المغُوار "أحفاد الدُرباس"

البارت التاسع عشر ¹⁹

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : مآريآ

___________________

حَــرير

_اجانة صوت بدر صوت ما ينوصف يرجف ومتوتر ويغص بالكلمة غص انرعبنة كلنة من صوتة

الفرزدق : شكـــو بدر شكو؟!!

بدر : فـ.. فر فرزدق روز روز مختفية مخـ مخطوفة  ماكو ماكو بالجـ امعة

الفرزدق : اهدأ بدر اهدأ اسحب نفس اسحب ولا تخاف جاينك للجامعة بس دير بالك ع نفسك بدر شد.حيلك جايك

بدر : فرزدق عـ..

الفرزدق : جايك بدر والله جايك بس انتبه ؏ نفسك لا يروح يصيرلك شي

_سد الاتصال وبعدة ما ناطق بكلمة اتصل تلفونة عقد حواجبة ورد وملامح وجهة انگلبت مية وثمانين درجة سد التلفون وخلا ؏ الطاولة مسح وجهة والكل من الصدمة ما يگدر يحجي

سُلطان : فرزدق شكو شصاير ؟!!

الفرزدق : بكر العار طلع من السجن

الدرباس : لا اله الا الله

ام فرزدق : هذا هو خاطف البت هسة يموتهة

الدرباس : شدو حيلكم وروحوا لاخوكم لا تجون الا وروز وياكم يلا اوگفوا ويا بمصيبتة يلا وما انساكم بالدعاء

_سُلطان وفرزدق اخذوا سويج السيارة وغراضهم وطلعوا يركضون والتلفون ما وگع منهم ، صارت عيني بعين بيارق الصافنة ويعونهة مدمعة

الي تفكر بي افكر بي اني تذكرنة كلام روز البارحة وهي تسولف ؏ الي يگدر يسوي بكر..

گام الدرباس حاني الضهر راح الغرفتة ما بأيدة شي غير يطلب من رب العاملين  يحفظ احفادة  ويرجعهم سالمين.

لمينة السفرة واني ما اشوف بسبب لدموع لمجتمعة بعيني ؏ روز شگد.مسكمنة هاي لبينة ما ارتاحت بحياتهة ، رحنة نغسل لمواعين واصلا ما تغدينة بس ام فرزدق لازمة العضم وتاكل بي ممهتمة!

واني وبيارق رحنة نغسل لـ مواعين ونسولف ؏ روز وبدر مقهوريين ونندعي ترجع بالسلامة وبيارق كل شوي وتبجي تتذكر كلام روز وتبجينيي وياها..

••••

بــدر

_ توتر  ارق تعب انتظار خوف اي اخاف افقد اخاف افقدها وانه بالويل كدرت احصلها ..