المغُوار "أحفاد الدُرباس"

البارت الرابع والعشرون²⁴

بســم اللـــــه الرحمـــٰــن الرحيــم

المغوار "أحفاد الدرباس"

بقلمي انـا : ماريا

صوتوا للبارت وعلقوا بين الفقرات شگد ما تگدرون
ضيفوا حسابي الواتباد.♥

ـــــــــــــــــــــــــــــــــــــــــــــ

بيـــارق

_رن المنبه ينبهنة ؏ وقت السحور اليوم ثامن يوم من شهر رمضان المبارك، غسلت وجهي ونزلت جوة لكيت روز توة نازلة وام سُلطان تحظر بالسحور واني وروز وياها

نزلوا گلهم والتموا ؏ المائدة وترئسها الدرباس ، خلينا السحور وگعدنا ناكل بدون صوت، كملنا ورحنه غسلنا لمواعين وجدي الدرباس يقرا قرآن وكل شخص سوة شغلة شي يقرأ قرآن والي يقرأ ادعية والي يباوع تلفزيون واللي ياكل واني اغسل مواعين ..

كملت مواعين ورحت جبت قرآني ورحت لغرفة الدرباس احب اقرأ قرآن يمة حتى يستمعلي وينبهني ؏ اخطائي بالتلاوة وهو مثل كل مرة ينبهني ويعيد قرآءة الكلمة واني اقراها وراى، كملت نص جزء وباجر النص الثاني، وبقينة نسوي اعمال اني وجدو الي ان صاح امساك شربنة ماي وصلينا الفجر وردت اگوم صاحني .

بيـارق : نعم جدو؟

الدرباس : جدي وجهج تعبان؟! بي حبوب وهالات سوداء وبشرتج حيل تعبانة

بيـارق : هاي لحبوب صار الها فترة والله ما اعرف شنو دمرني كلش

الدرباس : باجـر العصر خلي واحد من الولد ياخذج لطبيب جلدية ، خلي سُلطان لان الفرزدق ملتهي ويَ حرير بالمستشفى الله يشافيها..

بـيارق : ان شاء الله جدي

_هزلي راسة وطلعت ، حرير باخر موقف غميت لا من ايد ولا رجل ركض بيها  الفرزدق للمستشفى وگالوا دخلت بغيبوبة ما معلوم مُدتها..

وخطية الفرزدق مهتم بيها وكلا يمها بالمستتشفى حتى توة للسحور ما اجة يتسحر هناك بالمستشفى
وبالتواسيل اذا رحنة نشوفها نبقى يمها ونتوسل بي يروح للبيت يرتاحلة شوية وبالكوة يقبل..

أفنان من يوم واحد رمضان راحت لبيت عيالها اجة عليها زوجها حيدرة وبعد ما اجتي لان ما سافر زوجها ، وهي وحيدرة راحوا للمستشفى يشوفون حرير ويهونون ؏ الفرزدق..

امي بعد الي صار گامت تبقى بالغرفة مالتهة ومتطلع بأي عين تراوينة وجهة ، صارت بس ع الاكل تطلع وقليل طلعاتهة، والسحورة مالتهة كلهن فكيناهن..

صعدت فوگ لغرفتي ، البيت هدوء لفيت راسي ونمت ، ثاني يوم الصبح ويَ نزلتي شفت الفرزدق صعد الغرفتة شكلة يكسر الخاطر ضعفان وسمران وهالات تحت عيونة..