المغُوار "أحفاد الدُرباس"

البارت الثالث عشر¹³

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

____________________

بدر

_ وصلت للمستشفى انطيتهم الاسم ودلوني وين مكانهم رحت اركض وگلبي يدگ وادعي بداخلي وصلت من بعييد شفت الدكتور توة طلع من غرفة العمليات رحت اركض سريعع واني اتقرب سمعت الدكتور گال.

الدكتور : لـلاسف فقدنة المريضة

سُلطان : لا اله الا الله

_انصدمت گلبي انعصر وانقرهت شنو ذنبها المرة ما شافت من حياتها شي انشلت بسببة وهسة حرگها وين وصلت بيي!؟

باوعت للفرزدق لگيتة صافن وعاصر ادينة حيل بعصبية رحت طبطبت ع كتفة

الفرزدق : شگول لحرير ؟وهي امس جانت تسولفلي عن اشتياقها لامها!؟

سُلطان : قدر الله وما شاء فعل ، ربي يصبرها

بدر : راح تگل لحرير امج ماتت؟

الفرزدق : لاا لا تموت والله تموت

سُلطان : بس حقهة تعرف فرزدق!

الفرزدق : مادري مادري احس دايخ، هي حرير صايرة من اقل كلمة تتحسس هذاك اليوم بس عطت بيهة شوفت عينكم شصار

وهسة حرير عدها فقر دم و نفسيتهة حيل تعبانة واقل كلمة تتحسس وتبقى تبجي وهم عدها امتحانات خل تخلص والله كريم

بدر : الله كريم ، بس مُناف وين؟!

الفرزدق: شرد هوَ واخو العار

_بعدة ما كمل كلامة واتصل تلفونة رد ؏ المتصل وانگلب وجهة ١٨٠ درجة

سُلطان: شكو فرزدق؟!

بدر : يا ستار شكو؟

الفرزدق : مُناف كاتل ميثم!

سُلطان : كاتلة موت اموتة موت!؟؟؟

الفرزدق : اي موت !

بدر : هذا تخبل شمدريك انت و وين هو هسة ؟!!

الفرزدق : انه مخلي جماعة يراقبون تحركاتهم ولمن حرگ ام حرير شارد هو وميثم بس گدروا الجماعة يعرفون مكانهم وهم بقوا يراقبونهم وهسة اتصلوا علي گالوا لگينة ميثم جثة لا يحرك ايد ولا رجل مدمة تدمي ومناف مختفي !