المُغوار "احفاد الدرباس"

البارت السادس⁶

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

لاتنسون التصوييت لطفاً
✨🙈

______________________

حَرير

_نزلت جوة ووية نزلتي سمعت عياط بابا وميثيم يعيطون وية ابو فرزدق ويدفعون بيي دخلو للبيت بعد عرك.وعياط احس الدم ووگف بشرياني وبقييت متصنمة بمكاني من الخوف ورهبة الموقف

بس دخلوا صارت عينهم علي اجالي بابا بكل سرعة جرني من.زندي وضربني براشدي عطت بوجع ولزمت مكان الضربة ووگعت بالگاع نزلوا دموعي بضعف..

تقدم علي وجرني من شعري ورفعني من الگاع ويحجي من.بين اسنانة وبعصبية عيونة احس يطلع منهم نار وشرار..

مُناف : تضحكين علي لجج حرير اذبحجج والله اذبحجج وما يرفلي جفن! اناا اننا منافف الشغل الصارلي اكثر من سنة اخططلة تجيين انت بلمح البصر تخربينة عليي؟؟ بتتت الـ..... انا تدزيلي اوراق مزورة وتضحكيين علي ؟! بسيطة حرير بسيطة ان ما ندمتج بس انه اعلمججج .

_دموعي ينلزون بغزارة وضعف وجسمي كلا يرجف ابوي جاي لبيت عيالي ويضرب بية گدامهم؟! وين اكو هيج شي !

عاف شعري ولزم زندي وسحلني سحل للباب الخارجي واني ما بدر مني شي ولا طلعت مني كلمة غير دموعي..

وابو فرزدق وام فرزدق وام سلطان وميثيم بس واگفيين ويتفرجون وهو يسحل بية حتى اطلع ويا واروح لجحيمة..

راد يوصل للباب وصلنا صوت الدرباس وية صوتىة ،صوت ضربة العصى بالارض بكل قوتة..

الدرباس : عنـــــدك!

_الكل التفت ع مصدر الصوت ومناف عافني وبقى يباوع للدرباس بكل كره وحقد وغل..

مناف : خيــــر؟ بنتي واني حُر بيهة اموتهة اذبحهة اصلخها مالك علاقة!؟

الدرباس : هاي لمن جانت بنتك وهم ما من حقك تعاملها هيج معاملة وان كانت بنتك ، بس هسة هي ؏ ذمة رجال وبسؤليتة هو وانت الي مالك.دخل بيهة

مناف : درباس ترى روحي بخشمي بتي اخذهة واني حرر مالك علاقة والرجال الي ؏ گولتك ع ذمتة عقل ما عندة خل يهتم بنفسة ومسؤليتة ونوب يهتم بمرة

الدرباس : تخسى ، تخسى توصل لاصبع المغوار ، بس الانسان الناقص يشوف الناس كلها ناقصة مثلة ،وهسة تعوف حفيدتي لا وحق داحي الباب اسوي شي ما يعجبك وانت كلش زيين تعرفني شنو اگدر اسوي