တစ်ကိုယ်​ကောင်းဆန်​သော ဗီဇ《 ဘာသာပြန် 》一念之私 The Selfish Gene

Chapter 24 [ Unicode ]

အပိုင်း(၂၄)
"ကိုယ်ချွတ်လဲ ... မချွတ်ချင်လို့။
မင်းတစ်ခုခု​ကြောင့် ကိုယ့်ကို​ခေါ်ခဲ့ရင် မကြားနိုင်မှာဆိုးလို့​လေ "

✿ SURPRISEEE UPDATE OUT OF SCHEDULE ✿

ရွှီးမိသားစုသည် ချမ်းသာသော နောက်ခံရှိကာ သမီးနှစ်​ယောက်စလုံးသည်ပင် ငယ်စဉ်ကတည်း က အကောင်းဆုံးပညာရေးကို ရရှိခဲ့ကြသည်။

ရွှီးဝမ်ယွီသည် ကောလိပ်နှစ်များအတွင်း စန်းကျန့်ပိုင်နှင့်တွေ့ဆုံခဲ့ကြပြီး နှစ်ဦးစလုံးသည်စီးပွား​ရေးအတူလုပ်ရင်းနှင့် များမကြာမီတွင် ပေါင်းစည်းခဲ့ကြသည်။

နောက်ပိုင်း လက်ထပ်ပြီးချိန်မှာတော့ အရာအားလုံး အဆင်ပြေချောမွေ့သွားခဲ့ပြီး ရွှီးမိသားစုရဲ့ အကြီးအကဲနှစ်ဦးက စန်းကျန့်ပိုင်၏ အရည်အချင်းကို အရမ်းသဘောကျကြပြီး စီးပွားရေးလမ်းကြောင်းမှာလည်း သူ့ကို ကူညီပေးခဲ့ကြ၏။

ရွှီးဝမ်ယွီသည် တစ်ခြားအမျိုးသမီးများနည်းတူ ​ယောကျာ်းများ၏နောက်ကွယ်တွင်သာ ရှိတတ်​သော အမျိုးသမီးတစ်​ယောက်မဟုတ်​ပဲ စန်းကျန့်ပိုင်၏​ဘေး၌ နှစ်ကိုယ်တူယှဥ်တွဲ တိုက်ခိုက်ရတာကို ကြိုက်နှစ်သက်သူတစ်ဦးဖြစ်၏။

အခက်အခဲများကိုကျော်လွှားနိုင်သည့် စန်းကျန့်ပိုင်၏အသက်မွေးဝမ်းကျောင်းအောင်မြင်မှုသည် ရွှီးမိသားစုနှင့်ရွှီးဝမ်ယွီတို့မှခွဲထွက်၍မရ​ပေ။

သို့သော် သူမ အသက်ကြီးလာသည်နှင့်အမျှ ကလေးမွေးဖွားမှုသည် ရွှီးဝမ်ယွီနောက်ဆုံးတွင် ရင်ဆိုင်ရမည့် စိန်ခေါ်မှုတစ်ခု ဖြစ်လာပြီးရွှီးမိသားစုဒုတိယအကြီးအကဲဖြစ်သူ၏ ကျန်းမာရေးနှင့်အသက်အရွယ်ကြောင့် ဖြစ်လာသော စိုးရိမ်ပူပန်မှုများသည် နောက်ဆုံးတွင် သူမအသက်သုံးဆယ့်ငါးနှစ်အရွယ်တွင်မှ ကိုယ်ဝန်ယူရန် ဆုံးဖြတ်ခဲ့ရသည်။

ကံမကောင်းစွာပဲ၊ ကံကြမ္မာက လူတွေကို လှည့်ဖြားရာမှာ တကယ်ကောင်းပြီး ပထမသုံးဆယ့်ငါးနှစ်ရဲ့ ​ကောင်းမွန်လှ​သော ကံကြမ္မာဟာ တစ်ညတည်းနှင့် ရုတ်ချည်းပျက်သုန်းသွားခဲ့သည်။အသက်ကြီးမှ က​လေးမွေးရတာကြောင့် ဒါမှမဟုတ် ကံဆိုးမှုသက်သက်ကြောင့်လား​တော့ မ​ပြောနိုင်​ပေမယ့် ရွှီးဝမ်ယွီတစ်​ယောက် ​​နောက်ဆုံး​တော့ ​မွေးခန်းက​တောင် ထွက်မလာနိုင်ခဲ့​ပေ။