتو اهلييي ! انسوني وبنساكم
طلعت من بين ابوها وامها وفكت تشابك يدين امها وابوها وتعدتهم وهي تبكيي
الجده من سمعت كلام الوجد نطقت بدموع : الله حسيبك ياتركيي الله لايسامحك وش سويت بالبنت الله لايوفقك دامك واقف بطريقها كلن مسؤول عن رعيته وبتسال عن بناتك بالاخره احسن تعاملك معهن الله لايبارك فيك من ولد انقلع عن وجهي ولا تشوفك عيني دامك تسمع كلام ابوك الشايب العايب الي ماخلى احد وماأذاه انقلع انت وياه خله ينفعك لادمر بناتك بناتك هذولا ياثور بناتك
شيخه : لا يايمه شدعوا تخانقينه ترى زين ماسوى عشان يربي بنته
التفتت الجده وصفقتها كف غير ديكور وجهها ونطقت : بعد وجهه وجهه هالدسيس فارقيني
شيخه حطت يدها على خدها ونطقت بصدمه : تمدين يدتس علي عشان وحده ماتسوى التاليه من الغنم؟!
الجده بعصبيه : تسواتس وتسوى عشره من امثالتس
طردتهم الجده من بيتها وغضبت عليهم
العنود والبنات خايفات على الوجد الي مايدرون وين راحت
،
بعد صلاه الفجر الطمأنينه والامان والشعور الجيد بعد تأديه صلاه الفجر في وقتها
الرجال طالعين من المسجد يسلمون على بعض والابتسامات ماتفارق وجيههم المستبشره بقدوم البطل والعميد فيصل والان بينهم ويؤدي صلاه الفجر رغم تعبه من خطوط السفر الا انه لم يأخر صلاته
فيصل يصافح احدى الرجال : الله يسلمك ياخوي اقلط
مازن دق جنب فيصل بخفه : ورع انت كل من هب ودب قلطته!
فيصل ابتسم للرجال يضيع موضوع مازن : ياهلا وشلونك يابو ياسر
سلمو على بعض وفضى المسجد ونطق مازن ؛ ورع وربي اشتقت لك !
فيصل بممازحه : ماشتقت لك وجدي شلونها ؟
مازن بكذب : تهبل صايره صاروخ من بعدك واضح انك مخربها
فيصل : اقول فارق خل اروح اكحل عيونييي
مازن بوهقه لان الوجد تبكي : شرايك ناكل ببوفيه؟
فيصل : بعدين بعدين
راح فيصل وهو يخطي خطوات السعاده والشوق ومازن ورا فيصل يخطي خطوات الخوف والوهقه يعرف فيصل بيثور بالبيت عشان دمعه الوجد
مازن يدعي ان الوجد راقده ولا هي تبكي
ودخلو المزرعه كعابي بما ان المسجد قريب من المزرعه
دخل فيصل ويحس رجوله توديه لبيت ابوه المتواجده فيه الوجد لكن استوقفته الجده وعيالها يسلمون عليه وهو يسلم عليهم سريع سريع يبغى الوجد
ومازن لازال يدعي ويوحد الدعاء ويستهدف دعاء واحد : وجعلنا من بينهم سدا ومن خلفهم سدا فأغشيناهم فهم لايبصرون
فيصل وقف : اوه
مازن : علامك
فيصل غمز : نسينا الورد
مازن ابتسم بوهقه : زين انا بروح
وراح مازن وفيصل فتح سيارته واخذ باقه الورد الي تعبر عن شوقه وسوى حركه هي تحبها مره
حط الشماغ على كتفه والعقال على شعره ودخل البيت وهو بكامل ابتسامته واندفاعه
مر على مرايه المدخل وغمز لنفسه وتعداه
فتح الباب بهدوء يامل ان الوجد صاحيه دخل وشافها نايمه بالمكان الي هو ينام فيه وحاطه يدها على بطنها وضامه نفسها وتون !
نزل باقه الورد على الطاوله وعقد حواجبه وتقدم يجلس على طرف السرير عند ظهرها
حط يده على خصرها وقتها خاف يفقدها هي ليش تون وليش رموشها وخدودها عليها دموع ليش؟
همس بـ : وجدي
ماردت الوجد الا بالعكس زادات وناتها شال شعرها عن وجهها وهزها يصحيها : قومي كابوس
الوجد فزت بخوف وصرخت : لاتكفى
فيصل خاف من فزتها وحضنها ويمسح على ظهرها : بسم الله عليك تعوذي من ابليس كابوس يابوك كابوس
الوجد من فزتها والحضن ماستوعب شي لكن تعرف الحضن الحنون ومسحه الظهر وكلماته
اخذت نفس وارتخت نفسها بحضنه وسمحت بدموعها تنزل : فيصلل لاتتركني تكفى يأذوني كثيرر من بعدك
فيصل عقد حواجبه : شصاير معك يابعد قلبي انتي
الوجد بدموع : تعبانهه
فيصل رجعها للسرير تنسدح ونطق بحنان : وش متعبك؟
الوجد بدموع تناظر عيونه : تهاوشت معهم امس واخترتك تكفى لاتتركني ولاتخذلني وانا اخترتك وشفتك كل حياتيي تكفى
فيصل مسك يد الوجد الي على بطنها : مابتركك بس شصاير من الي تجراء واذاك؟
الوجد بدموع حطت يد فيصل على قلبها ونطقت : ضر قلبي سبب لي هلع ماخلاني انام مرتاحه كل يوم افز من نومي اخاف يجيني وانا نايمه يمد يده علي ويهينني ويقول لي ماتشرف فيك
فيصل رفع يده لخدها يمسح دموعها : منهو ابن الكلب بروح ادفنه يد انمدت على وجدي اكسرها
الوجد هزت راسها بخوف : لاتكفى لاتضره عزيز وغالي علي وضر قلبي وقلت له اني اكرهه لكن بالحقيقه احبه وابغاه يرجع ليي
فيصل استنتج من كلامها انها تقصد ابوها احتدت ملامحه بعصبيه وبرزت عروقه من تخيل منظرهم وهم يضربون الوجد وهو مايداني عليها بالقليله كيف يتجرؤن يضربونها بغيابه كيف !
تجمعت جنون الارض براس فيصل وباعها وبيفلم فيهم خلاص صبر والصبر له حدود تعب وهو ساكت لهم
سحب يده من بين يدين الوجد وقام بعصبيه ويمشي بخطوات سريعه ومعقد حواجبه ومايسمع غير بكاء الوجد
الوجد تركض وراه وتترجاه يوقف بس لاحياه لمن تنادي فيصل مايسمع ولايشوف شي من العصبيه
صرخ بعصبيه : الوجد اسكتييي لاتصيحين يرحم والديك خليني العن جدفهم ! اسكتيي
الوجد بدموع : فيصل لاتروحح
فيصل تجاهلها وطلع وهو معصب ويمشي بعصبيه وانظاره على مجلس الجد سلطان "مجلس النفاق وشهادات الزور"
دخل المجلس والوجد وراه ولسوء الحظ ان الجميع موجود من نساء ال سلطان ورجال ال سلطان الجميع موجود من الجد سلطان الي ميلا من اكبرهم الي اصغرهم
التفتو على دخول فيصل والوجد وراه
كلهم من شافو الوجد تبكي دار بيالهم ان فيصل متهاوش مع الوجد
فيصل بعصبيه وصراخ : كم مره اعيد واكرر يد انمدت على الوجد اكسرها ! كم مرهه بهايم ماتفهون؟
ابو نواف : ولد
قام ابو الوجد ونطق بسخريه : اقول خذها ولا عاد تردها ماعاد لي الشرف تكـ...
ماكمل كلمته الا وفيصل منفعل ومسك ياقته : اياني واياك تكمل الكلمه ولا والله مامسك نفسيي
الوجد بدموع مسكت كمام ثوب فيصل: فيصل
فيصل ارخى مسكته من ياقه ابو الوجد من سمع صوتها
ابو الوجد دف فيصل ونطق : الا بكملها ماعاد لي الشرف تكون بنتييي
فيصل اعصابه تلفت وماعاد يشوف غير ابو الوجد وحالف يمين بالله لايصفق ابو الوجد وفعلاً نفذ حلفه وتقدم لـ ابو الوجد وتضاربو
الحريم سحبو الوجد من بين فيصل وابو الوجد
الرجال يفترعون بينهم بس ماقدرو فيصل شاد حيله يفرغ كل تعبه بـ عمه ابو الوجد
صرخه من الوجد انهت النقاش : فيصلل لاتخليني اترجاك خلاص لاتزيد جرحيي
فيصل تلقائياً ترك ابو الوجد الي بالارض وقام مسح خشمه الي ينزف دم
الرجال قومو ابو الوجد نطق فيصل بعصبيه وحده :لاتعرضني لان الي جاء على دربي ماارحمه والكلام للجميع
نطق الجد : غسلت عقلك ورعه توها تدخل العشرين؟
فيصل بجديه ونفاذ صبر :اسمعني زين ي سلطان والله والي رفع سبع وانزل سبع ماتمشى على الي اقوله والله لافضحك بين اهلك وناسك
الجد : وش تبيي؟
فيصل بجديه : العصر اليوم بيجي فارس ويخطب وبتوافق عليه ورجلك فوق راسك وبنتك العنود تصير حرم لـ فارس
الجد : يخسى ويعقب مابقى الا نناسب ال حسين
فيصل : اجل سالفه السلاح الي خبري خبرك بنشرها مع الفديو وانا قول وفعل !
الجد تنهد بقله حيله
نطقت شيخه : وانت كذا جاينا طاير بالعجه ماتدري حرمتك وش مسويه؟
فيصل: تسوي الي تبي انتي وش عليك؟
شيخه : لا علي دام حرمتك المصيونه بتلطخ شرف القبيله وجوالها بعد مصادر من الشرطه
عقد حواجبه فيصل والتزم الصمت واكملت كلامها شيخه : حرمتك تطلع مع رجال تالي هاليول !

_______________________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
حسابي انستا انزل فيه الروايه : Ot34828
*اعتذر عن الاخطاء الاملائيه*

للتوضيح فقط***
ماراح يصير زي روايه هي التي علمتني كيف اعشقها الاحداث تختلف وشخصيه بهاج تختلف عن فيصل !