المغُوار "أحفاد الدُرباس"

البارت العاشر¹⁰

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريا

ضيفوا حسابي الواتباد ، لا تنسوون التصوييت والتعليق بين الفقرات.
ــــــــــــــــــــــــــــــــــــــــ

بيارق

_اتصل تلفوني واني بالجامعة شفتة الفرزدق گال انه جايي اخذج من الجامعة مو سُلطان، فعلا دقايق واجة صعدت بالسيارة وسلمت علي

وهوَ بقى يسأل عني وعن دراستي و يسولف وياي حييل اشتاقيت لاهتامة وحنيتة علينا، مَر ؏ افنان وكذلك بقى يسأل عنهة وعن زوجها وشغلها وهي تجاوبة بكل حب واحترام افنان وفرزدق نفس العمر ومن الطفولة هم كلا سوية اصدقاء واكثر من اصدقاء واحد يعتبر الثاني اخوة واحنهة بالطريق تذكرت نسيينة حَرير ما جبناها

بيارق : عزاااا فرزدق نسينة حرير

_غمض عيونة وعقج وجهة ناسي هز راسة وراح لطريق مدرستها بعد ما انطيتة اسم المدرسة ،وصلنا الها لگيناها فارغة والحارس توة سد الباب نزل فرزدق للحارس ،بقى يسأل بي ويستفسر بس وجهة حيل تغيير واجة صعد بالسيارة ورگع الباب حييل انخلست

افنان : شكو فرزدق ، حرير وين؟

الفرزدق بعصبية : مادري سألت الحارس گال بقت اخر وحدة انتضرت شوية وراحت مشي وين راحت مادري؟!

افنان : صخامم ترا لبنية ثولة وكلشي ما تدري بس لا نخطفت؟؟

بيارق : عزا يمة حرير والله خطية فلا ترتاح

_الفرزدق بقى يمسح براسة وشعر ومتوتر حيلل وما حجة كلمة حتى السيارة ما حرگها

افنان : اهدئوا وان شاء الله خير ، خل نرجع للبيت بلكي راجعة

_هز راسة الفرزدق وحرك السيارة والطريق حيل متوترين وخايفيين لا رايح صاير بيها شي، وصلنا للييت دخل الفرزدق واحنهة ورائ سالنا اذا اجتي گالوا ما شفناها والكل مستغرب بس ما سألوا بسبب عصبية الفرزدق خافوا

راح الفرزدق لغرفة جدي الدرباس واني رحت ورائ بس الفرزدق ما شافنة لان صرت بضهرة

الفرزدق : جدي حَرير مختفية؟!

_الدرياس جان يقرأ كتاب نزع النضارات وسد الكتاب باوع الفرزدق وگالة

الدرباس : لا تخاف ، جنت متوقع هذا الشي منهة وطبيعي جداً

الفرزدق : ما فهمت؟

الدرباس : اكيد راحت تشوف امهة

الفرزدق : وان كان ؟ ترى خطوة غلط منهة شلون تطلع بدون محد.يدري وماتاخذ اذن؟!! شنو انه طرطور هنا ؟ زين لا تگلي خل تگلك ؟!! وجدي انت ليش عندك عادي ؟!