المغُوار "أحفاد الدُرباس"

البارت الرابع عشر¹⁴

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

____________________

بيارق

_گاعديين بالاستقبال اني وبدر وسُلطان نسولف ونضحك وناكل

بدر :ها سوسو  شعر  صدرك انصبغ! صار احمر؟

سُلطان : يعني لو بي صبغ احط حنة لراسي شبيك اثول هاي حنة ما بيهة صبغ

بدر : انهه اگول ليش شعري مانصبغ

بيارق : استيعابك صاير بطيء

بدر  : بالي مشغول

سلطان : منو سارق عقلك

بيارق : اعترف بدور

بدر : وصمخخ شبيكم ادبسززية

_بعدنة نضحك ونتاشقة ونزل الفرزدق وجهة مگلوب واحسهة خايف ومتوتر ولازم بايدة حرير العلامات السؤال بوجهة

اخذها ودخلوا لغرفة الدرباس ، سُلطان وبدر من شافوهم وجهم انگلب واكتأبوا  بقوا واحد يصفن بوجهة الثاني ووجهم بي حزن

گمت تقربت يم غرفة الدرباس جانت مفتوحة بس اسوي نفسي مو وياهم مشغولة بغيير شي حتى لحد ينتبه جاي اتجسس

وجان اسمع الدرباس يحجي كلام عن الدنيا والاخرة وقضاء رب العالميين وانو كلنا بالنهاية جوة التراب الى ان گال جملة خلتني اشهگ شهگة صدمة بصوت

الدرباس : جدي حرير ،والدتج انطتج عمرها ربي يصبرج وبالنهاية كلنا ؏ هذا الطريق

_عيوني دمعن شراح يصير بحرير يا ترى وهيَ دائما تكول اني عايشة بس لامي ودائما تعبرلنة عن اشتياقها لامها وتسولف عن امها وشگد هيَ تحبها

مسحت دموعي وما تحملت دخلت لغرفة الدرباس باوعت لحرير لگيتها صافنة ؏ الدرباس بـ ملامح جامدة والدرباس بعدة يحجي ويصبر بيهة وهوَ مدنگ راسة بحزن

الفرزدق واگف وعينة ؏ حرير وحيل مقهور وخايف ومتوتر، حرير بس صافنة ؏ الدرباس بدون اي ردت فعل هيج بس باقية صافنة ومفهية وجهة

رفع راسة الدرباس باوعلها وعقد حواجبة بأستغراب وخوف گاللها

الدرباس  : جدو حَرير تسمعيني؟!

_ما ردت علي وبقت ؏ صفنتها ، الفرزدق تغير وجهة ١٨٠ درجة دنگ عليها وضرب خدهة ضربات خفيفة

الفرزدق : حَرير حرير بابا ردي علي؟!!

_الدرباس بقى يقرأ ايات ؏ راسها واني من الخوف والتوتر بقييت بمكاني الفرزدق يصيح باسمها ما ترد باقية جامدة

الفرزدق : حَريــر!؟

_رمشت عينها بثقل وفقدت الوعي صارت بحضن الفرزدق وشفايفها صارن بيض ووجهة اصفر الدرباس مستمر يقرأ ايات عليها